SUN Oncology Center - المركز التخصصي العالمى لعلاج الأورام

15/07/2025

كلمات مرضى د. نعمات حجازي تعكس مستوى من الرعاية… إنسانية في التعامل، وعلمية في القرار.

13/07/2025

ممكن شعرى ميقعش مع العلاج الكيماوى؟

الإجابة، اه ممكن.

كتير من الناس بيتخيلوا إن الكيماوي = فقدان كامل للشعر، لكن الحقيقة إن درجة تساقط الشعر بتختلف حسب نوع الدواء المستخدم، الجرعة، وعدد الجلسات.

في بعض الحالات ممكن الشعر يخف شوية فقط، وفي أدوية تانية بتسبب تساقط كامل، لكن ده مش معناه إنه مفيش حلول!

من الوسائل اللي أثبتت فعاليتها لتقليل تساقط الشعر: الـCooling Cap أو “القبعة المبردة”.

بتشتغل عن طريق تقليل تدفق الدم لفروة الرأس أثناء الكيماوي، وبالتالي بيقل وصول الدواء لبصيلات الشعر، وده ممكن يحافظ على جزء كبير من الشعر.

لو بتتلقى للعلاج الكيماوي، إسألى طبيبك عن خيارات تقليل تساقط الشعر — مهم إنك تعرفى إن في أدوات تساعدك خلال رحلة العلاج.

12/07/2025

نقاش طبي دقيق فى عيادة خبراء SUN لوضع خطة علاج مخصصة لمريضة بسرطان مبيض منخفض الدرجة – لأن كل حالة تستحق اهتمام خاص.

09/07/2025

من أكثر الأسئلة اللى بنسمعها من مرضى السرطان:
“ينفع آخد فيتامينات وأنا باخد كيماوي؟”

الإجابة: فى بعض الأحيان ينفع، لكن تحت إشراف الطبيب فقط.

ليه؟
العلاج الكيماوي ممكن يقلل من قدرة الجسم على امتصاص العناصر الغذائية. بعض المرضى ممكن يستفيدوا من الفيتامينات، خصوصًا لو عندهم فقدان شهية أو نقص في الوزن أو مستويات منخفضة من فيتامينات معينة زي B12 أو D أو حمض الفوليك.

وفي بعض الحالات، أطباء الأورام بيستخدموا فيتامينات معينة مع أنواع محددة من العلاج الكيماوي لتقليل الأعراض الجانبية أو لدعم فعالية العلاج — لكن ده بيكون محسوب وتحت إشراف طبي دقيق.

لكن لازم نكون حذرين:
• بعض الفيتامينات ومضادات الأكسدة (زي A وC وE) ممكن تقلل من فعالية العلاج الكيماوي.
• و”مكمل طبيعي” مش دايمًا معناها انه “آمن” أثناء العلاج.

مهم جدًا تستشير طبيبك قبل ما تبدأ في أي نوع من الفيتامينات أو المكملات. ممكن يطلب تحاليل ويتأكد إذا كنت فعلًا محتاجها ويوجهك للنوع المناسب.

07/07/2025

مش أي دكتور يقدر يسيب الأثر ده… وده باين في كل كلمة من مرضى د. محمد لطيف.

كلمات من القلب تحكي عن تجربة علاج مليانة دعم، إنسانية، واهتمام حقيقي.

05/07/2025

من أكتر الأسئلة الى بنسمعها من المرضى ازاى نقدر نحسن من المناعة؟

لأن علاجات الأورام زى العلاج الكيميائي أو الإشعاعي ممكن تُضعف الجهاز المناعي،و ده بيخلى المريض أكثر عرضة للعدوى.

لكن فى خطوات فعالة لتعزيز المناعة وتقوية الجسم! و أهمها التغذية السليمة، ومن أهم الأطعمة المفيدة:

البروكلي – يحتوي على مضادات أكسدة قوية
الثوم – يعزز استجابة الجهاز المناعي
التوت – غني بفيتامين C ومركبات البوليفينول
الأسماك الدهنية – مصدر ممتاز لأوميغا 3
المكسرات والبذور – غنية بالزنك وفيتامين E
الشاي الأخضر – يحتوي على مضادات أكسدة طبيعية قوية
البنجر – غني بالحديد ومركبات تساعد على تحسين تدفق الدم وتقوية المناعة
‎الرمان – غني بمضادات الأكسدة والبوليفينولات الى بتساهم فى تقوية الجهاز المناعي ومقاومة الالتهابات

بالإضافة لكده، التعرض لأشعة الشمس بانتظام (من 10–15 دقيقة يوميًا) بيساعد الجسم على إنتاج فيتامين D، وهو عنصر أساسي في تقوية المناعة، مع ضرورة الحذر من فترات الذروة.

لازم كمان نشرب كمية كافية من الماء، ننام كويس و نمارس النشاط البدني الخفيف.

وفي بعض الحالات، لو انخفض عدد كريات الدم البيضاء لدرجة معينة، ممكن الطبيب يوصف علاجات معينة تزود المناعة حسب بروتوكول العلاج.

كل حالة مختلفة عن غيرها، علشان كده من الضروري اتباع تعليمات الطبيب والبقاء على تواصل دائم مع الفريق المعالج.

02/07/2025

أحيانا بنحس بشكوى أو عرض صحي في جسمنا ونقول “بسيطة، هتعدي”…

لكن الحقيقة إن بعض العلامات ممكن تكون رسائل مبكرة من جسمك بتحاول تقولك: “خد بالك”.

لو في حاجة شغلاك – حتى لو كانت بسيطة – ما تتجاهلهاش.

شاركنا إيه هى الأعراض الى حسيت بيها، و شارك الرسالة دي مع اللي بتحبهم… يمكن تكون سبب في إنقاذ حياة 💙

📞 للتواصل مع المركز: 16207 – أو واتساب: 01222195242

30/06/2025

ثقة تُروى بكلماتهم…

تجارب حقيقية يشاركونها من القلب، عن الرعاية الطبية والاهتمام الذى وجدوه مع أ.د/ رشا السقا

28/06/2025

تعرف إنّ المسح الذري مش نوع واحد بس؟

هو في الحقيقة مجموعة مختلفة من الفحوصات اللي بتستخدم مواد مشعة بجرعات صغيرة لعرض وظائف وأداء أعضاء الجسم بشكل دقيق.
يتم حقن المادة المشعة، وبتتجمع في مناطق معينة في الجسم حسب نوع الفحص، ثم يقوم الجهاز بالتقاط صور توضح نشاط الخلايا.

فيه أنواع كتير من المسح الذري، زي مثلاً:

مسح التصوير المقطعي البوزيتروني PET-CT: وده بيُستخدم بشكل واسع في اكتشاف ومتابعة الأورام.

مسح العظام الذري: بيقدر يكشف عن التهابات أو أورام العظام.

مسح PSMA: فحص متقدم يُستخدم بشكل خاص للكشف عن سرطان البروستاتا وانتشاره بدقة عالية.

فحص FES PET: يُستخدم لتقييم مستقبلات هرمون الإستروجين في بعض أنواع سرطانات الثدي المنتشرة، وده بيساعد في تحديد الخيارات العلاجية المناسبة.

مسح الكلى: لتقييم وظائف الكلى والكشف عن أي انسداد.

مسح الغدة الدرقية: بيساعد في تقييم وظائف الغدة الدرقية وتشخيص اضطراباتها مثل فرط النشاط أو وجود عقيدات.

كل هذه الفحوصات متوفرة لدينا في مركز SUN Scan بأحدث الأجهزة وأعلى معايير الجودة لضمان دقة النتائج وسلامتك.

لا تتردد في التواصل معنا لمعرفة المزيد أو لحجز موعدك على 16207.

24/06/2025

في رحلة علاج سرطان الثدي، من أهم الخطوات اللي بنعتمد عليها لتحديد خطة العلاج هي معرفة إذا كان السرطان انتشر للعقد اللمفاوية تحت الإبط أو لا.

هنا بييجي دور أخذ عينة من العقدة اللمفاوية الحارسة – وهي أول عقدة ليمفاوية ممكن تنتقل ليها الخلايا السرطانية من الورم.

من خلال الاجراء البسيط ده، بنقدر:

-نكتشف إذا كان فيه انتشار مبكر للسرطان

-نحدد إذا كانت المريضة فعلاً محتاجة إزالة باقي العقد أو لا

-نقلل من المضاعفات اللي كانت بتحصل زمان مع إزالة كل العقد تحت الإبط، زي التورم الدائم للذراع (lymphedema)

مركز SUN Scan هو الوحيد اللي بيوفر فحص الغدة الحارسة باستخدام مادة مشعة مخصصة، لزيادة دقة تحديد موقع العقدة الحارسة بنسبة عالية جدًا، وبالتالي تحسين فرص التشخيص والعلاج المبكر.

باختصار: الإجراء ده بيساعدنا نوصل لأدق تشخيص بأقل تدخل جراحي، وده بيفرق في قرارات العلاج بعد كده.

22/06/2025

آراء المرضى هي انعكاس حقيقي لجودة الرعاية.

إليكم بعض مما قيل عن أ.د/ عبدالسلام عطيه في رحلاتهم مع العلاج.

#آراءكم _تهمنا

21/06/2025

هل وجود طفرة جينية في الورم أمر إيجابي أم سلبي؟

ده سؤال بيتكرر كتير من المرضى، والإجابة مش دائمًا بسيطة.

لأن وجود طفرة جينية مش معناه بالضرورة أن الحالة أسوأ — و لا دائمًا معناه أن الأمور أفضل.

في الواقع، الطفرات الجينية بتلعب دور محوري في تحديد سلوك الورم، مدى انتشاره، واستجابته للعلاج.

بعض الطفرات ممكن تجعل الورم أكثر شراسة، بينما طفرات أخرى بتتيح فرص لعلاجات موجهة أكثر فاعلية.

و علشان كده الفحوصات الجينية أصبحت جزء أساسي من خطة علاج الأورام، لأنها تتيح للأطباء اختيار العلاج الأنسب بناءً على التركيب الجيني لكل ورم — يعنى علاج دقيق، وشخصي، وفعّال أكثر.

من طفرة BRAF في الميلانوما، إلى EGFR في سرطان الرئة، وBRCA في سرطان الثدي — الجينات مبقتش مجرد تفاصيل علمية، بقت مفتاح لفهم المرض والتعامل معاه بشكل أفضل.

استشر طبيبك عن أهمية الفحوصات الجينية، لانها ممكن تكون نقطة تحول في خطة العلاج… وفي رحلة الشفاء ان شاء الله.

المركز التخصصي العالمي لعلاج الأورام مركز متكامل لخدمة مريض الأورام