27/11/2024
متلازمة رينود هي حالة بتسبب الشعور بالخَدر والبرودة في بعض أجزاء الجسم، زي أصابع اليدين والقدمين، في حالة انخفاض درجات الحرارة أو الشعور بالتوتر، الحالة دي بتحصل نتيجة تضيق الشرايين الصغيرة اللي بتوصل الدم للجلد، وده بيقلل تدفق الدم للمناطق المصابة.
وأهم أعراض مرض رينود هي:
• برودة أصابع اليدين أو القدمين.
• تحول مناطق في الجلد للون الأبيض والأزرق.
• خدر أو شعور بالوخز.
بعض الأمراض ممكن تكون سبب في متلازمة رينود، زي الذئبة والتهاب المفاصل ومتلازمة النفق الرسغي وتصلب الجلد، ومتلازمة شوجرن وفقدان الشهية العصبي
بعض الإجراءات الوقائية ممكن تساعد على منع الإصابة بمرض رينود لو مفيش مرض مسبب، وتقليل هجماتها عند الأشخاص اللي بيعانوا من أمراض تسبب متلازمة رينود، زي:
• الحفاظ على درجة حرارة الجسم مرتفعة.
• تجنب التعرض للبرد.
• ارتداء الملابس والجوارب الثقيلة وقفازات اليد للوقاية من البرد
• التوقف عن تناول الأدوية اللي بتسبب انقباض الأوعية الدموية، ولكن بعد استشارة الطبيب.
• الامتناع عن التدخين.
#إميونيفار
