د. إسماعيل لطفي - أستاذ طب الأطفال وحديثي الولادة

08/09/2025

موسم المدارس وتغيير الجو كل عام وأنتم بخير في الطريق وبناءا عليه مشاكل الكحة والرشح هتبدأ تزيد عند الأطفال وحتي الكبار 🤧
مهم جدا نفهم ونستوعب الأتي :
1- الكحة مش بتتعالج بمضاد حيوي فمش لازم تروحي للدكتور وتصري علي إعطاء إبنك مضاد حيوي في ظاهرة غريبة متكررة هذه الأيام من بعض الأمهات
2- الكحة بتاخد وقت في العلاج فبلاش نستعجل ونلف علي الدكاترة لأنه غالبا هتاخد الفترة بتاعتها وتخف ⏱
3- مش كل طفل دخل في دور كحة مرة أو مرتين يبقي عنده حساسية لأن تشخيص الحساسية موضوع كبير مش سهل ومحتاج مواصفات معينة
4- النوم المبكر و التغذية السليمة المبنية علي توفر كل العناصر الغذائية و العصائر الطبيعية و ممارسة الرياضة هم الاساس لحياة صحية مستقرة للاطفال و الكبار 🥝🍋🥗⛹️🚴‍♂️
5 مهم لنا جميعا كأطباء و أولياء أمور أن نعلم أن كتابة مضاد حيوي لطفل مش محتاجه هي جريمة وسلوك طبي مرفوض حتي تتغير الثقافة الغريبة في إدمان المضادات الحيوية بلا داعي.
كل عام وأنتم بخير وأدام الله عليكم الصحة والعافية💐

17/08/2025

حمو النيل مشكلة صيفية تؤثر في الكثير من الاطفال . نتعرف من خلال هذا المقال علي أهم طرق الوقاية والعلاج من حموالنيل :
الاستحمام اليومي: احرصي على تحميم طفلكِ يوميًّا في أثناء فصل الصيف بالماء الفاتر، إذ يتعرض الطفل للتعرق 5 مرات أكثر من الشخص الكبير، ما يزيد من نسبة الأملاح المتكونة على الجلد التي تسبب حمو النيل والطفح الجلدي.
تناول الكثير من السوائل لترطيب جسم الطفل: يفقد جسم الطفل كثيرًا من السوائل على هيئة العرق، لذلك يجب تعويض الكمية المفقودة من السوائل بشرب الماء والعصائر والأعشاب وغيرها من السوائل، حتى لا يصاب الجلد بالجفاف ويفقد رطوبته.
ارتداء الملابس القطنية: تحافظ الملابس القطنية على درجة حرارة جسم الطفل، وتمتص العرق وتساعد أيضًا على منع التسلخات، لذا احرصي على إلباس طفلكِ الملابس القطنية لأن الأنسجة الصناعية تسبب الحكة مع الحرارة الشديدة. ويفضل أن تغطي الملابس القطنية معظم الجسم عند الخروج في النهار، حتى لا يتعرض الجلد للالتهاب والاحمرار من أشعة الشمس الشديدة.
استخدام الفوط المبللة: استخدام الفوط المبللة بجانب المناديل المبللة من ضروريات العناية ببشرة طفلكِ في أثناء تغيير الحفاضات، فيمكنكِ أن تنظفي طفلكِ عن طريق الماء والصابون المخصص له، وكذلك استخدام الفوط المبللة في حالة عدم توافر الماء، حتى تحافظي على صحة جلد طفلكِ.
توفير جو مناسب للطفل: احرصي على إسدال الستائر في أثناء النهار لمنع أشعة الشمس عن طفلكِ، ويفضل عدم الخروج به في وقت الظهيرة، وعدم تغطيته في أثناء النوم والاكتفاء بالملابس القطنية المناسبة للطقس.
اختيار نوع جيد من الحفاضات: تتكون الحفاضات من أنسجة صناعية قد تسبب التسلخات للطفل بسبب البلل مع ارتفاع درجة الحرارة، لذا يجب أن تحرصي على اختيار نوع جيد من الحفاضات لطفلكِ ومقاس يناسبه، مع عدم تركة مبللًا وتغييره باستمرار في هذا الطقس الحار.

عيادة دكتور / إسماعيل لطفي محمد أستاذ طب الأطفال وحديثي الولادة جامعة أسيوط ش يسري راغب برج وجدي الدور الرابع .

04/08/2025

08/07/2025

•لو اخترت إني أنصح الأمهات نصيحة واحدة بس هقولهم بلاش ترضعي إبنك لبن صناعي
•لو تدرك الأمهات قيمة الرضاعة الطبيعية مفيش أم هترضع صناعي أبدا
•اللبن الصناعي مش علاج للصفرا
•المناعة القوية والوزن المناسب والنمو العقلي الطبيعي مش هنحصل عليهم غير عن طريق الرضاعة الطبيعية
•الأم اللي بترضع طبيعي بلاش تساعد بلبن صناعي لأن تشكيل اللبن بيزود المغص والطفل بعد فترة هيرفض اللبن الطبيعي
الموضوع مهم جدا وظاهرة رضاعة اللبن الصناعي بتزيد بشكل خطير مما يهدد صحة الأم وطفلها .
دمتم بخير
أ .د إسماعيل لطفي محمد أستاذ طب الأطفال
العيادة: أسيوط – ش يسري راغب – برج وجدي – الدور الرابع
ت : 01067353767

05/06/2025

كل عام والأمة الإسلامية بخير وأفضل حال اللهم انصر اخواننا في غzة وهون عليهم وثبتهم اللهم عجل لهم بالنصر اللهم اغفر لنا تقصيرنا يارب العالمين

15/05/2025

النزلات المعوية راجعة وبشدة😥
✅ الخطورة هنا مش بس بسبب الإسهال والترجيع ولكن في مضاعفاتها زي الجفاف 😓
✅ أهم حاجة لازم تبقوا عارفينها هي علامات الجفاف لو ظهر منها حاجة لازم نرجع للطبيب فوراً أو نروح للطوارئ...
ف ضروري تنتبهي على طفلك وتلحقيه من أول ظهور الأعراض مثل :
1️⃣ جفاف اللسان
2️⃣ العين تبقي داخله لجوه
3️⃣ ضعف الرضاعة عند الرضع
4️⃣ همدان شديد أو قريفة باستمرار
5️⃣ لو كمية البلول قليلة جداً أو مفيش
✅ الاسهال هايقف بالتدريج ومش هدفنا ابدا نوقفه مرة واحدة ..
✅ أهم حاجه نسيطر علي الترجيع عشان نقدر نعوض السوايل اللي الطفل بيفقدها ..
✅ محلول الجفاف هنا أهم حاجه ممكن تديها للطفل سواء الاكياس او اللي علي شكل عصير ..
احمي طفلك من اي مضاعفات و احمي اخواته من العدوى لأن النزلة المعوية معدية
و ارجعي للدكتور فورًا ، او ضروري تلجأي للطواريء
عشان يلحقوا طفلك بمحلول جفاف مناسب لحالته
لو طفلك بيعاني من اي أعراض نزلة معوية ابعتلنا علي رسائل الصفحة
او زورينا في العيادة..

15/04/2025

"الحَوَل عند الرضع… هل هو طبيعي؟ أم يحتاج زيارة الطبيب؟"
أمهاتي العزيزات 👋،
كطبيب أطفال، كثيرًا ما تُسألني الأمهات عن "الحَوَل" الذي يظهر عند أطفالهن الرضع، خاصة في الأشهر الأولى.
🔍 فكيف نفرّق بين الحَوَل الطبيعي والحَوَل المرضي؟
1. الحَوَل الطبيعي (الكاذب):
• يحدث بسبب انحراف بسيط في شكل أنف الرضيع أو طيات الجلد حول العين، مما يُعطي وهم الحول.
• غالبًا يختفي بعد عمر ٦ أشهر مع نمو عظام الوجه.
2. الحَوَل الحقيقي (المُقلق):
• إذا لاحظتِ أن إحدى العينين تنحرف للداخل أو الخارج باستمرار (حتى عند تركيز الطفل).
• عدم تحرك العينين معًا في نفس الاتجاه عند متابعة جسم متحرك.
• ظهور الحول بعد عمر ٦ أشهر.
🚨 متى يجب زيارة الطبيب فورًا؟
• إذا صاحب الحول ارتفاع في درجة الحرارة أو انتفاخ في العين.
• إذا كان الحول شديدًا ومستمرًّا حتى بعد عمر ٤ أشهر.
• إذا لاحظتِ عدم استجابة الطفل للضوء أو الأجسام المتحركة.

30/03/2025

كل عام وأنتم بخير بمناسبة عيد الفطر المبارك تقبل الله منا ومنكم صالح الأعمال . اللهم إنا نسألك فرحا وجبرا ونصرا وطمأنينة وسكينة و صبرا لإخواننا في فلسطين .

28/02/2025

كل عام وأنتم بخير بمناسبة حلول شهر رمضان الكريم اللهم اجعله شهر الخير والبركة والغفران لكل المسلمين في كل مكان

مواعيد العيادة في رمضان من 1- 4 عصرا إن شاء الله

02/01/2025

مهم جدا معرفة درجة حرارة الطفل وخاصة في الشتاء لأننا بنعمل حاجة غلط جدا وهي إننا بنحاول نحس بحرارة الطفل من خلال الأطراف أو الوجه وطبعا ممكن يكونوا طبيعيين جدا و الطفل سخن جدا ومناخدش بالنا وخاصة في الشتاء و نلاقي الطفل بيتشنج من السخونة بدون ملاحظة ده.
طيب ايه الحل ؟ نستخدم ميزان حرارة تحت الابط ونزود نص درجة علي القراءة اللي تطلع
لو مفيش ميزان حرارة متاح يبقي نستخدم ظهر كف اليد ونحس الحرارة في البطن أو تحت الباط يعني مكان متغطي مش معرض البرد.
دمتم بألف خير

22/12/2024

الوقت ده الكحة منتشرة جدا عند معظم الأطفال والكبار العلاج مش بيفرق كتير وأهم حاجة سوائل دافية وفيتامين سي والتدفئة الجيدة ولازم نعرف ان الكحة بتقعد حوالي أسبوعين مفيش داعي للقلق ولا لاستبدال العلاج كل شوية . ربنا يشفي الجميع إن شاء الله

05/12/2024

بوست هام للآباء والامهات عن الجديرى المائى
ايه هو الجديرى المائى؟
هو التهاب فيروسى معدى
سببه فيروس اسمه varicella zoster virus
يصيب الأطفال والكبار🙎👨
بيتنقل عن طريق التنفس ، السعال ، العطس😪😪
معدى جدا بين الأطفال 👫👬
عشان كده بننصح أن الطفل المصاب يتم عزله عن بقيه الأطفال 🙆
يعنى ميروحش المدرسه ولا الحضانة🏢🏬
وفى البيت يبعد عن إخواته🏠
بيظهر فى البدايه على هيئه ارتفاع فى درجه الحرارة
وصداع والم
بعد كده طفح جلدي بيظهر فى الاول فى الوجه والبطن
بعد كده ينتشر فى جميع أنحاء الجسم 😢😢
لازم يتعالج كويس 💊💊
وكل ما يتعالج كويس ويتعالج بدرى يقل ظهور الطفح الجلدى 😊
كل ما كانت مناعة الطفل قويه كل ما الطفح الجلدى كان بسيط💪
والعكس صحيح
بننصح أن الطفل يتغذى كويس فى الفتره دى🍟🍕🍝
وممكن ياخد شاور لكن بدون ليفه
فيه تطعيم للجديرى المائى بيتاخد في سن سنه وعند 4 سنين
الشخص اللى يصاب مره بالجديرى المائى بياخد منه مناعة مدى الحياه ومش بيجيله تانى