Psy Salma Nasr Elnemr

Psy Salma Nasr Elnemr عضو عامل لجمعية العاملين في مجال الصحة النفسية
ومن احياها فكأنما احيا الناس جميعا

"مفيش مشكلة إنك تكتشف أنك مكنتش صح إمبارح وتقرر تبقى صح انهارده..!" 🩶ولازم تتقّبَل فكرة أنك أنسان يخطئ ويصيب، مفيش حد كا...
23/02/2026

"مفيش مشكلة إنك تكتشف أنك مكنتش صح إمبارح وتقرر تبقى صح انهارده..!" 🩶

ولازم تتقّبَل فكرة أنك أنسان يخطئ ويصيب، مفيش حد كامل ومفيش حد كل إختياراته صح، لأن مش المفروض أصلاً أنك تعمل كل حاجة صح، بس المهم أنك تفضل تحاول..🩶

ساعات بيكون الدافع الحقيقي للتغيير أنك تكتشف أخيرًا أنك أهم من كل اللي بيحصل فى حياتك ده!❤



23/02/2026

⚡" الاحتياجات النفسية"
هي الوقود الداخلي اللي بيحرك حياتنا.

زي ما جسمنا محتاج أكل وشرب ونوم،
نفسنا كمان محتاجة احتياجات أساسية
تحافظ على توازننا النفسي.

💡 عشان كده النهارده هتكلم عن الاحتياجات النفسية الأساسية والمهمة...
عشان تشوف الصورة الكاملة وتعرف كل اللي النفس محتاجاه فعلاً :

🔸 الأمان
إنك تحس إن مشاعرك مش هتستخدم ضدك...
إنك متبقاش عايش مترقب هجوم أو تقليل.

🔸 الاستقرار
إن الظروف حواليك ما تتغيرش
بشكل مرعب ومفاجئ طول الوقت.

🔸 النظام
إن حياتك ما تبقاش عشوائية.
في ترتيب يخليك تعرف تعمل إيه وإمتى.

🔸 الدعم
إنك تلاقي حد واقف جنبك وقت ما تقع…
مش واقف مستني يقولك “مش قولت لك؟”

🔸 الحب
إن وجودك يفرق…
مش بس وقت ما تكون مفيد.

🔸 القبول
إنك تبقى مقبول بعيوبك قبل مميزاتك.

🔸 الاهتمام
إن حد يلاحظ تغيرك…
ويسأل “مالك؟”

🔸 المشاركة
إنك متحسش إنك لوحدك في الحياة.

🔸 الاحترام
إن رأيك يتحسب له حساب...
حتى لو مختلف.

🔸 التعاون
إنك تحس إن اللي حواليك بيكملوك...
مش بينافسوك طول الوقت.

🔸 الثقة
إنك تقول: “أيوه أقدر أحاول”...
حتى لو جواك خوف.

🔸 النجاح
إحساس إن تعبك له نتيجة.

🔸 التقدير
إن مجهودك يتشاف ويتقالك “شكرًا”.

🔸 الاستقلال
إنك تعتمد على نفسك وتاخد قراراتك.

🔸 الحرية
إنك تختار من غير خوف دائم من العقاب.

🔸 التعبير
إنك تقول “أنا زعلان”...
من غير ما يتقال لك “كبر دماغك”.

🔸 الهدف
إن يومك ما يكونش مجرد تكرار…
في سبب يخليك تكمل.

🔸 التعليم
إنك تفضل تكبر فكريًا...
ومش واقف مكانك.

⚠️لو احتياج منهم ناقص…
ده مش ضعف.
ده إشارة إن في جزء محتاج رعاية.

📌 قولي:
💬 إيه أكتر احتياج حسيت إنه مهم ليك دلوقتي؟ 🤍




ليتنا نفهم أن جميع " العلاقات " خُلقت للراحة والرحمة :-" سَنشُد عضُدَكَ بأخيك "" إذ يقول لصاحبهِ لا تحزن "" وجعلَ بينكم ...
23/02/2026

ليتنا نفهم أن جميع " العلاقات " خُلقت للراحة والرحمة :-
" سَنشُد عضُدَكَ بأخيك "
" إذ يقول لصاحبهِ لا تحزن "
" وجعلَ بينكم مودةً ورحمة "
لم نُخلَق لإثبات حسن النوايا ، أو لنسعى لننتصر على بعضنا في أوقات الخلاف ، لم نخلق لنستنزف أيامنا في علاقات صعبة ولا لننفق أعمارنا محشورين في زوايا الهدم والرتق ..
كلمة صادِقة كفيلة بإنهاء الخلاف ..
نظرة أمان ستنزع الخوف من القلوب ..
الحياة تركض بشكل مُفزع والعلاقات وُجِدت لتكون بمثابة استراحة ومتّكأ " للقلوب " لا تعباً ومشقة لها ❤️🌿 ..!!






كل سنه وانتم طيبين رمضان مبارك عليكم 🌙✨️
18/02/2026

كل سنه وانتم طيبين
رمضان مبارك عليكم 🌙✨️

💌 الرسائل الخفية للطفلكل لحظة في نمو طفلك ليها قيمة… وخطوة صغيرة النهارده ممكن تفرق في مستقبله كله 🕰️🤍كل تصرف بيعمله طفل...
11/02/2026

💌 الرسائل الخفية للطفل

كل لحظة في نمو طفلك ليها قيمة… وخطوة صغيرة النهارده ممكن تفرق في مستقبله كله 🕰️🤍
كل تصرف بيعمله طفلك وراه رسالة، والمشكلة بتبدأ لما منعرفش نفهم معناها.

عشان كده بنقدّم لكم ورشة "الرسائل الخفية للطفل" ضمن فعاليات حملة
«نحو طفولة آمنة… طفلي بيكبر صح» 🌱

هنتكلم فيها عن:
✨ ما وراء سلوكيات طفلك
🫂 الاحتياجات الحقيقية للطفل
🤔 نصائح عملية للأم للتعامل في البيت

🎁 ولكل الأمهات الحاضرات: هيكون فيه تقييمات نمو مجانية للأطفال في يوم مخصص لاحقًا ضمن خدمات الحملة.

📆 موعدنا: الخميس 12/2/2026
🕦 الساعة: 11:30 صباحًا
📍 المكان: فيلا ٢٠١ شارع طيبة – كليوباترا

الدعوة عامة لكل أم حابة تفهم طفلها أكتر وتطمن على نموه 🤍

‏” إحدى طرق التعافي من إيذاء البشر ....! أن تنظر إليهم ڪمرضى ، بعدها ستتحول نظرتك لهم من الغضبٍ إلى الشفقة .” ...
11/02/2026

‏” إحدى طرق التعافي من إيذاء البشر ....!
أن تنظر إليهم ڪمرضى ، بعدها ستتحول نظرتك لهم من الغضبٍ إلى الشفقة .”







08/02/2026

لقاء خاص مع الأستاذ الدكتور أحمد السيد فهمي على القناة الخامسة 🎥✨
على هامش مؤتمر «من لهؤلاء؟» حول الاضطرابات النفسية للأطفال 🧠👶

ناقش اللقاء التحولات المتسارعة في خريطة الاضطرابات النفسية لدى الأطفال،
وأهمية بناء جيل من المعالجين المتخصصين القادرين على الفهم العميق
والتدخل العلمي لحماية الصحة النفسية للطفل.

خطوة جديدة نحو وعي أكبر… 🌱
ومستقبل أكثر أمانًا لأطفالنا 🤍


https://youtu.be/YFtDxYQZxIg

جدول يلخّص أشهر الاضطرابات النفسية التي تقف وراء هذا السلوك:
08/02/2026

جدول يلخّص أشهر الاضطرابات النفسية التي تقف وراء هذا السلوك:




24/01/2026

لأول مرة على المسرح: PSYCHO SHOW – أحببت وغدا 🎭
ميكس جديد بين العرض المسرحي والبودكاست المباشر على المسرح!
حلقة أولى مليانة مفاجآت، ضحك، تشويق، وتحليل العلاقات النفسية بشكل مختلف تمامًا.
أوعى تفوت أول حلقة – تجربة مسرحية مش زي أي تجربة!📅
احجز مكانك دلوقتي واستعد للغوص في عالم الحب والمشاعر بطريقة مشوفتهاش قبل كده!

🎟️ التذاكر متاحة الآن
📞 للتواصل والحجز:
01023033944
📍 العنوان:
فيلا ٢٠١ – شارع طيبة – كليوباترا


#مسرح

#علاقات #حب #دراما #كاف

يلا نكمل موضوعنا عن صوتك الداخلي تعالو نتكلم علي اول صوت وهو الصوت الناقد 👇اغلب النقد بيكون علي حاجتين (الشكل - التصرفات...
23/01/2026

يلا نكمل موضوعنا عن صوتك الداخلي

تعالو نتكلم علي اول صوت وهو الصوت الناقد
👇
اغلب النقد بيكون علي حاجتين (الشكل - التصرفات)

◀️ نتكلم علي الشكل 🚹

كل واحد فينا له معايير الخاصه به في مقياس الجمال
▪️يعني ايه 🤔
يعني كل حد فينا له مواصفات معينه في الشكل بيعجبه او يحبه
ف مش معني ان حد انتقد شكلنا يبقي فعلا هو صح
لا كل القصه اني غير مطابقه لمعايير الجمال عنده

⛔ ️علي فكره ده مش كلامي أو راي براضيك بيه 🙄

ده راي ربنا لقوله تعالي " وخلقنا الإنسان في أحسن تقويم " صدق الله العظيم يعني (قضي الأمر ✋️)

◀️ نتكلم بقي علي التصرفات او السلوك
كل حد فينا جوه بيته مختلف عن التاني ....
↩️ في الأفكار
↩️ طريقة التربية
↩️ ثقافته
↩️ البيئة المحيطه بيه

📌 بس في نفس الوقت كل واحد فينا يحكمه حدود سواء ( حدود دينية - تربوية - قيم مجتمعيه) 🚫

و دى الحاجه اللي بتميزنا ك بني ادمين عن باقي المخلوقات .

ينفع مع كل الاختلافات دى ابني راي او نقد شخصي فيا 🙄
اومال ايه اللي المفروض اعمله 🤔

⛔️ اقف لحظه وافكر ✋️
↩️ هل تصرفي او سلوكي فعلا خرج عن نطاق الحدود
ولا لا

واخيرا ✋️

((( قيمتي من نفسي مش من رأى حد فيا 💪)))







Address

فيلا ٢٠١ شارع طيبة كليوباترا
Alexandria
00203

Website

Alerts

Be the first to know and let us send you an email when Psy Salma Nasr Elnemr posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category