https://www.facebook.com/231478947009943/

مركز بنها للكبد والجهاز الهضمى _د.مجدى عبد الموجود جاد, 11_شارع الشهيد صلاح حجازى بجوار المحكمه القديمة, Benha (2026)

13/09/2025

Refractory Gastro Esophageal Reflux Disease (GERD ).

👈 #التعريف :
هو عدم الإستجابة لأدوية ارتجاع المرئ أو الإستجابة الجزئية لمثبطات الحموضة بعد استخدامها لمدة شهر كامل على الأقل.

👈 #الأعراض :
استمرار أعراض ارتجاع المرئ أو تحسنها تحسناً طفيفاً.

👈 #الأسباب ومنها :
_ الارتجاع الحمضي الضعيف ( weak acid reflux).
_ ارتجاع عصارة المعدة والأثنى عشر .
_ ارتجاع العصارة المرارية ( bile acid reflux).
_ ارتجاع المرئ الليلي.
_ زيادة حساسية أعصاب المرئ .
_ تأخر تفريغ المعدة ( Gastroparesis).
_ وجود أمراض نفسية وعصبية مصاحبة.
_ أمراض الجهاز الهضمي والقولون العصبي.
_ نقص كفاءة الأدوية المستخدمة.
_ مقاومة الجسم للأدوية المستخدمة.
_ إلتهاب المرئ الإيزينوفيلي ( esinophilic esophagitis) .
_ إلتهاب المرئ نتيجة استخدام المسكنات.
_ إلتهابات المرئ الفيروسية والفطرية.
_ إلتهابات المرئ المصاحبة لأمراض الجلد المناعية.
_ متلازمة زولنجر ( Zollinger Ellison's Syndrome).
_ وجود جرثومة المعدة.
_ الأكاليزيا ( Achalasia ).
_ أورام المرئ.
_ عدم طواعية المريض للعلاج نفسه patient compliance.
_ عدم طواعية المريض لتغيير نمط حياته تغييرا جذريا.
Lifestyle modification.

👈⁦☠️⁩ ( Alarm symptoms) :
_ عسر الهضم في مريض فوق سن الستين.
_ نزيف من الجهاز الهضمي.
_ أنيميا نقص الحديد.
_ نقصان الوزن.
_ صعوبة البلع.
_ ألم أثناء البلع .
_ الترجيع المستمر.
_ وجود تاريخ أورام بالجهاز الهضمي في أقارب المريض.

👈 #التشخيص :
_ سماع التاريخ المرضي من المريض نفسه بالتفصيل ومدة المرض وأنواع الأدوية المستخدمة وجرعاتها وطريقة استخدامها ومدى انتظام المريض عليها.
والأهم من ذلك نمط حياته ، وطبيعة عمله ، وأوقات وجباته ونومه..... إلخ.

_ فحص المريض فحصا سريرياً كاملاً ، واستبعاد وجود أي أمراض أخرى والأدوية المستخدمة .

ثم نقرر بعض #الفحوصات اللازمة مثل :
_ منظار علوي على المعدة والمرئ.
_ قياس نسبة الحموضة في المرئ.
_ قياس حركية المرئ.

👈 #العلاج :
_ تغيير نمط حياة المريض :وهي أهم نقطة على الإطلاق وذلك عن طريق : إنقاص الوزن الزائد. ضبط مواعيد الوجبات بحيث لا يتم الأكل والنوم مباشرةً. رفع رأس السرير من الأمام بحيث تصبح ٤٥ درجة. الامتناع عن تناول (الكحوليات أو التدخين ، حرام شرعاً ) ⁦🖐️⁩⁦☠️⁩
وعن تناول القهوة والمواد الحمضية والشطة والأكلات الحريفة والوجبات الدسمة والشيكولاتة .
_ علاج أي مشكلة نفسية أو عصبية .
_ استخدام بعض الأدوية الخاصة بارتجاع المرئ مثل : مثبطات الحموضة. أدوية ضبط حركية الجهاز الهضمي. بعض المهدئات وأدوية الاكتئاب .
وذلك تحت إشراف #طبيب الجهاز الهضمي المتخصص.

_ أحيانا يتم اللجوء إلى بعض الإجراءات التدخلية سواء
عن طريق المنظار ( Streetta _ TIF_ LINX_ ENDO STIM....etc).

أو التدخل الجراحي ( Fundoplication).
منقول
. ‏

26/08/2025

أشهر ١٠ خرافات طبية والحقائق الخاصة بهم

نواجه مع مرضانا كل يوم العديد من المعتقدات التي يظنونها صحيحة ولكننا كأطباء نعلم أنها محض خرافات ونبذل الجهد الجهيد لإقناعهم عكس ذلك.. واليوم أقدم لكم عشرة من أشهر هذه الخرافات والمعلومات الطبية الصحيحة الخاصة بهم

١. اشرب 8 أكواب من الماء يوميًا

لا حاجة لعدّ الأكواب. تُظهر الأبحاث أن الأشخاص الذين يشربون كوبًا من الماء عندما يشعرون بالعطش يحصلون على كمية كافية للحفاظ على صحتهم وترطيب أجسامهم. الأطعمة الغنية بالماء مثل الحساء، الفاكهة، والخضروات، وكذلك المشروبات مثل العصير، الشاي، والقهوة تساعد أيضًا في تلبية احتياجاتك. قد تحتاج إلى شرب المزيد من الماء إذا كان لون بولك أصفر داكن، أو إذا لم تتبول بانتظام، أو كنت شديد النشاط، أو تعيش في مناخ حار.

٢. البيض مضر بالقلب

عشاق الأومليت، ابتهجوا. تناول بيضة أو بيضتين يوميًا لا يزيد من خطر الإصابة بأمراض القلب لدى الأشخاص الأصحاء. نعم، صفار البيض يحتوي على الكوليسترول، لكن بالنسبة لمعظمنا، فإن الكمية الموجودة في طعام واحد ليست ضارة بقدر مزيج الدهون من مجمل ما نتناوله. علاوة على ذلك، يحتوي البيض على عناصر غذائية مثل أحماض الأوميغا-3 التي قد تقلل من خطر الإصابة بأمراض القلب.

٣. مزيل العرق يسبب سرطان الثدي

لا تقلقوا! يعتقد بعض العلماء أن المواد الكيميائية الموجودة في مزيلات العرق ومزيلات الروائح يمكن أن تُمتص عبر منطقة الإبط. والفكرة هي أنها قد تصل إلى أنسجة الثدي وتزيد من احتمالية تكوّن الأورام. لكن المعهد الوطني للسرطان يؤكد أنه لا توجد أي أدلة تربط بين هذه المنتجات وسرطان الثدي.

٤. التعرّض للبرد يسبب الزكام

بغضّ النظر عمّا قد تكون جدتك قد أخبرتك بذلك، فإن قضاء وقت طويل في الهواء البارد لا يجعلك مريضًا. فقد وجدت إحدى الدراسات أن الرجال الأصحاء الذين قضوا عدة ساعات في درجات حرارة قريبة من التجمد شهدوا زيادة في نشاط جهازهم المناعي المقاوم للفيروسات. في الواقع، من المرجح أن تصاب بالمرض وأنت في الأماكن المغلقة حيث تنتقل الجراثيم بسهولة.

٥. أنت بحاجة إلى مكمل غذائي يومي متعدد الفيتامينات

ربما سمعت أن الفيتامينات المتعددة يمكن أن تعوّض العناصر الغذائية غير الموجودة في نظامك الغذائي. لكن الباحثين لا يتفقون جميعًا على هذه النقطة. ومع ذلك، إذا نصحك طبيبك بتناول الفيتامينات، فافعل ذلك. وإذا كنتِ حاملًا، فأنتِ بحاجة إلى تناول حمض الفوليك لتقليل خطر العيوب الخَلقية. ومع ذلك، تبقى أفضل وسيلة للحصول على العناصر الغذائية هي اتباع نظام غذائي غني بالفواكه، الخضروات، الحبوب الكاملة، المكسرات، والزيوت الصحية.

٦. تناول الإفطار لإنقاص الوزن

يساعد تناول وجبة الإفطار بعض الأشخاص على فقدان الوزن، إذ يمكن أن يخفف من الإحساس بالجوع ويمنع الأكل العشوائي لاحقًا خلال اليوم. لكن إذا لم تكن من محبي الإفطار، فلا يزال بإمكانك إنقاص وزنك. فقد وجدت دراسة في جامعة كورنيل أن الذين لا يتناولون الإفطار لم يفرطوا في الأكل وقت الغداء أو العشاء، كما تناولوا نحو 400 سعرة حرارية أقل يوميًا. الخلاصة: تخطي وجبة الإفطار قد يساعد بعض الأشخاص الأصحاء على فقدان الوزن.

٧. المخاط الأخضر يعني وجود عدوى

لا يمكن لمحتويات منديلك أن تحل محل فحص المختبر. تُظهر الدراسات أن المخاط الأخضر أو الأصفر يكون أكثر شيوعًا قليلًا في بعض أنواع العدوى البكتيرية. لكن هذا ليس دليلًا قاطعًا على أنك مصاب بعدوى أو أنك بحاجة إلى مضادات حيوية. فالتهاب الجيوب الأنفية قد يسبب مخاطًا شفافًا، ونزلة البرد العادية يمكن أن تحوّل المخاط إلى اللون الأخضر.

٨. السكر يصيب الأطفال بفرط النشاط

السكر ليس جيدًا للأطفال، لكن الأبحاث تُظهر أن الحلويات لا تجعلهم يتصرفون بشكل سيئ، أو تضر بدراستهم، أو تفقدهم القدرة على التركيز. ومع ذلك، يعتقد الكثير من الآباء بوجود علاقة، ولذلك يتوقعون أن يسلك أطفالهم سلوكًا سيئًا بعد تناول الأطعمة السكرية، مما يجعلهم أكثر استعدادًا لملاحظة ذلك إن حدث.

٩. مقعد المرحاض يمكن أن يجعلك مريضًا

لا تقلق إذا لم تتمكن من تغطية المقعد. فمقاعد المراحيض عادةً ما تكون نظيفة نسبيًا، بينما أبواب الحمامات ومقابضها والأرضيات غالبًا ما تكون مغطاة بجراثيم مثل الإي كولاي، والنوروفيروس (المعروف بـ "إنفلونزا المعدة")، والإنفلونزا. غطِّ يدك بمنديل ورقي قبل لمس الأبواب أو المقابض، واستخدم معقم اليدين أو اغسل يديك بعد ذلك.

١٠. قرقعة المفاصل تسبب الخشونة والتهاب المفاصل

قد يزعج الصوت من حولك، لكن هذا كل ما في الأمر من ضرر. قد تظن أن العظام أو المفاصل تحتك ببعضها لتصدر هذا الصوت، لكن الحقيقة غير ذلك. فالقرقعة تنتج عن فقاعة غاز تتكون بين العظام وتنفجر. إذا كنت تستمتع بفعل ذلك، فلا بأس بالاستمرار. فقد أظهرت الدراسات أنه لا يسبب الخشونة أو التهاب المفاصل ولا يساهم فيه. أما إذا شعرت بألم متكرر أو شديد عند القيام به، فعليك مراجعة الطبيب.

منقول

09/08/2025

أهم الأعشاب والنباتات النافعة لمريض السكر.
"""""""""""""""""""""""""""""""""""""""""""""""""""""""""
✔️الثوم مفيدا جدا لمرضى السكري في وقايتهم من مضاعفات المرض ، كضعف الذاكرة ، وخفض الكولسترول وإرتفاع ضغط الدم والوقاية من الجلطات نتيجة لإصابة الأوعية الدموية بأضرار السكر لإختلال الدورة الدموية فيها.
✔️القرفة علاج للسكري تساعد الجسم على التعامل مع المواد السكرية بشكل أكثر فاعلية في البالغين.
✔️البصل مفيد لمرضى السكري يساعدهم في الوقاية من أمراض القلب والشرايين وارتفاع ضغط الدم
✔️التفاح يعتبر أفضل أنواع الفاكهة لمريض السكر حيث يعمل على تنظيم مستوى السكر بالدم ، وخفض مستوى الكولسترول وضغط الدم
✔️هذه بعض الأغدية الهامة لمريض السكر ، لإحتوائها على الألياف ، مثل : الكرفس ، الخيار ، الخس ، الخرشف ، الكرنب ، الجزر ، الجوافة ، الطماطم ، الكزبرة ، عصير الليمون
✔️هذه بعض الحبوب المفيدة لمريض السكري، مثل : الترمس ، الفول ، الفول السوداني ، الذرة ، الحلبة ، حمص الشام ، لوبيا ،
✔️هذه بعض الأعشاب المفيدة لمرضى السكري مثل : الميرامية ، القرفة ، الكاليتوس ، الشيح ، سن الأسد ، الحنظل ، أوراق المانگو ، أوراق الزيتون ، أوراق التوت ، جدور الجنسينح ، بدور الكرفس ، الشيح ، اكليل الجبل

25/07/2025

قصة السمنة البلدى والصناعى

الكل مستغرب ازاي مراهقين وشباب يجيلهم جلطات قلب وجلطات مخ، ويموتوا بأزمات قلبية؟؟‼️

علشان كده كتبت مقالي اليوم عن قصه السمنه البلدى والصناعى..

نبتدئ بالسمنه البلدى:
اللبن الجاموس أو البقري عبارة عن مستحلب.
وكلمة مستحلب يعنى ماء ودهن مع بعض لو أنت سيبت اللبن ساكن او حطيته بالتلاجه بيفصل الماء عن الدهن ويطلع اللبن دسمه.

والحقيقة فيه دراسات كتير خالص بتنادي الناس ان لا تستخدم إلا اللبن كامل الدسم علشان الفيتامينات الذائبه فى الدهن.
المهم الدهون بتطلع فوق والماء ومكوناته بتكون تحت وبتطلع القشطه أو كريمة اللبن.
كريمة اللبن أو القشطة بالخض بتتحول لزبدة والزبدة دى عبارة عن ماء وسمنة وشوية بروتين ونشويات بسيطة.

أمهتنا بيسخنوا الزبدة مع الملح عشان يطلعوا السمنة صافية ويطلع الباقي المورتة أو عجوزة اللبن ودي مغذية جدا جدا جدا نشويات على بروتين وطعمها مملح ورائع بمعنى الكلمة.

نيجي بقه للسمنه الصناعي:
الإمبراطور نابليون الثالث امبراطور فرنسا أيام ما كانت إمبراطورية، كان عاوز بديل رخيص للسمن الحيواني(البلدي) ، علشان يأكله لجنود الجيش والطبقات الفقيرة اللي متقدرش على سعر السمن البلدي!!!

فعمل تحدي بين علماء الكيمياء لإختراع البديل ده، فضلوا العلماء يحاولوا إيجاد البديل، لغاية ما عالم إسمه هيبوليت اخترع أول سمن نباتي سنة 1869..
طبعا مكانش بشكل السمن النباتي اللي نعرفه حاليا، كان أبيض اللون تماما، وريحته مختلفة عن ريحة السمن البلدي، وقوامه كمان مختلف وكذلك طعمه؟‼️
لكن الطبقات الفقيرة رضيت بيه واستعملته على حاله كده في مقابل سعره الرخيص، لأنه وقتها مكانش حد يعرف ضرره؟؟؟

واستمر الحال على كده لغاية ما السمن النباتي وصل مصر، ودلعناه وسميناه النباتين من باب جبر الخواطر، والكبار شوية من حضراتكم ممكن يفتكروا كويس إنه زمان كان استعماله فعلا قاصر على الطبقات الفقيرة أو المعدمة، لدرجة إن البعض كانوا بيتكسفوا يقولوا إنهم بيستعملوه...

بعد شوية الشركات المنتجة حبت تزود مبيعاتها وتشجع الطبقات الأغنى كمان على استعماله، فأضافوله لون وطعم وريحة وترميره علشان يدوله خواص السمن البلدي، وكمان عملوله دعاية بتقول إنه صحي أكتر من السمن البلدي...
يعني الدعاية بتاعته كانت قائمة على إنه (خالي من الكوليسترول) وبيحافظ على صحة القلب والشرايين وبيحمي من الأمراض، فاللي مش هيستعمله علشان رخيص، يستعمله علشان(صحي)!!!!
وبمرور الوقت ابتدى يشيع استعماله وينتشر ومبقاش حد بيتكسف يقول إنه بيستعمله ولا حاجة، ببساطة بقى مقبول اجتماعيا!!!

طيب إيه علاقة الحدوته دي بانتشار أمراض القلب والجلطات اللي حكينا عنه في بداية كلامنا❓❓.

ببساطة إنه مؤخرا من كام سنة كده، أبحاث علمية كتيرة جدا أثبتت إن السمن الصناعي بيرفع معدلات الإصابة بأمراض السكر والقلب و تصلب الشرايين والجلطات بأنواعها...
لأن الدهون المتحولة ده بالنسبة للجسم مركب غريب، إنزيمات هضم الدهون اللي ربنا خالقهالنا مش بتشتغل عليه أصلا، الجسم لا بيعرف يهضمه ولا بيعرف يتخلص منه، فيتراكم في الجسم ويسبب البلاوي دي كلها..

للأسف الشديد أكتر من 90% من المنتجات الغذائية اللي كلنا عايشين عليها، بتحتوي على السمن الصناعي!!!

المخبوزات والمعجنات ماعدا الخبز - البسكويت والحلويات - البطاطس المقلية (الشيبسي) - منتجات الألبان زي الكريم كراميل الجاهز والآيس كريم وغيره.
منتجات الكاكاو، زي الشيكولاتة وكريمة الشيكولاتة ومشروبات الشيكولاتة.
مبيض القهوة سواء هو نفسه أو خلطات القهوة الجاهزة المحتوية عليه زي النسكافية بالكريمر واللاتيه والكابتشينو والفرابيتشينو وخلافه، وكذلك الشاي بالكريمر‼
منتجات اللحوم والدواجن المتبلة الجاهزة، زي البانية والناجتس والاستربس وخلافه - الوجبات السريعة طبعاااا ....

ولو فضلنا نذكر في المنتجات اللي دهونها متحولة ممكن نفضل هنا لبكرة، الخلاصة إنه مع كوننا بقينا عايشين على كل ما هو مصنوع خارج المنزل سواء مغلف أو إنتاج مطاعم أو مخابز، فكلنا بقينا بناكل الدهون المتحولة دي بشكل أو بآخر…

يا جماعة، لما تيجوا تشتروا أي منتج بصوا على مكوناته📄، لو لقيتوا عليه عبارة من دول:⚠نباتي الدهن.⚠ زيوت مهدرجة او غير مهدرجه. ⚠بديل زبدة الكاكاو. ⚠دهون متحولة. كل العبارات دي معناها ببساطة (سمن صناعي)...

لو حضراتكم خايفين على صحتكم وصحة ولادكم بلاش منها، هتقولولي مفيش غيرها‼️ هقول لحضراتكم لأ هو فيه غيرها، لكن غالي…لكن مينفعش نضحي بالصحة في مقابل الفلوس‼ على قد لحافنا نمد رجلينا!!!

غير إن المنتجات اللي بتتعمل بالسمن النباتي دي أصلا مبقتش رخيصة، دي غالية جدا، طيب إيه اللي غاصبنا على كده!!!
طيب يبقى منستغربش بقى لما نلاقي المراهقين والشباب بقوا مرضى قلب وضغط وسكر وكوليسترول وتصلب شرايين، وبقوا مع أي انفعال أو حتى من غير انفعال بتجيلهم جلطة يروحوا فيها!!!!

نتمنى كلامنا يكون حضراتكم فهمتوه...
معظم مشاكلنا الصحية اللي احنا مستغربينها جاية منين🙄، جاية من إننا بطلنا نعمل أكلنا في بيوتنا...

واتعودنا على أنماط الأكل الغربي، فبقينا لا عارفين نشتريها طبيعية لأنها غالية، ولا عارفين نعملها صحية في بيوتنا، ولا عارفين نبطل نشتريها مسمومة من بره، ولا حتى عارفين نقلل استهلاكنا منها فنسيطر على ضررها...

يا جماعة متخافوش من السمنة البلدى أنا مفيش نقطة كتبتها فى المقال ده الا وليها مرجع اللى بيحذرك من السمنة البلدى والله ما يعرف يعنى ايه تغذية...

شيرو لغيركم و عاوزينكوا كلكم أقوياء وعظمكم قوى وبشعر ناعم زى الحرير .
معلومه احب اضيفها للبوست:
- وهى الزبدة فيرن صناعي ..
- وكمان معلومه السمنه الفلاحى اخف وافيد من الزبدة الفلاحى .
- وعلشان غلاء السمنه ممكن تطبخوا بخليط معلقتين زيت عباد شمس ومعلقه سمن بلدى ... خلص الكلام.
- سواء سمنه مهدرجه او غير مهدرجه هى سمنه صناعى ومضره .

منقول

24/07/2025

طريقة استخدام ال
Uralyt-U لأنه حاسس إنها معقدة وفيها لغبطة..

الأمر بكل بساطة:
ال Uralyt-U بييجي معاه مكيال ومشبك ودفتر pH وورقة فيها ألوان للمقارنة

كل مكيال عبارة عن 2.5g

المريض بيبدأ ياخد في اليوم 10g يعني مكيال الصبح ومكيال بعد الضهر ومكيالين بالليل

تاني يوم يعمل الاختبار وبيكون كالتالي:
- هيمسك بالمشبك ورقه pH بعد ما يقطعها من الدفتر
- ينزلها في عينة بول لثواني وبعدين يطلعها لحد ما لونها يتغير
- هيقارنها بالورقة اللي فيها ألوان ويشوف هي أنهي لون فيها
- جنب كل لون في الورقة بيبقى مكتوب رقم pH

لو النتيجة كانت:
- 6.2-6.8 يبقى هنكمل بنفس الجرعة اللي بدأنا بها، ولو كل يوم نفس النتيجة يبقى نفضل مكملين بنفس الجرعة
- أقل من 6.2 يبقى نزود تاني يوم نص مكيال الصبح، ولو فضلت أقل من 6.2 يبقى نزود نص كمان في اليوم اللي بعده في جرعة بعد الضهر
- أكتر من 6.8 يبقى نقلل نص مكيال من جرعة الليل، ولو طلعت تاني أكتر من 6.8 يبقى نقلل نص كمان من جرعة الليل..

المهم اننا نحاول نظبطها ونثبتها عند 6.2-6.8..

خلي بالك:
- متوقفش الدواء فجأة لو الـ pH اتظبط، إلا بعد ما الطبيب يسمحلك بده.
- بلاش تتخطى pH = 7.0 عشان ميحصلش تكوّن لحصوات الكالسيوم.
- راقب البول يوميًا أول أسبوع، وبعد كده مرتين أسبوعيًا.

20/05/2025

🚨 دوائين نزلوا مصر رسمي خلاص لعلاج جرثومة المعدة
Bispyller® و Trigastcare®
ليه؟
علشان بيعتمدوا على أقوى بروتوكول عالمي لحد دلوقتي… بنسبة شفاء وصلت لـ 90% حقيقي!

━━━━━━━━━━━━━━━

🔬 مبدأياً كده .. إيه هي H. pylori أو جرثومة المعدة أصلاً؟
دي جرثومة بتعيش جوه بطانة المعدة، وبتفرز إنزيم اسمه urease بيكسر حمض المعدة وبيحميها، وده اللي بيساعدها تعيش وتعمل التهاب مزمن مع الوقت.

📍مضاعفاتها لو متعالجتش؟
▪️ قرح في المعدة أو الاثنى عشر
▪️ انتفاخ وسوء هضم مزمن
▪️ وجع بعد الأكل
▪️ ريحة نفس مش لطيفة
▪️ وفي حالات نادرة: سرطان المعدة

━━━━━━━━━━━━━━━

⚠️ ليه العلاج القديم بقى ضعيف؟
علشان البروتوكولات القديمة زي الـ Triple therapy بقت بتفشل مع ناس كتير بسبب مقاومة البكتيريا
خصوصًا لمضادات زي: clarithromycin و metronidazole

━━━━━━━━━━━━━━━

✅ الحل الجديد؟
Optimized Bismuth-Based Quadruple Therapy
✅ بيشتغل بكفاءة حتى في الحالات المقاومة
✅ مثبت في أبحاث حديثة زي: ACG Guidelines 2024

━━━━━━━━━━━━━━━

💊 مكونات البروتوكول:
🔸 Bismuth subcitrate potassium
🔸 Tetracycline 500mg
🔸 Metronidazole 500mg
🔸 PPI (زي Omeprazole أو Pantoprazole)

الميزة؟
٣ من المكونات دول بقوا موجودين في كبسولات جاهزة:
⭐ Bispyller (من Hikma)
⭐ Trigastcare (من Multicare)
بنفس تركيبة Pylera الأمريكي المعتمد من FDA

⚠️ لكن بدون الـPPI … اللي لازم يتاخد معاه، بس مرتين في اليوم.

━━━━━━━━━━━━━━━

🕒 الجرعة:
3 كبسولات × 4 مرات يوميًا
(بعد الفطار – بعد الغدا – بعد العشا – قبل النوم)
+ قرص PPI قبل الفطار والعشا لمدة 10 أيام

📦 إجمالي الكورس؟
120 كبسولة + 20 قرص PPI

━━━━━━━━━━━━━━━

🚫 موانع الاستخدام:
✖️ حمل أو رضاعة
✖️ أطفال أقل من 12 سنة
✖️ حساسية من tetracycline أو أي مكون
✖️ مشاكل كبد أو كلى شديدة

━━━━━━━━━━━━━━━

🔄 أعراض جانبية شائعة:
▪️ طعم معدني
▪️ صداع خفيف
▪️ براز لونه غامق (بسبب البزموت – طبيعي وهيختفي بعد الكورس)
▪️ حساسية من الشمس (فيفضل استخدام واقي شمس)
▪️ مغص بسيط في القولون (خصوصًا لمرضى القولون أو حساسية اللاكتوز لإن الكبسولات فيها Lactose) والكلام هنا علي البيليرا واللي بنسبة كبيرة الدوايين الجداد هيبقوا نسخه منه

━━━━━━━━━━━━━━━

❌ محاذير مهمة:
▪️ نخلي بالنا من استخدامه مع الكحول أو أدوية فيها كحول زي بعض أدوية الكحة (زي Bronchicum) عشان ميتعرضش المريض لتفاعل شبيه بالـ Disulfiram وده بسبب مادة الميترونيدازول– وده اللي ممكن يسبب قيء وصداع وسخونية.

▪️ مادة الـ Tetracycline ممكن تسبب تهيج عنيف في المريء، عشان كده:
» خده بكوباية مية كبيرة (من الحنفية مش معدنية)
متنامش بعدها على طول – خليك قاعد شوية
الوجبة ماتكونش فيها كالسيوم أو حديد أو ماغنسيوم

▪️ الـ Metronidazole ممكن يعمل إطالة في الـQT على رسم القلب، فاخد بالك لو بتاخد أدوية زي Amiodarone أو أي حاجة بتأثر على الـQT.

━━━━━━━━━━━━━━━

📝 نصايح مهمة:
✅ كمل الكورس للآخر
❌ بلاش أدوية فيها حديد أو كالسيوم أو منتجات ألبان أثناء العلاج
❌ ممنوع مع methotrexate أو retinoids
✅ المريض اللي عنده lactose intolerance ممكن يحس بمغص بسيط – طبيعي
🔁 لازم تعمل تحليل تأكيدي (urea breath test أو stool antigen) بعد 4 أسابيع – ويُفضّل توقف PPI قبلها بأسبوعين

━━━━━━━━━━━━━━━

❓ سؤال شائع :

ينفع أستخدم PPI تاني غير Omeprazole؟
✅ عادي، ينفع Esomeprazole أو Pantoprazole أو حتي نستبدله بالعائلة الجديدة الـ PCABs، بس النشرة بتوصي بالـ Omeprazole.

━━━━━━━━━━━━━━━

🎯 الخلاصة؟
العلاج اللي العالم كله بيعتمد عليه…
دلوقتي بقى متوفر في مصر
بنفس التركيبة
بنفس الفاعلية
وبـ كورس 10 أيام بس

منقول

08/03/2025

س: كيف يتم تعديل جرعات أدوية السكري في رمضان للمريض الذي يستخدم لانتوس مع الأدوية الفموية مثل ديامايكرون أو DPP4i أو GLP-1 agonist أو ميتفورمين؟

تنبيه مهم: ما يلي مجرد إرشادات عامة، ويجب دائمًا استشارة الطبيب المعالج أو أخصائي الغدد الصماء قبل تغيير أي جرعات دوائية، لأن الاحتياجات قد تختلف من شخص لآخر حسب حالة المريض الصحية ومستوى التحكم بالسكري وخطر التعرّض للهبوط (الهيبوجلايسيميا).

1. الأنسولين طويل المفعول (لانتوس – Lantus)

الجرعة: يوصى بتخفيض الجرعة الإجمالية بنسبة 15–30% لتقليل خطر هبوط السكر أثناء النهار.

التوقيت: يُفضل أخذ الجرعة بعد الإفطار، ويمكن لبعض المرضى الاستمرار على توقيتهم المعتاد مع تعديل الجرعة حسب الحاجة.

2. الميتفورمين (Metformin)

إذا كان يؤخذ 3 مرات يوميًا: يمكن تعديل الجرعات إلى:

جرعة رئيسية عند الإفطار

جرعة أخرى عند السحور (أقل قليلاً لتجنب اضطرابات المعدة أو هبوط السكر)

إذا كان يؤخذ مرة أو مرتين يوميًا: يمكن الاستمرار بنفس الجرعة مع توزيعها بين الإفطار والسحور حسب الحاجة.

3. السلفونيل يوريا (مثل ديامايكرون – Diamicron)

إذا كان المريض يأخذ جرعة واحدة صباحًا: تُنقل إلى وقت الإفطار، وقد تحتاج إلى خفض بنسبة 25–50%.

إذا كان يأخذ جرعتين يوميًا:

تُنقل الصباحية إلى الإفطار.

تُؤخذ الجرعة الثانية عند السحور لكن غالبًا بجرعة أقل، أو يمكن الاستغناء عنها لتقليل خطر الهبوط أثناء النهار.

المتابعة اليومية لسكر الدم ضرورية لتعديل الجرعة حسب الحاجة.

4. مثبطات DPP4 (مثل Januvia/Sitagliptin)

لا تسبب عادةً هبوطًا شديدًا في السكر، لذا لا تحتاج إلى تعديلات كبيرة.
التوقيت: يمكن تناولها مع وجبة الإفطار أو تقسيمها حسب توجيهات الطبيب.

5. محفزات GLP-1 (مثل Victoza أو Ozempic)

لا تحتاج عادةً إلى تغيير في الجرعة.
يفضل تعديل توقيت الجرعة لتزامنها مع الإفطار أو السحور حسب نوع الدواء وطريقة الاستخدام.

نصائح إضافية لمريض السكري في رمضان

1. قياس سكر الدم بانتظام: خاصة قبل الإفطار وبعده بساعتين، وقبل السحور، وفي أي وقت يشعر فيه المريض بأعراض غير طبيعية.

2. كسر الصيام فورًا في حالة الهبوط الحاد (أقل من 70 ملغ/دسل) أو الارتفاع الشديد (أكثر من 300 ملغ/دسل).

3. اتباع نظام غذائي صحي: تجنب السكريات السريعة والحلويات الدسمة، وزيادة الألياف والبروتينات الصحية.

4. شرب الماء بكثرة بين الإفطار والسحور لمنع الجفاف.

5. استشارة الطبيب قبل رمضان لضبط الجرعات، والمتابعة المستمرة خلال الشهر لضمان التحكم الجيد بالسكر.

04/03/2025

تخيل إن مرض الزهايمر، اللي دايمًا بنسمع عنه كمرض بيضرب الذاكرة بدون رحمة، ممكن يكون ليه علاقة بحاجة غريبة جدًا… التهاب اللثة! آه، زي ما سمعت كده، تسوس الأسنان ومشاكل اللثة مش بس بتسبب ألم في الفم، ممكن كمان تسيب بصمتها في المخ.

القصة بدأت لما الباحثين اكتشفوا إن بكتيريا اسمها Porphyromonas gingivalis، وهي المسؤولة عن التهاب اللثة المزمن، كانت موجودة في أدمغة مرضى الزهايمر بعد وفاتهم. وده أثار تساؤل كبير: هل البكتيريا دي مجرد ضيف عابر ولا ليها دور أساسي في المرض؟

عشان يجاوبوا على السؤال ده، العلماء جربوا يصيبوا الفئران بالبكتيريا دي، وكانت النتيجة صادمة… البكتيريا قدرت تخترق الدماغ، وبدأت تحفّز إنتاج amyloid beta، البروتين اللي دايمًا بنلاقيه متراكم في أدمغة مرضى الزهايمر. وكأننا قدام خيط جديد بيربط المرض بعدوى بكتيرية بدل ما يكون مجرد مرض تنكسي عصبي بحت.

المفاجأة الأكبر؟ إن الباحثين لقوا إن الإنزيمات السامة اللي بتنتجها البكتيريا دي موجودة عند ناس عندهم تغيّرات دماغية مرتبطة بالزهايمر، لكن لسه ما وصلوش لمرحلة الخرف. وده معناه إن العدوى ممكن تبدأ قبل ظهور أي أعراض بسنين طويلة، وده بيفتح الباب لاحتمال إن الوقاية تبدأ من الفم نفسه!

والأمل فين؟ هنا بييجي دور شركة أدوية اسمها Cortexyme، اللي طورت مركب اسمه COR388، وبيتم اختباره حاليًا كعلاج محتمل، لأنه أظهر قدرة على تقليل العدوى البكتيرية وكمان الحد من تراكم amyloid beta في تجارب الحيوانات. بس لسه محتاجين تجارب على البشر عشان نتأكد من فعاليته.

في النهاية، العلماء متفائلين بحذر، لأن بقالنا أكتر من 15 سنة من غير علاج جديد للخرف، وده بيخلي البحث في كل الاتجاهات أمر ضروري. لكن في رسالة واضحة جدًا من كل ده: حافظ على صحة أسنانك، لأن العناية بيها ممكن تكون مفتاح للحفاظ على دماغك كمان!

للمزيد من التفاصيل:
https://www.science.org/doi/10.1126/sciadv.aau3333

04/03/2025

المختصر المفيد فى علاج التبول اللاإرادي

التبول اللإرادي الليلى
من اشهر الاسباب هي :

١/ تأخر نضج مركز التحكم في البول في المخ.

٢/ مشكله في اعصاب المثانه مثل الحبل الشوكي المشدود.

٣/ قلة السعه الاستيعابيه للمثانه.

٤/ بقاء كميه بول كبيره في المثانه بعد التبول (عدم التفريغ الكامل) .

٥/ زيادة كمية البول بسبب مرض السكر او نقص هرمونADH

٦/ التهابات المسالك البوليه أو انسدادها .

٧/اضطرابات النوم مثل النوم العميق او تضخم اللحميه .

٨/ الإمساك والديدان المعويه.

٩/ ضغوط نفسيه وتوتر وقلق.

١٠/ عوامل وراثيه .
العلاج الدوائي فوق سبع سنوات مش قبل كده
عندى 3 عناصر :
❤behavioral therapy
العلاج السلوكي
ودى عبارة عن حاجتين .. تدريب المثانة وتعزيز الثقة بالنفس

❤bladder training:
تدريب المثانه
الطفل يعمل حمام 6 مرات يوميا يعنى كل ساعتين الى 3 ساعات حتى تتكون صورة فى عقله الباطن ان التواليت هو المكان الوحيد للتبول

تمرين زيادة حجم المثانة .. وهو ان الطفل يمسك نفسه اطول فترة ممكنة عن التبول .. وده مرة واحدة يوميا

❤resposibility re enforcement:
المسئوليه والتحفيز

اولا الطفل لازم نتكلم معاه ونحاول نفهمه مشكلته وأننا هنحتاج تعاون عشان نحل المشكله

عدم توبيخ الطفل او عقابه او فضحه بين الاخرين لان ده بيجيب نتيجه عكسيه

عمل جدول شهري للطفل بحيث يضع نجمه او وجه سعيد امام الايام الجافة .. وعلامة خطأ امام الليالى المبتلة

زرع الثقة فى نفس الطفل وتذكيره بمواهبه وايجابياته

"""""""""""""""""""""""""""
1️⃣ تقليل السوايل قبل النوم ب ٣ ساعات ممكن ياخد ٦٠ مل بعد ٧ مساءا وعلشان كدة لازم وجبة العشاء تكون قبل النوم بتلات ساعات أو ساعتين على الأقل عشان الطفل ميطلبش ماية كتير قبل النوم .
2️⃣نشجع الطفل يشرب سوايل كتير بالنهار ، مش هندخله في جفاف يعني.
3️⃣ نتجنب إعطاء الطفل عصاير أو قهوة أو شاي من بعد ٥ مساءا .
4️⃣يعمل حمام قبل النوم مباشرة.
5️⃣نصحي الطفل بعد النوم بساعتين يدخل الحمام
يعني يصحى ويفوق ويدخل الحمام .

6️⃣بعد سن ال ٥ سنين مفيش بامبرز بالليل علي اي حاجة ( مشمع ) اي احتياطات بس بلاش بامبرز.
7️⃣نشجعه إنه يشيل معانا الملايات وهدومه المبلولة و يحطها في الغسالة.
8️⃣ممنوع الضرب او الاهانة او التقليل من معنويات الطفل، العامل النفسي مهم جدا جدا.
9️⃣قبل 6 سنوات مش هنعمل اي حاجة الا اذا كان طفل عنده مشكلة عصبية او حاجة في المسالك
🔟 أخيرا التحفيز بأسلوب العطاء والمنع
جدول النجوم star chart بالأيام اللي بيكون ناشف فيها وعمل نجمة أو علامة
واخيرا نصائح للأم
عمل الطفل لتمرين زيادة حجم المثانة مرة يوميا
تشجيع الطفل وعدم عقابه او فضحه امام الاخرين حتى اخواته
❤ENEURESIS ALARM:
وده من افضل الوسائل عباره عن منبه بيتوصل ب سينسور متصل بطبقة تحت ملاية السرير

اول ما يحصل بلل المنبه بيرن

ده مع الوقت بيخلى الطفل يصحى من النوم مع اول قطرة تنزل

❤اللى فوق ده هو العلاج الرئيسى❤
اخر حاجه ممكن نوصلها تحت إشراف الطبيب فقط
ليه كتبته عشان برضوا الأمهات تعرف أن الموضوع محتاج وقت طالما وصلنا للعلاج الدوائي

❤DRUG THERAPY

الغلطة اللى كل الدكاتره بتقع فيها يمكن عشان الحالة الاقتصادية للناس انهم بيبدأوا بال يوريبان

الصح اننا نبدأ ب
MINIRIN >>DESMOPRESSIN 60 - 120 MICROGRAM
اول 3 شهور بندى قرص 120 الى 180 قبل النوم يعنى لو منفعش قرص يبقي قرص ونص قبل النوم
الشهر الرابع بندى قرص 120 قبل النوم
الشهر الخامس والسادس بندى قرص 60 قبل النوم
بعدها يقعد اسبوعين بدون علاج
لو ما تبولش فيهم يبقي نسحب العلاج
Omegapress.0.1 .0.2
نفس تدرج المنيرين
TOFRANIL>> IMIPRAMINE 25 mg TABLET
وده علاج سيء جدا الافضل بلااااش له اعراض جانبيه كتير

Sofanacin
URIPAN >> OXYBUTYRIN 5 mg
وده للحالات اللى الطفل بيتبول على نفسه اوقات النهار

او فيه مقاومه للمنيرين
بيتاخد قرص صباحا ومساء
ويوقف بعد شهر اذا استجاب

بيحبها ونتفق معاه على مكافأة أو هدية إذا وصل لعدد معين من النجوم ناخد
بالنا التشجيع مهم جدا جدا.

المتابعة كل أسبوعين ومنديش علاج ولا نغير جرعات علاج قبل أسبوعين ... العلاج بيتاخد 3 ل ست شهور ع الاقل ونسحب بالتدريج بعد التحسن .. الصبر الصبر الصبر فهو مفتاح الفرج.

الجهاز التنبيهي لعلاج حالات التبول اللاإرادي

فكرته انه ينبه الطفل بصوت معين أو انذار باهتزازات بسيطه أثناء حدوث البلل ويخلي الطفل يصحي ويتبول بإرادته في كامل وعيه وده المطلوب فده يعوده ان كل ما يجي يعمل حمام يصحي ويروح الحمام

في نقطتين مهمين جدا
الجهاز يستخدم قبل عمر ٥ سنين
ولابد من شرح طبيعة عمل الجهاز للطفل بالتفصيل ،

لازم نصحي الطفل أما المنبه ينبهه ونخليه في كامل وعيه ويروح يعمل حمام وهو فايق ميه في الميه
منقول

25/02/2025

🔴 #الكولسترول............. !! ؟

هو مركب موجود في كل خلية من خلايا الجسم، ويقوم ببناء خلايا جديدة، لكن إذا كان مستوى الكولسترول في الدم مرتفعًا فمعنى هذا أن ترسبات دهنية ستتكون داخل جدران الأوعية الدموية وستعيق هذه الترسبات في النهاية تدفق الدم في الشرايين.

🛑من أين #يأتي الكولسترول:
1- #الكبد- يقوم بإنتاج 80% من كولسترول الدم.
2- -20 في المئة من كولسترول الدم

:
1) HDL الكولسترول الجيد (يجمع الكولسترول الزائد و يرجعه للكبد)
2) LDL الكولسترول السيئ(يتراكم على جدار الشرايين و يجعلها أكثر صلابة)
3) TG الدهون الثلاثية (والتي ترتبط بالدهون و السكريات في آن واحد)
⭕ #أعراض:
- التعب الشديد و دوخة
- برودة في الأطراف
- عسر الهضم و انتفاخ البطن
- غثيان و الم في الرأس

➖ #أسباب و عوامل الخطر:
1) التدخين و الوزن الزائد
2) سوء التغذية و عدم القيام بالنشاط البدني
3) العوامل الوراثية
4) أمراض مزمنة(السكري-ضغط الدم)

#التشخيص:
يكون عن طريق تحليل الدم التي يتم من خلالها تحديد نسبة جميع أنواع الكولسترول.

#العلاج:
ü ستاتين الفيبرات أو نياسين (طبيبك من يحدد نوع العلاج .الجرعة و المدة حسب النتائج)
ü التخلص من الوزن الزائد
ü القيام بنشاط رياضي منتظم
ü الامتناع عن الدهنيات و الحرص على أكل الألياف
ü أكل الخضر و الفواكه و تعويض الدقيق الأبيض بالقمح
ü الحرص على استهلاك الأسماك بدل اللحوم الحمراء

منقول

28/01/2025

صورة توضح تراكم الدهون في الجزء العلوي بجسم الإنسان :

لو سمحت إستبدل المياه الغازية بالعصير قليل السكر .
لو سمحت إستبدل العصير المعلب بالفواكه الطبيعية .
لو سمحت إشرب ماية كتير ...
لو سمحت إستبدل الفول المحوج بفول عليه خل وكمون بدون ملح وكله بنص رغيف .
لو سمحت جرب الجبنة القريش .
لو سمحت البيض ممكن تكله مقلي من غير زبدة ولا سمنة ولا زيت عادي في الطاسة التيفال مع شوية ماية أو كلها مسلوقة عادي .
لو سمحت ما تخليش أسلوب حياتك يكون أكل الشارع .
لو سمحت إشرب ماية كتير .
لو سمحت خالي في سلطة في وجبة الغداء .
لو سمحت البروتين كله مشوي أو مسلوق .
لو سمحت قلل أكل الرز .
لو سمحت مارس رياضة المشي من ٢٠ دقيقه ل ٦٠ تدريجياً علي مدار شهر .
لو سمحت إشرب ماية كتير ...
لو سمحت حب جسمك وخاف عليه .
لو سمحت اتمشي نص ساعه يوميا حيفرق معك كتير غ.
لو سمحت تابع مع دكتور تغذية 👉 عشان ما تروحش لدكتور عظام 😉 أو قلب 🤢
لو سمحت إشرب ماية كتير ...
لو سمحت جرب الصيام المتقطع .
لو سمحت ما تفتحش التلاجة بعد الساعة ١٠ بليل .
لو سمحت نام بدري .
لو سمحت إصحي بدري .
لو سمحت واظب علي ٥ عدات بطن وظهر وضغط علي صلاة
وتدرج في العدد لما توصل لمرحلة التكيف ( اللي هي تعمل ال ٥ عدات مرتاح )
لو سمحت بلاش إهمال في صحتك محدش حينفعك غير صحتك
منقوول

13/12/2024

حقيقة حقن الأوزيمبك والمونچارو للتخسيس!

زاد اللغط في مصر بشأن حقن التخسيس؛ الأوزيمبك والمونچارو، التي أصبح من الصعب العثور عليها رغم ثمنها الباهظ. ولقد أدلى كل من هب ودب برأيه في هذا الموضوع، خاصة ممن يدّعون أنهم أخصائيو سمنة أو تغذية، وممن فتحوا مراكز لخفض الوزن رغم ضحالة معلوماتهم الطبية والغذائية في وسط مجتمع يخيم عليه الجهل الصحي، وتسيطر عليه فيديوهات السوشيال ميديا، و"التيك توك"، والبودكاست؛ لذا كان من الواجب علىَّ التوعية ونشر المعلومات الصحيحة عن هذه الحقن وتأثيرها، خاصة أنني قضيت معظم عمري وأبحاثي في مجال السمنة والتغذية ومرض السكر. وهذه بعض الأسئلة المهمة وإجاباتها الواضحة:

1- هل هذه الحقن تخفض الوزن فعلًا؟ وكيف تقوم بذلك؟
نعم، تخفض الوزن عند معظم مرضى السمنة، ومرضى السكر، ويكون خفض الوزن أكبر عند المرضى الذين يعانون السمنة فقط بدون السكر؛ ففي حين أن متوسط خفض الوزن يتراوح من 16 إلى 21% عند مرضى السمنة بعد نحو 70 أسبوعًا من تناول أعلى جرعة، فالانخفاض في المتوسط نحو 11 إلى 16% عند مرضى السكر المصابين بالسمنة. وخفض الوزن ناتج من خفض الشهية في مراكز المخ التي تستجيب لهذه الحقن.

2- هل هذه الحقن لمرضى السكر أم لمرضى السمنة؟
المادة الفعالة في النوعين واحدة، ولكن بأسماء مختلفة، وجرعات أعلى لعلاج السمنة عن المستخدمة في علاج السكر؛ فالأوزيمبك Ozempic لعلاج السكر حتى جرعة 2 مجم، ووجوڤي Wegovy لعلاج السمنة حتى جرعة 2.4 مجم، ولكنهما مركب واحد اسمه سيماجلوتيد semaglutide. كذلك فإن مونچارو Mounjaro لعلاج السكر، وزيبَّاوند Zepbound لعلاج السمنة، وجرعاتهما متماثلة حتى 15 مجم، والمادة الفعالة فيهما هي نفس المادة، وتسمى ترزيباتيد Tirzepatide.

3- ما أهم الأعراض الجانبية لهذه الحقن؟
يعد الغثيان هو أهم الأعراض الجانبية، وتختلف شدته من إنسان إلى آخر، ويقل بالتدرج في زيادة الجرعات المستخدمة بدءًا من الجرعة الأصغر، على ألا تقل الفترة المستخدمة قبل زيادة الجرعة عن أربعة أسابيع. بقية الأعراض الجانبية تشمل القيء، والإسهال الشديد، أو الإمساك الشديد، وهو ما قد يستدعي التوقف عن العلاج، أو خفض الجرعة.

4- هل تُسبب هذه الحقن سرطان الغدة الدرقية أو سرطان البنكرياس؟
لوحظ في حيوانات التجارب حدوث نوع من سرطانات الغدة الدرقية، اسمه Medullary Cell Carcinoma، وهو نوع نادر جدًّا من سرطانات الغدة الدرقية، ولكن لم تسجل حالات بين البشر؛ لذا فهناك تحذير بضرورة عدم استخدام هذه الحقن لعلاج المرضى الذين لديهم تاريخ سابق لهذا النوع الخاص من سرطان الغدة الدرقية، أو لديهم تاريخ في العائلة لهذا النوع من السرطان تحديدًا، أما بقية سرطانات الغدة الدرقية فلا مشكلة فيها. كان هناك أيضًا اعتقاد بإمكانية حدوث سرطان البنكرياس باستخدام هذه الحقن، ولكن الأبحاث المقارنة لم تثبت ذلك.

5- ما الأعراض الجانبية الخطيرة لهذه الحقن؟
ممكن حدوث التهاب حاد في البنكرياس بنسبة ضئيلة جدًّا؛ لذا ينصح بعدم استخدام هذه الحقن لمن له تاريخ سابق لالتهاب البنكرياس، ومن على استعداد لهذا الالتهاب، وهم مرضى حصوات المرارة، ومن يعانون ارتفاعًا كبيرًا في الدهون الثلاثية بالدم، ومن يشرب الكحوليات بكثرة. والتهاب البنكرياس الحاد يظهر في صورة ألم شديد في البطن، وقيء شديد، وارتفاع حاد في إنزيمات البنكرياس.

6- هل تسبب هذه الحقن شلل الأمعاء؟
هذه الحقن تُبطئ حركة المعدة والأمعاء، وقد تؤدي في حالات نادرة جدًّا الى الشلل الوقتي لحركة المعدة، وخاصة عند مرضى السكر من النوع الأول المصابين بالتهاب الأعصاب، وخاصة أعصاب الجهاز الهضمي. والحقن ليس مرخصًا لها بالاستخدام لعلاج ارتفاع السكر عند مرضى النوع الأول للسكر.

7- هل خفض الوزن كله من دهون الجسم الزائدة؟
لا! مع الأسف، 40% من الوزن المفقود من عضلات الجسم، وخاصة عضلات الفخذين والحوض والأكتاف، وهو ما قد يؤدي إلى الوهن العام، كما أن فرصة رجوع العضلات إلى سابق عهدها بعد توقف العلاج ضئيلة؛ مما يشكل خطورة، خاصة على كبار السن؛ بسبب نقص جميع هرمونات النمو مع تقدم العمر. كما أن انخفاض حجم العضلات يؤدي إلى خفض حرق السعرات الحرارية؛ مما ينذر بعودة الوزن إلى سابق عهده.

8- كيف نوقف الانخفاض في عضلات الجسم مع هذه الحقن؟
للمحافظة على عضلات الجسم، يجب زيادة أكل البروتين حتى 1- 1.5 جرام لكل كيلو جرام من وزن الجسم، مع ممارسة تمارين تنمية وتقوية العضلات، خاصة عضلات الفخذين والكتفين. وينصح أن يقوم الشخص بتمارين يومية لمدة عشرين دقيقة.

9- هل يعود الوزن إلى الارتفاع عند التوقف عن استخدام هذه الحقن؟
نعم، يعود الوزن عادة إلى سابق عهده عند التوقف عن استخدام هذه الحقن، ومعظم الوزن العائد في هذه الحالة هو من دهون الجسم، وليس عضلات.

10- هل العلاج بنفس مادة الأوزيمبك عن طريق الفم يؤدي إلى خفض الوزن وتحسن مستوى السكر في الدم؟
هناك علاج عن طريق الفم من نفس مادة الأوزيمبك، ويسمى ريبالسس Rybelsus، ولكن تأثيره على السكر والوزن أقل بكثير من الحقن، وله نفس الأعراض الجانبية، وتؤخذ هذه الحبوب قبل الإفطار بنحو نصف ساعة وإلا فقدت تأثيرها.

11- هل لهذه الحقن فوائد طبية أخرى؟
نعم، عند المرضى المصابين بجلطات القلب والمخ، تقلل هذه الحقن من فرصة حدوث هذه الجلطات مرة أخرى. كذلك تُخفض هذه الحقن "ضغط الدم"، وتقلل التدهور في وظائف الكلى عند مرضى السكر.

12- هل يمكنني أن أشتري هذه الحقن مباشرة من الصيدلية وأستخدمها لخفض الوزن، أو لعلاج السكر؟
قطعًا لا، لا يجب استخدام هذه الحقن إلا تحت إشراف طبيب متخصص في الغدد الصماء والسكر والسمنة، وليس عن طريق أخصائي تغذية، أو طبيب عام ليس متخصصًا في علاج السكر والسمنة.

أتمنى أن تكون هذه الإجابات مفيدة لمن يحاول استخدام هذه الحقن لعلاج السكر أو لخفض الوزن.
(إذا وجدت فائدة من هذا الحوار شاركه مع من تحب، ويريد أن يخفض وزنه بهذه الحقن) منقول عن
د. أسامة حمدي

مركز بنها للكبد والجهاز الهضمى _د.مجدى عبد الموجود جاد

13/09/2025

26/08/2025

09/08/2025

25/07/2025

24/07/2025

20/05/2025

08/03/2025

04/03/2025

04/03/2025

25/02/2025

28/01/2025

13/12/2024

Address

Telephone

Website

Alerts

Contact The Practice

Shortcuts

Share

Category