تشمل الوحدة تقييم حالة نمو الجنين خلال مدّة الحمل والحفاظ على صحته، وكذلك تشخيص أية أمراض أو تشوهات.
15/08/2025
تعرفي ايه هي أكتر حاجة بنطمن عليها في السونار التفصيلي؟ السونار التفصيلي دا بنعمله في الأسبوع الـ22 من الحمل وأهم حاجة بنطمن عليها هي قلب الجنين 🫀
ليه؟
لأن القلب من أول الأعضاء اللي بتتكون… وأكتر عضو ممكن تظهر فيه مشاكل خلقية من بدري.
🎯 بالسونار بنقدر نتابع:
🔹 حجم القلب ومكانه جوه صدر الجنين
🔹 عدد الحجرات القلبية (هل 4 ولا فيهم نقص؟)
🔹 شكل الصمامات ووظيفة كل واحدة
🔹 الشرايين اللي خارجة من القلب، وهل ماشية صح؟
🔹 حركة ضخ الدم وسرعته باستخدام دوبلر الأوعية
👶 بعض عيوب القلب الخلقية اللي ممكن نكتشفها:
فتحة بين البطينين أو الأذينين
انقلاب في الشرايين الرئيسية
ضيق أو انسداد في صمام
مشاكل في تكوّن القلب نفسه بالكامل
✅ لما نكتشف المشكلة بدري:
بنقدر نتابع الحمل بخطة أفضل
نحدد أفضل وقت وطريقة للولادة
نجهز فريق طبي لحالة الطفل بعد الولادة
وفي بعض الحالات، ممكن الجنين يحتاج تدخل جراحي بعد الولادة فورًا… أو حتى أثناء الحمل في مراكز متخصصة.
👩⚕️ وعلشان كده، السونار مش رفاهية… ده وسيلة إنقاذ.
🟪
11/08/2025
علامات بتقولك إن المبايض بتاعتك مش تمام ! 🤦♀️
حاسّة إن دورتك بتتأخر كتير؟ أو بتجيكي مغص مش طبيعي؟"
"علامات زي:
🔸 اضطراب في الدورة
🔸 زيادة شعر الوجه
🔸 حبوب كتير
🔸 تأخر حمل
كل دي ممكن تكون بسبب تكيس المبايض."
ماتأخريش نفسك أكتر من كده! تعالي اطمني على نفسك بسونار بسيط في وحدة الشروق … إجراء بسيط لكن ممكن يوضحلك كل حاجة ويحدد سبب تعبك ايه بالظبط 👌🩷
08/08/2025
كتير من البنات والستات فاهمين إن التأثير الوحيد لتكيس المبايض هو صعوبة الحمل، لكن الحقيقة غير كده!
📌 أعراض تكيّس المبايض:
تأخر أو عدم انتظام الدورة الشهرية
زيادة في الوزن
حبوب في البشرة
زيادة في نمو الشعر في أماكن غير مرغوب فيها
صعوبة في الحمل
💔 لو اتساب من غير متابعة ممكن يؤدي لـمقاومة للأنسولين وسكري من النوع التاني، ارتفاع ضغط الدم وممكن زيادة في الكوليسترول
💡 لو بتحسي بأي من الأعراض دي، يبقى محتاجة تعملي سونار في وحدة الشروق نطمن على المبايض ونشوف المشكلة فين تحديدا لأن العلاج الصح بيبدأ بالسونار الصح 👌😎
18/07/2025
الدورة نزلت مرتين في الشهر؟ 🤔 لازم تتابعي!
ممكن مرة تلاقي دورتك نزلت بعد ١٥ يوم من آخر دورة، وتقولى عادي… يمكن لغبطة بسيطة.
بس الحقيقة 👀 مش دايمًا ده بيكون طبيعي!
🔸 الدورة الشهرية المفروض تيجي كل ٢١ لـ ٣٥ يوم تقريبًا.
👈 لو بدأت تنزل مرتين في الشهر أو في مواعيد مش ثابتة، دا له أسباب كتير أوي من ضمنها :
👈 اضطراب هرموني
👈 تكيس مبايض
👈 تليفات في الرحم
👈 أو يمكن مشكلة في عنق الرحم
🎯 الحل مش في الانتظار ولا في المسكنات، الحل في المتابعة.
🌷 بالسونار وتحاليل بسيطة بنقدر نطمن ونحدد السبب.
اسمعي لجسمك هو بيبلغك بالمشكلة بدري عشان نلحقها ونحافظ على صحتك 🩷🩷
12/07/2025
مستوى السائل الأمنيوسي ( المية اللي حوالين البيبي) مؤشر مهم جدا
"السونار بيقدر يحدد كمية السائل دا، والكمية دي لها مؤشرات مهمة :
🔹 قلة المية عن الحد الطبيعي ممكن تسبب مشاكل في الرئة والكلى
🔹 أمازيادتها ممكن تكون بسبب سكر الحمل أو بتدل على وجود تشوهات
👩⚕️ عشان كده كل زيارة متابعة وكل سونار في وحدة الشروق لهم لازمة، حتى لو حسيتي نفسك طبيعية متهمليش المتابعة ابدا
28/06/2025
بتحسي بوجع مستمر أسفل البطن ؟ 🤦♀️ وجع بيرجع كل شوية… مش مرتبط بالدورة، ومش عارفه له سبب؟ يعني عندك ألم الحوض المزمن؟ 😔
ده ممكن يحصل بسبب حاجات زي:
🔸 بطانة الرحم المهاجرة
🔸 التهابات مزمنة في الحوض
🔸 التصاقات أو تكيسات على المبايض
🔸 مشاكل في المثانة أو القولون
🔸 أو حتى مشاكل عضلية حوالين الرحم
👈المهم تعرفي: الوجع مش طبيعي، ومش "عادي"... ومش لازم تتعودي عليه!
🎯 لو جربتي تزورينا في وحدة الشروق هنخلصك من الحيرة ونعرف سبب الوجع دا عشان نقدر نعالجه✅ وبالتالي نتخلص منه وهتحسي بفرق كبير لما ترتاحي من الألم .. ساعتها هتسألي نفسك ليه كنت ساكتة كل دا 🥹
العلاج مش في المسكن... العلاج في معرفة السبب 👌👏
19/06/2025
"أكتر حاجة تقلق في أورام المبيض؟
إنها غالبًا بتبدأ من غير أعراض واضحة! ولازم تتلحق بدري
يعني ممكن تبقى موجودة وإنتِ مش حاسة بحاجة
بس فيه شوية علامات لازم ناخد بالنا منها:
🔸 انتفاخ مستمر في البطن
🔸 إحساس بالشبع بسرعة
🔸 وجع بسيط أو ضغط تحت السرة
🔸 لخبطة في الدورة
🔸 ألم في العلاقة الزوجية
مش دايما الأعراض دي تعني ورم… بس وجودها مع بعض أو استمرارها لفترة، بيستدعي نكشف ونطمن عشان نعالج أي مشكلة سواء ورم أو مشكلة تانية
التشخيص في وحدة الشروق بيتم بأحدث أجهزة السونار عشان نقف على المشكلة بالتحديد ونبدأ أول خطوة ف العلاج صح
المهم ما تتأخريش … كل ما اكتشفنا الحاجة بدري، كل ما كانت أبسط في علاجها.
10/06/2025
إمتى لازم تزوري عيادة طب الجنين؟
❓ لو حسيتي بأي حاجة مش طبيعية في الحمل أو محتاجة متابعة أدق في حالات زي :
🔸 الحمل بتوأم أو أكتر
🔸 لو عندك أمراض مزمنة (زي السكر أو الضغط)
🔸 لو في تاريخ طبي لمشاكل في حمل سابق
🔸 لو في شك في بطء نمو الجنين
🔸 أو في مشاكل بالسونار أو تحاليل الحمل
ساعتها عيادة طب الجنين هتفيدك في ايه؟
🔸 هنكشف عن أي تشوهات في وقت مبكر لو في تاريخ عائلي لعيوب خلقية.
🔸 متابعة أدق لجميع الوظائف الحيوية للجنين
🔸 التدخل في الوقت السليم عشان نطمن على البيبي 100٪!
لو انتي من الحالات السابقة، ما تستهنيش بعمل السونار في عيادة طب الجنين لإن كتير من الحاجات اللي بنكتشفها في السونار التفصيلي بتكون بسيطة وبتتعالج بسهولة بعد الولادة أو حتى قبلها.
16/05/2025
فحص مخ الجنين بالسونار... بيتعمل امتى وليه؟
فحص المخ بيتعمل في شهور معينة من الحمل علشان نطمن على:
🔹 تطور المخ الطبيعي
🔹 حجم البطينات الدماغية
🔹 سلامة الجمجمة والمخيخ
🔹 وعدم وجود أي تشوهات خلقية أو تجمع سوائل
عادة بيتعمل ما بين الأسبوع ١٨ – ٢٤، وخصوصًا لو في:
✅ تاريخ عائلي لحالات خاصة
✅ نتيجة تحليل مش مريحة
✅ أو الدكتور لاحظ حاجة بالسونار العادي
💡 الفحص بسيط بشوية قياسات الدكتور بياخدها أثناء السونار لكنه مهم جدا لإنه بيساعدنا نطمن بدري ونجهز لأي تدخل لو لزم الأمر.
09/05/2025
✨يعني إيه متابعة نمو الجنين أثناء السونار؟
متابعة نمو الجنين معناها إننا بنقيس:
🔹 وزن الجنين
🔹 طوله
🔹 محيط رأسه
🔹 محيط بطنه
🔹 كمية السائل الأمنيوسي حواليه
القياسات دي هي اللي بتقولنا الجنين بينمو بشكل طبيعي ولا محتاج تدخل طبي.
وإمتى بنقلق على نمو الجنين؟ 🤔
❗ لو لاقينا إن الجنين وزنه أقل أو أكتر من الطبيعي لعمر الحمل، وساعتها بنحتاج نتابع أكتر لأن:
🔸 نقص الوزن ممكن معناه مشكلة في المشيمة أو تغذية الجنين.
🔸 زيادة الوزن عن الطبيعي ممكن يكون بسبب سكر الحمل أو عوامل تانية.
📌 في الحالتين، المتابعة الدقيقة والعلاج في الوقت الصح بيفرقوا كتير جدًا في صحة جنينك وطبعا في صحتك انتي كمان 🩷 سونار وحدة الشروق بيوحدلك أدق التفاصيل عن جنينك من القياسات لحد الاطمئنان على سلامة وظائف الأعضاء 👌✨
04/05/2025
مش كل الحمل شبه بعضه! في حالات معينة بنسميها "حمل عالي الخطورة"، يعني محتاج متابعة دقيقة أكتر باحتياطات معينة علشان نحافظ على صحة الأم والجنين.
من أمثلة الحمل الحرج:
🔹 سكر الحمل أو سكر قبل الحمل
🔹 ارتفاع ضغط الدم أو تسمم الحمل
🔹 مشاكل في القلب أو الكلى
🔹 حمل في توأم أو أكتر
🔹 تاريخ ولادات مبكرة أو إجهاض سابق
🚨 ليه بنصر على متابعة الحمل الحرج بشكل خاص؟
المتابعة بتساعدنا نكشف بدري عن:
✅ مشاكل في نمو الجنين
✅ نقص في الأكسجين أو الغذاء الواصل للجنين
✅ بداية أعراض تسمم حمل
✅ اضطرابات في المشيمة أو السائل الأمنيوسي
وبكده نقدر نتدخل في الوقت المناسب وننقذ حياتك وحياة الجنين 🩷🌷 لو انتي من الحالات دي، فـــ انت محتاجة متابعة منتظمة في وحدة الشروق عشان بنحط لك خطة شاملة لكل اللي محتاجين نعمله أثناء الحمل عشان نعدي بيكِ لبر الأمان، المتابعة هنا مش رفاهية، دي ضرورية لحمايتك وحماية البيبي 🩷🩷
د. سامي محمود MD - استشاري طب الجنين
ماجستير الموجات فوق الصوتية من إيان دونالد انجلترا
دكتوراة النساء والتوليد - رئيس الإتحاد الأفريقي لأمراض النساء والتوليد
عضو مجلس إدارة فيجو
🤍
المواعيد : الاثنين من كل أسبوع من ١٠ ص لـ ٢ ظهرا
الحجز بموعد مسبق على رقم الموبايل
وحدة الشروق لطب الجنين
01114243140
مستشفى الشروق بنها - خلف مديرية التربية والتعليم أمام محطة القطار - بجوار الوحدة الصحية
18/04/2025
مش كل تأخير في الدورة معناه إن في مشكلة 🚨 ... لكن في شوية علامات تقدر تساعدك تفرّقي بين الطبيعي وغير الطبيعي! 👌🩷
✅ التأخير الطبيعي ممكن يكون بسبب:
🔹 توتر أو ضغط نفسي.
🔹 تغيّرات في الوزن (زيادة أو نقصان مفاجئ).
🔹 مجهود بدني كبير أو تمارين عنيفة.
🔹 بداية أو قرب سن اليأس.
🔹 في بداية البلوغ وكمان بعد الولادة.
❌ أما التأخير اللي محتاج متابعة بيكون في الحالات دي:
🔸 لو الدورة اتأخرت أكتر من 35 يوم من آخر دورة 😐
🔸 لو فترات التأخير بتتكرر أكتر من مرة في السنة🤦♀️
🔸 لو غياب الدورة مصحوب بأعراض زي ألم شديد، نزيف مش طبيعي، إفرازات غريبة 🙄
🔸 أو لو الدورة انقطعت تمامًا لفترة طويلة بدون سبب واضح🫢
✅✅ طيب والحل؟
لو الدورة اتأخرت عن معادها الطبيعي أكتر من أسبوع، ومفيش حمل، يُفضل تزوري دكتور النسا عشان تطمني 🩷
المتابعة في وحدة الشروق هتعملك سونار شامل على كل الأجزاء اللي تهمنا ✅ عشان نساعدك تكتشفي السبب وتبدأي علاج لو الأمر محتاج👍🩷
متسبيش الموضوع يعدّي من غير ما تفهمي جسمك بيقولك إيه👍💯
#هرمونات
د. سامي محمود MD - استشاري طب الجنين
ماجستير الموجات فوق الصوتية من إيان دونالد انجلترا
دكتوراة النساء والتوليد - رئيس الإتحاد الأفريقي لأمراض النساء والتوليد
عضو مجلس إدارة فيجو
🤍
المواعيد : الاثنين من كل أسبوع من ١٠ ص لـ ٢ ظهرا
الحجز بموعد مسبق على رقم الموبايل
وحدة الشروق لطب الجنين
01114243140
مستشفى الشروق بنها - خلف مديرية التربية والتعليم أمام محطة القطار - بجوار الوحدة الصحية
Address
مستشفى الشروق خلف مديرية التربية والتعليم - أمام محطة القطار- بجوار الوحدة الصحية
Be the first to know and let us send you an email when وحدة الشروق لطب الجنين - Sfm posts news and promotions. Your email address will not be used for any other purpose, and you can unsubscribe at any time.
