Dr.Fatma Elzahraa د.فاطمة الزهراء

07/05/2026

07/05/2026

زورت طبيب الباطنة واتشخصت بقولون عصبي وقالك ظبط أكلك ؟! .. هنا دور التغذية بيبدأ

في عدة انظمة تناسب انواع القولون العصبي المصاحب للامساك او الاسهال او حتى الاتنين

منها نظام ال low fodmap
اللي هنتكلم عنه في البوست الجاي

بنحدد النظام بناءا على ظروفك نظام متفصل علشانك بيحسن كتير من اعراض الانتفاخ و الغازات و احساس عدم الراحة

مش بالضرورة تكون بتعاني من السمنة او النحافة علشان تستشير اخصائي التغذية

غالبا بتكون المشكلة اللي مسببالك ازعاج حلها بسيط جدا ..

وهو اسلوب تغذية صحي يناسب حالتك

تابعونا

#القولون
#تغذية

07/05/2026

🌼 مشروب البابونج

"كوباية بابونج دافية قبل النوم بتريح الأعصاب، وتهدي المعدة، وتساعدك تنام أهدى وأعمق."

06/05/2026

لو بتعاني من مرض كرونز Crohn's disease

(وده مرض مناعي بيصيب الامعاء بالتهاب و تقرحات شديدة و سوء امتصاص للغذاء )

فانت بتمر بمرحلتين
مرحلة هدوء remission
ومرحلة النوبات ال flare

اهتمامك بالتغذية المناسبة بتخليك دايما في فترة هدوء و استقرار و تقلل معدل النوبات بشكل ملحوظ

تابعنا

#كرونز
#تغذية

02/05/2026

الحياة الصحية بتبدأ بقرار ثم استمرار

اختار طريقك و استعن بالله
يوم جديد .. بداية جديدة

02/05/2026

تعرف ان نسبة كبيرة جدا من مرضى تليف الكبد تصل ل ٩٠٪ بيعانوا من سوء التغذية
ومايعرفوش
ده بسبب ان مخازن الطاقة في الكبد بتكون متضررة بشكل كبير و بيحصل فقدان للكتلة العضلية

علشان كده يجب متابعة الحالة التغذوية ليهم باستمرار و الالتزام بنظام غذائي خاص
و فحوصات دورية

تابعوا معانا لمعلومات اكتر عن تغذية مرضى الكبد

لمتابعة خاصة لمرضى الكبد التواصل واتساب على الرقم

012 11677491


#الكبد

01/05/2026

سمعت عن متلازمة الأيض metabolic syndrome

اكيد كلنا نعرف
مريض سكر من النوع التاني كمان عنده ارتفاع في ضغط الدم
و دهون الدم عنده مش تمام
وممكن كمان يكون عنده مشكلة في القلب
دهون على الكبد
و لو بنوتة و في اول الأعراض بتشتكي من تكيس المبايض و مقاومة الانسولين وخمول الغدة الدرقية

*تلااااازم* ظهور عدد من الأمراض دي مع بعض يطلق عليه *متلازمة الأيض*

العامل المشترك بين كل الناس دي هي السمنة المركزية بالعربي كده *الكرش*

المشكلة دي عبارة عن دايرة مغلقة مش لازم ندخل في تفاصيلها ولكن كل مشكلة بتؤدي للتانية باستمرار بدون توقف

و الحل علشان اكسر الدايرة دي و هو الحل الوحييييد بالمناسبة *القضاء على هذا الكرش بالدايت و تغيير نمط الحياه لنمط اكثر نشاطا واقل توتر*

طيب و الأدوية ؟!
ممكن نستخدم ادوية مساعدة كعوامل مساعدة وليست عوامل اساسية للاسف

*الحل الناجع هو النزول في الوزن*

المرة الجاية فكروني نتكلم ازاي السمنة مرض التهابي مزمن ..

30/04/2026

كنا اتكلمنا احتياج الجسم من الألياف يوميا
وقولنا ان مش كل الألياف نوع واحد ولكنها نوعين

🥣 الألياف الذائبة
تدي إحساس شبع أطول + تظبط السكر

🥗 الألياف غير الذائبة
تحسن الهضم وتمنع الإمساك

💡 السر مش بس تاكلي ألياف…
لازم توازني بين النوعين

#تغذية