صحة طفلك

16/03/2021

قناتى على اليوتيوب

اخصائى طب الاطفال وحديثى الولادة

19/12/2020

معلومات هامة جدا عن الصداع فى الاطفال

معلومات هامة جدا عن الصداع فى الاطفالد احمد عادل بدوى

26/11/2020

الانتظام بالعيادة من اليوم ان شاء الله
الاستشارات على الواتس بإذن الله
تحت امر اهالينا

19/04/2020

15/04/2020

امهاتنا والكورونا 😱😱 حصنى نفسك وأولادك

الكورونا حديث الساعة هو فيروس بيتشطر على إللى مناعته ضعيفة ومبيأثرش فى إللى مناعته قوية طيب منخلينا ايجابيين و نبدأ احنا طب ازاى ؟؟🤔

اقولكم وانا قولت الكلام ده قبل كدة فى بوست سابق اننا لو مناعتنا ومناعة أطفالنا قوية مفيش فيروس بأمر الله هيقدر علينا فيه ادوية كتير يا جماعة بترفع المناعة وثبتت فعاليتها جدا لازم نبدأ كلنا ناخدها ونديها لاولادنا مش عشان الكورونا بس عشان اى فيروس تانى كمان لازم نبقى إيجابيين ومنحطش ايدينا على خدنا ونستنى المرض واحنا مرعوبين كمان لازم ولابد وحتما مفيش بيت يخلو من الكحول لغسل الايد . مفيش حد يطلع من بيته معهوش كحول فى جيبه وزجاجة مية عشان يشرب شوية مية كل ١٠ دقايق لان الفيروس كدة هيتبلع ويموت بحمض المعدة مع علاج المناعة
ومفيش بوس اليومين دول ..
يبقى انت كدة حصنت نفسك وحصنت اولادك طبعا مع علاج المناعة ودى روشتة علاج المناعة 👇👇

Bronchovaxom child caps
كبسولة يوميا لمدة ١٠ ايام متتالية من كل شهر لمدة ٣ شهور متتالية وفيه منه كبسول كبار وفيه منه بواكى للاطفال إللى مش هتقدر تبلع كبسول بيتاخد من عمر ٦ شهور
Nixeleco pack
كيس على شوية مية أو عصير مرة يوميا لمدة ٣ شهور من عمر يوم
Immulant syp
ملعقتان ٣مرات يوميا لمدة ٣ شهور لسن اكبر من سنتين

وربنا الشافى . اللهم رب الناس اذهب البأس اشف انت الشافي شفاءا لا يغادر سقما 🙏🙏
تحياتى د احمد عادل بدوى اخصائى طب الأطفال وحديثي الولادة

10/04/2020

لازم نحس بالناس وفى التوقيت ده بالذات وعشان كدة من هنا ورايح كشفى بقى ٣٠ جنيه ف عيادتى ف بنى على وبنى مزار
بحبكم فى الله ❤❤

08/04/2020

ظبطوا تغذية ولادكم اليومين دول واهتموا بالفواكه كلها فيها المناعة

02/04/2020

خلوا بالكم من نفسكم ومن أطفالكم الفترة دى لأن الوضع صعب
اقعد فى بيتك

15/03/2020

بوست هام جدا جدا عن الكورونا

اولا👈 دى انفلونزا زيها زى اى انفلونزا فمفيش داعى للهلع بس الفرق ان فيروس انتشاره سريع جدا
ثانيا👈٨٥% بيجيلهم الفيروس وبيخفوا منه من غير ميعرفوا انه كرونا
ثالثا👈الفيروس بيتحارب بمناعة الشخص وكل شخص وحسب مناعته
رابعا👈الخوف بيقلل مناعة الشخص ٦ اضعاف ف خلوا بالكم واجمدوا كدة💪💪
خامسا👈ملوش علاج زيه زى أى فيروس و لسة متعملهوش مصل وقائى
سادسا👈بيأثر على الشخص إللى مناعته ضعيفة يعنى اللى بيعيا كتير
سابعا👈مش بيأثر على الأطفال بصورة قوية ومبينتشرش بين الأطفال وبعضها بصورة كبيرة ومش معلوم السبب فى عدم انتشاره بين الأطفال حتى الآن
ثامنا👈معظم الحالات إللى اتصابت كانوا من سن ٣٠ سنة وما فوق بس إللى دخل مستشفيات واتأثر بيه إللى فوق ٦٠ سنة وصاحب أمراض مزمنة سواء كان ربو شعبى أو ارتفاع فى الضغط غير مسيطر عليه أو مرضى السكر

طرق الانتشار👇👇
لازم نعرف بينتشر ازاى عشان من هنا نحاربه بما ان ملهوش علاج
بينتشر عن طريق الايد والسلام بالايد👐
أو الرذاذ من الكحة أو العطس ف يبقى منديل معانا على بقنا اول منكح او نعطس ونرميه فى السلة على طول و نطلع واحد غيره
وبعد م نكح أو نعطس كحول على طول على ايدك وتفركه بين ايديك
لو لمست حضرتك سطح معدنىعليه الفيروس عشان كدة بقول لكل امهاتنا طهرى سطح اى معادن عندك ايا كانت مقابض باب مفاتيح اى حاجة بتلمسيها بالكلور و الكحول

الحاجات الوحيدة إللى بتقتل الفيروس الكلور اولا ثم الكحول
هاتوا بخاخات فاضية واشتروا جركنين واحد كلور وواحد كحول وحطوا كمية كمية فى البخاخات
👈طرق الوقاية
١-اكل صحى متوازن فيه بروتين ودهون ونشوياات وفيتامينات
٢-ابعدوا عن اكل التيك اواى اليومين دول
٣-النظافة الشخصية مهمة جدا وغسيل الايدى بالماء والصابون كذا مرة فى اليوم
٤-الغرغرة بمطهر من الصيدلية ١٠ مرات فى اليوم
٥-تشرب شوية مية كل ربع ساعة
٦-كلوا فاكهة كتير خصوصا البرتقان
٧-البخاخة فى جيبك بتاعت الكحول وانت نازل وانت فى البيت وانت فى اى مكان دى الحاجة الوحيدة إللى بتخوف الفيروس
٨-مية فى ايدك وانت فى الشارع عشان تشرب مية كل شوية
٨- تهوية البيت نص ساعة يدخلها الشمس كل يوم ياريت
٩- افتحواا الشبابيك شوية ومتكتموش الاوضة لان التهوية مهمة جدا
😱😱خاف لو جالك كحة ناشفة كتيرة اوى مع تكسير فى عضم الجسم و حرارة عالية ساعتها لازم تستشير طبيب وبسرعة ولحد م تروح تعزل نفسك عشان إللى حواليك

👈👈👈ممكن جدا يجيلك دور الكورونا وتخف منه بسرعة جدا لكنك تتسبب فى عدوى شخص تانى يكون مناعته ضعيفة فتلوم نفسك😞😞
خافوا على بعض 🙏🙏🙏

11/03/2020

خلو بالكم من الأطفال إللى عندها حساسية صدر لازم تستخبى اليومين دول وأطفال حساسة الانف
ربنا يعافينا جميعا

العاصفه التربيه وهى متجهه الي مصر

05/03/2020

متاح لمدة ساعة من الآن للاستشارات الطبية
د. احمد عادل بدوى