Dr.Rawan Sameir

22/01/2025

ماشاء الله المتابعه والإلتزام اهم حاجه عشان تلاقى نتيجه مش مهم الميزان عندى قد م انت هتحس بفرق ف صحتك وحركتك والمقاسات كمان 💗
Dr.Rawan Sameir
Dietitian 🍏👩‍⚕️

05/01/2025

من اهم الحاجات اللى لازم نعرفها واحنا بنعمل Diet لازم اعرف هل أنا اللى بنزلو ده بيكون دهون ام عضلات نعرف ازاى ؟؟
* لو بتنزل دهون ..
1- المقاسات بتتغير يعنى ايه.... يعنى لو انت كان عندك لبس كان ضيق ودلوقتى حسيت انو بقى واسع وبتعرف تلبسو كده بتنزل دهون...
2- حالتك الصحيه كويسه وحاسس انها بتتحسن كل فتره عن الأول ومفيش اى احساس ب اى كسل أو الم ف العضلات وإرهاق مثلا بتطلع سلم أو بتجرى أو أثناء المشى حاسس انك بتتنفس كويس ومفيش تعب ...
3- لو شكل جسمك بدأ يتغير ويختلف عن الشكل الأساسى.
* لو حصل عكس كل ده معناه انك بتنزل عضلات وماء فقط وده طبعااا غلط جدااا لأنك بتروح توزن وتلاقى نفسك نزلت ف الوزن وتفرح لكن ده بدايه مشاكل تانيه كتير ومنها انك هتحرق سعرات حراريه اقل وبردو مش هتوصل للوزن المستهدف ...
ده بسبب اتباع انظمه غذائيه وأسلوب الحياه وعادات الأكل الخاطئه وعدم النوم الكافى عشان كده لازم تنظم lifestyle عشان تكون بصحه جيده وحياه افضل.
Dr.Rawan Sameir
Dietitian🍏👩‍⚕️

03/01/2025

دكتور روان سمير 👩‍⚕️
احب اشكر چنى طبعا على التزامها ب الدايت كانت دايما مدايقه من شكل جسمها وطبعا مبتعرفش تلبس كل حاجه هى عايزاها طبعا اتفقنا تلتزم وتصبر عشان تلاقى نتيجه كويسه والحمد لله نزلت 16 كيلو ف خلال 3 شهور ودى طبعا نتيجه كويسه جداا والكل لاحظ الفرق عليها والحمد لله بقت تلبس كل اللبس اللى مكنش بيناسبها ✨
للمتابعه والإستفسار التواصل من خلال مسدچات الصفحه 💗

16/12/2024

حقن المونجارو و ساكسيندا و اوزمبيك كل الحجات اللى طالعه ترند والناس بتصدق وتروح تاخدها عشان تنزل ف الوزن ب 15 و 20 كيلو ف شهر والعبط ده كل ده غلط وليه اثار سلبيه على صحتك
هتقولى لا فى ناس جربت ونزلت ف الوزن انا معاك نزلو ف الوزن بس اثرت على حجات تانيه ف جسمهم مش هتظهر غير بعد وقت وغير كده اول م تبطل تاخدها هترجع تزيد اضعاف اللى نزلتو ومن الأثار السلبيه وهو عمل شلل ف الجهاز الهضمى وده معناه انسداد ف الأمعاء وتراكم الطعام داخل المعده وكمان بيحصل تخمر للطعام ونمو البكتيريا 🦠
غير طبعا الأعراض اللى بتحصلك التانيه زى الإنتفاخ وارتجاع وألام شديده ف البطن
وكمان ممكن تسبب الوفاه ☠️
ف مش كل حاجه نصدقها نجرى عليها
Dr.Rawan Sameir
Dietitian 🍏👩‍⚕️

16/12/2024

14/12/2024

أول حاجه لازم نعرفها ايه هى التغذيه العلاجيه
أغلب الناس فاهمه ان معناها بنزل و أزيد فى الوزن طبعاً غلط❌
التغذيه العلاجيه هى انى بعالج الأمراض او بقلل من مضاعفتها من خلال الغذاء
ازاى🤔
عن طريق تنظيم اسلوب حياتك وتغيير عادات الأكل غير الصحيه وعمل نظام غذائى مناسب لحالتك الصحيه ويكفى احتياجك من العناصر الغذائيه عشان نقلل حدوث امراض معينه زى السمنه والنحافه والضغط والسكر وغيرها من الأمراض الناتجه عن سوء
التغذيه
Dr.Rawan Sameir
Dietitian 🍏👩‍⚕️