03/01/2026
ترديد الكلام (Echolalia) عند أطفال طيف التوحد
🧠 طفلك مش بيكرر الكلام عشان يعاندك… هو بيحاول يتواصل بطريقته
يعني إيه ترديد الكلام (الإيكولاليا)؟
إن الطفل يكرر كلام سمعه:
🔹 ممكن يكرر بعدك مباشرة (فورية)
🔹 أو يكرر جمل قديمة من فيديو/أغنية/موقف (متأخرة)
وده في الحقيقة مرحلة من مراحل تطور اللغة عند أطفال التوحد…
يعني مش عرض سلبي فقط، ده دليل إن:
✔ الطفل بيسمع
✔ وبيحلل الأصوات
✔ ومحتاج يتعلم ازاي يحوّل التكرار لمعنى وتواصل حقيقي
⚠ متى نقلق؟
لو الترديد بدون استخدام وظيفي (يعني مبيستخدموش للطلب أو الرد)
لو التكرار بدل الإجابة على السؤال
لو الطفل يعتمد على الترديد فقط ومبيكوّنش جمل من عنده
🧬 ليه بيحصل؟
صعوبة في تكوين اللغة التلقائية
بيحفظ الكلام ككتل جاهزة بدل ما يحفظ الكلمات منفصلة
بيستخدم التكرار علشان يعوّض نقص التعبير
أحيانًا بيهدّي نفسه عن طريق التكرار لو قلقان أو متحمس
🏠 طيب… أقدر أساعده في البيت إزاي؟
🧩 1. متكرريش نفس السؤال لو الطفل بيعيد كلامك
❌ بدل: عايز تشرب؟… عايز تشرب؟…
✔ قوليها مرة واحدة بس، ولو كررها، روّحي للطلب مباشرة:
👉 آه عايز تشرب، يلا نجيب المية
🗣 2. علّميه جمل بديلة جاهزة يستخدمها
لو الطفل بيرد بالترديد بدل الإجابة:
مثال أنتِ تسألي: اسمك إيه؟
هو يكرر: اسمك إيه؟
إنتِ تعلّميه تقول بدلها:
✔ أنا اسمي اسر
✔ أنا اسمي أمال
✔ أو حتى كلمة واحدة: أمال
كرريها معاه كنموذج ثابت عشان يحفظها ويستخدمها
3. استخدمي الترديد نفسه كجسر للتواصل
لو بيكرر جملة من فيديو مثلًا:
🎬 تحب تلعب؟
استغليها وكمّلي عليها:
👉 تحب تلعب؟ آه، أنا كمان أحب ألعب، نلعب بالكرة؟
🧃 4. علّميه الطلب بدون سؤال
لو الطفل يكرر سؤال عايز عصير؟ علشان يطلبه:
علميه يستخدمها من غير علامة استفهام:
✔ عايز عصير
✔ أبغى عصير
وكل ما يقولها… نفّذي الطلب فورًا علشان يفهم وظيفتها
🎮 5. ألعاب بسيطة تقلّل الترديد وتزود اللغة التلقائية:
لعبة الاختيار: تفاح ولا موز؟
لعبة الإكمال: العربية تمشي…؟ (استني يقولي: بروم بروم)
لعبة التوقع: الكرة راحت فين؟ (خلي الإجابة سهلة)
لعبة الدور: تبادلوا كلمة واحدة كل واحد دوره
🧠 6. قلّلي وقت الشاشة وارفعي وقت التفاعل
ليه؟
عشان الشاشة بتقدّم كلام جاهز كتير…
والطفل ممكن يحفظه ويردده، بس مش هيتعلم يستخدمه لوحده
أما اللعب معاكِ بيخليه يفكر ويستجيب وينتج لغة حقيقية
🧘 7. لو الترديد بيزيد مع القلق:
ساعديه يهدى عن طريق:
🌬 تمارين تنفس بسيطة
🤲 ضغط عميق على الكتفين أو حضن قوي قصير
🎧 موسيقى هادئة
وبعدها نبدأ نتواصل تاني
🌟 أهم حاجة تعرفيها:
🔸 الترديد مش هيروح لوحده
🔸 الحل مش إننا نمنعه ❌
🔸 الحل إننا نعلّمه يستخدم اللي بيردده في جملة مفيدة ✔
🚨هدفك في البيت:
تحويل الترديد لـ طلب، رد، تعليق، أو مشاركة
زيادة اللغة التلقائية حتى لو كلمة واحدة في الأول
بناء جمل بسيطة بدل تكرار الأسئلة
💬 عايزين نتفاعل بقى:
لو طفلك بيردد الكلام…
اكتبي في التعليقات:
1️⃣ عمره؟
2️⃣ نوع الترديد (فوري ولا متأخر)؟
3️⃣ هل بيطلب بالترديد ولا بيكرر بس؟
@أبرز المعجبين
Amal Elsamkare
#أمال السمكري
#تحدي
#التوحد
#مهارات
#التخاطب
