د . محمد عبد المطلب Dr Mohamed abd elmotaleb

د . محمد عبد المطلب Dr Mohamed abd elmotaleb Pharmacist 💊
Helping you lose weight safely
No shortcuts.

No harm
صيدلي متخصص في التخسيس الآمن 💊
بساعدك تخس من غير ما تبوظ صحتك
ولا تستخدم أدوية غلط ❌
⬇️ ابدأ متابعتك من هنا
https://forms.gle/eHtawdAYagsh1NCQ7

شايفين كمية الأكل دي 😋 دي كمية اكل تخسس 👍لو عايزين تعرفوا ليه اكتبولي في التعليقات 👇👇وافتكروا انكم مع حتخس بس مش حتخسر...
10/05/2026

شايفين كمية الأكل دي 😋
دي كمية اكل تخسس 👍
لو عايزين تعرفوا ليه اكتبولي في التعليقات 👇👇

وافتكروا انكم مع حتخس بس مش حتخسر صحتك

يا مساء الفل على كل غالي/غالية، قرر يبدأ دايت يوم السبت، بس الصراحة محددتش أنه سبت بالظبط 🤣😜لو رحت الصيدلية وسألت عن حا...
09/05/2026

يا مساء الفل على كل غالي/غالية، قرر يبدأ دايت يوم السبت، بس الصراحة محددتش أنه سبت بالظبط 🤣😜
لو رحت الصيدلية وسألت عن حاجة تساعدك "تسد بؤك" شوية، أكيد سمعت اسم "كروماكس" (Chromax) تعالوا نفهمه 🤔

🔬 هو فيه إيه من جوه؟

الكبسولة دي شايلة اتنين وحوش، مفيش تفاهم بينهم:

» خلاصة الجارسينيا كامبوجيا (500 مجم): دي بقى وظيفتها تقعد للدهون "على الشناكل". بتمنع تكوين دهون جديدة وبتحفز الحرق، يعني بتخلي جسمك يقول للدهون: "إنتي مش من توبنا ولا من مستوانا".

» كروميوم بيكولينات (281.5 ميكروجرام): ده "المايسترو" بتاع سكر الدم. ده اللي بيمسك "هرمون الأنسولين" من إيده ويقوله "اهدى يا بطل"، فبالتالي يحسن حرق السكر ويقلل رغبتك الشديدة في إنك تخلص على صينية البسبوسة لوحدك (الـ Sugar Cravings).

✅ ليه ممكن نحبه؟

∆ بيفرمل الشهية: مش هيخليك "مفتري" قدام الأكل، هتحس إنك شبعان بجد مش تمثيل.

∆ بطل الـ Snack: لو إنت من عشاق النقنقة بالليل قدام المسلسلات، الكروميوم اللي فيه هيظبطلك الدنيا.

∆ صديق الرياضة: لو بتتحرك أو بتنزل الجيم، الجارسينيا هتساعد جسمك يسيح الدهون اللي متخزنة من أيام ثانوية عامة.

❌ وطبيعي كل حاجة في الدنيا مش كامله فهو
مش عصاية سحرية: لو فاكر إنك هتاخده وتروح تضرب طبق كشري "ميجا" وتخس، يبقى إنت محتاج "فانوس سحري" مش كروماكس!

ولو حد معدته حساسة ممكن يعمل شوية مغص أو "كركبة" في الأول، جسمك بس بيتعرف على الضيف الجديد.

و بعض الناس بيجيلهم صداع خفيف في الأول، بس بيروح مع شرب المية الكتير.

تركيز الكروميم فيه مش اعلي حاجة في أدوية تانية اعلي بس مناسب لسعره

💡 الخلاصة

الكروماكس وسيلة مساعدة ممتازة "عامل حفاز" بلغة الكيمياء، بس لازم معاه تقليل أكل (وعلى الأقل مشي نص ساعة).

⚠️ ملحوظة مهمة لو إنت مريض سكر، ضغط، أو قلب، أو "مدام" حامل أو مرضع.. ممنوع تلمس الكبسولة دي إلا لما ترجع لدكتورك الأول، عشان صحتك عندنا بالدنيا!

العدد محدود والمتابعة مجانًا! 🎁 املأ الفورم في البايو فورًا وابدأ رحلتك معايا.

وبس كده كان معكم , متنسوش تعملوا لايك و شير و متنسونيش من دعواتكم 🤲

بص يا غالي/غالية ، لو إنت لسه شايل صينية الاكل من هنا،وحسيت بجوع من هنا زي احمد حلمي من فيلم اكس لارج .. فإنت غالباً مش ...
09/05/2026

بص يا غالي/غالية ، لو إنت لسه شايل صينية الاكل من هنا،وحسيت بجوع من هنا زي احمد حلمي من فيلم اكس لارج ..
فإنت غالباً مش "مفجوع"، إنت بس بتلعب في عداد جسمك غلط. تعال نفهم الحوار ده :

لما تفطر كرواسون أو حاجة مسكرة، سكر الدم عندك بيضرب في العالي.
البنكرياس بيشوف المنظر ده، فبيتخض ويطلع "أنسولين" كأنه بيطفي حريقة.
السكر ينزل هبدة واحدة.. فجسمك يفتكر إنك بتموت ويبعتلك إشارة: "الحقنا بأي لقمة بسرعة!".

البروتين ده هو "الرزين" بتاع الوجبة.
بياخد وقت في الهضم وبيقلل هرمون الجوع اللي اسمه Gherlin
لو وجبتك مفهاش بيض، فراخ، فول، أو جبنة.. اعتبر نفسك كنت بتاكل "هواء مقلي".

المخ ساعات بيحصل له "Lags" أو تهنيج، وما بيعرفش يفرق بين إشارة العطش وإشارة الجوع. فحضرتك تفتكر إنك عايز ساندوتش،
بينما الحقيقة إن جسمك بيقولك: "والنبي بوق مياه يبل ريقي".

الخلاصة:
الجوع مش قلة أدب من بطنك، ده "تنبيه" إن السيستم محتاج أبديت.
ظبط "الميكس" (بروتين + ألياف + دهون صحية) وهتلاقي بطنك سكتت وبقيت زي الفل.

قولي بقى.. إنت بتجوع بعد الأكل بقد إيه؟ وهل الساندوتش اللي في إيدك ده ليه علاقة بالموضوع؟ 😂👇

وبس كده كان معكم ، متنسوش تعملوا شير ولايك عشان غيركم يستفيد ، ومتنسونيش من دعواتكم 🤲

صباح الجمعة واللمة الحلوة 🕌☕يا صباح الفل.. عارف إن طقوس "الشاي والبسكوت" الصبح مقدسة، بس بلاش نبدأ يوم البركة ده بـ "غيب...
08/05/2026

صباح الجمعة واللمة الحلوة 🕌☕

يا صباح الفل.. عارف إن طقوس "الشاي والبسكوت" الصبح مقدسة، بس بلاش نبدأ يوم البركة ده بـ "غيبوبة سكر" تخليك تهبط وتجوع قبل صلاة الجمعة.

الفكرة أن السكر العالي الصبح بيخلي الإنسولين يلطم 🤦‍♂️، ويحرق كل اللي أكلته في ساعة، وتفضل طول اليوم "بتنقب" ورا الأكل.

الصح أنك تسند قلبك ببروتين (بيض، فول، أو حتى حتة جبنة) -بس بلاش فلافل وحرق قلب ومعدة - عشان تفضل فايق لحد "لمة الغدا" الكبيرة.

جمعة مباركة عليكم وعلى بيوتكم.. ابدأوها صح! ✨

ومتنسونيش من دعواتكم 🤲

07/05/2026

علاج وجع الشوكة العظمية ؟!

مش كل زيادة وزن تبقى من الأكل بس 🙅في أدوية ممكن:تفتح الشهيةتحتبس سوائلأو تقلل النشاط والحرقعشان كده مهم جدًا:❌ متلومش نف...
07/05/2026

مش كل زيادة وزن تبقى من الأكل بس 🙅

في أدوية ممكن:

تفتح الشهية
تحتبس سوائل
أو تقلل النشاط والحرق

عشان كده مهم جدًا:
❌ متلومش نفسك بسرعة
✔️ وافهم جسمك وعلاجك الأول

🎯 القاعدة المهمة:

“التغذية والعلاج لازم يمشوا مع بعض… مش ضد بعض”

وده الفرق بين:

حد بياخد دواء وخلاص
و
حد فاهم جسمه وبيعالج صح 👌

قولوا بتاخدوا ايه علاج ونشوف هل بياثر فعلا علي وزنك ولا دلع منك 🤔🫣
وبس كده كان معكم متنسيش بقي تعملوا لايك و شير عشان غيركم يستفيد ، ومتنسونيش من دعواتكم 🤲

07/05/2026

Change your words....
change your world....

07/05/2026

ابداء يومك بالصلاة و توكل علي الله
واستبشر خيرا باذن الله ♥️

أكبر غلطة بتبوّظ الدايت (وإنت فاكرة إنك كده "عاش يا بطل") 🤦‍♂️🥦أكتر حاجة بشوفها يوميًا، وبتبقى معمولة بمنتهى "الحماس الق...
06/05/2026

أكبر غلطة بتبوّظ الدايت (وإنت فاكرة إنك كده "عاش يا بطل") 🤦‍♂️🥦
أكتر حاجة بشوفها يوميًا، وبتبقى معمولة بمنتهى "الحماس القاتل":
إنك تقرر فجأة تقلب "عصفورة" وتقلل أكلك زيادة عن اللزوم.

تفتكر إنك كده بتضغط على جسمك فـ هيخس أسرع.. بس الحقيقة إن جسمك أذكى منك بكتير!

إيه اللي بيحصل في الكواليس؟ 🕵️‍♂️

لما بتحرم جسمك بزيادة، هو بيدخل في مود "المجاعة" وبيتصرف كأنه في رحلة بقاء:

# الحرق بيقل (The Power Saving Mode): جسمك بيخاف على مخزونه، فيقرر يقلل استهلاك الطاقة لأقل درجة ممكنة.. يعني المكنة مابتطلعش نار زي ما إنت فاكر.

# هرمونات الجوع بتعمل حفلة: هرمون "الجرلين" بيعلى للسما، وبتفضل طول اليوم شايف ساندوتش الشاورما بيطاردك في أحلامك.

# الانهيار العظيم: النتيجة الحتمية إنك هترجع تاكل "الأخضر واليابس" وتعوض كل اللي فات، وغالبًا هتزيد أكتر من الأول.

طيب وإيه الحل؟ 💡

الموضوع مش كيميا، الحل ببساطة:

# مش تاكل أقل..بس تاكل صح!

# بروتين يشبعك: (فراخ، لحمة، سمك، بيض، بقوليات).

# ألياف تملى بطنك: (سلطة وخضار كتير).

# كربوهيدرات معقدة: عشان تفضل فايق وما تهبطش زي البطاطا والبطاطس المهروسة والشوفان .

الخلاصة:

الدايت مش عقاب، ده "نظام تشغيل" جديد لجسمك. لو عاملته بالعدل، هيديك النتيجة اللي بتحلم بيها من غير ما تدوخ أو تكتئب.

كنت فاكر إن قلة الأكل هي الحل؟ قولنا في الكومنتات وصلت لأرقام قياسية في "الحرمان" قد إيه؟ 👇 ونصلح سوا!

وبس كده كان معكم ومتنسوش تعملوا شير عشان غيركم يستفيد ومتنسونيش من دعواتكم

لما حد من اللي بيتابعوا معايا نزول الوزن (الريجيم) يقولي أنا مشيت علي نظام قريبتي عشان خست بس مجبش نتيجة معاها أو خسيت ...
05/05/2026

لما حد من اللي بيتابعوا معايا نزول الوزن (الريجيم) يقولي أنا مشيت علي نظام قريبتي عشان خست بس مجبش نتيجة معاها أو خسيت وبعد كده وزني ثبت 🥺🥲🤦

طبيعي يا جماعة 🤷
كل واحد لازم نظام مناسب ليه ، ومع المتابعه بشوف المشكلة فين وتتحل 👍

انما تقولي عايزة امشي علي نظام الطيبات ( حتي لو احسن نظام مع اختلافي معه في بعض النقاط) تبقي غلطانه 🙅

النظام لازم يتعمل لكل واحد بظروفه وحالته الصحية والنفسية اللي بتختلف من شخص لاخر
#الطيبات

Address

Alexandria

Website

Alerts

Be the first to know and let us send you an email when د . محمد عبد المطلب Dr Mohamed abd elmotaleb posts news and promotions. Your email address will not be used for any other purpose, and you can unsubscribe at any time.

Shortcuts

Share

Category