16/04/2026
خبر انه اسلام لقى اهله خبر سعيد ومفرح جدا حقيقي بس آلي لمسني اوي انه امه لسه عايشة .. كنت كل ما بشوفه لسه بيدور على اهله وسنه بيكبر اقول في بالي دا ممكن تكون امه مش موجودة خلاص حتى لو لقى اهله ..
بس اسلام دا كنت بحس انه عنده اصل لما قال انه بيحب عزيزة رغم كل شيء لأنها آلي ربته وكانت حنينة عليه رغم كل شيء عملته فيه بس هو كان قادر يشوف حبها حتى لو كان حب مرضي ومؤذي خلاها تفضل طول الوقت تقول انه ابنها ..
عزيزة آلي رغم كل وحشاتها اتأثرت وفرحت عشان منى عراقي قالت للأم آلي رافضة تستلم ابنها انه عزيزة ربت آلي مش ضناها وانتي رميتي ضناكي واعتبرت الجملة دي إقرار لأمومتها آلي طول الوقت بتحاول تثبتها وتعيشها من خلال اسلام حتى لو بطريقة مؤذية ..
اتمنى يلاقي هدوء وسلام في حياته الجديدة الجاية .. 💚
