24/01/2026
🔴 الألم في الجلطة القلبية – نقاط مهمة لازم تعرفها
▪️ مش كل جلطة بتوجع الصدر
الجلطة القلبية ممكن تظهر بضيق نفس، تعب شديد، غثيان أو حرقان معدة… وده شائع عند النساء وكبار السن ومرضى السكر.
▪️ مدة الألم مهمة
ألم الجلطة غالبًا يستمر أكتر من 10 دقائق.
الألم اللي بييجي ثواني أو يفضل أيام بدون تغيّر نادرًا يكون قلبي.
▪️ انتشار الألم علامة قوية
انتشار الألم للذراعين معًا أو للذراع اليمين أخطر من الذراع الشمال فقط.
▪️ الضغط على الصدر
لو الألم بيزيد بالضغط عليه، غالبًا مش جلطة.
غياب الألم مع الضغط يخلّينا نشك أكتر في القلب.
▪️ النيتروجليسرين مش دليل
تحسّن الألم بعد قرص النيترو مش معناه إن الألم قلبي. ممكن يكون من المرئ
▪️ في جلطات صامتة
حوالي 20% من الجلطات بتحصل من غير ألم، وبتتشخّص متأخر للأسف.
▪️ جلطة الجدار السفلي
ممكن تيجي بألم معدة، قئ، وغثيان وتتلخبط مع مشاكل الهضم.
⚠️ الخلاصة:
أي ألم صدري غير مفسَّر أو أعراض مفاجئة لازم تتقيم فورًا… ما تستناش.
—
د. جون أنيس
استشاري أمراض القلب والأوعية الدموية ❤️
