عيادة د.أحمد ناصر بكرموز للصدر والحساسية وصدرالأطفال01277948131

05/04/2024

08/09/2023

المواعيد من ١.٥ ال ٣ كوم الشقافة امام جامع الميري

17/08/2023

المواعيد من ١.٥ الي ٣ عصرا بالحجز المسبق
كوم الشقافة امام جامع الميري

04/08/2023

المواعيد يوميا من ١ ونص ل ٣ عصرا كوم الشقافة امام جامع الميري

29/10/2022

كتير بيجي لي مرضى بيشتكوا من ألم في منتصف الصدر بيزيد جدا ً مع أقل مجهود و يقل مع الجلوس و الراحة.

عملوا رسم قلب بالمجهود أكد وجود قصور في الشريان التاجي وضرورة عمل قسطرة استكشافية للشرايين التاجية.

و بعد عمل قسطرة استكشافية تبين سلامة الشرايين التاجية!!

طيب طالما الشرايين سليمة الشكوى سببها إيه و ليه رسم القلب بالمجهود أظهر وجود ضيق في الشرايين رغم إن القسطرة أكدت سلامة الشرايين التاجية؟

عشان نفهم الإجابة بشكل مبسط لازم نعرف إن الشرايين التاجية عبارة عن شبكة من الأوعية الدموية تبدأ بشرايين ذات أحجام و أقطار كبيرة ثم تتفرع تدريجيا ً لتكون شبكة دقيقة جداً من الشعيرات الدموية التي تغذي عضلة القلب كما هو موضح بالصورة.

الضيق اللي بيصيب الشرايين التاجية بيحصل إما في الشرايين الكبيرة ودي يمكن رؤيتها بسهولة من خلال القسطرة الاستكشافية و يمكن إصلاح هذا الضيق عن طريق الدعامات ، و إما بيحصل في الشرايين الدقيقة و الشعيرات الدموية الصغيرة جداً و دي لا يمكن رؤيتها بالقسطرة و لا يمكن إصلاح الضيق فيها عن طريق الدعامات لأن حجمها و قطرها أصغر من قطر أي دعامة.

وهي دي اللي بتسبب ألم في الصدر للمريض ومع ذلك تكون نتيجة القسطرة سليمة.

يعني هل معنى كده إن المريض مالوش علاج و هيفضل يتألم و يعاني طول عمره ؟

لا طبعاً لازم المريض ياخد علاج عشان نقلل معاناته و كمان عشان نحمي الشرايين التاجية الكبيرة في القلب من أن يحدث فيها الضيق كما حصل في الشرايين الدقيقة.

العلاج كالاتي :-
١- تخفيض الوزن.
٢- منع التدخين.
٣- غذاء صحي غني بالخضراوات و الفاكهة والبروتين و قليل بالدهون و النشويات.
٤- شرب ٣ لتر ماء يوميا ً.
٥- ضبط السكر و الضغط.
٦- الرياضة المنتظمة ٥ أيام أسبوعياً.
٧- العقاقير :- الاسبرين - مخفضات الكوليسترول - موسعات الشرايين التاجية.

13/05/2022

الحمد لله رب العالمين
مش كل دور برد او التهاب حلق او حتي التهاب رئوي بندي فيه مضاد حيوي
يا جماعة المضاد الحيوي لا يعطي جزافا بدون داعي وبدون علم
ساعات بيؤدي الي مضاعفات خطيرة
وشفت حالات جالها امراض مناعية خطيرة بسبب المضاد الحيوي
ارجوكم انتبهوا

31/12/2021

بمناسبة العام الجديد
عيادة د.أحمد ناصر بكرموز شارع الناصرية امام جامع الميري
الكشف ٦٥ جنيها فقط
المواعيد يوميا من ١ الي ٣ عدا الخميس والجمعة
01277948131
01273966139

12/10/2021

بسم الله الرحمن الرحيم
يا جماعة الموضوع مهم وخطير
مش كل حالات الاصابة بفيروس كورونا زي بعضها...
مينفعش يبقي فيه سطمبة علاج لاي حد عنده كورونا ياخد نفس العلاج....
مينفعش اي حد ياخد اي علاج دون استشارة طبيب الصدر المتخصص...
حالات الاصابة بفيروس كورونا تنقسم الي
حاله بسيطة عبارة عن اعراض برد وحرارة وسعال خفيف...
حالة متوسطة اشد نسبيا وتتميز بضيق التنفس والحرارة العالية..
حالة التهاب رئوي واعراض شديدة
حالةالتهاب رئوي شديد وحاد ونقص بالاكسجين بالدم...
حالة تحجر بالرئة ونقص شديد بالاكسجين
حالة فشل بالتنفس يؤدي الي الوفاة....
كل هذه الحالات المختلفة للاصابة يختلف علاجها جزريا عن الحالات الاخري...
وكل حالة لها طريقة وجرعات علاج مختلفة ومتابعة مختلفة وربما الحجز بالمستشفي او بالرعاية المركزة...
مينفعش صيدلي او ممرض او مواطن عادي يعالج مريض كوفيد...
لان فيه حالات كتير بتتأخر وللاسف بنشوفها بعد فوات الاوان...
مينفعش اشوف واحد صاحبي او قريبي كان عنده كرونا واخد نفس العلاج اللي كان بياخده...
عافانا الله واياكم.....
د احمد ناصر ....
كرموز عامود السواري امام مسجد الميري
٠١٢٧٧٩٤٨١٣١