12/10/2025
هنتكلم النهاردة عن تحليل اسمه VMA والاحتياطات اللازمة قبل جمع العينة ‼️
🟢اولا هو عينة تجميع بول ٢٤ ساعة
🟢 القيم الطبيعية: VMA : up to 9 mg /24 h
🟢 ال VMA اختصار ل حمض الفانيليل مانديليك
Vanillyl mandelic Acid
وده عبارة عن ناتج نهائي من تكسير هرمونات التوتر زي الإدرينالين (Epinephrine) والنورإدرينالين (Norepinephrine)، واللي بتفرزهم الغدة الكظرية في حالات الخوف، التوتر، أو النشاط الزائد ،
و بعد استخدامها الجسم بيكسرها وبيخرجها في البول على شكل VMA
Adrenaline, Noradrenaline ➡️ VMA
🟢 طيب التحليل بيتعمل ليه؟
لو المريض بيشتكي من ضغط دم عالي ومفيش استجابة للعلاج أو بيزيد فجأة
صداع شديد
تعرق غزير
خفقان القلب
نوبات من التوتر والقلق بدون سبب واضح
فالدكتور ممكن يشك في حاجة اسمها "ورم القواتم" – ورم نادر في الغدة الكظرية.
الورم ده بيرفع هرمونات زي الإدرينالين والنورإدرينالين، وبيسبب ارتفاع ضغط مفاجئ.
فتحليل الـVMA بيكشف عن كفاءة عمل الغدة الكظرية ، لو فيه إنتاج مفرط غير طبيعي للكاتيكولامينات (هرمونات التوتر)
"لأن ارتفاع VMA في البول بيعني إن الجسم بيفرز كميات كبيرة من هرمونات التوتر فالدم ، وده بيكون مؤشر لوجود خلل في الغدة الكظرية."
🌱 لو مستويات مرتفعة جداً تُلاحظ في :
ورم القواتم (Pheochromocytoma).
وهو ورم في خلايا الكروموفين في لب الغدة الكظرية ، يفرز كميات ضخمة من الإدرينالين ، نسبة حدوثه حوالي 1% بين مرضى ارتفاع ضغط الدم.
🌱 ولو ارتفاعات خفيفة إلى متوسطة قد تُشاهد في:
ورم الأرومة العصبية (Neuroblastoma)
الأورام العقدية العصبية (Ganglioneuromas)
الأورام العقدية الأرومية العصبية (Ganglioblastomas)
🟢 إزاي بنجمع العينة؟
💡المريض من بداية اليوم بيجمع بول لمدة 24 ساعة كاملة في وعاء كبير
💡ولازم نحفظ البول في وعاء فيه 10 مل حمض هيدروكلوريك (HCl)
💡لازم يتم وضعه في الثلاجة طول فترة الجمع
💡يُمنع تناول الأطعمة المممنوعة لمدة 3 أيام قبل موعد الفحص
💡يجب إيقاف تناول الأدوية المحظورة لمدة 3 إلى 7 أيام قبل الفحص
💡يُنصح بالراحة وتناول غذاء كافٍ وسوائل، وتجنّب التوتر أثناء فترة الجمع
💡يمكن للمريض استئناف تناول الأدوية والطعام والنشاطات المعتادة بعد انتهاء جمع العينة مباشرة.
🟢 إيه اللي ممكن يأثر على نتيجة التحليل؟
⬆️ يزيد الـ VMA كذباً:
الشاي، القهوة، الكاكاو، الفانيليا
الأطعمة التي تحتوي على الجيلاتين
عصائر الفواكه، الشوكولاتة، الفواكه (خاصة الموز)
خل التفاح، تتبيلة السلطات
المشروبات الغازية، المربى، الحلويات، اللبان
الأطعمة المنكّهة أو الملوّنة صناعياً
الأطعمة التي تحتوي على العرقسوس
الصيام أو الامتناع عن الأكل
أدوية كتير (زي الأسبرين، البنسلين ، ليفودوبا، وبعض المضادات الحيوية )
⬇️ يقل النتيجة كذباً:
البول القلوي
مواد التباين في الأشعة
اليوريميا (تؤثر على إخراج VMA)
أدوية زي: ميثيل دوبا، ريزربين، مثبطات MAO
👈👈 بس مهم نعرف إن ارتفاع VMA مش معناه تأكيد وجود ورم، لكنه بيخلينا نكمل بتأكيدات تانية زي تحليل Catecholamines أو الأشعة.
