25/06/2025
مفيش حاجه اسمها حرقي ضعيف 😃
علشان دي اكتر جمله بسمعها من كل الناس🫣
مبدئيا انت عرفت منين ان حرقك ضعيف ؟؟
طيب تعالي اقولك ع اللي بيحصل
👈🏻 انت يا بتاكلي أكتر من اللي جسمك محتاجه
👈🏻 او اقل من اللي جسمك محتاجه و ده بيجيب نتيجه عكسيه مع الجسم
👈🏻 او مفيش حركة (بتاكلي وتنامي او تقعدي )
👈🏻 او بتعملي دايت قاسي أوي فـ جسمك بيقفل على نفسه ويقلل الحرق
جسمك ذكي وبيحاول يحافظ على نفسه
طيب انت دورتي ف الاسباب دي وعرفتي انك بقى مين فيهم
بتتحركي؟ بتنامي كويس؟ بتشربي مية؟ ولا طول اليوم قاعده وبتقولي ليه مش بخس؟
طيب الأهم من ده كله نسبه الكتله العضليه عندك اد ايه هل هي كويسه و لا قليله لان هي اللي متحكمه في الحرق و ده طبعا نتيجه عن نظام اكلك و جوده وجباتك 🤌🏻
إوعي تقنعي نفسك إنك ضحية “ضعف الحرق”
الحقيقة؟ العادات هي اللي محتاجة تتظبط مش جسمك 💪
ابدئي بخطوة صغيرة للتغيير و بلاش نقول كلمه الحرق واقف او ضعيف
