09/02/2024
النهارده في العيادة طفل CP ضمور مخ بيتابع معايا في زيارته التانيه ليا، كانت أموره كويسه جدا الحمد لله وهادي مش خايف ولا متشنج لقيته بيبتسملي كمان 😇
لما خلصنا الكشف بقوله بتحبني؟! عمل حركة مامته قالتلي ان معناها ايون 🤍 فعملتله بالون من الglove وكان واضح فرحته بيه جدا 💙
يمكن هو موقف بسيط بس الزياره دي فرحتني أنا أكتر لإنها اخدت كتير من الحزن اللي بقلبي وادتني طاقة إيجابية تقويني أكمل 💚
يمكن انا معملتش حاجه وربنا هو الشافي المعافي قبل كل شيء بس انا كنت فرحانه جدا إنه مش خايف مني وانا بكشف عليه لإن طبيعة الحالات دي بتخاف من اي حد متعرفهوش بل بالعكس كان فرحان كمان 🤍🤍😊
ربنا عز وجل إذا أحب عبداً، بيحبب خلقه فيه زي ما بنقول واكيد أنا مش هلاقي قلب أنقى من كده علشان يحبني ❤️ وعلشان كده فرحت جدا لإن ربنا بيوصلي إن مهما كانت حياتنا صعبة فهو عز وجل موجود وبيحبنا وهيقوينا بإذن الله 🤍🤍🤍
