مؤسسة إتزان نفسي

13/04/2025

"نفسيتك بتاكل معاك"
مش بس جسمك اللي بيطلب أكل مرات كتير بيكون اللي جعان فعلًا هو نفسيتك!
أوقات بناكل وإحنا مش جعانين، بس زهقانين، متضايقين، أو حتى علشان نعاقب نفسنا.
وفي أوقات تانية بننسى ناكل خالص مش لأننا شبعانين، لكن لأن القلق أو الحزن أكل كل شهية جوانا!
طيب ليه ده بيحصل؟⚡
في علم النفس، في حاجة اسمها "الأكل العاطفي" (Emotional Eating)، وده معناه إنك بتلجأ للأكل كطريقة للتعامل مع مشاعر معينة زي الحزن، التوتر، الوحدة، أو حتى الفراغ.
ومن علامات الأكل العاطفي:⚡
الأكل المفاجئ رغم إنك كنت شبعان.
التعلق بأنواع معينة من الأكل (زي الحلويات) لما تبقى مضغوط.
الإحساس بالندم أو الذنب بعد الأكل.
إنك تاكل علشان "تحس بتحسن"، مش علشان جسمك محتاج.
المشكلة فين؟⚡
لما الأكل يبقى وسيلة للهروب، مش وسيلة تغذيةفبيبدأ يحصل اضطراب زى :
زيادة أو فقدان وزن.
اضطراب في صورة الذات.
اضطرابات أكل زي: النهم – فقدان الشهية – الشراهة مع تأنيب.
إزاي نصلّح ده؟⚡
1. لاحظ مشاعرك قبل ما تمد إيدك للأكل.
2. اسأل نفسك: "أنا جعان فعلًا؟ ولا زعلان/متوتر/زهقان؟"
3. ابدأ تهدّي مشاعرك بطرق تانية:
امشي شوية
اكتب اللي حاسس بيه
كلّم حد ترتاح له
خد نَفَس عميق
4. ابدأ تتعامل مع الأكل كنعمة، مش وسيلة هروب.
لما تعالج علاقتك بالأكل، إنت مش بس بتحافظ على جسمك إنت بتعيد بناء علاقتك بنفسك.🖤

.

#معًا_لنصحح_عقولنا_لتصح_نفوسنا.
مع

12/04/2025

عمرك قريت عن مرض معين، وفجأة لقيت نفسك عندك كل الأعراض؟

ده مش معناه إنك مريض، لكن عقلك بيعمل معاك لعبة نفسية اسمها متلازمة طالب الطب Medical students' syndrome

الموضوع ده بيحصل لأي حد بيذاكر الطب أو علم النفس، أو حتى الناس اللي بتحب تقرأ عن الأمراض والأعراض بتاعتها. تلاقي واحد بيذاكر عن اضطرابات القلب، فجأة يحس بدقات قلبه سريعة ! أو واحدة بتقرأ عن القلق ، تحس إنها متوترة بزيادة !

طب ليه ده بيحصل ؟
لأن المخ ساعات بيخلط بين “المعرفة” و”التجربة” ، فمجرد إنك تعرف أعراض مرض معين، ممكن تبدأ تحس بيها فعلاً ، رغم إنك سليم تمامًا بس ده بيحصل بسبب الإيحاء .

السبب ؟
•ببساطة، نقص المعلومات الطبية الكافية ، خصوصًا في أول سنين الدراسة ، يخليك مش قادر تفرق بين الأعراض العادية والأمراض الخطيرة .

•بعض الأمراض النفسية ، زي اضطرابات الشخصية ، مش بتتشخص بسهولة لأنها محتاجة أعراض مستمرة لفترة طويلة وفي مجالات مختلفة من الحياة ، مش مجرد إحساس عابر .

الحل؟
✅ خد المعلومات من مصادر موثوقة ، ومتفترضش الأسوأ كل مرة تحس بحاجة جديدة.
✅ افتكر إن الأعراض دي مش معناها إن عندك المرض ، وكتير منها بيكون مجرد قلق نفسي.
✅ والأهم… متشخصش نفسك ! دايماً اسأل متخصص لو عندك قلق بجد.

افتكر إن “كتر القراية” مش وحش ، بس لما تبقى عارف إزاي تفصل بين العلم والوسوسة !

.

#معًا_لنصحح_عقولنا_لتصح_نفوسنا.
مع

28/02/2025

طَيب الله رمضانكم وأعاده علينا
وعليكم بالخير واليمن والبركات 🌙🌸

17/01/2025

تعالوا نعرف انهارده يعني اي هشاشة نفسية.
بس الأول محتاجين نفهم المعادلة البسيطة دي وهي ان .. الضغط = الحياة .. مفيش ضغوط يبقى مفيش حياة ، الأنسان طول م هو مضغوط يبقى عايش لكن لو الضغط دا اختفى يبقى هو ف الحالة دي كمان اختفى ( مات ) .. **وهنا انا مش قصدي ضغط الدم والسكر وكدا لاء انا قصدي على ضغوطات الحياة بشكل عام .. الضغط هنا بيسمى (( ضغط إيجابي )) انا مضغوط بس بنجز عملي مش بوقفه ... لما بيكون عندي تكليف بعمله بالضغط لان لو مفيش ضغط عليا ف بالتالي التكليف مش هيتعمل غيير لو انا افتكرت .. اذًا لازم يكون في ضغط عشان أنجز التكليف في وقته المطلوب ... بس لو الضغط دا زاد عن حده بيأذيني جسديًا ونفسيًا .. بس مش معنى اني مضغوط شوية يبقى عشان عندي شوية تكليفات ورا بعض يبقى كدا ضغط واني كدا اقول اني هش نفسيًا لاء احنا القضية كلها في المدة الي بنضغط نفسنا فيها ... يعني انا مش مشكلتي كمية الضغوطات الي هتواجهني ف حياتي وخلال مسيرتي التعليمية او المهنية او غيرها المشكلة بتكمن في مدة الضغوط دي يعني لما يتحط عليا ضغوط من وانا لسه طفل ومستحملها ومش بتكلم وافضل محطوط ف منطقة الضغوطات دي كلها لحد م كبرت وبقيت مسؤل عن شغل وعيلة وحياة هنا نقدر نقول ان المدة الي اتحملت فيها الضغوط اكبر بكتيير من المدة الي كان عندي فيها شوية تكليفات ورا بعض ... ( اذًا اي ما كان الضغط الي بنتحمله مش المشكلة ف حجمه او وزنه لكن في مدة تعرضي لهذا الضغط ).

وهنا نبدأ نتكلم ونفهم يعني اي هشاشة نفسية :

**اي كلمة بتأثر فيك ... اي موقف صغير يزعلك .. قلة التركيز .. كل حاجه صغيرة كنت بتعديها يجي عليك الوقت الي متقدرش تعديها ... لما تبقى أمورك الفسيولوجية متلغبطة ... في إضطرابات ف النوم .. تنام بصعوبة وتصحى بصعوبة .. ويبقى في إضطرابات ف الأكل ... تصحى م النوم مش مجمع هو انهارده يوم اي ولا انت مين وبتعمل اي اصلا وعايش لي ..**

دي كلها أمثلة للشخص الهش نفسيًا ...(( هو الشخص الي متعايش ومش عايش )).

دا بالظبط زي (( القشة التي قسمت ظهر البعير )) .. يعني من أقل شيء وأقل موقف يمر بيا بنهار ومقدرش ارجع بحالتي الطبيعية .

لذلك كُن رحيم بحالك واحذر ان تكون هش نفسيًا.

.

#معًا_لنصحح_عقولنا_لتصح_نفوسنا.
مع

Send a message to learn more

15/01/2025

"إن المعالجين لا يمنحوننا البصيرة، ولكنهم يدعوننا لنختبر الحقيقة بأنفسنا ومنها تتشكل بصيرتنا. فهم لا يخبروننا بما لا نعلم، ولكنهم يخبروننا بما نشعر به، ولكننا لا نريد تحمله بمفردنا. إنهم يظهرون لنا الحقيقة بطريقة يمكننا الاستماع إليها وقبولها والعيش معها"
جون فريدريكسون..✨

.

#معًا_لنصحح_عقولنا_لتصح_نفوسنا.
مع

Send a message to learn more

23/12/2024

" لماذا علي أن ادفع المال مقابل أن يستمع لي شخصا ويعالجني بالكلام فقط!!! "
تكلفة أن تظل مريضا أو تعاني من ألم نفسي
أكثر من تكلفة الدفع مقابل شفائك وراحتك النفسية
الأشياء التي ستخسرها بسبب ألمك النفسي لن تقدر بثمن..

.

#معًا_لنصحح_عقولنا_لتصح_نفوسنا.
مع

-----

17/11/2024

انت افضل مخلوق عند الله سبحانه وتعالى
انت ال سخرلك السماء والارض وما بينهما
انت ربنا سبحانه وتعالى خلقك بأيده الكريمة
انت معجزات في معجزات ليس لها حدود ♥️

-----
.

#معًا_لنصحح_عقولنا_لتصح_نفوسنا.
مع

-----

17/11/2024

نتكلم عن ( الأسباب الي بتؤدي للإضطرابات النفسية )

هناك مبدأ رئيسي في الإضطرابات النفسية وهو * تعدد وتفاعل الأسباب *
*Nothing comes from nothing* لا شيء يأتي من لا شيء _
المبدئ الأساسي ف الأسباب هو مبدأ تعدد وتفاعل الأسباب ؛ لأنه من الصعب أن ننسب سبب واحد لإضطراب بعينه ، ولكن بيكون هناك عدة أسباب أخرى لحدوث هذا الأضطراب .
من الأسباب التي تؤدي لإضطرابات نفسية...
1-أسباب أصلية / مهيئة : وهي أسباب غير مباشرة تمهد لحودث الإضطراب .
2-أسباب مساعدة / مرسبة : وهي أسباب مباشرة تعجل بظهور الإضطراب .
3- أسباب حيوية ( بيولوجية ) : الأسباب الجسمية او العضوية والتي تحدث في تاريخ النمو للفرد .
4- أسباب نفسية : وهي أسباب تتعلق بالنمو النفسي المضطرب الخاص بالطفولة .
5- أسباب البيئة المحيطة : وهي الأسباب التي تحيط بالفرد من بيئة العمل او المجتمع او الأسرة وغيره .

.

#معًا_لنصحح_عقولنا_لتصح_نفوسنا.
مع

17/11/2024

تعالوا نفهم يعني أي ( توافق وأي أبعاده )

مفهوم التوافق : هو عملية دينامية مستمرة تتناول السلوك والبيئة من حيث التغيير والتعديل لحين يحدث توازن بين الفرد والبيئة ؛ وهذا يكافىء مفهوم التكيف ( تكيف الشخص مع البيئة المحيط به).

أبعاد التوافق
1-التوافق الشخصي : ومعناه تكيف الشخص او توافقه مع نفسه وشعوره بالسعادة وإشباع حاجاته ودوافعه .
2-التوافق الإجتماعي : ومعناه تكيف الشخص مع المجتمع المحيط به وشعوره بالسعاده مع الأخريين وتفاعله وإلتزامه بضوابط المجتمع من حوله .
3-التوافق المهني : وهو اختيار الشخص المناسب ف المكان المناسب من بيئة العمل .

.

#معًا_لنصحح_عقولنا_لتصح_نفوسنا.
مع

09/11/2024

نتكلم عن الشخصة السوية والشخصة اللاسوية
يعني اي شخص سوي وشخص غير سوي ؟

الشخصية السوية ( Normality ) هي الي بيكون سلوكها طبيعي زي باقي الشخصيات الموجوده حوليه .

اما الشخصية اللاسوية ( Abnormality )هي الي بيكون سلوكها منحرف عن السلوك الطبيعي زي شخص بيعمل سلوك منحرق او ش*ذ عن السلوكيات الي حوليه .

.

#معًا_لنصحح_عقولنا_لتصح_نفوسنا.
مع

05/11/2024

تعالوا نتكلم عن مفهوم الصحة النفسية

يعني اي صحة نفسية ؟

الظاهر عند البعض ان الصحة النفسية هي ان الشخص بيكون سليم من كل الأمراض ف بالتالي بيكون صحيح نفسيًا
بس لو حبينا نشوف يعني اي صحة نفسية بشكل مختلف هنلاقي إن
منظمة الصحة العالمية ( WHO ) عرفت الصحة النفسية
إنها ليست مجرد الخلو من المرض ولكن هي التمتع بجودة الحياة ( الجسدية ، النفسية ، الإجتماعية ).
تعريف آخر : إنها حالة من الراحة الجسمية والنفسية والإجتماعية , وليست مجرد عدم وجود المرض .

*يعني تكون مستمتع بحياتك حتى ولو عندك اي مرض*

على سبيل المثال : شخص ممكن يكون عنده اكتئاب او وسواس او قلق او توتر بس مستمتع بحياته فبيكون عنده صحة نفسية جيدة وكذلك العكس
ممكن تلاقي شخص عنده امراض ومش مسمتع بحياته ف كدا معندوش صحة نفسية جيدة .
*يعني الي مش مبسوط ومش مستمتع بحياته يبقى معندوش صحة نفسية

*مفيش استمتاع بالحياة = تغيب الصحة النفسية .*

ونفهم كمان ان الصحة النفسية بتكون حالة نسبية وليست مطلقة
يعني لا يوجد إنسان يتمتع بصحة نفسية على مدار يومه او حياته بشكل كامل ؛ لأن هناك منغصات بتغير من حالة الشخص .

**بمعنى أخر
ليس هناك إنسان مثالي يتمتع بصحة نفسية وجسدية بشكل مثالي .
إذا ليست هناك صحة نفسية أمثل .

تعالوا نقارن بين الصحة النفسية _ الصحة البدنية

الصحة البدنية
الشخص بيكون معافى من كل الامراض فبيكون صحيح بدنيًا .
إذا تعرض لأي مرض مثل مرض القلب او غيره من الأمراض بيكون سبب المرض او تشخيصه او علاجه واحد مهما اختلف الزمان او المكان .

اما الصحة النفسية
الشخص بيكون متمتع بحياته حتى ولو عنده مرض .
لو تعرض لاي اضطراب نفسي مثل الإكتئاب ، القلق ، الفصام او غيرهم من الإضطرابات النفسية هنا بيكون سبب الإضطراب والتشخيص والعلاج مختلفين تمامًا مهما اختلف الزمن او المكان .

.

#معًا_لنصحح_عقولنا_لتصح_نفوسنا.
مع

05/11/2024

محاضرة تعريفية عن الصحة النفسية💚

.

#معًا_لنصحح_عقولنا_لتصح_نفوسنا.
مع