http://bit.ly/ma3lomaty-YouTube

دكتور محمود العشري - Dr. Mahmoud Elashry, 9 ش الشيخ ريحان فيصل, Ayat (2026)

31/01/2026

#إنزل إتمشي يا كسول :
-اخت فاضلة جاي العيادة تعمل استشارة وسمعت نصيحتي في المشي
#وبتقولي كل ما اتمشي بلف حولين البيوت اللي جنبنا علشان مابعدش ،الناس بتبص وتستغرب وتقولي انت بتلفي حولين الكعبة .
-شوف الرد في الفيديو
(ساكت ليه شغل العداد)

30/01/2026

#لو عجبك المنشور شيره وانفع غيرك.
-هو في حد لسه بياكل كبد وقوانص الفراخ…المليانه هرمونات وسموم !!🧐

⭕سؤال جالي كتير اوي:
هو ينفع ناكل كبد وقوانص الفراخ؟

ولا دول مليانين هرمونات ومضادات حيوية ومينفعش لا لينا ولا لعيالنا؟ 🤔
وتعالوا نبدأ بأشهر خرافة 👇ان
“الكبدة مخزن سموم” ❌
⛔❌المعلومة دي غلط شائع للأسف.
لان الكبد مش مخزن سموم…
الكبد هو مصنع تنظيف الجسم 🧼

🔶يعني الفرخة لما تاخد تحصينات أو مضادات حيوية،
الكبد دوره يكسر المواد دي ويجهّزها إنها تتخلص منها برّه الجسم.

طيب علي كده هل الكبدة بتشيل كل السموم؟

بصراحه لأ 😅
(كنت حاسس إن في حاجة مستخبية 😏)

السموم ومتبقيات بعض الأدوية مش بتتخزن جوا نسيج الكبد نفسه
لكن بتتخزن 👉 في الدهون اللي حوالين الكبد والقوانص

يعني المشكلة مش في الكبدة نفسها…
المشكلة في الدهون اللي حواليها👌⛔

اوباااا اومال ايه الحل
😉لو الفراخ:
• تربية بيتى
• أو مصدر مضمون
• وملتزمين بفترة السحب

👉 كُل الكبدة والقوانص براحتك، حتى بالدهون اللي حواليها ✔️

لكن…
لو مش ضامن المصدر 👀
يبقى الأحوط إنك:
• تشيل الدهون اللي حوالين الكبد
• تشيل الدهون اللي حوالين القوانص
•وبالمره تشيل التجمعات الدهنية حوالين الورك والصدر

⛔لأن متبقيات المضادات الحيوية بتتخزن في الدهون
مش في اللحم ولا الكبد نفسه.

🔶هيجيلي واحد يقولي ياعم طيب ليه أصلًا أتعب نفسي وآكلهم؟
الموضوع مش مستاهل يعني

تعالى أقولك أرقام تخليك تعيد التفكير 👇

🔸 ١٠٠ جرام كبدة فراخ
فيهم حوالي ١٢ مجم حديد
🔶ومش أي حديد…
👌ده حديد هيمي
👈يعني جسمك يمتصه بسهولة وسرعة
🔸 نفس ال١٠٠ جرام كبدة بقري
فيهم حوالي ٧ مجم حديد بس

يعني
👉 كبدة الفراخ = ضعف كبدة البقري في الحديد 😮🔥

وكمان غنية جدًا بـ:
• فيتامين A(٢٥٠٪ من احتياجك)
• فيتامين B12(٣٥٠٪ من احتياجك)
• حمض الفوليك(١٤٠٪ من احتياجك)
غير انها غنيه جدا بالبروتين حوالي ٢٥ جرام)

اما القوانص بقى… المظلومة 😢ياعيني ع القوانص وجمالها

⛔اللي ناس كتير بترميها أو تسيبها عند الفرارجي!

القوانص جزء من الجهاز الهضمي للدجاجة
وكل اللي عليك:
• تشيل الجلدة الصفرا اللي جواها
• تتنضف كويس
• وتشيل الدهون اللي حواليها

وهتتفاجئ إنها:
• عالية البروتين
• غنية بالحديد
• فيتامين B12
• الزنك
• السيلينيوم
قنبلة غذائية محترمة 💣
زيها زي الكبدة
(بس الكبدة تتفوق في الحديد وفيتامين A)
اذن 👌

✔️ الكبد والقوانص أكل مهم جدًا
✔️ قيمة غذائية عالية
✔️ ممتازين للأنيميا ونقص الفيتامينات
وبصراحه سعرهم رخيص جدا مقارنه بفوايدهم دي كلها

⚠️ بس لو مش ضامن مصدر الفراخ
➡️ شيل الدهون اللي حواليهم وخلاص

كده تاكل وانت مطمّن 😌

بالله عليكم لو حد عاملهم قريب يعزمني لاني بحبهم اوي 😋😋
انا قولت اقولكم لاني
في الله بحبكم
(منقول)
(ساكت ليه شغل العداد)

30/01/2026

انزل أمشي يا كسول

(ساكت ليه شغل العداد)

30/01/2026

(ساكت ليه شغل العداد)

29/01/2026

شمس الخميس إذ تغيب
زد فى الصلاة على الحبيب
(ساكت ليه شغل العداد )

29/01/2026

لقيت الخبر دا منتشر علي النت 😔
لو فعلاً الشاب اتوفي الله يرحمه ويدخله فسيح جناته يارب ويلهم أهله الصبر والسلوان 🤲🏻🤲🏻...
ثاني شئ وأهم شيء وبقالي شهور بنادي وبوعي الناس عن السـ.ـعار وحالات العـ.ـقر ...
يبن الحلال ارجوك أوعي تهمل في نفسك أبدا او تستهتر بعضـ.ـه او خربشه سواء كانت كبيرة او صغيرة ..
سواء كانت من كلب شارع او قطة .. إن شاء الله تكون من كلب عايش معاك بقاله ١٠٠ سنة ..
اتعرضت لعقر او خربشة بعد اذن حضرتك تعمل التالي
قبل الذهاب للمستشفى، قم بالآتي فوراً في المنزل:
أول حاجه تغسل الجرح: اغسل مكان العضة أو الخدش بالماء الجاري والصابون لمدة لا تقل عن 15 دقيقة. الصابون فعال جداً في تكسير الغشاء الخارجي للفيروس وتقليل كميته.
التطهير: استخدم مطهراً متاحاً مثل "البتادين" أو الكحول بتركيز 70%.
النزيف: إذا كان هناك نزيف بسيط، اترك الجرح ينزف قليلاً )ليخرج الفيروس مع الدم( ثم اضغط عليه بقطعة شاش نظيفة.
2. التوجه للمستشفى )خلال 24 ساعة( أهم حاجه 🚧🚧🚧
أوعي تستني ظهور أعراض. توجه فوراً لأقرب مستشفى عام أو مركز مصل وسعار )مراكز وزارة الصحة(:
تجنب الخياطة: يُفضل تماماً عدم خياطة الجرح إلا في حالات الضرورة القصوى )مثل النزيف الحاد أو الجروح العميقة في الوجه(، لأن الخياطة قد تحبس الفيروس داخل الأنسجة.
تلقي اللقاح: ستأخذ أول جرعة من اللقاح فوراً، وسيعطيك الطبيب جدولاً للمواعيد القادمة )عادة ٤ جرعات موزعة على شهر واوعي تفوت واحده فيهم او تلخبط في المواعيد بتاعتهم(.
4. مراقبة الحيوان )إذا كان متاحاً(
إذا كان الحيوان مملوكاً لشخص ما )كلب منزل(:
يجب مراقبة الحيوان لمدة 10 إلى 14 يوماً وساعات الأعراض بتتأخر إذا ظل الحيوان حياً وطبيعياً، فهذا يعني أنه لم يكن مصاباً بالسعار وقت العقر.
تحذير هام ؛ لا تتوقف عن أخذ الجرعات بانتظار مراقبة الكلب؛ ابدأ التطعيم فوراً .
أخطاء شائعة تجنبها:
وضع "بن" أو أعشاب على الجرح.
وضع سمنة بلدي وخل وكلام ملوش أي صحة
إهمال الخدوش الصغيرة الخربشة؛ فالفيروس ينتقل عبر اللعاب والخدوش أيضاً.
التكاسل عن إكمال باقي جرعات التطعيم هتدفع تمنه حياته ياريس ...
اللهم بلغت 🤲🏻🤲🏻
ياريت البوست دا يتم مشاركته علي أوسع نطاق 🇪🇬🇪🇬
ممكن تكون سبب في إنقاذ حياة واحد 🫡❤️
(منقول)
(ساكت ليه شغل العداد)

28/01/2026

#دقيقةطبية
-أسمع السر ده وأوعي تقوله لحد 🥸🥹😱
(ساكت ليه شغل العداد)

28/01/2026

هل الخبز الأسمر لا يسبب ارتفاع السكر؟

خطأ ... فالخبز الأسمر يحتوي على نفس نسبة النشويات الموجودة في الخبز الأبيض ولكنه يمتاز (أي الخبز الأسمر) بأليافه الكثيرة، وهذا يساعد على تقليل الإرتفاع السريع للسكر، حيث أن الخبز الأبيض يسبب ارتفاع السكر في الدم بسرعة فائقة
ولكن ينصح بالخبز الأسمر بكميات محدودة
(منقول)
(ساكت ليه شغل العداد)

28/01/2026

"منظمة الصحة العالمية تحذر! الزبادي بالفراولة والحلويات اللي فيها لون أحمر صناعي )Red No. 3 أو E127( تسبب سرطان... ابتعدوا عنها فورًا !" 😱😱😱
هل الكلام دا صح علمياً ١٠٠٪ ولا لأ ؟؟ 🤔🤔🤔

بص يا سيدي الحقيقة العلمية أكثر دقة وأقل رعبًا مما يُروَّج له.

في يناير 2025، أصدرت *إدارة الغذاء والدواء الأمريكية )FDA(* قرارًا رسميًا بحظر استخدام الصبغة **FD&C Red No. 3** )المعروفة أيضًا بـ Erythrosine أو E127( في الأغذية )بما في ذلك المكملات الغذائية( والأدوية المُبلَعة. القرار ده مش بسبب إثبات سرطان مباشر عند البشر، بل بسبب قانون أمريكي قديم يُسمى **Delaney Clause** )من سنة 1958(.
🚧🚧
القانون ده بيقول بوضوح: لو ثبت إن مادة تسبب سرطان في الحيوانات )حتى لو بجرعات عالية جدًا وبآلية مش موجودة عند البشر(، لازم تُحظر فورًا، من غير استثناءات.

الدراسات اللي بنيت عليها القرارات دي من الثمانينيات أظهرت إن فئران ذكور فقط )مش الإناث ولا حيوانات تانية( لما تتعرض لجرعات ضخمة جدًا من الصبغة )آلاف المرات أكتر من التعرض اليومي العادي للإنسان(، بيحصل عندهم زيادة في هرمون TSH، ده يؤدي لتضخم الغدة الدرقية ثم أورام **حميدة** في الغدة الدرقية. الـ FDA نفسها أكدت في قرارها إن الآلية دي خاصة بالفئران الذكور، وما بتحصلش بنفس الطريقة عند البشر. كمان، مافيش دليل علمي قوي يثبت خطر سرطان مباشر على الإنسان من التعرض اليومي العادي، والجرعات اللي بنتعرضلها في الأكل أقل بكتير من اللي أثرت على الفئران.

منظمة الصحة العالمية WHO واللجنة المشتركة **JECFA** )اللي بتقيم سلامة المضافات الغذائية( قيّمت الصبغة آخر مرة في 2018، وأكدت إنها آمنة ضمن الحدود المقبولة (الجرعة اليومية المقبولة ADI: 0-0.1 ملغ/كجم من وزن الجسم). ما أصدرتش تحذير جديد، ولا قالت إنها "مسرطنة للبشر" أو إن كل الألوان الحمراء خطرة.

الصبغة دي محظورة أصلاً في أوروبا وأستراليا وعدة دول تانية من سنين باستثناء استخدامات محدودة جدًا. في أمريكا، المنتجات اللي مصنوعة قبل القرار ممكن تستمر في السوق لحد يناير 2027 للأغذية، ويناير 2028 للأدوية المبلعة، وبعدها هتختفي تدريجيًا. كتير من الشركات بدأت بالفعل تستبدلها بألوان طبيعية.

أما بخصوص تأثيرها على سلوك الأطفال مثل ADHD أو فرط الحركة، الأدلة ضعيفة جدًا وغالباً مرتبطة بصبغات تانية زي Red 40، مش Red 3 تحديدًا.

**الخلاصة العملية:**
- الصبغة مش "سم مسرطن مباشر" للبشر زي ما بعض المنشورات بتضخم الموضوع. الخطر الحقيقي ضعيف جدًا في الجرعات اليومية العادية.
- الحظر احترازي وقانوني بسبب Delaney Clause، مش بناءً على خطر مثبت عند الإنسان.
- لكن ليه المخاطرة لو في بدائل أحسن؟

نصيحة سريعة ..
- اقرأ قائمة المكونات دايمًا على المنتجات زبادي، حلويات، مشروبات، أدوية.
- لو لقيت "Red No. 3" أو "FD&C Red No. 3" أو "Erythrosine" أو "E127"، اختار بديل بدونها.
- الألوان الطبيعية من البنجر، الفراولة الحقيقية، الكركديه، الكركم... أفضل وأأمن.

الوعي مهم، لكن الخوف الزايد مش لازم. ربنا يحفظنا ويحفظ أولادنا من كل ضرر ❤️

(منقول)
(ساكت ليه شغل العداد)

دكتور محمود العشري - Dr. Mahmoud Elashry

31/01/2026

30/01/2026

30/01/2026

30/01/2026

29/01/2026

29/01/2026

28/01/2026

28/01/2026

28/01/2026

Address

Telephone

Website

Alerts

Contact The Practice

Shortcuts

Share

Category