https://www.facebook.com/690461245142357/

El Aml Clinic for physiotherapy & Nutrition - دكتوره أمل أشرف فؤاد, الشرقيه. بلبيس. بعد المحكمة الجديده, Belbeis (2026)

14/09/2021

الديتوكس 🍏🍎🥒🍋

🔴بنسمع كتير عن الديتوكس وأنه مفيد للجسم جدا وبيساعد كمان فى فتره الدايت 🤔
🔴طيب ايه هو الديتكوس وازاى مفيد للجسم وليه بالذات فتره الدايت ؟؟🤔❓

🍏️الديتوكس
هو عباره عن مايه بنضيف ليها اعشاب طبيعة او فواكه او خضراوات 🍎🥬وهو طبعا مغذي للجسم ومليان بالفيتامينات الى الجسم محتاجها وبينقى الجسم من السموم وبيساعد في تحسين عملية التمثيل الغذائي، وفى حركة الاكل داخل الأمعاء، وده طبعا بيسهل حرق كمية أكبر من الدهون وتخفيف الوزن 🔥🔥

🔴 طيب ايه فوايد ماء الديتوكس للجسم عموما ❓⁉️
🫒بيساعد على تحسين عمل الجهاز الهضمي
🍐.بيتخلص الديتوكس السموم من الجسم
🍍 وكمان بيعزز جهاز المناعة ويقويه جدا
🍏وطبعا بيغذي البشرة والشعر والأظافر

🔴🔴طيب ليه بالذات الديتوكس مهم أثناء فتره الدايت⁉️⁉️⁉️🤔🤔 .

🍏🍏لانه بيمد الجسم بالفيتامينات التي بيحتاجها خلال فتره الدايت .
🍎🍎محفز قوي لشرب كمية أكبر من الماء أثناء فتره الدايت وده بيساعدة على حرق الدهون المتراكمة وإنقاص الوزن.
🍋🍋وكمان الديتوكس بيساعد على فقدان الشهية للأكل لانه غنى بكميه كبيره من الفيتامينات وبيمد الجسم بالسعرات الى بيحتاجها.

🎀📩للاستفسار يرجى التواصل على رسايل الصفحه او للتواصل على رقم العياده 01098397699
📩او تنورنا فى مواعيد العياده
السبت والاثنين والاربع من الساعه ٤ ل ٩

08/08/2021

🔴مشكله ثبات الوزن وازاى نحلها ... 🤔

♻️قبل ما نعرف ازاى نحل مشكله ثبات الوزن لازم نفهم الاول يعنى ايه ثبات وزن وهل هى فعلا مشكله ولا لاء ❓

طبعا بياجى وقت نلاقى الوزن ثبت تماما لمدة أسبوعين أو تلاته رغم إننا عاملين كل اللي علينا مظبوط من حيث الدايت مظبوط والرياضة كمان بس لازم نعرف إن ده سيناريو طبيعي جدا إنه يحصل خلال رحلة نزول الوزن لأن جسمنا بطبعه ذكي جدا
ولازم نعرف برضه إن الرقم اللي بتخسه كل أسبوع ده مش حساب في البنك بتسحب منه زي ما إنت عايز، يعنى عادي جدا إنك كنت بتخس ٢ كيلو في الأسبوع وعادى برضه تلاقي نفسك مش عارف تخس غير ٢٠٠ جرام بس في أسبوع تاني، بس ماتقولش على الـ ٢٠٠ جرام دول ثبات وزن.

🔥طيب ازاى نكسر ثبات الوزن بخطوات بسيطه اوى .⁉️

1️⃣ لازم نغير روتين الدايت⭕ من حيث الكميه وتوزيع الوجبات كمان يعني مثلا، اللي مش بيفطر يبدأ يفطر ولو مش بتاخد وجبات خفيفة ابدأ خد وجبات خفيفة وهكذا

2️⃣بعد ما نظبط عدد السعرات الحرارية اللي المفروض تاخدها لازم برضه نراجع مصادره ⭕ يعنى مثلا نقلل السعرات اللي بتيجى من النشويات الكتيرة أو الفاكهة وتاخدها أفضل من البروتينات والخضار والدهون الصحية

3️⃣اللحوم المصنعة / الملح الزيادة/ الزيوت المهدرجة/ استهلاك كمية عالية من السكر الدايت⭕، دول من الحاجات اللي فعلا ممكن تثبت الوزن، ياريت نحاول نقللها والأفضل نمنعها تماما.

4️⃣الرياضة⭕، لو مش بتلعب رياضة لازم تلعب رياضة، ولو بتلعب رياضة يبقى لازم تغير روتين الرياضة من حيث عدد أيّام التمرين ونوعها، وهنا لازم ألفت نظركم لحاجة مهمة جدا، في ثبات في الوزن بيحصل على الميزان مع الناس اللي بتمارس رياضة، لأنهم بيفقدوا دهون ويزودوا عضلات، عشان كده ده ثبات مش حقيقي والجسم بينزل فعلا، لكن في مرحلة الثبات بيحصل في الوزن ومقاسات الهدوم كمان، يعني مفيش أي نزول في الوزن و دى حاجه كويسه جدا أن الكتله العضليه تزيد والدهون تقل

5️⃣اليوم الفري⭕، لو مش بتاخد يوم فري، ابدأ اعمل كده، ولو بتاخد اليوم ده فعلا ابدأ غير في مدة الفري يعني لو كنت بتاخد وجبة خد يوم كامل ولو يوم كامل خد وجبة فقط وبعد كده ارجع على دايت مظبوط

6️⃣لازم نراجع حاجتين مهمين جدا وناس كتير بتنساهم، هما شرب المياه الكافية للجسم والنوم الجيد بالليل⭕، لو حاجة من دول مش بتعملها أبدأ اعملها واستمر عليها علشان يرجع جسمك يخس تانى

7️⃣ لو وزننا استمر فى الثبات بدون سبب معروف هنا لازم نبدأ نشوف المشكله فين ونراجع الحاله الصحية للمريض⭕سواء كان(نقص فيتامين د/ الأنيميا / تكيس المبايض/ أدوية الاكتئاب/ حبوب منع الحمل)، لأن الحالات دى ممكن جدا تعمل مشكلة ثبات الوزن كذا مرة خلال رحلة نزول الوزن

8️⃣إننا نحاول نقلل التوتر والضغط النفسي ⭕لأنه من الحاجات اللي بتعمل ثبات الوزن

🔴🔴 واهم حاجة بلاش تخلوا حاجه طبيعية جدا زي مرحلة ثبات الوزن بتحصل خلال الدايت لازم إنها تحبطكم وتسيبوا الدايت وترجعو تضيعو كل مجهودكم وتكونوا اتخن من الاول. مافيش حاجه هتنجح غير لما تستمر💪💪💪

05/08/2021

🔥🔥️ جلسات الميزوثيرابى 🔥🔥

🛑جلسات اذابه وتفتيت الدهون الموضعيه 🛑⏳

🔴 هعرفكم كل حاجه عنه وهجاوب على كل الاسئله الى اى مريض بيسألها لما بيسمع عن جلسات تفتيت الدهون الموضعيه (الميزوثيرابى). 🌸

1️⃣ايه هو اصلا الميزوثيرابى ده ❓
دى طريقة بديلة لعمليات شفط الدهون وده عن طريق حقن مواد مذيبة للدهون و المواد دى بتكون خليط من الفيتامينات والأنزيمات والكافين والاحماض الامينيه ومواد تانيه كتير مذيبه للدهون اآمنه جداوصحيه تماما وبيتم حقنها في التجمعات الدهنية فتذيبها .

2️⃣طيب ازاى الجلسات دى بديله لعمليات شفط الدهون ‼️🤔
لانها بتتخلص من الخليه الدهنيه بالكامل .عن طريق تفتيت جدار الخليه الدهنيه .واذابه محتوى الخليه الدهنيه ويتم تصريفها والتخلص منها عن طريق الدوره الليمفاوية للجسم

3️⃣طيب بنعمل الجلسات دى ازاى وبتوجع ولا لاء ⁉️
بيتم الحقن بأبرة رفيعة جدا على عمق معين تحت الجلد( اماكن تجمع الدهون ) على يد طبيب متخصص تكون على مسافات وكميات معينة طبعا . وطبعا الطريقة دى مش مؤلمة ابدا وبتمثل أبسط الطرق للتخلص من الدهون الزائدة والمتجمعه فى مكان معين فى الجسم

4️⃣ طيب المواد الى بتتحقن دى مضره ولا لاء ⁉️🚫
طبعا لاااا مش مضره ابدا وكلها مواد طبيعيه من كافين وفيتامينات وغيره كتير ومافيش ليها اى آثار جانبيه ابدا

5️⃣طيب انا ممكن اعمل الجلسات دى على اماكن ايه يا دكتور ❓❓♻️
على اى اماكن تجمع الدهون زى ( البطن - الخصر - ثنايا الظهر - الأرداف - الفخذين - الذراعين ) وطبعا للستات والرجاله

6️⃣طيب لو عندى ترهلات فى الجلد. الجلسات هتقضى عليها ولا لاء ❓🤔
ايوه طبعا. من أهم مميزات الحقن أن النتيجة بتظهر بالتدريج مع الجلسات وده يؤدي الى أنكماش تدريجي في الجلد خلال فترة العلاج وبالتالي مش بتحصل اى ترهلات
وكمان المواد دى مع الجلسات لو عندك ترهلات الجلسات بتقللها كتير جدا وبتشد الجلد

7️⃣.طيب انا عندى ترهلات او سليوليت الجلسات ممكن تقضى عليها..⁉️
ايوه طبعا ممكن .لان على حسب تقيم الحاله فى مواد خاصه للترهلات والسليوليت بتضاف للماده وتتحقن معاها عادى وتقدر تتخلص منها

8️⃣طيب المكان بيرجع يجمع دهون تانى ولا لاء ⁉️..
طبعا قدرة الجسم على تخزين الدهون في المنطقة دى الى تم حقنها و علاجها بتقل ومش بترجع تانى زى ما كانت قبل الحقن
وبنحافظ على التعليمات والنظام الغذائي لحد ما نوصل للمثالى اكيد

9️⃣طيب الجلسه نتيجتها بتظهر بعد مده قد ايه ⁉️
بتظهر فى خلال ايام 3 ل 10 ايام بالكتير جدا
وبنعمل الجلسه كل 10 ايام او اسبوعين بالكتير

🔴🔴ملحوظه 🔴🔴
وطبعا مواد الحقن دى كتير جدا وأنواع مختلفه كتير جدا . و طبعا جلسات الميزوثيرابى عندنا فى مركزنا مختلفه لانها مواد اسبانيه بخاصيه النانوتكنولوجى🔥 الاقوى ٥ مرات من الميزوثيرابى العادى وتقدر تشوف النتيجه بنفسك من اول جلسه

🖲🖲📢دلوقتى تقدر تشرفنا فى مواعيد العياده وتجرب بنفسك
السبت والاثنين والاربع من الساعه ٤ الى ٩
او تقدر تكلمنا على رقم العياده 01098397699

05/08/2021

معلومه سريعه ❤❤🔥

02/08/2021

معلومه سريعه ❤ ❤
📢

01/08/2021

الحجامه 🔥
🔴 ‼️وهنلاحظ الفتره الاخيره انتشار العلاج بالحجامة من الرياضيّين المشهورين
لتخلص من الألم وعلاج المشاكل العضلية؛ وكمان بتساعد الحجامة على استمرار تدفّق الدم وعدم ركوده في مناطق معيّنة من الجسم، وكمان فى علاج العديد من الأمراض مثل؛ أمراض المشاكل العضلية والعظمية والتهاب المفاصل
،والصداع، وارتفاع ضغط الدم،
بالإضافة إلى دور الحجامة في المساعدة على ارتخاء العضلات، وتحسين الدورة الدموية في الشرايين والأوردة، وتهدئة الجهاز العصبي،
🔺️🔺️وأمراض تانيه كتير جداا .اتكلمنا عنها فى البوست إلى فات ⬅️⬅️
🟣ونتيايجها ممتازه فعلا فى كل حاجه

🖲🖲دلوقتى تقدر تحجز جلسه الحجامه الخاصه بيك وتحس بالفرق من اول جلسه
٠🟥🟥لحجز جلسه الحجامه كلمنا على رقم العياده
01098397699.او تقدر تشرفنا
فى مواعيد العياده
السبت والاثنين والاربع من الساعه 4 الى الساعه 9

31/07/2021

الحجامه 🔥

طبعا كلنا سمعنا عن الحجامه وفى مننا ناس كتير جربتها وفى ناس نفسها تجربها بس خايفه أو عاوزه تفهم عنها اكتر

🚫بس لازم قبل اى حاجه نكون عارفين ان مش اى حد يخليه يعملنا حجامه .فى فرق كبير بين الطبيب المتخصص وبين الناس الى وخداها هوايه ⁉️

وطبعا كلنا عارفين ان الرسول عليه السلام وصى بالحجامه
فى أحاديث كتير
يقول رسول الله عليه الصلاه والسلام ❤

🔴(( ما مررت ليله اسرى بى بملإ من الملائكه إلا قالو لى عليك يا محمد بالحجامه ، مُر امتك بالحجامه ))

🟠(( خير الدواء الحجامه ))

🟣((الشفاء فى ثلاث . شَربه عسل ، وشرطه محجم ،وكيه نار .وانا أنهى امتى عن الكى ))

⭕❗وده مش معناه ان الحجامه سُنه اسلاميه وبس . دى وسيله علاجيه مهمه جدا وفوايدها كتير وتستخدم فى أمراض كتير ونتايجها ممتازه فعلا ❤

وهنلاحظ كمان الفتره الاخيره انتشار العلاج بالحجامة من الرياضيّين المشهورين للتخلص من الألم وعلاج المشاكل العضلية؛
1️⃣ وكمان بتساعد الحجامة على استمرار تدفّق الدم وعدم ركوده في مناطق معيّنة من الجسم،

2️⃣وكمان بنستخدم الحجامة في علاج العديد من الأمراض مثل؛ أمراض المشاكل العضلية والعظمية والتهاب المفاصل

3️⃣واالعصب والسابع والصداع المزمن وارتفاع ضغط الدم

4️⃣بالإضافة إلى دور الحجامة في المساعدة على ارتخاء العضلات، وتحسين الدورة الدموية في الشرايين والأوردة، وتهدئة الجهاز العصبي،

5️⃣وتخفيف آلام الظهر والرقبة،والتخلص من القلق، والتعب، والصداع النصفي، والروماتيزم، ، وإزالة السموم من الجسم،

6️⃣وتحسين عمليّات الأيض، والتخلص من الإمساك، وتحسين عمليات الهضم،

7️⃣ ومعالجة اضطرابات الدم مثل؛ فقر الدم
تهدئة أعصاب الشخص المحتجم.

8️⃣خروج كريات الدم الحمراء الفاسدة والتي هرمت في الدم. تُنظم الحجامة إفراز الغدد، وتعمل على موازنة الهرمونات. خروج نسبة قليلة من كريات الدم البيضاء، تقريباً 15%، والتي في حالة سحب الدم تخرج بنسبة 100%.

9️⃣خروج الدم المليء بالترسبات والأخلاط الضارة والسموم، التي لا تخرج بطرق أُخرى.

1️⃣0️⃣تنشط الدورة الدموية، والحركة في الجسم.
تساعد فى خروج الدم الفاسد من الجسم، ويتم تعويضه بدم سليم في فترة قصيرة جداً

1️⃣1️⃣، تقي من الأمراض، وتزيد المناعة عند الشخص. تزيد نسبة التركيز، وتزيد في الحفظ.

📛📛والحجامه طبعا أنواع ❗
فى نوعين اساسيان من الحجامه .
♻️الحجامه الرطبه .♻️ والحجامه الجافه

🟥⬅️⬅️دلوقتى تقدر تحجز جلسه الحجامه الخاصه بيك وتحس بالفرق من اول جلسه

🔺️⬅️لحجز جلسه الحجامه كلمنا على رقم العياده
01098397699.او تقدر تشرفنا

28/07/2021

هنخس ازاى ⁉️🤔🤔
🚫📢 دى اجابه عن كل الاسئله الى ممكن تيجى فى دماغك لما تقرر تخس

🔴(١) انا عملت انظمه دايت كتير يا دكتور وبلتزم وبرضو مش بخس ؟ ❓
مافيش عندنا حاجه اسمها مش بخس . كله هيخس . مش بخس يبقى فى مشكله بنشوف ايه المشكله ونحلها .من خلال الفحوصات والتحاليل الى بنعملها فى البدايه عشان نشوف فين المشكله ونحلها ، وبنلتزم بنظام غذائي يحتوى على كل العناصر الغذائيه المناسبه للجسم كلاً حسب حالته

🔴(٢ ) الحرق عندى ضعيف يا دكتور ؟❓
عندنا الحل . لو حرقنا ضعيف وعندنا دهون عنيده متوفر فى مركزنا أقوى منتجات لزياده الحرق

🔴(٣) انا بحب الاكل جدا ومش هقدر امشى على دايت❓
الانظمه الغذائيه بتعتمد على احتياجات الجسم .يعنى هتاخد احتياجات جسمك الى هتشبعك .. مافيش جوع ابدا .بالعكس انت هتاكل كل ساعتين ومش هتقدر تكمل الاكل وبرضو هنخس
وكمان متوفر فى مركزنا أقوى منتجات لسد الشهيه

🔴(٤) انا بحس بملل من الدايت ومش بلتزم عليه ؟ ❓

كل اسبوع بيختلف نظام الدايت وأنواع الاكل كمان. يعنى مافيش اى ملل .بالعكس فى تنوع كبير فى الاكل وفى الانظمه وفى الادويه كمان

🔴(٥) عندى بطن يا دكتور وعاوزه انزلها ؟ ❓
متوفر فى مركزنا جلسات تفتيت موضعى .(ميزوثيرابى ) . لتفتيت الدهون فى المنطقه الى بضايقنا ونشد اى ترهلات فيها .بأقوى المنتجات الاسبانيه بخاصيه النانوثيرابى الى بتكون أقوى أضعاف من الميزوثيرابى العادى

🔴(٦) الادويه ممكن تكون مضره انا مش بحب اخدها يا دكتور ؟❓
السمنه مرض ..وده بالنسبالى اكبر مرض .هو الى بيسبب الضغط والسكر والقلب وغيره ..
كل مرض ليه علاج وده مرض بنعالجه سواء بانظمه غذائيه او ادويه .وكل حاجه ليها العلاج المناسب ليها

🔴(٧)طيب الادويه امان يا دكتور ؟❓
متوفر فى مركزنا آمن منتجات للتخسيس والنحافه والجلسات الموضعيه آمنه بنسبه 100% . بدون اى آثار جانبيه .وهتجرب وتشوف بنفسك

🔴(٨) عندى السكر ينفع اعمل دايت ؟ ❓
ده انت لازم تعمل دايت .. تعرف ان فى انظمه مخصصه لمرضى السكر ومع الالتزام جسمنا وسكرنا هيتظبط وممكن نستغنى خالص عن دوا السكر كمان

🔴(٩) عندى خشونه . عندى غضروف ..اخس ؟❓
لازم تخس .لازم تخف الحمل ده شويه على مفاصلك وفقراتك

#السمنه . #مرض

28/07/2021

يلا نعرف ازاى افرق واعرف .انا عندى( ألم أسفل ضهر ) ولا عندى ( عرق نسا ) ...
كتير مننا بيتلغبط وجه الوقت نعرف ازاى نفهم حالتنا

اولا ألم أسفل الضهر 🔥

🧭ده ألم بيكون موجود فى منطقه أسفل الضهر .فى الجزء الممتد من الضلوع إلى منطقه الحوض وبيكون لأسباب كتير اوى .ومن أشهر أسبابها .مشكله فى عضلات الضهر نتيجه مجهود او وضع غلط او غيره كتير .....
والم أسفل الضهر ممكن يكون موجود لوحده . او ممكن بيكون معاه عرق نسا

طيب يلا نعرف ازاى نعرف عندنا عرق نسا أو لاء ❓❓🤔

🧭 ايه هو عرق النسا "Sciatica"❓

ده يعتبر العصب الأطول والاضخم فى جسم الإنسان . بيمتدمن خلفية الحوض، مروراً بالأرداف، والفخدين، وصولاً إلى أكف القدمين
🧭امتى يحصل ألم واعرض عرق النسا 🤔❓

لما بيحصل تهيج أو ضغط شديد على العصب
بيسبب ألم شديد وممكن يكون معاه تنميل أو خدل

ولازم كلنا نعرف ان عرق النسا . (مسمى خاطئ)🚫
🔴اولا هو مش عرق ده عصب
🔴تانى حاجه انه اسمه نَسا ( اى من النسيان .اى ان الشخص ينسى اى شئ من شده هذا الألم وده بيدل ان الالم بيكون شديد جدا )

🧭 علامات وأعراض عرق النسا .هنحس بايه ⁉️

• يبدأ الألم بالانتشار من أسفل الظهر، مروراً بإحدى الساقين وصولاً الى القدم والأصابع.

بيسبب ألم شديد وممكن يكون معاه تنميل أو خدل
الألم ده بيبدأ من أسفل الضهر وبيمتد لمنطقه الايليا للفخد من الخلف والساق والقدمين

• يتراوح الألم الناجم عن هذه الحالة ما بين الطفيف إلى الشديد جداً، كما وأنه قد يزداد سوءاً مع العطس، والسعال، أو الجلوس لمدة طويلة.

وعرق النسا ممكن يكون موجود لوحده عادى .مش شرط يكون معاه آلام أسفل الضهر
📢🔴الاحساس بيكون شعور بآلام شديدة وممكن تنميل وخدل يمتد لمنطقه الفخد من الخلف والساق والقدمين . وبتكون هى الأصعب مقارنة بما ينجم عن آلام الظهر الغير ممتد للساق وانما هى آلام أسفل الضهر فقط

27/07/2021

مركز الامل ❤ يحرص على تقديم افضل كشف ومتابعه لجلسات العلاج الطبيعى والتغذية العلاجيه (السمنه والنحافه )
عشان كده الكشف والجلسات عندنا مختلفه :-
بنقدملك .. 👍🩺

{1} الخصوصيه التامه لكل مريض ، والمريض له وقته الكامل مع الدكتور أثناء الكشف وأثناء المتابعه 👩‍⚕️✍

{2} جلسات العلاج الطبيعى لا تقل مدتها عن ساعه (وتزيد ) حرصا على ان يأخذ المريض كل ما يحتاج اليه من الوسائل العلاجيه ✌

{3} الجلسه تعتمد بشكل كبير على العلاج اليدوى والتكنيكات اليدويه والتمارين العلاجيه الهامه بالاضافه لاستخدام الاجهزه الحديثه 🥼🩺🗓

{4} يتم فتح ملف خاص بكل مريض لكتابه البرنامج العلاجى الخاص بيه بعد تقيم حالته فى اول زياره ويتم التغيير وفقا للمستجدات بالمتابعات . واعاده تقيم لحالته الصحيه بعد مجموعه من الجلسات ✍💭📑📝

{4} لا يوجد فتره انتظار طويله لان لكل مريض معاده الخاص بيه 🍒

{5} الالتزام بالإجراءات الوقائية الشامله وتعقيم شامل للاجهزه والاسطح والسراير بعد كل مريض .والالتزام الدائم بارتداء الكمامات الطبيه 😷🧪

27/07/2021

💫 السلام عليکم
💫مع حضراتكم دكتوره :- أمل أشرف فؤاد
اخصائيه العلاج الطبيعى والتغذية العلاجيه
بنقدملكم خدمات مركزنا :-
مركز الامل ❤

El Aml Clinic for physiotherapy & Nutrition - دكتوره أمل أشرف فؤاد

14/09/2021

08/08/2021

05/08/2021

05/08/2021

02/08/2021

01/08/2021

31/07/2021

28/07/2021

28/07/2021

27/07/2021

27/07/2021

Address

Telephone

Website

Alerts

Contact The Practice

Shortcuts

Share

Category