19/11/2025
👩👦 جاتلي أم في العيادة من كام يوم
بتقولي: "ابني مش تخين خالص يا دكتورة، بس مش طبيعي.. بيجوع على طول، وبيحب الحلويات بشكل غريب!" 🍫
ولما كشفنا وعملنا التحاليل، اكتشفنا إنه عنده مقاومة إنسولين 😔
تعالوا ف اليوم العالمي للطفل نعرف اكتر عن مقاومة الأنسولين للأطفال
💡 يعني إيه مقاومة إنسولين ببساطة؟
الإنسولين هو “المفتاح” اللي بيفتح الخلايا علشان يدخل السكر ويتحول لطاقة 🔑
لكن لما الطفل ياكل سكريات كتير، ويقعد طول اليوم بدون نشاط حركي،
الخلايا بتبدأ “تقفل الباب” في وش الإنسولين 🚪
فالجسم يفرز كميات أكبر وأكبر ➡️
وده يخزن دهون خصوصًا حوالين البطن 🩻
⚠️ طب ياترى في علامة اقدر اكتشف بيها مقاومة الأنسولين بدري؟
🌑 اسمرار الرقبة أو الإبطين
ودي علامة مبكرة جدًا إن الإنسولين عالي في الدم،
لأنه بيحفز خلايا الجلد تنمو بشكل مختلف.
😴 وفي في أعراض ماينفعش نتجاهلها:
🔹 زيادة الوزن — خصوصًا حول البطن.
🔹 جوع مستمر رغم الأكل.
🔹 تعب وخمول وعدم تركيز.
🔹 رغبة قوية في الحلويات والنشويات.
🔹 أحيانًا بداية بلوغ مبكرة عند البنات.
🤔 طب ليه ده بيحصل؟
مش لأن الطفل “بيحب الأكل” بس،
لكن بسبب نمط حياة سريع وغلط:
🍭 سكريات ومشروبات غازية كتير.
📱 قلة حركة واعتماد على الشاشات.
🌙 نوم قليل أو غير منتظم.
🧬 وأحيانًا العامل الوراثي له دور.
💪 لو اكتشفناه بدري… نقدر نرجع الجسم لتوازنه بسهولة
🥦 نصائح بسيطة لكن فعالة:
✅ قلل السكريات والمشروبات الغازية.
✅ ركّز على البروتين في كل وجبة (بيض، لبن، لحوم، بقوليات).
✅ استخدم كربوهيدرات معقدة (عيش بلدي، شوفان، بطاطا).
✅ شجّع طفلك على الحركة يوميًا — حتى لو لعبة بسيطة.
✅ نظّم نومه ووجباته اليومية.
مقاومة الإنسولين مش بس للكبار،
ودلوقتي بنشوفها في سن صغير جدًا!
اتواصل معايا دلوقتي و احمي طفلك من مقاومة الانسولين بخطة تغذية صحية ومناسبه له تخليه يكبر بصحه
د.نهى عمر
استشاري التغذية العلاجية بكلية الطب- جامعة اسيوط
العنوان 📍 مركز دار الصفوة
ميدان الميدوب – أمام مستشفى الشاملة – بجوار كشري عماد الدين
📞 01019999216 – 0882347999
