Dr.Yasmine Elsokaily عيادة د. ياسمين السقيلي لطب الأطفال وحديثي الولاده, رشدى (2026)

18/04/2025

مؤتمر المخ والاعصاب للاطفال Alexanderia pediatric neurology conference

22/03/2025

🎯الطفل من عمر سنتين ل ٥ سنين :ـ
⭕بيحصل معاه حاجتين بيخلوكي تشكي انه عنده مشكله و تلجأي لدكتور 👩‍⚕️

1- شهيته للأكل بتنخفض جدا و اكله بيقل و زياده وزنه بتبقى محدوده( بيزيد ٢ كيلو فقط في السنه) ده طبيعي لان احتياجات جسمه بتكون اقل و بيحصل حاجه اسمها تباطئ في النمو...

2-بيكون علي طول عنده اسهال وده مش نزله معويه ولا مشكله في جهازه الهضمي دي حاجه عادية بتكون بسبب طبيعه الاكل بتاعهم في المرحله دي اللي بيكون اغلبه سكريات و عصاير فبيسبب. اسهال اسمها toddler diarrhea لوالاسهال ده كتير لدرجة الجفاف أو وزنه بيقل ده وقتها نكشف علي الطفل 🧑‍⚕️🧑‍⚕️

15/03/2025

⭕عند استخدام الأدوية المضادة للتشنجات في الأطفال، هناك بعض الإرشادات الهامة التي يجب اتباعها. هذه الإرشادات تشمل:
💊اختيار الدواء المناسب: يعتمد اختيار الدواء على نوع التشنجات وسببها. يجب أن يتم تحديد الدواء الملائم وفقًا توصيات الأطباء تخصص مخ وأعصاب أطفال

💉جرعة الدواء: يجب اتباع الجرعة المحددة من قبل الطبيب المعالج وعدم زيادتها أو تقليلها بدون استشارته. يجب أن تكون الجرعة مناسبة لعمر الطفل ووزنه.

⏰جدولة الجرعات: يجب اتباع جدولة منتظمة لتناول الدواء وعدم تفويت أي جرعة. قد يكون من النفع استخدام منبهات تذكيرية أو تطبيقات هاتفية للمساعدة في تذكيرك بتوقيت تناول الدواء⌚️.

🩺المتابعة الطبية: يجب أن يتم متابعة استخدام الأدوية المضادة للتشنجات بانتظام من قبل الطبيب المختص. يمكن للطبيب المعالج إجراء تعديلات على الجرعات أو تغيير الدواء إذا لزم الأمر.

📍آثار جانبية: يجب مراقبة أي آثار جانبية محتملة للأدوية وإبلاغ الطبيب المعالج عنها فورًا. قد تشمل هذه الآثار جانبية مثل النعاس، الدوار، الغثيان، أو أي أعراض غير طبيعية أخرى.

🧪التفاعلات الدوائية: يجب على الوالدين أن يبلغوا الطبيب عن أي أدوية أخرى يتناولها الطفل، بما في ذلك الأدوية العشبية أو المكملات الغذائية، حيث يمكن أن تحدث تفاعلات مع الأدوية المضادة للتشنجات.

📝الالتزام بالتعليمات: يجب على الوالدين قراءة وفهم التعليمات المرفقة مع الدواء واتباعها بدقة. إذا كان هناك أي استفسارات أو شكوك، يجب استشارة الطبيب المعالج للحصول على توضيحات إضافية.

🗓️مدة العلاج: تختلف حسب قرار الطبيب المعالج ولا يتم إيقاف العلاج تماما إلا بعد الرجوع له

📩من الضروري أن يتم استشارة الطبيب المختص في طب الأطفال (تخصص مخ وأعصاب) للحصول على معلومات محددة وتوجيهات دقيقة بشأن الأدوية المضادة للتشنجات للأطفال، حيث يمكنه تقييم الحالة بشكل فردي وتوفير الرعاية الصحية الأمثل للطفل.
د. ياسمين - السقيلي 🧑‍⚕️🧑‍⚕️

09/03/2025

كل الفيتامينات اللى الطفل هيحتاجها فى اول سنه من عمره : 👶
1️⃣ فيتامين دال الغير نشط
🔸️من عمر يوم لحد ٣ سنين فى انواع كتير والجرعة حسب نوع فيتامين د...
2️⃣ الحديد
🔸️الطفل اللى بيرضع طبيعى او طبيعى مع صناعى فقط
🔸️بعد تمام الاربع شهور
🔸️الطفل اللى بيرضع صناعى فقط لا يحتاجه ❌️
3️⃣ فيتامين أ
🔸️عند عمر ٦ شهور ٢ كبسوله تفرغ فى فم الطفل
ثم ٤ كبسوله كل ٦ شهور

03/03/2025

❓ ينفع يا دكتورة طفلى👼 ياكل تمر و لا ممنوع 🤔
🎯التمر مش ممنوع، بالعكس ، التمر مفيد جدا لطفلك اللى عدى ٦ شهور ، لإنه بيساعد على زيادة وزنة و بيحمية من الإصابة بالإمساك .
💥دا غير إنه بيقوى مناعتة و بيحمية من الإصابة بأنيميا نقص الحديد 🩸

🚫التمر كمان مصدر غني بالألياف / مجموعة فيتامينات ب / فيتامين k / كالسيوم / حديد / ماغنيسيوم / بوتاسيوم / زنك / منجنيز.
🎯التمر بيقاوم الإلتهاب و العدوي البكتيرية و غني بمضادات الأكسدة

💥مناسب للأطفال من سن 6 شهور ، 👼و نقدر عادى نقدمة مهروس 🍽️..
🎯عن طريق غليه علي النار وهرسه في الخلاط .
#
د.ياسمين_السقيلي👩‍⚕️
اخصائي طب الاطفال وحديثي الولادة.

28/02/2025

رمضان كريم كل عام وانتم بخير ♥️♥️

29/01/2025

⭕التطور اللغوي للاطفال (speech milestones) 👶👶🧠

🎯3شهور : اصوات غير مفهومه والطفل يبدا يلاغي...

⭕6شهور : كلام غير مفهوم زى دا دا أو با..با..با

🎯 12 شهر : بدايه الكلمات ممكن بابا او ماما وفاهم المعني او اى كلمتين

⭕ سنه ونصف: اقل حاجه ٥ كلمات وفيه اطفال بتقول لحد خمسين كلمة..

🎯عند سنتين: يقول جمله مكونه من كلمتين على الاقل ...

⭕3 سنين: يبدأ يسأل اسئله قصيره زى انه يشبط يشترى لعبه او ياكل حاجه معينه

🎯4سنوات : جمله طويله مكونه من ٥ كلمات

⭕5 سنوات: المفروض يتكلم طبيعى اقرب للغه البالغين و يقدر يفرق بين الحروف و بعضها و يبداحوار مع حد....
د.ياسمين ـ السقيلي 🧑‍⚕️
اخصائي طب الاطفال وحديثي الولادة..
اخصائي الإضطرابات العصبية للاطفال..

21/01/2025

#ولادنا خط احمر🚨🚨
انافعلا هتكلم عن موضوع انتشر جدا وبيجي عليه أسئلة كتير جدا ؟؟
🚨وهوالتنمر في المدارس بين الأطفال وانتشار جروبات اوشلة المجرمين ان مجموعة من الاطفال متقمصين دور البلطجية والغريب ان فيه بنات متقمصة دور البلطجية واخد الحق بالدراع وان كل مااشتم الفاظ بذيئة اناكدة قوي وكوول وزمايلي هيخافوا مني للاسف الشديد ده بيروح نتيجته اطفال كتيرضحايا للتنمر ان ممكن طفل اوطفلة ينهي حياته لمجرد زمايله تنمروا عليه اوطفل يصاب بمرض نفسي ويتربي عنده عقدة نفسية ويعيش عمره كله باحساس عدم الثقة وعقد نفسية وكتير بنشوف ناس كبيرة مترسب لديها عقد من الطفولة لاتشفي...
🚨للاسف التنمر عمره ماهينتهي ولاالناس كبير اوصغير هيوقف تنمر سواء تنمر علي شكل أو لبس او مستوي ...لكن هنا يجي الأسرة سواء ام اواب ودور المدرسة ايضا كان زمن اسمها وزارة التربية والتعليم لان التربية قبل التعليم مش ان اسيب طفل ينتهك نفسيا في مدرسة دور الأسرة مهم جدا اننا نربي طفل عنده صلابة نفسية اني لمااحس انه ضعيف نفسيا اومش بيستحمل موقف اقف جنبه وابقي سند ليه مش احط عليه وابدا الومه واديه امثلة لناس عاشت واستحملت مش انه يتعامل مع الموقف واحسسه اني جنبه لكن اربي طفل ماشي جنب الحيط واحسسه انه كدة صح ده بربيه علي الهشاشة النفسية المفروض اخليه ياخد موقف واشتكي للاكبرسواء في مدرسةاو في النادي اواخليه يرد بانك لوسمحت ماتقوليش كدة مش اللي بيستحمل الاهانة ويمرض نفسيا هوكدة الصح.. والعكس اني اطلع طفل اقوله خد حقك بايديك واربي مجرم للاسف اني اربي طفل سوي نفسيا دي من اصعب الاشياء لكن المفروض اني ابقي معاه في كل خطوة ودور المدرسة مهم في توعية الاطفال وليس الاهتمام فقط بالجزء الأكاديمي والاسرة كل اهتمامها بالتعويض المادي اني كل ماادي فلوس هيطلع احسن لكن مش ده اللي هيخليه هيطلع طفل ينفع نفسه ولاالمجتمع وده الفرق بين التربية والرعاية,,
⭕ الرعاية هي انكم بتوفره احتياجاته اكل وشرب ولبس
⭕لكن التربية هي انكم تخرجون انسان سليم نفسيا وناجح يفيد نفسه والمجتمع...
واخيرا كلكم راع وكلكم مسؤول عن رعيته...
د.ياسمين ـ السقيلي 🧑‍⚕️
اخصائي طب الاطفال والاضطرابات العصبية للاطفال..

04/01/2025

🚨امتى نقلق على طفل حديث ولادة؟!!
🎯لوالطفل المولود ظهرعليه الاعراض دى لازم كشف فورا🏃

⛔ عدم القدرة علي الرضاعه 👩‍🍼👩‍🍼
⭕ مفيش زياده فى الوزن.
⛔الصفرا بتزيد فى اليوم الأول من العمر..
🎯ارتفاع درجة الحرارة🤒
⭕الترجيع المستمر اللى بيأثر علي الوزن..
🚨- الإمساك المزمن
🎯النوم المستمر بدون فوقان اول شهر😴😴
⭕الكحه الشديده اللى بتأثر علي الرضاعة...
⭕الشرقان المستمر أثناء الرضاعة...
⛔ ارتخاء الجسم دائما أو تصلبه أو تشنجات اوحركات لاارادية.
د.ياسمين - السقيلي 🧑‍⚕️
اخصائي طب الاطفال وحديثي الولادة..

27/12/2024

⭕خلي_بالك اوي اليومين دول الالتهاب الرئوي منتشر جدا في الاطفال👼👼

⛔دورك في منع الالتهاب الرئوي عن طفلك كبير جدا ...

⭕اولا: اعزلي الطفل اللي عنده برد 🤧🤧

⛔ثانيا وده مهم جدا لازم تعرفي ان الميكروب ما بيدخلش علي الرئه علي طول بيدخل عن طريق الأنف👃 وبعدين يهاجم الشعب الهوائيه وبعدين يقتحم الرئه 🫁

🔥في المرحلة دي دورك مهم جدا :ـ
انك تنضفي انف الطفل👃 اول بأول...
بمحلول الملح وكمان تشيلي المخاط ..
وكمان تعزلي الطفل عن اللي عداه عشان مش بكحه او نفس أو عطسه في وش الطفل كل اللي نضفتيه يرجع ذي الاول

🎯السوايل الدافيه والرضاعه الطبيعه 👩‍🍼و فيتامين سي يقوي مناعه الاغشيه المخاطيه في الأنف والحلق عشان تقاوم الميكروبات ...
🎯اول ما الطفل يكح لازم تكشفي لانه ده علامة بداية تأثر الشعب الهوائيه
وللاسف المده اللي ممكن يوصل فيها الدور لالتهاب رئوي في الاطفال اقل من ٦ شهور ممكن تكون يوم أو اتنين فلازم تلحقي بسرعة 🏃🏃‍♀️
⛔الاستشارة مش بعد اسبوع الاستشارة ممكن تكون تاني يوم ...
لو الكحه تتداخل مع نوم الطفل👼👼
أو الشهيه والرضاعه قلت
أو حاسة ان الطفل بينهج...

🎯دورك مهم اوي :
👈إياكى تسكتى وتسيبي ابنك من غير كشف لو لقيتيه بينهج او صدره بيزيق، او الكحة شديدة و مستمرة مبتفصلش، او بتصحيه من النوم بالليل و معاها ترجيع بلغم و حرارة عالية..🥵
أو طفل رضيع وبيشرق ورافض الرضاعة او بيرجع الرضاعه..

👈أطفال حساسية الأنف اهتموا بالعلاج الوقائي بالانف، ومتهمليش الجرعات.. 👃
👈اطفال حساسية الصدر موسعات الشعب، وجلسات البخار متتنسيش، انتي فاهمة كويس لما صدر ابنك يقفل محدش هينفعك بعد ربنا الا الجلسات دي !🫁ومش هيتعود عليها هي مش ادمان..
🎯في اطفال فائقة التحسس، كل اسبوعين رشح وزكام وكحة وحرارة والتهاب انفية متكرره... دى علاجها روشتتين، واحدة علاجية وواحدة وقائية طول الشتا..📋📋
#د.ياسمين ـ السقيلي 🧑‍⚕️🧑‍⚕️
اخصائي طب الاطفال وحديثي

12/12/2024

🤷‍♀️استخدام جلسات البخار مافيهوش اي ضرر ولا الطفل هايتعود عليه ولو كتبته لابنك ده مش بالضروره ابدا معناه انه عنده حساسيه وهايكمل عليها لحد ما يكبر ..
⭕جلسات البخار أسرع وانجح واكثر اساليب العلاج فعاليه وامان كمان مش بس لاطفال الحساسيه لاننا بنعالج بيها امراض كتير جدا للجهاز التنفسي وبالذات في الموسم اللي احنا فيه ده فمن فضلكم مافيش أي داعي تخافوا منها ..
#د.ياسمين -السقيلي 👩‍⚕️
اخصائي طب الاطفال وحديثي الولادة 👼👼

08/12/2024

⛔علامات الصفراء.. هل تشكل خطرًا على طفلك؟

⭕الصفراء دايمًا بتكون مصدر قلق للأمهات، لكن امتى يكون فعلاً في داعي للقلق؟ 👶💛

⁉️لو لاحظتي الأعراض دي على طفلك:
🔸 اصفرار مستمر في العينين، اليدين، أو القدمين.
🔸 خمول، إرهاق، أو صعوبة في إيقاظه.
🔸 عدم زيادة الوزن أو مشاكل في الرضاعة.
🔸 بكاء بصوت عالي وغير طبيعي.
🚨لو ظهر أي من الأعراض دي، الكشف الطبي ضروري للاطمئنان على صحة طفلك.👼👼
د.ياسمين -السقيلي👩‍⚕️
‏‎- أخصائي طب الأطفال و حديثي الولادة..
‏‎
‏

Dr.Yasmine Elsokaily عيادة د. ياسمين السقيلي لطب الأطفال وحديثي الولاده