Dr. Ahmed Abdelhafez clinic عيادة دكتور احمد عبد الحافظ لأمراض القلب

03/09/2024

مواعيد متابعة وبرمجة اجهزة منظمات القلب الدورية فى عيادة الدقى اول خميس من كل شهر الا فى حالات الطوارئ يتم تحديد ميعاد فورى. ويفضل الحجز المسبق للمتابعات الدورية.

01/09/2024

POTS متلازمة زيادة ضربات القلب مع الوقوف

ماهو ؟ هو زيادة معدل ضربات القلب بأكثر من ٣٠ ضربة بالدقيقة عند تغييير الوضع من الجلوس الى الوقوف او من النوم الى الوقوف. ويحدث عادة بسبب نقص السوائل بالجسم او الجفاف وكذلك الاكل الغير صحى وعلاجه يكون عادة بزيادة السوائل خاصة المياه وكذلك الغذاء الصحى وممارسة الرياضة وخاصة السباحة. ومن الممكن اعتبار ال POTS انه جزء من بعض الامراض المناعية فى حالات كثيرة ولذا يجب استشارة طبيب امراض الروماتيزم والامراض المناعية. لايوجد حتى الآن علاج مباشر وفعال لحالات ال POTS ولكن محاولة علاج الاسباب هو الحل الفعال فى بعض الحالات وقد لانجد علاج لهذه الحالات ويكون الحل هو محاولة تجنب تغيير الوضع بشكل مفاجئ او شرب كمية كبيرة من الماء بعد الاستيقاظ قبل القيام من السرير او ممارسة بعض الرياضة بتحريك عضلات الساقين قبل القيام من السرير وكذلك قبل تغيير الوضع من الجلوس للوقوف.

15/07/2024

عيادة كهرباء القلب الان بطنطا

عيادة كهرباء القلب هى عيادة مختصة بتركيب ومتابعة منظمات القلب الصناعية بأنواعها المختلفة وكذلك تشخيص و كى البؤر الكهربية بالقلب.

Cardiac electrophysiology clinic, specialized in pacemaker implantation, electrophysiological study and ablation of different arrhythmias.

طنطا- شارع عثمان محمد برج الزهراء اعلى مصر
والسودان ، عيادة دكتور احمد عقاب

للحجز

01009901981

13/04/2024

قولنا رأيك وشكرا على وقتك.

عيادة كهرباء القلب دكتور احمد عبد الفتاح عبد الحافظ . مركز نبض الحياة would love your feedback. Post a review to our profile.

Post a review to our profile on Google

27/10/2023

الكل ينسخ البوست:

open satellite internet for
‎

08/10/2023

اختبار المنضدة المائلة
هو اختبار لتقييم زيادة نشاط العصب الحائر كسبب للاغماءات المتكررة او الدوخة المستمرة وفى بعض الاحيان لتشخيص بعض انواع زيادة سرعة ضربات القلب. هو عبارة عن منضدة يستلقى عليها الشخص ويتم امالتها بزاوية ٧٠ درجة ويتم مراقبة نبض القلب وضغط الدم طوال فترة الاختبار وعند الاحساس بأى من الاعراض سبب الاختبار يتم ابلاغ الطبيب فورا والذى يتواجد معك طوال فترة الاختبار. فترة الاختبار حوالى ٣٥ دقيقة ، بعد اول ١٥ دقيقة اذا استمر ضغط الدم ونبض القلب فى المعدلات الطبيعية يتم اعطاء قرص داينيترا تحت اللسان وذلك لعمل انخفاض فى ضغط الدم ، فى الشخص الطبيعى لن يحدث الانخفاض حيث ان الجسم سيقوم بتعويض هذا الانخفاض، اما فى حالة وجود زيادة فى نشاط العصب الحائر فإن ضغط الدم سيواصل الانخفاض وفى هذه الحالة نقوم بإعادة المنضدة الى الوضع الاول فيتم ارتفاع الضغط مرة اخرى وعودته الى الوضع الطبيعى. وبهذا ينتهى الاختبار. الاختبار الايجابى يعنى وجود زيادة نشاط العصب الحائر اما الاختبار السلبى لاينفى ذلك. ومن فوائد الاختبار الى جانب معرفة زيادة نشاط العصب الحائر معرفة تأثير هذا النشاط بمعنى وجود انخفاض فى ضغط الدم فقط ام يصاحبه وجود بطء فى نبض القلب ايضا. من متطلبات الاختبار الصيام ٤ ساعات قبل الاختبار وكذلك عدم قيادة السيارة بعد الاختبار مباشرة حيث يوجد توابع لهذا الاختبار قد تحدث فى اليوم الاول او اليوم الثانى للاختبار من هذه الاعراض دوخة شديدة او اغماءة وعند الاحساس بأى من هذه الاعراض يتم الاستلقاء فورا مع رفع القدم على اى شئ مرتفع. وكذلك ينصح بشرب الكثير من السوائل بعد الاختبار مباشرة والاستمرار بالشرب حتى اليوم التالى.

لحجز وتفاصيل الاختبار يرجى الاتصال
01212024820
الاختبار موجود حاليا فى عيادة كهرباء القلب فرع بنها فقط.

12/08/2023

تشرفت بالمشاركة مع استاذى ومعلمى بروف دكتور أحمد الدماطى استاذ وخبير كهربية القلب فى حالة كى ثلاثى الابعاد لحالة حرجة تعانى من ضربات بطينية خبيثة وضعف شديد بعضلة القلب، وذلك فى مستشفى السلام الدولى بالمعادى.
Ahmed Mohamed EldamatySheRien SaMyAhmed ShaabanHatem AbdelgawadAhmed RagabMohammed Moharam

15/06/2023

ارتخاء الصمام الميترالى…..
الصمام الميترالى هو عبارة عن مدخل مكون من بوابتين داخل القلب بتتحكم فى حركة الدم من الأذين الأيسر الى البطين الأيسر ، لما يحصل تمدد او تليف فى احدى البوابتين بيحصل الارتخاء ودا بيؤدى ان الصمام ميقفلش كويس ويحصل ارتجاع فى الدم الى البطين الايسر. ودا عادة اللى بيعمل الاعراض اللى بنشوفها مع ارتخاء الصمام الميترالى زى اضطراب فى نبض القلب او بعض الآلام بالصدر او صداع او تعب عام او عدم اكتمال التنفس مع المجهود او عند النوم. اسباب ارتخاء الصمام الميترالى مش معروفة وموجود فى حوالى ٣ ٪؜ من الاشخاص. ولكن ممكن تقليل الاعراض عن طريق تجنب التدخين . الاهتمام بالغذاء الصحى والرياضة من الحاجات اللى بتقلل اعراض ارتخاء الصمام الميترالى. وممكن نحتاج ادوية فى بعض الاحوال ودا بيبان بالفحص الطبى. ولكن فى بعض الاحوال بيكون الارتخاء دا بدرجة كبيرة جدا وممكن يكون معاه تغير المكان الطبيعى لوجود الصمام وبيكون معاه ارتجاع كبير فى الصمام الميترالى والتشخيص دا بيتم تأكيده بواسطة الرنين المغناطيسى على القلب ودا بيمثل خطورة اذا كان معاه اغماءات او ضربات بطينية سريعة ودا بيستدعى فى بعض الاحوال تركيب جهاز صدمات للقلب، او عمل دراسة كهربية للقلب او فحوصات اخرى بيتم تحديدها بواسطة الطبيب المعالج.

14/06/2023

الذبذبة الأذينية

هى عبارة عن عدم انتظام ضربات القلب سببها وجود بؤر فى الاذين الايسر. والضربات دى عادة ضربات حميدة وليست خطيرة إلا اذا كانت سريعة جدا او بطيئة جدا.ودا بنعرفه من رسم القلب.اللى بينشطها حاجات كتير منها المجهود الزائد، القلق، اضطراب مستوى الاملاح بالجسم او ممكن مفيش سبب مباشر. بعض الناس بتجيلهم الذبذبة الاذينية مره واحدة ف العمر او على فترات متباعدة وبعض الناس بتجيلهم يوميا ودا بيفرق فى خطة العلاج. فيه عوامل خطورة مهمة جدا بتزود فرص حدوث الذبذبة الاذينية من اهمها ضغط الدم العالى و ارتفاع الدهون بالدم عشان لازم علاج الضغط العالى والدهون العالية وكذلك الاهتمام بشرب السوايل اللى بتروى وليس المشروبات الغازية . اما عن علاج الذبذبة الاذينية فهو اما ادوية تؤخذ بالفم او القسطرة والكى. طبعا من اهم ادوية الذبذبة الاذينية هى ادوية السيولة اللى بتتاخد على حسب وجود عوامل خطورة من عدمه. وكذلك أدوية للسيطرة على سرعة الضربات وقد نحتاج الى اعطاء صدمة كهربية لبعض الاشخاص عند استمرار وجود الذبذبة الاذينية وذلك لاعادة انتظام ضربات القلب ودا عادة بيكون بعد فشل المحاولات الدوائية. اما لو تكررت الذبذبة الاذينية بشكل كبير بالرغم من اعطاء ادوية بجرعات كبيرة فهنا بيكون دور القسطرة الكهروفسيولوجية والكى للأوردة الرئوية . فى بعض الناس اللى بتفشل كل المحاولات معاهم ف السيطرة على الذبذبة الاذينية بنحتاج نزرع منظم لضربات القلب مع عمل كى للضفيرة الطبيعية بالقلب. اما لو كانت الضربات بطيئة جدا بنحتاج نزرع منظم ضربات قلب.

08/06/2023

الضربات الشاردة ( البطينية والأذينية)
اسمها الضربة الشاردة ، الهاجره ، السابقة او الساقطه)
هى ضربات مزعجة جدا جدا. وعادة بتكون ضربات حميدة وغير خطيرة (اذا كان الايكو كويس ومفيش اى عوامل خطورة تانية سواء فى رسم القلب او نوع الشكوى) والضربات الشاردة فى الوقت دا سواء بطينية او أذينية لاتمثل خطورة. ولكنها مزعجة جدا . الضربات دى بتكون نتيجة وجود بؤرة فى أحد البطينين او بؤرة فى أحد الأذينين. وبيكون علاجها حاجة من اتنين إما علاج دوائى أو علاج بالقسطرة الكهروفسيولوجية والكى. ودا بيتحدد على حسب نسبة الضربات فى الهولتر وحالة عضلة القلب فى الإيكو وكذلك شكوى المريض. الضربات البطينية لو كتير جدا بنسبة اكتر من ١٠ ٪؜ فى فحص الهولتر ممكن تعمل ضعف فى عضلة القلب بعد فترة كبيرة والضعف دا بيتحسن بعد التخلص من الضربات البطينية سواء بالأدوية او بالكى على حسب حالة المريض. فى بعض الاحيان فى وجود ضربات شاردة قليلة العدد ممكن ناخد اقراص العلاج عند اللزوم لو مش بتيجى بشكل يومى.وبعض الضربات بيكون عددها قليل جدا فى اليوم وقد نفشل فى علاجها وبنضطر اننا نتعايش معاها مادامت لاتمثل اى خطورة.