DR Alaa Nasr-Nutritionist

28/07/2025

🥛تناول اللبن بشكل يومي بالاخص "الرياضيين، الأطفال، الحوامل و المرضعات" يعزز الصحة العامة لان اللبن بيوفر للجسم 👇🏻:
♻️ الكالسيوم: يعزز صحة العظام و الأسنان.

♻️ الفسفور: يساهم في تكوين العظام والأسنان.

♻️ اللاكتوز (سكر اللبن): مصدر طبيعي للطاقة.

♻️ الماغنيسيوم: يدعم وظائف الأعصاب و العضلات.

♻️ البروتين: يساعد في بناء العضلات و إصلاح الأنسجة.

♻️ البوتاسيوم:
ينظم ضغط الدم - مهم لصحة القلب و الاعصاب و العضلات.

♻️ الڤيتامينات:
ڤيتامين D يقوي العظام.
ڤيتامين B12 يدعم الأعصاب و خلايا الدم.
ڤيتامين A يعزز المناعة، مكافح للشيخوخة و التصبغات.

♻️ الدهون الصحية (الغير مشبعة):
بناء الخلايا - مصدر للطاقة - الوقاية من الاكتئاب - الحفاظ علي الاعضاء الداخلية - تساعد في امتصاص الكالسيوم و بعض الفيتامينات.

26/07/2025

🫁 دي صورة من منظار اتعمل لراجل دخل المستشفي و هو مش قادر يبلع ، مش قادر يتنفس كويس ، و كل شوية يكح و بيحاول يطلع حاجة من زوره..
اتضح انه بلع كمية كبيرة من بذور الشيا علي الناشف ، و بعدها شرب ماية ، البذور امتصت الماية و انتفخت بسرعة رهيبة جوا المريء لدرجة إنها عملت إنسداد كامل كأنك بتحط اسفنج ناشف في ماسورة و بعدين تضيف عليه ماية

🫁 بذور الشيا صحية جداً غنية بالالياف و الاوميجا 3 و بتساعد علي الاحساس بالشبع بس لو استخدمناها صح

❌ ماتاخدوش بذور الشيا نية و تشربوا وراها ماية
✅ انقعوها الأول في ماية او لبن لمدة 15-20 دقيقة علي الأقل ساعتها البذور هتكون امتصت السائل و انتفخت برة جسمك مش جواه

25/07/2025

🔴 كارثة المجاعة لن تنتهي بدخول الطعام للأسف!
بل قد تبدأ كارثة اسوأ و اخطر
و هي "متلازمة إعادة التغذية Refeeding Syndrome"
هذه الحالة تحدث عندما يبدأ الجسم بعد فترة مجاعة طويلة في تلقي الطعام فجأة خاصة السكريات و النشويات (الطحين‼️)

خلال فترات الجوع تستخدم اجسامنا الدهون و البروتينات كمصادر للطاقة و يقل مستوى الانسولين🔥
لكن عند عودة الطعام (خاصتاً النشويات) يرتفع الأنسولين بسرعة و تدخل الأملاح المهمة إلى الخلايا بشكل مفاجئ فتقل مستوياتها في الدم جداً

⚕️أهم الأملاح التي تنخفض و تأثيراتها:
- الفسفور ← اضطرابات القلب و النفس
- البوتاسيوم ← توقف القلب
- المغنيسيوم ← فقدان القدرة على الحركة
- ڤيتامين ب1 (الثيامين) ← تشنجات و تلف المخ و الجهاز العصبي

🔴 معظم الحالات تظهر خلال 3 إلى 5 أيام من بدء التغذية و خصوصاً في الأطفال و كبار السن والمرضى الذين فقدوا أكثر من 10% من وزنهم (و هذا ينطبق علي كل أهلنا المُجوَّعين للأسف!).

✅ ما هو التصرف الصحيح (في الظروف المثالية!):
1️⃣ إعادة التغذية ببطء شديد: جرعات صغيرة و محسوبة من السعرات (نبدأ أحيانًا بـ 10 كيلو كالوري فقط لكل كيلوجرام من وزن الجسم)
2️⃣ اعطاء ڤيتامين ب1 قبل الطعام
3️⃣ تعويض الفسفور و البوتاسيوم و المغنيسيوم قبل و اثناء التغذية
4️⃣ في الحقيقة هذه حالة تحتاج الحجز داخل المستشفى لمراقبة المريض و متابعة مستوى الأملاح يومياً حتى يتعافى.. لكن هذا مستحيل طبعاً في الظروف الحالية و لا أظن انه يوجد ڤيتامينات و معادن و ادوية مع المساعدات التي نرجوا أن تدخل قريباً.

🔴 الموضوع معقد ولا يوجد حل آمن و صحيح.. لكن يمكننا على الأقل أن ننتبه لأربعة أمور للتعامل مع هذه المتلازمة التي قد تكون أخطر من المجاعة نفسها:

1️⃣ ابدأ الأكل ببطء شديد - في حال تواجد الطعام - قم بتقسيمه إلى كميات صغيرة و قم بزيادته على مدار أيام:
اليوم الأول: ربع رغيف كل 4–6 ساعات
اليوم الثاني: نصف رغيف مقسوم على 4 وجبات
اليوم الثالث: رغيف كامل مقسوم على اليوم
ثم زد تدريجيًا في الكمية خلال أسبوعين

2️⃣ إذا وجدت ڤيتامينات او ادوية، فهذه الأربعة أهم من الطعام نفسه:
الفوسفور - فيتامين ب1 (الثيامين) - المغنيسيوم - البوتاسيوم

3️⃣ بعض المصادر الطبيعية (التي قد تجدها في المساعدات الانسانية التي تصل أو حتى حولك في البيئة):
🔹 الفسفور موجود في القواقع البحرية و بلح البحر وحتى الطحالب البحرية و رؤوس الأسماك و العظام المغلية
🔹 المغنيسيوم موجود في الطحالب و بذور القمح (النخالة) و القواقع البحرية و حتى ماء البحر (ولكن بكميات صغيرة جدًا ومخففة إن استُخدم للطهو)
🔹 البوتاسيوم موجود في ماء سلق البطاطس و قشر البطاطس و ماء سلق العدس او الفول و قشر الموز حتى لو كان جاف و حتى ماء نقع الطحالب
🔹 ڤيتامين ب1 (الثيامين) موجود في قشر الحبوب الكاملة (القمح/الشعير) و خميرة الخبز و البقوليات المنقوعة (العدس و الفول) و الكبد الحيواني و حتى الحشرات مثل الجراد (الضرورات تبيح المحظورات)

4️⃣ اعرف أعراض وعلامات متلازمة اعادة التغذية و في حال ظهور أي منها توقف فوراً عن الأكل وحاول تعويض الاملاح وارجع للوجبات الصغيرة المقسمة:
❗انتفاخ القدمين
❗ضعف شديد في العضلات
❗تشنجات أو إغماء أو اضطراب في الوعي
❗اضطراب أو سرعة في ضربات القلب

(نظراً لصعوبة الوضع وعدم وجود سابقة علمية في التاريخ يقاس عليها, فقد تم عرض المعلومات المكتوبة هنا على أكثر من متخصص في التغذية والطب الحرج لمراجعتها قبل نشر البوست)

نقلاً عن صفحة #الدكتور

28/02/2025

لو طفلك هيصوم رمضان وعنده دراسة و تمارين يبقي لازم تعتمدي مشروب الطاقة ده كل يوم بعد السحور 🌙💜

27/02/2025

🚨 هناخد المكملات امتي في رمضان 🌙

هنثبت ٣ اوقات للمكملات:

1️⃣ بعد الفطار
“اوميجا 3 , ڤيتامين D , مالتي ڤيتامين”
الدهون في وجبة الفطار بتساعد في امتصاص "اوميجا 3 و ڤيتامين D" و مش هتأثر علي امتصاص المالتي ڤيتامين

2️⃣ بعد الفطار بساعتين (علي معدة شبه فاضية)
"زنك , حديد , بيوتين"
و معاهم اي حاجة فيها "ڤيتامين C" زي الفراولة او الفلفل الالوان او ممكن نصف كوب عصير برتقال

3️⃣ بعد السحور علي طول
“كالسيوم , ماغنسيوم”

16/02/2025

🌟 الدايت هيغير حياتك مش بس وزنك 🌟
الدايت مش بس بيظبط الوزن لكن الحقيقة انه ليه تأثير كبير جدا علي حياتنا و صحتنا العامة.

الدايت 🍏:
✔️ يحسن جودة النوم.
✔️ يزود الطاقة و النشاط.
✔️ يحسن البشرة و الشعر.
✔️ يزود التركيز و الإنتاجية لانه يحسن وظائف المخ.
✔️ يقوي الجهاز المناعي و يقلل فرص الإصابة بالأمراض.
✔️ يحسن المزاج و يقلل التوتر و الاكتئاب و بالتالي يحسن العلاقات الاجتماعية.

ابدأ خد خطوة لحياة مليانة طاقة و حيوية 💪🌿
و كلمنا عشان نكون معاك خطوة بخطوة و نفصلك نظام صحي متوازن علي مقاسك و مناسب لحالتك الصحية كمان هنساعدك👇🏻:
▫ تفهم طبيعة جسمك و تاريخك المرضي 🧠
▫ تحب نفسك و جسمك 💌
▫ تنسي فكرة ان الدايت حرمان 🔆
▫ تحسن علاقتك بالاكل 🍃

د/ آلاء نصر ابو عمر
🔸اخصائي التغذية العلاجية و الصحة العامة
🔸 عضو الجمعية المصرية الدولية للتغذية و السمنة

📍العنوان:
27 شارع جواد حسني بجوار كوبري الابراهيمية -أعلي صيدلية قنفود سموحة - الدور الاول
📲التيلفون:
03/4288000
01121779707
01011669550

26/01/2025

ليه مهم مريض الكلي يتابع نسبة البوتاسيوم في الدم 🌿

البوتاسيوم ليه دور مهم جدا في صحة القلب و الاعصاب و العضلات.
و لو كنت بتعاني من مرض الكلي المزمن فان كليتيك مش بتعرف تتخلص من البوتاسيوم الزيادة اللي اخدته في الاكل فبيتراكم في الدم و بيأثر بشكل سلبي علي القلب و العضلات .. و دا بيوضح ليه لازم نحافظ علي توازنه في نظامنا الغذائي بل و عمل فحص دم دوري.

و لتفادي اي مضاعفات فكمية البوتاسيوم الموصى بها لمريض الكلى حوالي 2000 ملليجرام يومياً.

🥗 البوتاسيوم موجود بشكل رئيسي في :
🔸 الفواكه
نسبته بتكون عالية جدا في الموز، الجوافة، البرتقال، الفواكه المجففة زي المشمش، القراصيا، الزبيب و التين المجفف لذلك الافضل نتجنبهم في حالة مرضي الكلي
نستبدلهم بفاكهة نسبة البوتاسيوم فيها اقل زي التفاح، الكمثري، الكرز، التوت، الاناناس و الفراولة

🔸 الخضروات
البوتاسيوم موجود بنسبة عالية في البطاطس، البطاطا، الطماطم و ذوات الاوراق الداكنة زي الجرجير، الفجل، الشبت، البقدونس و السلق
نستبدلها بالاوراق الفاتحة زي الخس، الكابوتشي و الكرومب

و عشان نقلل نسبة البوتاسيوم في البطاطس و لانها طبق اساسي في سفرتنا نجيب اي كمية من البطاطس و ننقعها ساعة او ساعتين في ٤ اضعاف كميتها ماء و نصفيها و نرجع نحط نفس الكمية من الماء و نسلقها نص سلقة ع النار بعدها تبقي جاهزة نستخدمها بالطريقة اللي نحبها 🤍

27/07/2024

في الجو دا و مع الدايت بنبقي محتاجين سلطة سهلة خفيفة ترطب علي قلبنا و معدتنا 🥗

خيار اي كمية
علبة زبادي اي نوع تحبوه
عصير ليمون
معلقة صغيرة زيت زيتون
فلفل اسود و ملح

ممكن كمان نضيفلها جزر و معاه معلقة صغيرة عسل نحل بدل زيت الزيتون

السلطة القمر دي غنية بالالياف ف…👇🏻
✔️بتعزز من صحة و عمل الجهاز الهضمي.
✔️بتقلل من فرص عسر الهضم والامساك.
✔️بتقلل نسبة الكوليسترول الضار LDL.
✔️بتنظم مستويات السكر في الدم.
✔️ بتزود الاحساس بالشبع.

ولو عندك اي سؤال او استفسار ما تترددش انك تكلمنا وهنرد عليك في اسرع وقت
🩵صحتك هي أولويتنا 🩵
📱للاستفسار و الحجز 📞 01206963631 / 01064655150 / 01277294434

18/07/2024

مع الجميلة دكتور Dr. Nilly Shams 🤍 في اليوم الاول من فعاليات المؤتمر السنوي الحادي عشر للجمعية المصرية للتدريب الصحي و التغذية ENHCA

🍏

05/07/2024

💓

يتشرف

ب أستقبال د/ آلاء نصر ( أخصائي التغذية العلاجية - ماجستير التغذية العلاجية "جامعة القاهرة") في مركز بداية ( فرع المندره )

📆 الأحد - الثلاثاء - الخميس

✅ هتفهم طبيعة جسمك و تاريخك المرضي كخطوة أساسية قبل أي نظام غذائي 🧠
✅ نظام صحي متوازن مناسب و غير مكلف مادياً ومناسب لحالتك 🍎🥒
✅ هتقدر تعالج السمنة أو النحافة 🔆
✅ دعم نفسي عشان تقدر تكمل للآخر 💪🏻

📲 فرع المندرة 📞 01206963631 / 01064655150
📍فرع المندره: 10 شارع النبوي المهندس - بجوار مستوصف الفاروق الطبي .

15/06/2024

كل عام و الامة الاسلامية بخير و صحة 🕋
عيد اضحي يعني "لحمة" معروفة 🤷🏻‍♀️
كلنا متفقين ان اللحمة مصدر مهم للبروتين protein بس مانعرفش انها كمان مصدر مهم للعناصر دي👇🏻:
الكرياتين creatinine
النحاس copper
الماغنيسيوم magnesium
الحديد iron
الڤيتامينات B1 B12
الجلوتامين Glutamine و دا حمض اميني مهم جدا في الاستشفاء العضلي خاصتاً للرياضيين كمان بيقلل الالتهابات و الاكسدة في الجسم و مهم جدا جدا لصحة الجهاز الهضمي

اللحمة غذاء صحي و مفيدة جدا جدا و مش مفروض نحس بالذنب و احنا بناكلها اطلاقاً ☺️ الا لو هناكل معاها فتة ساعتها ممكن نحس بالذنب عادي 😂

ولو عندك اي سؤال او استفسار ما تترددش انك تكلمنا وهنرد عليك في اسرع وقت
🩵صحتك هي أولويتنا 🩵
📱للاستفسار والتواصل 01277294434

07/05/2024

تعرف ان في ٣ اكلات مش واخدين حقهم خالص في حياتنا لان ماحدش بيبصلها علي انها اكلات صحية اصلا رغم انهم كنوز ✅ .. التالتة هتدهشك !!

◽الكبدة :
الكبدة هي احسن مصدر للمعادن.. مستغرب طبعاً !!
خاصتاً اننا لو سألت اي حد عن احسن مصدر للمعادن هيقولك "الخضار"
بس عايزة اقولك ان مفيش اي خضار ينفع يتحط في مقارنة مع الكبدة لان فيها كل المعادن حرفياً كمان الbioavailability بتاعتهم عالية جدا و دا معناه ان قدرة جسمك علي امتصاصهم عالية جدا

◽السردين :
افضل مصادر البروتين و الكالسيوم و ڤيتامين د

◽الزبدة :
ايوة زي ما قريت كدا .. الزبدة افضل مصادر الدهون لانها مش بتتأكسد زي الدهون النباتية كمان غنية بمضادات الاكسدة و الاوميجا ٣

و لو عندك اي سؤال او استفسار ما تترددش انك تكلمنا وهنرد عليك في اسرع وقت
🩵صحتك هي أولويتنا 🩵
📱للاستفسار والتواصل 01277294434