Mind care l Dr Azza Khairy

15/04/2024

16/08/2023

ولد ضرب ابنى اتصرف ازاى فى الموقف وانا متعصبة جدا ونفسى ياخد حقه او اخده انا بقى لو هو معرفش ....سؤال مهم جدا ...حقيقى احنا كأمهات وداننا بتطلع نار لو حد قرب من ولادنا :D ....بس تصرفنا ورد فعلنا هيفرق جدا فى نفسياتهم ولازم ناخد بالنا جدا
١- التصرف الأول اننا هنقول للطفل روح خد حقك مينفعش تسيبه يضربك (تأثير الكلام دة على الطفل مؤلم جدا ما هو لو كان يعرف يعمل كدة كان عمل احنا كدة بنحبطه جداا )
٢- التصرف التانى هنقول للطفل خلاص سامحه هو ميقصدش حاجة انت الأحسن( تأثير الكلام على الطفل هيعلمه كل ما يبقى متساهل اكثر وبيعدى هيبقى شاطر ومش هيحاول ياخد حقه تانى)
٣- التصرف الثالث أقف جنب الطفل واسأله ايه الموقف اللى حصل ؟ انت رأيك أن اللى عمل كدة صح ولا غلط ...انت متضايق قد ايه ؟ حابب تعمل ايه (تأثير الكلام دة على الطفل هيفكر يتعامل مع مشاعر الغصب بتاعته وهيفهم السلوك دة معناه ايه وهيقرر يعمل ايه ودة هيخليه حريص اكثر لو أتعرض للموقف دة تانى)

17/07/2023

احد المتدربين ...اللهم بارك لنا فيما رزقتنا من علم وأعنا على نقله والنفع به ❤️

05/06/2023

مش كل واحد مش عارف تتعامل معاه ومش بتحبه يبقى نرجسي ومريض .....مش كل موقف صعب عديت بيه يبقى صدمة وتروما وحاجات كثير هضيف عليهم ان اللى.. عندهم سمات شخصية مضطربة مش وحشين ولازم نبعد عنهم ....اللى بيمر بأعراض اكتئاب مش سلبى ولازم ندور على غيره !!
كلنا محتاجين بعض كلنا بنحتاج الدعم ...الحكم على الأشخاص والمواقف من نظرتنا احنا بس بيضيق حياتنا ...بقى أسهل حاجة نشخص بعض ونقطع علاقات وأكثر جمل بسمعها مش فارق معايا ...مفيش حد يستاهل ..اللى يروح ييجى غيره !!! النضج النفسي محتاج مجهود علشان نفسيتنا تكون سليمة

19/05/2023

صباح الخير ... فى علم النفس اتعلمت ان كل سلوك وراه احتياج نفسى ♡يعنى ممكن تتخانق مع صاحبك من غير سبب وقتها لكن لأنك غضبان انه ليه كام يوم متصلش بيك و كان واحشك ودة هو الاحتياج النفسي ...طيب يعنى حتى السلوكيات المؤذية وراها احتياج! آه وراه احتياج السلوكيات المؤذية زى إن زميل ليك فى الشغل يبوظ شغلك مثلا او يقلل من مجهودك علشان يظهر هو الأفضل ! احتياجه هنا النجاح بس فيه قلة ثقة فى نفسه وخوف من نجاحك لانه داخليا عارف انك اشطر وانجح..المؤذى عنده احتياجات بس متأكد انه مش هيحققها بطريقة مشروعة ..تقدم ولا تبالي للمؤذى :)

21/04/2023

يا ترى هو العيد فرحة!وكمان هو اجمل فرحة!
الحقيقة إن فى كثير بيحس ان العيد مرتبط معاه بذكريات مش لطيفة فى طفولته متخزنة فى ذاكرته ولما بييجى العيد للأسف بيفتكر المشاعر المرتبطة بالاحداث دى فا يلاقى نفسه مش مبسوط.... متلوموش نفسكم على مشاعر تقيلة حسيتوا بيها... بس ساعدوا نفسكم تعملوا ذكريات ومشاعر جديدة 👏👏
لكل أم وأب فى العيد قللوا انتقادات وافتحوا مجال اكبر لحرية الاختيار طريقة الاستمتاع بتاعة ولادكم.... زودوا مشاعر حنية وامتنان وثقة... اخلقوا ذكريات جميلة هتعيش معاهم سنين.
عيدكم مبارك 👌

15/03/2023

لما بندخل فى علاقة جديدة وبنكون مبسوطين ومرتاحين مع الاشخاص... بنفكر نجرى وننط بسرعة علشان العلاقة تكمل... بنحكى كثيير عن نفسنا وبنتوقع أن دايما اللى قدامنا هيعمل زينا... وبعد شوية بتلاقى تصرفات مختلفة من الطرف التانى بنتفاجىء ونبدأ نسأل نفسنا... هو انا عملت حاجة غلط! هل أنا شخص مش محبوب!!
الحقيقة إن كل العلاقات علشان تنمو بشكل سليم محتاجة خطوات متمهلة خطوات صغيرة بس محسوبة مش هتخلينا نقع ونتكعبل فى التعلق المؤلم 👌👌

07/03/2023

For reservation 👌
٠٨٨٢١٤١٦٨٤
٠١١٠١٧٠٣٥٥٩

06/03/2023

مرحبا بكم فى صفحتى... التى سوف اسعى فيها بكل جهدى لمساعدة وإنارة طرق من يلجأ لى
د. عزة خيرى