Dr Passant Hamed / Pediatric Dentist

30/04/2026

“مش كل تسوس بيبان! 👀
علشان كده الدكتور بيعمل أشعة على الضروس
الأشعة بتكشف التسوس وهو لسه في بدايته
قبل ما يكبر ويعمل مشكلة 💥
اكتشاف بدري = علاج أسهل ووجع أقل 😌🦷”

25/04/2026

كل ماما بتستنى أول سن بفارغ الصبر 😍🦷

بس الحقيقة إن التسنين مش سباق… كل طفل ليه توقيته الطبيعي 👶
💡 أهم حاجة:
تأخر التسنين لحد سنة وشهرين ممكن يكون طبيعي، بس المتابعة دايمًا بتطمن ❤️

📌 احفظي البوست عشان ترجعي له وقت ما تحتاجي
💬 وقوليلنا: أول سن عند طفلك ظهر امتى

23/04/2026

خلصنا كل التسوس 💪🏻… فريدة دلوقتي officially cavity free
هتوحشينا يا ديدا 🥹🦷

21/04/2026

طفلك بيهرب من غسيل الأسنان؟ 😅🪥
الموضوع مش عناد… هو بس محتاج يتحول لوقت ممتع 🤍
جربي الحيل البسيطة دي وهتلاحظي فرق كبير 👀✨
من اختيار الفرشة لحد اللعب والأغاني… كله بيخلي التجربة أسهل عليه وعليك
افتكري دايمًا 👇
غسيل أسنان طفلك مسؤوليتك لحد ٧ سنين، وبعدها يقدر يعتمد على نفسه… بس متابعة بسيطة منك تفرق كتير 🪥💛
قوليلنا في الكومنتس: إيه أكتر حاجة نفعت مع طفلك؟ 💬

19/04/2026

حلا كانت بتخاف من دكتور الأسنان… النهارده خرجت مبتسمة ومن غير خوف ✨🦷، وأجمل تغيير مش في الأسنان بس… في ثقة حلا كمان 💙

17/04/2026

“تسوس الرضاعة مش بس من الببرونة! 🦷
اللبن فيه سكر، سواء صناعي أو حتى طبيعي، وده ممكن يسبب تسوس للأسنان 😟
عشان نحمي أسنان أطفالنا:
امسحي أسنانه بشاشه مبلولة، أو خليه يشرب شوية ميه، أو نغسل أسنانه 👶✨
العناية بدري = ابتسامة صحية طول العمر 💙”

16/04/2026

😱 سن ابنك الدائم وقع بالكامل؟ متتوترش… بس اتحرك فورًا!

في اللحظة دي، كل دقيقة بتفرق بين إننا ننقذ السن… أو نخسره للأبد 💔

لو حصلت:
🦷 امسك السن من التاج (مش الجذر)
🥛 لو متسخ اشطفه (باللبن)
👄 حاول ترجّعه مكانه لو ينفع
🥛 أو حطه في لبن / محلول ملحي
⏱️ وروح لدكتور الأسنان فورًا (يفضل خلال 30 دقيقة)

⚠️ مهم جدًا:
الكلام ده ينطبق على السن الدائم بس
السن اللبني ❌ ما بيتزرعش تاني

💙 تصرفك الصح في أول دقايق ممكن يرجّع ابتسامة ابنك تاني
احفظ البوست عشان ممكن تحتاجه في أي وقت

13/04/2026

Happy Easter 🐣💛
ضحكة صغيرة… بس بتفرق كتير ✨

غصون الجميلة ٤ سنين 😍
شجاعة ومكملة لآخر حاجة ببساطة 👏🦷

بنخلي تجربة الدكتور أخف وألطف عليهم ❤️

11/04/2026

“هو جاي يلعب ولا يعالج اسنانه؟ 🤔😄
مش لعبة… دي طريقة اسمها Tell-Show-Do 👇

بنشرح له الأول هنعمل إيه (Tell)
نوريه الأدوات ونطمنه (Show)
وبعدين نبدأ وهو فاهم وهادي (Do)
السر كله في إن الطفل يحس بالأمان قبل ما نبدأ 🦷💙

10/04/2026

✨ نقص الكالسيوم في الضروس والأسنان الأمامية (MIH) مش حاجة بسيطة!
ممكن تلاحظي بقع بيضا أو صفرا على الأسنان الأمامية 😕
لكن الصدمة بجد بتكون في الضروس…
💥 الضرس أول ما يطلع… يبدأ يتكسر بسرعة جدًا!
وقبل حتى ما يلحق يحصل فيه تسوس 😳
💔 ده بيكون بسبب ضعف في طبقة المينا
⚠️ الحالة دي ممكن تعمل:
حساسية + ألم + صعوبة في الأكل
✅ عشان كده مهم جدًا:
• المتابعة بدري مع دكتور الأسنان
• إجراءات وقائية أقوى من المعتاد
• استخدام فلورايد وعناية خاصة
👶 الاكتشاف بدري = حماية أفضل ومنع تدهور الحالة

03/04/2026

⚠️ “أسنان ابنك مش مترتبة؟ الموضوع ممكن يكون أكبر من كده!”
مش بس شكل…
ممكن يكون في مشكلة في العضة زي الـ Crossbite 👀
بس الحل كان واضح 👇
💡 بدأنا بدري
✔️ تصحيح الـ crossbite
✔️حشو عصب للضروس و تركيبات
علشان نوصل لـ:
ابتسامة متظبطة 😊
وثقة أكبر للطفل 💙
✔️ التدخل بدري =
• علاج أسهل
• نتائج أسرع
• مشاكل أقل في المستقبل

📌 لو ملاحظين إن أسنان طفلكم “مش مظبوطة”
ماتقولوش “هتكبر وتتعدل”…
اكشفوا بدري 👌🏻
💬 سيبوا أسئلتكم في الكومنتات
📌 احفظوا البوست وشاركوه مع أي ماما ممكن تستفيد

Send a message to learn more

02/04/2026

✨ فاكرين إن تركيبات أسنان الأطفال لازم تبقى فضي؟
الحقيقة لأ 👇🏻
يا إمّا تكون لونها فضي
يا إمّا تكون لونها أبيض شبه لون السِن 🤍
والاختيار بينهم مش عشوائي…
بيعتمد على قوة التركيبة المطلوبة، مكان السِن، وكمان الشكل الجمالي 👶🏻
في حالات بنحتاج فيها الفضي علشان يتحمل أكتر
وفي حالات نقدر نستخدم الأبيض علشان يدي شكل طبيعي وابتسامة أجمل ✨
💡 المهم إننا نختار الصح لكل طفل… مش بس
الشكل، لكن كمان الوظيفة