08/04/2025
خدعة تسويقية ولا حقيقة ؟🤔🔎
مصطلح “حفظ نظر” ده الناس اخترعوه، لكن مفيش حاجة طبية اسمها كده !
هو اسم دارج بيستخدمه الناس لأي نظارة فيها عدسات بدون درجات (صفر)، وبتلبسها:
• قدام الموبايل أو الكمبيوتر.
• أثناء المذاكرة أو الشغل.
• أو لمجرد الراحة من وجع العين والتعب.
طب امتى ممكن ألبس نضارة من النوع ده؟
لو بتحس بـ:
• إرهاق في العين من الشاشات.
• صداع بدون سبب واضح.
• زغللة بسيطة بعد وقت طويل قدام الموبايل أو اللابتوب.
ساعتها ممكن نعمل كشف نظر ونجرب نظارة للراحة أو بعدسات فلتر بلو لايت (الضوء الأزرق).
لكن لو فيه ضعف نظر فعلي (قصر، طول، استجماتيزم)،
يبقى لازم تلبس نظارة بدرجات مناسبة… مش “نظارة حفظ نظر”.
خد بالك:
نظارة البلو لايت مش هتحفظ نظرك، لكن ممكن تقلل تعب العين وتساعدك تركز أكتر.
لو حابب تعرف النظارة المناسبة ليك، اعمل كشف نظر، وخلّي قرارك مبني على حاجة دقيقة… مش على كلام الناس و ده يبقا عين العقل
و لو عندك اي سؤال تاني أسأل في الكومنتات
#ستايل #وعي #نظارات #عدسات
