Psy Yasmeen Rabea

20/07/2025

💭 عايزة تخسي ؟
بس المرة دى من غير حرمان؟
آه.. لما تعتمدي على عقلك مش على معدتك !

كل مرة بنبدأ دايت بحماس…
وبعد كام يوم: تعب، ملل، وجوع، وضغط وضعف…
وبنرجع لنقطة الصفر.

لكن المرة دي مختلفة 👇
هنشتغل على "دماغنا" مش على الأكل.

🎯 برنامج "رجيم بالعقل – في 6 أسابيع"
مبني على كتاب Beck Diet Solution
اللي غير تفكير آلاف السيدات حوالين العالم عن الدايت!

إيه اللي هنشتغل عليه؟

✔ إزاي ألتزم حتى لو عندي عزومة
✔ أفرّق بين الجوع الحقيقي والجوع العاطفي
✔ أرد على الأفكار اللي بتخرب الدايت
✔ أبني علاقة محترمة مع الأكل… ومع نفسي

🔔 أما لو لسه مترددة؟ اسمعي دي:

✅ البرنامج ده مش عن أكلك… ده عن "عقلك"
✅ لو التزمتي معانا 6 أسابيع، هتخرجي بـ:

طريقة جديدة تفكري بيها في الدايت

أدوات نفسية هتخلي الخبطة مش نهاية

تحكم في الجوع والرغبة والإغراء

وشعور حقيقي إنك "أخيييرًا مسيطرة" 💪

🎁 وكمان فيه:

نماذج مكتوبة تساعدك يوم بيوم

🟡 عرض خاص لأول مجموعة:

لو لسه بتقرّي الكلام ده…
أنتِ من أوائل المشتركات 🎉

للتفاصيل والاشتراك ابعتي على واتساب 01505789718

🧕 للسيدات فقط
📍 المتابعة على جروب واتساب
📆 المدة: 6 أسابيع
🧠 بقيادة أخصائية نفسية
💌 دعم وتحفيز يومي

17/07/2025

📘 The Beck Diet Solution

Judith S. Beckللدكتورة

وده برنامج مبني على العلاج المعرفي السلوكي
لمساعدة الناس على إنقاص الوزن وتغيير علاقتهم بالأكل.

البرنامج مش "نظام دايت" بالمعنى التقليدي
..لكنه برنامج يومي مدته 6 أسابيع يعلّمك

إزاي تتحكمي في أفكارك وقت الجوع الكاذب.✨

تتعاملي مع الإغراءات في الاكل .✨

تبني عادات أكل صحية على المدى الطويل.✨

تقاومي الأكل العاطفي✨

16/07/2025

انا جيت 🙃
بجهز لمفاجأة قريب ان شاء الله
عايزة نكسر دايرة الدايت والفشل فيه 🤭
مين متحمس ؟😎

20/05/2025

06/05/2025

الفرق بين الخوف والقلق و الحرص

الخوف (Fear)
- إيه هو؟
رد فعل طبيعي جامد لما تحس بخطر قدامك دلوقتي
وبيخليك تتصرف بسرعة.
مثال: لو كلب شرس جري وراك، الخوف هيخليك تجري أو تاخد قرار تاني عشان تنجو.

- طبيعته:
- مرتبط بحاجة حقيقية بتشوفها أو تحس بيها (زي النار أو حيوان مفترس).
- جسمك بيتحضر للـ (Fight, Flight, Freeze).
- بيختفي بمجرد ما الخطر يروح.

- مثال:
"الخوف هو اللي يخليك تقف فجأة لما تشوف عربية بتيجي عليك بسرعة."

القلق (Anxiety)
- إيه هو؟
شعور بالهم والتفكير الزايد في حاجة مش موجودة دلوقتي، غالباً خايف من حاجة ممكن تحصل في المستقبل، حتى لو مفيش سبب واضح.
مثال: القلق من "الغد" أو من رأي الناس فيك، أو توترك قبل ما تقدم في شغل جديد.

- طبيعته:
- مش محتاج خطر حقيقي، دماغك بس اللي بيلعب معاك.
- ممكن يستمر معاك فترات طويلة ويأثر على حياتك اليومية.
- أعراضه: ضربات قلب سريعة، تعرق، تفكير متواصل.

- مثال:
"القلق هو اللي يخليك تفكر ألف مرة قبل ما تاخد خطوة فى مشروع جديد .

الحرص (Caution)
- إيه هو؟
تصرف واعي بتاخده بتخطيط مسبق عشان تمنع حاجة سيئة تحصل، بس من غير ما يسيطر عليك الخوف أو القلق.
مثال: إنك تلبس خوذة وأنت راكب موتوسيكل، أو تتأكد إنك فقلت قبل ما تنام.
او تراجع جدول الامتحانات ومواعيدها قبل البدء فيها .

- طبيعته:
- مبني على التفكير والمنطق، مش على المشاعر.
- هدفه يحميك من الخطر قبل ما يحصل.
- بيخليك متحكم في الموقف، مش الموقف الى متحكم فيك.

- مثال:
"الحرص هو اللي يخليك تفتح نور العربية بالليل عشان متقعش في حفرة في الشارع."

---
ليه مهم نفرق بينهم
- عشان تعرف تتعامل مع كل شعور بطريقته:
- الخوف: استخدمه لما يكون في خطر حقيقي، ومتخليهوش يتحكم فيك.
- القلق: خد بالك منه لو بدأ يضايقك، وروح لدكتور نفسي لو زاد.
- الحرص: اتعلم منه، خليه جزء من شخصيتك عشان تقدر تتفادى المشاكل.

- جملة تفتكرها:
"الخوف بيقولك: 'احمي نفسك دلوقتي'،
والقلق بيقولك: 'إيه اللي هيحصل بكرة؟'،
والحرص بيقولك: 'أنا هحميك من بكرة من غير ما أخوفك'."

نصيحة
الخوف طبيعي، والقلق مش عيب، بس الفرق إنك تتحرك بالحرص بدل ما تفضل واقف في مكانك.
✨ "الحرص مش جبن... ده ذكاء!" ✨

06/05/2025

"في بعض اللحظات، يدرك المرء أن لا أحد يستطيع أن ينقذه. لا الأب، لا الأم، لا الشريك، لا الطبيب… لأن الرحلة داخل الذات، في النهاية، رحلة فردية. ولكن، يمكن أن نجد من يضيء لنا الطريق، لا ليسير معنا، بل ليقول: 'أعرف هذا الظلام، وقد خرجت منه.'"

إرفين يالوم

04/05/2025

الدوبامين والسيروتونين
هما ناقلان عصبيان (نواقل كيميائية) أساسيان في الجهاز العصبي، لكنهما يلعبان أدوارًا مختلفة في تنظيم الحالة المزاجية، والسلوك، والوظائف الجسدية.
الفروق الرئيسية بينهم :

1. الوظائف الأساسية
- الدوبامين:
- المكافأة والتحفيز: يرتبط بالشعور بالمتعة، والتحفيز لتحقيق الأهداف، ووظائف "النظام المكافئ" في الدماغ (مثل الشعور بالسعادة عند النجاح).
- الحركة: يساهم في تنظيم الحركة الإرادية (مثل التوازن والتنسيق)، ويُعتبر نقصه مرتبطًا بمرض باركنسون.
- التعلم والذاكرة: يلعب دورًا في التركيز واتخاذ القرارات.

- السيروتونين:
- استقرار المزاج: يرتبط بالسعادة، والهدوء، والتكيف مع الضغوط النفسية.
- النوم والشهية: ينظم دورة النوم والاستيقاظ (عبر تحويله إلى ميلاتونين) والشهية للطعام.
- الهضم: يُنتَج بكميات كبيرة في الأمعاء، وينظم حركتها ووظائفها.

2. مناطق الإنتاج في الجسم
- الدوبامين: يُصنَّع في مناطق محددة من الدماغ.
- السيروتونين: يُنتَج بنسبة 90% في الأمعاء(بواسطة الخلايا المعوية) و10% في الدماغ.

3. التأثير على الاضطرابات النفسية
- الدوبامين:
- زيادته: قد ترتبط بالذهان (مثل الفصام) أو الإدمان (بسبب فرط تنشيط نظام المكافأة).
- نقصه: يؤدي إلى فقدان الحافز، والاكتئاب، ومرض باركنسون (بسبب تلف الخلايا المنتجة للدوبامين).

- السيروتونين:
- نقصه: يرتبط بالاكتئاب، والقلق، والوسواس القهري (OCD)، واضطرابات النوم.
- زيادته: قد تُسبب "متلازمة السيروتونين" (حالة خطيرة ناتجة عن تراكمه بسبب بعض الأدوية).

مثال توضيحي لتأثيرهما
- الدوبامين: عندما تأكل طعامًا لذيذًا أو تفوز في مسابقة، يرتفع الدوبامين ليعطيك شعورًا فوريًا بالمتعة.
- السيروتونين: عندما تشعر بالرضا العام عن حياتك أو تستمتع بعلاقات اجتماعية مستقرة، يكون السيروتونين هو المسؤول عن هذا الاستقرار العاطفي.

التفاعل بينهم
يعمل الدوبامين والسيروتونين معًا أحيانًا، لكن اختلال التوازن بينهما قد يؤدي إلى مشاكل. مثلاً:
- ارتفاع الدوبامين مع انخفاض السيروتونين قد يُسبب اندفاعية مع قلق.
- بعض الأدوية (مثل مضادات الاكتئاب) تؤثر على كليهما لتحسين المزاج.

26/04/2025

🌸 "خطوة صغيرة... فرق كبير"🩷

حاسّة إنك مش قادرة تعملي أي حاجة؟ حتى الحاجات اللي كنتِ بتحبيها؟
حاسّة إنك مضغوطة أو مكتئبة ومفيش طاقة حتى تقومي من السرير؟

التنشيط السلوكي ممكن يساعدك تخرجي من الحالة دي خطوة بخطوة.

فكرته بسيطة:
التصرف ييجي الأول، وبعدها المشاعر تبدأ تتغيّر.
مش لازم تستني تتحمّسي عشان تتحركي، امشي بالعكس:
اعملي حاجة بسيطة، والمشاعر هتتحسن.

جربي تعملي حاجة صغيرة النهارده:

🌞 افتحي الشباك وخدي نفس عميق

🚿 خدي شاور دافي

🌱 اسقي زرعة

🍲 حضّري أكلة بتحبيها

📝 اكتبي أفكارك في ورقة

📞 كلمي واحدة من صحباتك

حتى لو حاسّة إن مفيش فايدة… جربي، خطوة صغيرة ممكن تبقى بداية فرق كبير.

انتي تستاهلي تهتمي بنفسك، وتستاهلي تحسي بتحسّن.

17/04/2025

اضطراب الشخصية الحدية (BPD): borderline
.. دي معاناة حقيقية

ناس كتير بتفتكر إن الشخص اللي بيعاني من اضطراب الشخصية الحدية "بيبالغ" أو "بيحب يلفت الانتباه"، لكن الحقيقة أبعد من كده بكتير.

اضطراب الشخصية الحدية هو حالة نفسية معقدة بتأثر على طريقة الشخص في فهم نفسه، علاقاته، ومشاعره.

أبرز أعراضه:

تقلبات مزاجية حادة وسريعة

خوف شديد من الهجر وبالتالى علاقات متوترة.

مشاعر غير مستقرة: الشخص ممكن يحبك جداً وفجأة يبقى شايفك أسوأ حد

اندفاعية في التصرفات (أكل، علاقات، صرف فلوس، تدخين إلخ)

شعور مزمن بالفراغ النفسي

إيذاء النفس أو التفكير في الانتحار او محاولة فعلية للانتحار ..

المشكلة إن المصاب بيكون جواه صراع حقيقي مش قادر يسيطر عليه. محتاج دعم، مش حكم.

العلاج المساعد
العلاج الجدلي السلوكي (DBT) من أنجح الطرق، ومع الوقت والدعم المناسب، الشخص يقدر يعيش حياة مستقرة أكتر.

14/04/2025

الاكتئاب مش معناه إنك "بعيد عن ربنا"

الاكتئاب مرض نفسي زي أي مرض جسدي، زي السكر والضغط
يعني مش عقوبة ولا دليل على ضعف الإيمان
النفس البشرية معرَّضة للتعب والهموم،
والله تعالى يقول: ﴿لَا يُكَلِّفُ اللَّهُ نَفْسًا إِلَّا وُسْعَهَا﴾

الإيمان والدعم النفسي بيكمّلوا بعض 🌿
- الاكتئاب مش اختيار : ممكن يصيب المؤمن القوي والضعيف، ومش شرط يكون سببه غياب عن الدين.
- طلب العلاج مش تناقض مع التوكل: زي ما تروح للدكتور لو عندك مرض جسدي، العلاج النفسي والدوائي جزء من الشفاء بإذن الله.
- الدعاء والصلاه سند: لكنهم ما يمنعوش إنك تطلب مساعدة متخصص، لأن الأسباب جزء من قدر الله.

**إزاى تتعامل مع المشاعر دي؟**
- لا تلوم نفسك: الاكتئاب مش ذنب، ولا اختبار إيمانك.
- تواصل مع ناس تفهمك: ابحث عن دعم مَن يجمع بين التفهم الديني والعلمي (أطباء، مرشدين، أصدقاء).
- **خُذ بالأسباب وثق بالله**: العلاج والدعاء معًا هما طريقك للتعافي.

**وتذكَّر:**
**﴿فَإِنَّ مَعَ الْعُسْرِ يُسْرًا * إِنَّ مَعَ الْعُسْرِ يُسْرًا﴾**.
مهما طال الليل، الفجر آتٍ بإذن الله..

🌸 **شارك الكلمة اللي ممكن تُذكّر حد بأنه مش وحيد، ومش محكوم عليه بالصمت**.

10/04/2025

قصة شفاء بفضل الله
❤️اللهم لك الحمد كما ينبغي لجلال وجهك و لعظيم سلطانك❤️

البطلة (ر -أ )كانت بتعانى من وسواس قهري فى الوضوء والصلاة
كانت بتقضي طول اليوم تتوضأ وتصلي وتشك وترجع تعيد تانى
بفصل الله اليوم فرحتنى انها مع العلاج والاستعانة بالله بقت بتتوضأ فى دقيقة واحدة وبتصلي من اول مرة وبتقدر تتحدى الافكار الوسواسية الى بتجيلها
يا رب يكمل شفاءها على خير 🩷
الحمد لله الذي هدانا لهذا وما كنا لنهتدي لولا ان هدانا الله