https://www.facebook.com/528307163693045/

Ghada Fahmiصوت الوعي

Home
Egypt
Alexandria
Ghada Fahmiصوت الوعي

Contact information, map and directions, contact form, opening hours, services, ratings, photos, videos and announcements from Ghada Fahmiصوت الوعي, Mental Health Service, Alexandria.

غادة فهمي Enneagram Life Coach
لايف كوتش متخصصة في تحليل الشخصية بالإنياجرام ومساعدة الأفراد على فهم ذاتهم، كسر الأنماط السلبية، وبناء توازن حقيقي في حياتهم. رسالتي إن كل إنسان يقدر يتحرر من التعلق، القلق، وصدمات الطفولة لما يبدأ رحلة وعي واعية ومستمرة.

01/11/2025

🎙️
ما تسألش حد رأيه فيك…
لأن سؤالك ده مش بيعكس الحقيقة، بيعكس أجندته هو.
رأيه بيطلع من جوّه غرف أفكاره هو، من مشاعره اللي مش باينة،
من مواقفه المؤجلة، من مجاملاته اللي مش دايمًا صادقة،
ومن غيرته لما يشوفك أقوى منه.

في النهاية؟
رأيه نادر جدًا يكون حقيقي… والنتيجة صفر.

خد بالك، رأي الناس فيك بيتلون بحالتهم النفسية،
مش دايمًا بنواياهم، لكن بمشاعرهم.
في حد يمدحك علشان محتاج يثبت لنفسه إنه طيب،
وفي حد يقلل منك علشان يرتاح من إحساس النقص اللي جواه.

علشان كده…
اسمع نفسك أكتر ما تسمع الناس.
شوف نفسك انت بتطلع فوق السلم ولا بتنزل منه ..ده مقياسك الحقيقي
راقب رد فعلك، طاقتك، وإحساسك بعد كل موقف…
دي المراية اللي عمرها ما بتكذب.

لما تبقى واثق في نفسك، مش هتحتاج تقييم من حد،
لأنك ببساطة بقيت المصدر… مش النتيجة 🌿

#الوعي

17/10/2025

🌿 صدقة التجربة 🌿

في حاجة اسمها صدقة التجربة...
كل إنسان فينا مرّ بتجربة علمته يعمل حاجة، وبنفس الوقت علمته ما يعملش حاجة.

1️⃣ يمكن تكون تجربة وجعتك، بس خرجت منها أقوى.
2️⃣ يمكن خسرت فيها حد، بس كسبت نفسك.
3️⃣ يمكن وجعتك الحقيقة، لكنها فتّحت بصيرتك.

هو هو الشخص اللي اتأذى، يقدر يكون سبب نور لحد تاني.
ينقل خير التجربة، وينبّه من شرّها.
مش كل صدقة لازم تبقى مال... أحيانًا أغلى صدقة هي تجربة شاركتها عشان غيرك ما يتأذيش زيك.

تَصَدَّق بتجربتك...
وانقل خيرها لغيرك...
وعلّمه يبعد عن شرّها...
يمكن تلاقي اللي يتصدق عليك بتجربته، في وقت تكون أنت محتاج فيه النور. 💚
#وعي

15/10/2025

هو ايه معني السعادة ؟
السعادة بالمعنى العامي يا جماعة، هي الراحة والرضا اللي بنحسهم لما يكون قلبنا مطمن وعقلنا مرتاح.
مش لازم يكون عندنا كل حاجة، المهم نحس إننا مبسوطين وراضيين باللي عندنا.

الناس بتشوف السعادة بطرق مختلفة…
في اللي يلاقيها في ضحكة طالعة من القلب،
وفي اللي يحسها في لمة العيلة أو في صحبة حلوة،
وفي اللي يشوفها لما يحقق هدف أو يساعد حد،
وأحيانًا تكون السعادة في شوية هدوء بعد تعب طويل.

يعني ببساطة كده: السعادة مش في اللي معانا… السعادة في إحساسنا باللي معانا

السعادة مش حاجة بندور عليها برّه، دي إحساس جوانا، بيبدأ لما نرضى، ونبطل نقارن نفسنا بحد، ونشوف النعمة اللي بين إيدينا.
هي ممكن تكون في ضحكة بسيطة، في فنجان قهوة على مزاجك، أو في حضن حد بتحبه.
هي مش في الكمال… السعادة في الرضا.

#السعادة

07/10/2025

لما يكون عندك فكرة برّه الصندوق، والفكرة دي إنت مؤمن بيها أوي أوي، وعارف إنها حتلاقي الصدى الناجح ليها، حاول تعمل حاجة من حاجتين:
يا إمّا تحتفظ بيها لنفسك، يا إمّا تختار بعناية الناس اللي حتشاركهم الفكرة دي.

ولو حتختار إنك تشاركها، حاول بكل طاقتك إن الأشخاص اللي تختارهم يكون متوفر فيهم صفات معيّنة:
إن الشخص ده يكون أمين، ويكون عنده الخبرة الحياتية الكافية، وإنه يحبّك بجد.

غير كده... اختار تختار نفسك!
لأن مشاركة الأفكار مع الأشخاص الغلط معناها إنك كده طلّعت الفكرة من جواك للي قدامك، وساعتها لا حتلاقي الفكرة... ولا حتلاقي اللي قدّامك.

#وعي

#ملهم

#الهام

#تأمل

02/10/2025

سمعت كلام في فيديو وحسّيت إنه رسالة واستبصار وصلني من ربنا 🌿...
الكلام كان بيقول إن كل واحد فينا ربنا مديله "مصروف" بشكل مختلف:
في حد ربنا مديله مال 💰،
وفي حد مديله قوة 💪،
وفي حد مديله قلب مليان حنان 🤍،
وفي حد مديله عطاء 🙏،
وفي حد مديله إخلاص وصفاء 💎...

المصروف ده مش شرط يكون فلوس، هو ممكن يكون أي نعمة أو طاقة أو قيمة جوانا.
والأهم إننا نعرف نحافظ على "مصروفنا" ده، وما نضيعوش في المكان الغلط، ولا مع ناس ما يستحقوش.

لأن ربنا بيحب إن عطاياه تتحط في المكان الصح، ومع الأشخاص الصح.
ساعتها بس بيتحوّل المصروف لاستثمار حقيقي، ويزيد ويكبر بالبركة ✨.
السؤال هنا بقا هل بتستخدم مصروفك صح ....عارف امتي تنفقه وامتي تستثمره ؟؟

{ إِنَّ الْمُبَذِّرِينَ كَانُوا إِخْوَانَ الشَّيَاطِينِ }

#وعي #استبصار #حكمة

26/09/2025

كل إنسان ربنا خلقه على فطرة سليمة وبريئة.
ومع مرور الوقت، الطفل بيتعرض لمواقف وخبرات تبدأ تغيّر من فطرته، ويبتدي ينفصل عنها بالإدراك. ومن هنا بيتكوّن حاجة اسمه ال Ego.

مرحلة الوعي دي بتجمع كل خبراته: أفكار، مشاعر، تصرفات، صدمات، مخاوف، معتقدات، وجروح شخصية. ومن هنا يبدأ يلبس "بدلة" قدام الناس، بدلة شكلها مناسب و"لايقة"، لكنها اتفصّلت من كل اللي مر بيه.

الإنسان ده بيظهر للناس بصورة هو عايزها… لكن جواه بيكون في خناقة بين فطرته الطبيعية وصوته الداخلي الناقد للي بيلبسه قدام الناس👔. وبيفضل يتمنى يرجع لفطرته، من غير ما يحكم أو يجلد نفسه.

الحقيقة إن💡

ربنا خلقنا على فطرة سليمة

الغلط مش معناه إنك فقدت فطرتك

طبيعي تغلط، طبيعي ترفض الغلط، لكن مش طبيعي تفضل تجلد ذاتك أو تستمر في الغلط اللي عرفت إنه غلط.

✨ سلّم، استسلم، وتعلّم من خبراتك عشان تقدر توازن انفعالاتك
غيّر بدلتك في أي لحظة👔… بس خليك قريب من فطرتك اللي ربنا أكرمك بيها. 🌿

#الوعي
#النفس

19/08/2025

ابعِد عن أي شخص تحس إنه بيتعمّد يبيّن لك إنه أحسن منك…
لأن وقتها هو بيتغذّى على الإحساس ده.

الإنسان الناجح فعلًا والقوي بجد… دايمًا متواضع، وبيدي اللي قدامه قيمة حتى لو ما يستحقهاش

خليك فاكر إن قيمتك الحقيقية مش في إنك تثبت إنك فاهم أكتر،أو إنك تثبت انك احسن... لكن في إنك تعرف إمتى تستدعي "غباءك التنكّري" وتسيب نفسك كإنك مش فاهم اللي قدامك
ساعات ده بيكون أذكى خطوة تعملها!

#تواضع #وعي #إلهام #حكمة #قيمتك

15/08/2025

....التردد....القاتل الصامت لاحلامك
#التردد #تحفيز #إلهام #وعي

11/08/2025

ايوه… أنا بفهم في كل حاجة، وبعرف أجاوب وأحلّل وأفسّر.
لكن اللي مريت بيه… هو اللي غيّر معنى الفهم جوايا.

لما أقولك نصيحة أو أشاركك فكرة، مش بقولها من كتاب قريته أو نظرية حفظتها، أنا بقولها من تجربة عشتها… من طريق وقعت فيه وقمت، ومن مواقف كنت فاكرة نفسي فيها صح، لكن اكتشفت إن الصح كان حاجة تانية.

من ندم عشته على كلمة "آه" قلتها في موقف كان لازم أقول فيه "لأ"،
ومن "لأ" قلتها في موقف كان لازم أقول فيه "آه".

ايوه… بفهم في كل حاجة خلتني أسقف فيها لنفسي أو حتى أسقف فيها لغيري.اتعلمت من نجاحات ناس ومن وقعاتهم، ومن وجعهم.

أنا بصيت… وفكرت… وشعرت… ثم عملت.
وعشان كده لما أقولك كلمة، فهي مش مجرد نصيحة… دي خلاصة عمر.وتجربة ادركتها 👌
اصبر واتعلم تتعلم من تجاربك ومن تجارب اللي حواليك واعرف ان كل درس ....حياة

#إلهام

05/08/2025

"في أوقات الحرمان، حين تخيب الظنون وتنكسر التوقعات، يُختَبر القلب في أعمق نقاط ضعفه. ليس من السهل أن ترضى وأنت لا تفهم، ولا أن تقول الحمد لله وقلبك يتوجع. لكن هناك لحظة خفية... لحظة سكون داخلي، تهمس لك أن ما فقدته ما كان ليبقى، وما حدث لم يكن صدفة، وأن وراء كل كسر حكمة لا تُرى، لكنها تُثمر حين تهدأ الروح وتطمئن بالله
أن تُسلِم لله وأنت مكسور، أن ترضى وأنت لا تفهم، أن تُحبّه وأنت تتوجع... هذا هو الإيمان في أنقى معانيه
#صوت Ghada Fahmiصوت الوعي
#الرضا #تأمل #وعي

24/07/2025

بعد كل موقف صعب، دايمًا بنسأل نفسنا
هو إيه الهدف من اللي حصل؟
أنا استفدت إيه؟
بس نادرًا ما بنبص لنفسنا ونقول:
«يمكن أنا اللي كنت المعلّم في الموقف ده؟»

شوف نفسك في الدروس اللي اديتها للي أذاك.
علّمهم من رقيك.
علّمهم من صبرك.
علّمهم من حدودك.
علّمهم من أخلاقك.
خليك دايمًا المعلم...
مش لازم تكون التلميذ اللي دايمًا مستني الرسالة من كل وجع

20/07/2025

بتروح شغلك كل يوم؟
بس بتحس إنك مطحون؟
مش عارف ليه بتعمل اللي بتعمله؟ ولا رايح لفين؟

ده مش "ملل شغل"…
ده ناقوس اسمه: غياب وعي الوظيفة.
بشوف ده كل يوم.
ناس فاكرة إن المشكلة في الشغل…
لكن الحقيقة؟ المشكلة أعمق:

❌ مفيش هدف داخلي.
❌ مفيش خطة تطور واضحة.
❌ ومفيش رؤية لنفسك بعيد عن كرسي المكتب.

وعيك بالشغل = أول خطوة لتطوير حياتك كلها.
لو فضلت تشتغل من غير ما تعرف بتعمل كده ليه…
هتوصل لنقطة مفيهاش طاقة، ولا معنى، ولا رغبة تكمل.

حدد خطتك
ابني قيمة حقيقية جواك،
مهما كان نوع شغلك أو مرتبك.

مش لازم تسيب شغلك.
لكن لازم تفهم دورك فيه،
وتعرف تطور نفسك وانت جوّاه.

ابني وعي حقيقي،
مش بس مهنة

Address

Alexandria
5423022

Website

facebook.com

Alerts

Be the first to know and let us send you an email when Ghada Fahmiصوت الوعي posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Alexandria?