Noha Frahat. نهى فرحـــات

18/02/2026

لما ثقتك بنفسك تقوى…
صوت الشك والوسوسة بيهدى 🌿

مش كل فكرة في دماغك حقيقة،
ومش كل إحساس سلبي معناه إنك ضعيفة.

وعيَك بنفسك، قيمك، وعاداتك الحلوة
بيخلّوك أقوى من أي خوف أو إحباط ✨

كل ما تفهمي نفسك أكتر،
وتدعّمي عقلك بالعلم،
وتحتوي مشاعرك بحب…

صوتك الداخلي يعلى،
وصوت القلق يضعف 🤍

إنتِ القائدة… مش الفكرة 🌸

27/01/2026

من محاضرة " كيف تتخلص من المشاعر السلبيه " #تحفيز #السعادة

20/01/2026

يا من يُحاول ويتعثر لفترات طويلة ، هذه النفحات لك…
ربّك يرى سعيك وإن أبطأت الخطى، وما دام القلب حيًّا بالأمل فالعطاء آتٍ، والفرج أقرب مما تظن 🤍
لا تيأس من رحمةٍ تتنزل خفية، ولا تستهِن بخطوةٍ صغيرة؛ فالله لا يخذل قلبًا صدق في الرجاء، وكل تأخير فيه لطف لا تراه الآن
وما دام في صدرك نَفَس دعاء، فاعلم أن الله يُدبّر لك فرحًا على مهل… يليق بتعبك، ويجبر قلبك جبرًا يدهشك 🌱

17/01/2026

- أنا الآن في رحلة تحول حقيقية، وأنحت نسختي الأفضل كل يوم وبكل طريقة.
أصبر، أتطور، وأصبح أفضل خطوة بخطوة.
أحب ذاتي وأحرص على راحتها وسكينتها.
أتقبل الآخرين بتسامح، وأوسع قلبي بالحب، لأن حياتي تستحق أن تعيش بسلام.
أنا في مرحلة تغيير حقيقية نحو الأفضل، وأشعر بامتنان عميق لأن الله منحني القدرة على هذه النقلة.
هذا إنجازي، وهذه رحلتي... وأواصل السير بثقة. 🌿

13/01/2026

الانتصار لنفسك مش دايمًا معناه إنك تكمّل للآخر.
أحيانًا الانتصار إنك تنسحب بهدوء من مكان أو موقف ما يستاهلش طاقتك.
وأحيانًا يكون في إنك تسيب علاقة تعبت روحك، مش هروب… لكن اختيار لسلامك النفسي.
وفي لحظات تانية، الانتصار إنك تتكلم وتدافع عن نفسك وتقول كفاية.
الحكمة مش في رد واحد ثابت، الحكمة إنك تعرف إمتى تصمت وإمتى تتكلم،
وإمتى تختار نفسك قبل أي حاجة. 🌿

13/01/2026

الحمد لله حتــى يبلغ الحمــد منتهاه... محاضرتى بعنوان «إدارة المشاعر السلبية لتحقيق السلام النفسي "

✨ محاضرة خماسية النجاح ✨
🗓 الخميس القادم
⏰ الساعة 6 مساءً

🔹 تحت عنوان: السلام النفسي 🔹

محاضرة ثرية ومتكاملة… ما تتفوتش 🌿💫

🎤 المتحدثون والمحاور:
• د. رشا الشاذلي
🦋 محاضرة: الخروج من الشرنقة
• د. لمياء الجمل
🧠 محاضرة: استراتيجيات السلام النفسي
• د. نهى فرحات
💛 محاضرة: إدارة المشاعر السلبية والسلام النفسي
• د. راندة عسران
🥗 محاضرة: تغذية المرأة بعد سن 35
• أ. هاجر محمود
👁️ محاضرة: مدخل إلى لغة الجسد

💎 لقاء يجمع بين الوعي النفسي، التوازن الداخلي، الصحة، وفهم الذات.
📌 لو بتدوري على سلامك النفسي وبداية جديدة… المكان ده ليكي 💖

08/01/2026

الحياة ليست رحلة بحثا عن الذات ... إنما رحلة لصنع ذاتك ...
" فاخلق من نفسك شيئا يصعب تقليدة " #تحفيز #السعادة

07/01/2026

كتير من الناس ماتعرفش فى انها فى علاقات مؤذية .. هى تشعر بالقلق وعدم الراحة فى العلاقة , والمجهود رهيب فقط ليرضى عنها الطرف الاخر .. ولا أحد يدرى عن الآم الروح التى تنزف ويوميا تعالج جروحها بنفسها واحيانا تلوم نفسها .
لذلك مهم جدا اننا نصنف علاقتنا كل فترة هل هى مفيدة للروح ام مؤذية؟
وهنا لك القرار وحدك فى وضع الحدود وترتيب اولوياتك وان تعيش حياتك كما يجب ان تكون .
اكتب لى فى الكومنتات هل انقذت نفسك من علاقة مؤذية يوما ما ؟

07/01/2026

كل الشكر والتقدير 🤝
ويسعدني ويشرفني انضمامي لمؤسسة (معاً نبني حياة للتنمية). أتقدم بخالص الشكر والتقدير لإدارة المؤسسة على هذه الثقة الغاليه
وأتطلع للعمل معكم جنباً إلى جنب للمساهمة في تحقيق رؤية المؤسسة وأهدافها التنموية التي تخدم مجتمعنا. أسأل الله أن يوفقنا جميعاً لتقديم الأفضل وترك أثر طيب.
شكرا صديقتي الغاليه🥰🙏 Wafaa Badr
رئيس لجنه التنميه البشريه بالمؤسسة

شركاء نفتحر بيهم يسعدنا تواجدكم كوكبة مشرفةً
د/ نهي فرحات
- ماجيستير الصحة النفسية والإرشاد الأسري والتربوي
- لايف كوتش معتمد من أكاديميه الإبداع تحت إشراف د/أحمد قدوس
- اخصائي تنمية مهارات وتعديل السلوك
- Digital Marketing Specialist
- Social Media Graphic Designer

06/01/2026

الفضفضة فن.
ولما تتعمل صح، بتكون النتيجة انك تفك الشحن اللي جواك وتقرّب القلوب.
لكن لما تتعمل غلط، بتزود التوتر وتخلّي العلاقة دايمًا مشدودة ومتعبة.

الفرق بسيط بس مؤثر جدًا👇
الفضفضة المريحة بتتكلم عن إحساسك ومشاعرك
وجعك، خوفك، زعلك… وده بيخلق قرب واحتواء.

لكن الفضفضة اللي بتوجع
بتبقى مليانة أحكام وتفسيرات ومعاني
“إنت دايمًا…”
“أنت قصدك…”
وهنا المسافة بتكبر بدل ما تصغر , والمشاعر تتغير

المشكلة إن ناس كتير بتخلط بين الفضفضة والنقاش.
النقاش طبيعي ومهم، وفيه تحليل وتفسير عشان نفهم ونصلّح.
لكن الفضفضة محتاجة أمان، مش محاكمة.

العلاقة بتتعب لما ندخل نفضفض لكن للاسف اللي قدامنا فاكرنا بنتخانق…
أو لما نكون أصلًا محتاجين نفضفض
بس كاتمين لحد ما الانفعال ينفجر في سلوك يوجع الطرفين.

قبل ما تتكلم… اسأل نفسك سؤال واحد:
" أنا محتاج أفضفض ولا أتناقش؟"

لو الكلام ده لمس حاجة جواك،
جرّب المرة الجاية تحدد نيتك قبل ما تتكلم
وشوف الفرق هيكون عامل إزاي في علاقتك 🤍

06/01/2026

في بداية الطريق بنجري ورا الأحلام الكبيرة،
وبعد شوية نفهم إن السعادة كانت دايمًا مستخبية في الحاجات الصغيرة اللي عدّينا عليها بسرعة…
هدوء لحظة مع نفسنا،
ضحكة صادقة مع اللي بنحبهم،
ويوم عادي بس القلب فيه مرتاح.

ساعتها نكتشف إن البساطة مش نقص،
دي أعلى نقطة ممكن نوصلها.
وإن الحياة مش في اللي نملكه،
لكن في اللي نحسّه ونستمتع بيه بصدق.