Noura Ashraf اخصائية علاج معرفي سلوكي

08/07/2024

الرحلة فردية

فردية تمامآ..
مفيش حد هيمه يسمع رحلتك والصعوبات اللي واجهتها وإللي أنت خسرتة
محدش هيمه قد اية انت بتعاني وعيطت كام مرة ف اليوم
اقرب الناس ليك كلة هيتجاهلك محدش هيبقي جنبك ف حزنك وخسارتك.. هتلاقي بس اللي بيلومك وشغال جلد فيك وانت غلط ف الشئ الفلاني وانت عملت،
ما انت لو مكنتش عملت دا مكنش هتبقي دي النتيجة
انت وانت وانت ولوم ومفر من ڪل إللي حواليك
متتفجأش♥
جيالك من الواقع وبقولك الضربة اللي متموتش بتقوي، هتخلق منك شخص جديد تمامآ غير إللي كنت علية ف الماضي

متشتكيش الناس مبتحبش الشكاي البكاي

صدقني محدش هينظرلك محدش هيكون جنبك انت بتصرخ ف صحراااا فاضية مفيش فيها غيرك..
#أرجوك حاول ان تنجو بأقصي سرعة 👌🏻

رحلتك فردية متفكرش ف حد

بس خليك فاكر إن كل اللي سابوك هما أول الناس إللي هيسقفولك اول ما تكون علي القمة 👏🏻

حارب لأجل النهوض مرة أخري ف الثقب المكسور في زجاجك هو مصدر النور لحياتك مرة أخري ♥

Noura Ashraf اخصائية علاج معرفي سلوكي
Cognitive behavioral therapy

03/07/2024

الرهاب الاجتماعي Social Anxiety:
(وهو الخوف الشديد والمفر من اي أحتكاك اجتماعي سواء بالدراسة، الشغل، مع الاصدقاء، المناسبات)

أولآ:
أعراض الرهاب الاجتماعي:
1- الخوف من نظرات الاخرين
الناتج عنه التوتر، خفقان بالقلب، التعرق، النسيان
حدوث افعال غير مناسبة للموقف
- القلق من نظرات الأخرين

تجنب التواصل البصري وعدم المواجهه والهروب من المكان فورآ

تجنب التعامل مع اشخاص مجهولين.

أسبابة:
1- منها الوراثي من العائلة التي تميل للعزلة دائمآ
2- التربوي: تعنيف الطفل من الصغر وتقليل منه امام الأخرين التحقير من شأنه والاشياء التي يحبها
3- الخبرات المهينة والسلبية في سن المراهقة مثل: التنمر والاحساس بالدونية

«ڪيفية التغلب عليه»

- الخوف والتخلص منه عن طريق تمارين التنفس والأسترخاء من 7 إلي 10 مرات نفس عميق وهادئ عن طريق الفم

- تخيل الموقف المسبب للخوف عدة مرات وانت بداخلة

- حديثآ لنفسك أنك ليس كاملآ والأخرون بهم عيوب مثلك.

( الإدراك بين التخيل والحقيقة)
أنا أتخيل انهم ينظرون لي ولكنها ليست حقيقة

- لا تركز علي نفسك وركز علي ما حولك واقطع تسلسل الأفكار.

15/06/2024

♥🤲🏻

13/06/2024

ممكن حد ياخد دورك أو ياخد مكانك ،لكن مستحيل حد ياخد منك تأثيرك!
A beauty that is captivating and powerfully redemptive.💗

13/06/2024

11/06/2024

عندما تتخطي البداية فا أنت قطعت نصف الطريق 🤍👏🏻

10/06/2024

(صحة نفسية)
كيف تقوي مناعتك الفكرية؟
١-الوعي بالأفكار:
-إزاي اڪون واعي لأفكاري؟!
خليك مراقب افكارك عشان متتسحبش بعيد عن الواقع خلي تفكيرك منطقي
٢-اليقظة الذهنية =التفكير المنطقي
ودي بقي مفتاح تقليل القلق والخوف والتوتر وتحسين الشعور بالسعادة
٣-التحكم في التفكير السلبي
اعتبر كل فكره سلبية عقلك بيمر بيها زي سحابة مؤقتة وهتمشي وان كل الأفكار دي ليس لها اي صحة من الواقع احسن الظن بالله اولآ ثم ثق بنفسك قولها انك ناجح انك شخص جميل وانك تتحب وان بڪرا احسن

-دايما اسرح واتخيل ف النجاح ف احلامك اللي نفسك تحققهل وقول انا هعمل دا انا هوصل انا هكون ف المكان دا في يوم من الأيام ♥

-افڪارك اقدارك ڪل ما هو متوقع أتي توقعت الخير هيأتيك الخير، توقعت الشر هيجي

وجزء كبير من دا ضعف الإيمان بالله ف حسن ظنك بيه يڪون ضعيف واجب اولآ لإصلاح ڪل شئ إصلاح علاقتك بالله سبحانه وتعالي وتقوية علاقتك بية هتفرق معاك صدقني ♥

٤-إدارة الانفعالات:
تعامل مع العواطف بطرق تعزز النمو الشخصي
حصلتلك أزمة ڪبيرة ف حياتك وقعت ف خطأ كبير الناس حذروك منة ڪتير ووقعت فيه
أوعي تجلد نفسك وتضغط عليها طب ما أنا لو ڪنت سمعت مكنش كل دة حصل، أنا شخص وحش أنا مفيش مني فايدة!
- لقدر الله مجبتش مجموع ف الثانوية العامة
مدخلتش الڪلية إللي انت نفسك فيها
مش أخر الدنيا طب دا معنااة أنك فاشل
طب لية يارب لية صحابي التانين حققو حلمهم واللي دخل ڪلية طب واللي دخل اعلام طب انا قصرت انا اكيد معملتش اللي عليا ما انا مهمل وتبتدي تقفل عليك باب اوضتك وتطفي النور مع اغنية كتاب حياتي يا عين 😂💔

طب لية جلد الذات ما اللي حصل حصل لازم تفهم ان قدراتك غير قدراتك غيرك ودا مش فشل منك ع تجلد ف نفسك .

٥-التعاطف مع الذات:
أولآ قول الحمد لله ارضي بأي شئ ربنا كتبة ليك حتي لو خارج ارادتك ♥
قوم ياباشا افتح نور اوضتك انزل شغلك دلع نفسك شوف بتحب اية واعملو هات الأكلة اللي انت بتحبها وبتحسن من مودك انزل الجيم وخرج كل الطاقة السلبية وغير مودك واشتري طقم جديد وجمع صحابك وانزلو جربو مكان جديد دلع علي نفسك كدا 😌
اخطاءك مش اخر الدنيا، خسارتك للمشروع إللي بتحلم بية مش اخر الدنيا، موت شخص عزيز عليك مش اخر الدنيا، خسارة صديق مش اخر الدنيا، البنت اللي بتحبها وسابتك مش اخر الدنيا ولا اللي بتحبية وسابك كان اخر الدنيا.
ومايقع إلا الشاطر 👌🏻
خليك واثق إن الثقب المفتوح الناتج عن الڪسر اللي مريت بية هو منفذ للنور من جديد ف حياتك صدقني هتبدأ من تاني انت بس خد القرار واسعد نفسك اولآ هتقدر توصل لڪل حاجه بتحبها ♥

-واخيرآ بقي عايزة اقولك علي حاجه مفيش حد بيحاول بيجيب صفر
السعي = النتيجة ✔️👌🏻

مش بس ف النجاح، حتي النسيان للعلاقات السامة اللي مريت بيها اوعي تقول مش قادر انسي مش هعرف انسي هي الفكرة ف انك حاولت اصلآ ولا انت مصمم تفضل فاكر كل المواقف السيئة إللي مرت عليك جرب وحاول واسعي وهرجع تاني واقولك السعادة قرار والتعاسة قرار وحزنك قرار ونجاحك وفشلك بردو قرار وكلة متوقف عليك انت
-قوم عشان محدش هياخد بأديك مش هينفعك غير نفسك حياتك كلها متوقفة علي قرار منك ♥

حتي الجنة والنار قرار واختيار اطاعه الله ورسولة او ما نهي الله عنه قدامك دا وقدامك دا ✋🏻

Noura Ashraf اخصائية علاج معرفي سلوكي

10/06/2024

"فاقد الشئ يعطية بالطريقة الذي تمني أن يحصل علية " ♥