14/03/2026
#خدبالك طفل جميل عنده 12سنة داخل الطوارئ على رجله عادي كان حاسس أنه مش متزن ودايخ 🫨 بنتكلم معاه عشان نعرف شكوته وإذ فجأة تحصل المفاجأة ويقع فاقد للوعي وفي غيبوبة عميقة 🥺🥺 نقيس سكر ونقيس ضغط نلاقيه سليم بس درجة الوعي وقعت ل5من 15 في اللاوقت حرفيا ..طبعا تم حجزه في العناية المركزة في الحال وتم وضعه على جهاز تنفس صناعي وهنا يبدأ اللغز المحير 🤔🧐ايه اللي حصل ؟ طبعا حضرناه لعمل أشعة مقطعية على المخ وسحبنا التحاليل اللازمة وقلنا نتكلم مع الام يمكن تدينا طرف للغز محير 🥹🤕وهنا كانت المفاجأة 😱😱الام قالت احنا صيادين وبنصطاد اي سمك ونطبخه وبنفهم في أنواعه كمان 🐟🐠 و النهاردة اصطادنا سمكة الأرنب 🐡🐡 واحنا متعودين ننظفها كويس من أكياس السم ونأكلها 😬😬 وطبعا كان هو ده حل اللغز 🙈 لو حد منكم مبعرفش سمكة الارنب فهي سمكة سامة جدا ملليجرامات بسيطة جدا منها بتعمل فشل في التنفس واضطراب بدرجة الوعي وليس لها مصل أو مضاد السم 😔والموضوع بيكون خطير جدا للأسف 😔عشان كده لازم مناكلش اي سمك مجهول الهوية ومنخاطرش بحياتنا ..طبعا بفضل الله الولد اتفصل من على جهاز التنفس الصناعي وخرج بألف سلامة بفضل الله وكرمه 😊بس بعد ما كانت حالته شبه ميئوس منها ..الخلاصة متاكلوش أو تأكلوا اطفالكم اي أكل غير معلوم وربنا يحفظ أولادكم 🌷
