15/08/2025
النهاردة هكلمكم عن موضوع مهم جداااااً وهو أهم الحاجات اللي بتأثر على معدل الحرق في الجسم! ⚠🔥
فيه ناس مقتنعة تماماً إن جسمها مابيحرقش، وده مش صح! لأن الطبيعي إن الجسم بيحرق طول الوقت، وإحنا قاعدين أو نايمين أو بالنشاط اليومي العادي بتاعي؛ لأن كل أعضاء جسمنا بتستهلك طاقة زي المخ كده وإحنا قاعدين عادي بنفكر! ✋✋
أما بالنسبة للحاجات اللي بتأثر على معدل الحرق، فهي:
1) سبب جيني: زي ناس كتير تلاقي مهما أكلوا مش بيبان عليهم والأكل بيتحرق بسرعة، وناس تانية العكس خالص بمجرد ما تلمس الأكل أو تشمه بس كده بتزيد 😃
2) الهرمونات: وعلشان كده بنلاقي الراجل بيحرق أكتر من الست؛ لأن الراجل عضلاته أكبر وهرموناته كمان بتأثر، وعلشان كده بنلاقي رجالة كتير بتعمل ½ المجهود اللي بتعمله ستات في الدايت، وبيخسوا بشكل أسرع منهم، وده سبب الهرمونات. 👩🦰👨
3) السن: عادةً معدل الإحتراق أول ما بنتولد بيفضل يزيد لحد سن 18 أو 19 سنة، وبعدها المعدل ده يقل شوية شوية ما بنكبر في السن. وكمان الأطفال حركتهم ونشاطهم اليومي أكبر فتلاقي معدل الحرق في جسمهم أعلى.. 👉👉
وعلشان كده بننصح إن الأطفال يلعبوا رياضة من البداية علشان نحافظ على معدل الإحتراق عندهم من وهما صغيرين.
4) النشاط اليومي (Non-Exercise Activity): اللي هو كل نشاط بنعمله في يومنا وبنكرره كل يوم مالوش علاقة بالرياضة، زي الشغل أو حتى لو بركن العربية، كل ما النشاط ده زاد كل ما معدل الحرق زاد؛ لأنه ده بيمثل 30% من معدل حرق الجسم. 👌👌
5) الرياضة: ودي بتمثل 5 لـ 10% من معدل الحرق، ودي مهمة جداً جداً لأن وظيفتها تحافظ على عضلات الجسم وكمان تزود من معدل الحرق شوية وتحافظ على الصحة العامة. 🏋♀🧘♀
6) الـThermo-genic Effect of Food: ودي حاجة ممكن ماتصدقوهاش؛ لأن دي الطاقة اللي الجسم بيستهلكها في إمتصاص وحرق الأكل بتاعي، وده معناه إن الناس اللي بتحرم نفسها من الأكل لفترة طويلة دول معدل الحرق بتاعهم بيقل. 🙏🙏
في عيادة سمارت
بنقدملكم حلول سهلة بأنظمة غذائية مناسبة ومتابعة مستمرة عشان سلامتكم وصحتكم👌🏻😍
--------------
د/ داليا محمود عبدالرحمن
اخصائيه التغذية العلاجيه والسمنه والنحافة
اكلينكيه بمستشفي بني سويف الجامعي
وحاصلة ع دبلومه تغذية علاجيه من الجامعه الأمريكية
وعضو الجمعية المصرية للتغذية
--------------
🏠 بنى سويف برج الحياه امام معرض شباب مصر الدور الرابع
☎ للحجز :
0111 724 0729
-------------
