Behavior modification specialist إختصاصية تعديل سلوك :ندى شعبان

26/05/2025

*كيفية أستغلال وقت الاطفال في الاجازه*
*استكشاف اماكن جديده كحديقة الحيوان واماكن العاب النزهه
*تعلم مهارات جديده(مهاره يكون عندهم فضول ليها وحابين يتعلموها)
مشاركة الطفل في المهارات لكي نغرز فيه التعاون والانتماء وحب المشاركة مع الاخرين
ومن اهم المهارات التى تعلمها لطفلك وهي(فن الاوريجامي) وهو
طي الورق. لانه ينمي الكثير من القدرات الذهنيه.
والبذل، والرسم.
*ومهارة التاجر الصغير مهمه للبنات والأولاد يتعلموها ويصنعوا منتج ثم يبدأوا ببيعه
*مشاركة الطفل في عمل تطوعي للمحتاجين حسب اختيار الوالدين لهذا العمل
*هذه الانشطه السابقه تؤدي لعدم انشغال الاطفال بالموبايل والعاب الجيمز وذلك لما لاستخدام الموبيل من اضرار سلبيه علي الطفل حيث تجعله عصبيا وسريع التأثر ويؤدي لتشتت انتباهه

22/04/2025

*تربية الابناء من غير عصبيه*
*الفرق بين العقاب والعواقب
*العقاب*
بتخلي الطفل ينفر من سلوك معين
مثال:حرمان الطفل من مصروفه لانه لم ينجز واجباته
دا بيسبب الخوف والغضب والكذب لتجنب العقاب ولا يعلم الطفل كيف يتصرف بشكل أفضل
*العواقب*
اقوله شوف السلوك اللي عملته دا لو كبرت واستمريت عليه تعرف ايه اللي هيحصل؟
*لو بيدايق او بيضرب أصحابه اقاربه لو روحت مكان وعملت كدا مش هيحبوك هيبعدو عنك ومش هيلعبو معاك وكلهم هيلعبو وانت لاء
* انا كدا بقوله علي السلوك الخطأ اللي عمله ودا عواقب افعاله
* *كدا بمرن عقله إزاي يفكر ويتعامل مع أصدقائه
*ويعرف يتعامل مع المشاكل اللي هتواجهه بعدين
*كل داا بيعتمد علي أم و أب مش عصبيين عندهم طول بال ووعي وفاهمين في الثقافه التربوية

30/12/2024

*سؤال مهم جدا كتيرر بيسأله*
*ليه بنشوف اطفال نقول عليهم ما شاء الله نموذج صالح وتتأثر بيه. وفى طفل تانى مش حابب تتكلم معاه او تبعد عنه؟
1الطفل الأول:هنا الاب والام أدو دورهم صح. أزاى؟🤔
فاهمين وعارفين يتعاملو معاه هيلعبو معاهم هيقولولهم كلمه جميله تطيب خاطرهم تلاقى علاقتهم بتزيد للأحسن علموهم الصح والخطأ علموهم إزاى يردو على حد لو اتنمر عليهم. يردو بإحترام.
بنعلم إبنائنا إنهم يكونو صالحين ومصلحين. صالح يعرف الصح والخطا. مصلح. يعرف يطبق الصح والخطأ.
الل. بيجى اخر اليوم ويحكى مع أبنائه إلى حصل معاه فاليوم كلو كدا. هو. بيقوى الثقه. بينو وبينهم.
*الطفل الثانى:الأب والأم عاملين دور الرعايه اللى اى حد بيعملو عادى. زى المأكل الملبس المشرب.... إلخ. سايبين التربيه واهتمامات ابنائهم ف بالتالى هيطلعو أطفال غير قادرين على فعل أى شئ ماعندهمش اى مهارات او التفاعل مع الاخرين وهكذا.. إلخ...
فى حين نصف ساعه او الفتره المتواجدين فيها مع أبنائكم تقدرو تقوو العلاقه بينكم دعم الطفل فى عمل اشياء بسيطه اللعب معاه اقدره اعلى من قيمته اعزز ثقته بنفسه

20/11/2024

*كيفية التعامل مع الطفل المندفع*
الطفل المندفع طفل مخاطر .مثلا.زى الطفل اللى بيجرى ويخبط فى أخوه يخبط فى الكرسى أو ينط من فوق كرسى عالى ومش حاسب الخطر اللى هيقع فيه .
الطفل المندفع فى بيبقا مندفع (حركيا-إنفعاليا-.عقليا. فكريا. )
1-حركيا زى إيه؟بيجري بسرعه فى طريق فيها عربيات ومش عارف مدى الخطر اللى هيقع فيه
2-الطفل المندفع فكريا.عقليا؟بيفكر بسرعه مش بياخد وقت مندفع أول ما تسأليه السؤال يجاوب ممكن بقية السؤال مختلف عن أوله هو بمجرد ما بيسمع بيجاوب على طول
3- الطفل المندفع إنفعاليا؟يغضب بسرعه😡 يفرح بسرعه😀 .إنفعال الطفل المندفع أعلى انفعالا من الطفل الطبيعى.
الطفل المندفع طفل فوضوي غير مرتب دولابه مش منظم أوضته مش مرتبه
*وكمان ملول جدا 🤔مش بيقعد فى مكان فتره طويله يتنطط .كثير الحركه.
🍂الطفل المندفع يفعل بدون تفكير أما الطفل الطبيعى بيفكر وبعدين يتكلم 🍂
هتلاقى الانتقادات عليه كتير دا شقى.زنان.بس دا خارج عن إرادته. غصب عنو.
كل ما بيسمع الانتقادات كل ما ثقته بنفسه تقل تقل😔
*مرحلة المتابعه من طفل مندفع🏃لطفل طبيعى🚶‍♂️*
*عدم انتقاده علشان ثقته بنفسه وتقديره لنفسه يرجع.
*كثرة احتضان طفلك لانه بيبقا مندفع وقلقان وجهازه العصبى متوتر فإنك تحضنى طفلك هيحسسه بالأمان والدفئ هيحس إنك جمبه
*يشارك فى ألعاب رياضيه(سباحه.كوره)أو اى لعبه يكون بيحبها علشان يقدر يستمر فيها .هيفرق جدا فى صحته النفسيه والعقليه والجسديه وهيفرق فى جو الأسره بدل ماكان مشاحنات وخناق على طول لاء خلاص بقا يفرغ طاقته فى المكان الصح
*تمرني طفلك إن يقرأ ببطئ.هو كان بيقرأ بسرعه ويسيب نص الكلام ندربه على قراءة الجمل ببطئ أو يقرأ قرأن أو يردد ورا شيخ يكون بيقرأ ببطئ

03/11/2024

موضوع انهارده مهم جدا وياريت ناخد خطوه إيجابيه ونبدأو مع اطفالنا (منع الضرب)
*قبل ما تضرب طفلك فكر الاول اى نتيجة الضرب توصل للحل الصح هل كدا انا بعمل الصح🤔
*الضرب عمره ماكان حل الوصول للحاجه اللى عاوز توصلها لابنك ايا كان مثلا. حل الواجب. او. يروح المدرسه. (ممكن يكون فى حاجه مديقاه من المدرسه او زميله متخانق معاه او مش حالل الواجب فأنت لو شوفت المشكله من الاول وبتكلم طفلك بهدوء ومش خايف يحكيلك كنت حليتها من غير ضرب)
*الضرب شئ مؤقت زى المسكن بالظبط لو استمريت عليه مش هتوصل للحل اللى عاوزه
*الضرب ليه تأثير كبير على طفلك لغاية مايكبر (هيولد طفل جبان عنيف طفل غير واثق من نفسه)
*نقطه مهمه بتضرب ابنك علشان عصبى او بيتصرف باسلوب معين طيب شوف الاول انت بتتعامل ازاى ممكن تكون عصبى او صدر منك اى سلوك معين طفلك بيقلدك فنغير من نفسنا الاول
(نيجى للجانب النفسى طفل عنده 4سنين جاي تضربه هيبصلك هيخاف من طولك حاجه عملاقه هيخاف اكيد)
🌸ياريت اللى هياخد خطوة منع الضرب وتبداى تفهمى طفلك وتتكلمى معاه هنتظر النتيجه بعد اسبوع. اكتبولى فى التعليقات عملتو اى🌸

30/10/2024

*كيفية التعامل مع الطفل العنيد*

_ أولاً : التواصل الوجداني بينك وبين الطفل
_عدم استجابتك لطفلك او تجاهله يُزيد من عناده.
** تكرار الطفل لسلوكه العنادى بسبب ضرب الوالدين للطفل ثم بعد قليل تُؤثر عليهما مشاعر الندم والذنب فيغيرو اتجاههم ليلاعبانه ويصطحبانه للخروج فاخذ الطفل يكرر هذا السلوك ليجذب انتباه ابويه
*** خلق جو أُسري مريح خالي من التوتر الذي يعوق التواصل الوجداني مع الطفل.
**** خلق جو اجتماعي قائم على الثقة والتفاهم بين الطرفين يمكِن الأسرة من تقليل المخاوف والتوترات التي ينشغل بها الطفل.
***** مدح الطفل في حالة مساهمته في اي نشاط ايجابي حتى وإن ظهر السلوك السلبي في نفس الوقت قم بتجاهله ولا تركز عليه.
****** الحرص على التكلم مع الطفل بصوت هادئ وتعبيرات وجه ودوده وابتسامة والطبطبة عليه من حين الى اخر.
******** عندما يسألك طفلك في وقت تكون به مشغولاً انتبه له وجاوب على اسئلته ذلك يشُعر الطفل بإحتواءك له.
********مساهمه الطفل مع الاب او الام في ترتيب حجرته او تنظيفها او مساعده الام في اعمال المنزل.
*تجنب النقد والسخريه نركز على النواحي الايجابيه.
*مشاركه الطفل في اتخاذ القرارات.

18/10/2024

*سن المراهقه ومشكلاتها مع الامهات*
*أول حاجه طبعا بتقولوها بنتى او ابنى اتغير بقا حد تانى خالص مش عارفه اتعامل معاه بيرد عليا
هرجع واقولك. ال12سنه عدو كنتى فين🤔حضرتك جايه تربى ابنك او بنتك اللى هما اصلا بقو يتعاملو مع بيئه خارجيه خلاص هيتكيفو وهيختلطو بناس تانى
*التربيه لغاية 12سنه مش يبقى عندو 12وتقولى بربى ابنى مش سامع كلامى
*ابنك من وهو صغير انتى بتبدأى تشكليه براحتك بقا هتربيه على ايه اللى هتربيه عليه هو اللى هيطلع عليه
*مش تبقى مدلعاه ولا دا ابنى الوحيد بنتى الوحيده دى الكبيره دى الصغيره لاء كل دا هتعرفى قيمتو قدام بعد كام سنه ولما يكبر وتشوفى بيتعامل ازاى معاكى متعاتبيهوش على اللى بيعمله لانك من الاول ممشتهوش على roolsمعينه
*وفى الاول والاخر فترة المراهقه الابن بيبقا عاوز يستقل ياريت تحاولو متعاندهمش انتو اللى عليكم تنصحوهم وتوجهوهم للصح
*التربيه من الصغر بتريح حياتك كلها انصحو اولادكم وفهموهم الصح من الغلط ما تسيبهمش تايهين وجهووهم للصح🌷

16/10/2024

*تغيرات في النمو.مشكلات الاكل*

11/10/2024

*صعوبات الدراسه وتشتت الانتباه*
*صعوبة او تشتت الانتباه ياتى من قلق الشخص لانه يريد ان يخلص مهامه بسرعه فيحبط فيهملها ويتركها
*او توتر الام او الاب لطفلهم وخوفه وتوتره منهم
*الخطه *
*نعمل جدول ونبدا معاهم واحده واحده ونهيألهم الغرفه وميبقاش فى اى مشتات الكراسه والقلم فقط على المكتب
*وتشجيعهم على اى انجاز يبقا فى كراسه المكافئه نضع فيها نجوم بألوان مختلفه
*اذا كان الاب او الام اللى بيذاكرو لطفلهم يجب يكون ذهنهم صافى ولا يوجد به اى مشاكل او مشتتات حتى لا تزيد من قلق الطفل
*ويبقا فى وقت لمساعدة مامتهم فى البيت
*ووقت ليهم مع الاب والام ومنتكلمش عن الدراسه نهائى اثناء لعبها معكم او مع اخيها
*مع نهاية اليوم يجب تحفيزهم حتى ولو هيغسلو طبق وتشجعوهم وتضعو لهم نجمه فى كراسة النشاطات

01/10/2024

*هتكلم على حاجه مهمه وهى التبول اللاإرادى*
*كثرة العنف على طفلك وتوبيخه يؤدى الى عوامل نفسيه وتراكمات فى المستقبل
*لما تلاقى طفلك بيتبول تتعاملى معاه إزاى؟ كل ساعتين تقوليلو يلا روح الحمام ولما يتبول على نفسه تجاهليه. لو زعقتيلو وضربتيه دا هيذيد عندو أكتر.
وكل متقوليلو ويسمع الكلام تبقى مجهزاله تحفيزات تدعميه بيها ولو استمريتى على الوضع دا لمدة اسبوعين هتلاقيه بيروح الحمام لوحد. هو كان مشكلته كلها إنك بتعامليه بعنف.
احتوو أطفالكم.

29/09/2024

*طرق تقليل الشاشه*
*تقليل الشاشه بيتم بطرق تدريجيه وليست فجأه
*تقديم انشطة اللعب مع العائله القراءه انشطه يدويه بدل من وقت الشاشه
*يجب ان تكونى قدوه لهم فى استخدام وقت الشاشه الخاص بك
*اثبتت الدراسات ان 72.9%ان الاباء يستخدمون الشاشات امام ابنائهم هذا مؤشر كبير لاستخدام الطفل الشاشه
*طفلك هيقلدك فى اى حاجه بتعملها ماسك الموبايل هيقلدك بتصلى هيقلدك فكونو قدوه يحتذو بها ابنائكم
*فكرة انك تدى ابنك الموبايل كمحفز او مكافأه هيؤدى لنتائج عكسيه
*فهمى ابنائك ما ياتى من وراء الشاشات من مساوئ وتضييع وقت
*حددى لابنك محتوى تعليمى
*راقب استخدام وسائل الاعلام من قبل طفلك لضمان ان المحتوى مناسب وأمن لعمره
*غرس العادات الجيده ووضع الحدود من البدايه
*قررى وحددى لابنك من الاول اما لو تركته يقرر لوحده هتبقى فوضى.

16/09/2024