نبض للقلب و قلب الأطفال

07/04/2026

تسارع القلب فوق البطيني
ممكن يظهر فجأة… بس التشخيص بدري بيفرق جدًا 💙
لو لاحظتي سرعة غير طبيعية في ضربات قلب طفلك، متتجاهليش الموضوع

#نبض

04/04/2026

تأثير السكر العالي على القلب 🫀⚠️

لما مستوى السكر في الدم يفضل عالي لفترة طويلة، بيبدأ يأثر على القلب والأوعية الدموية بشكل تدريجي.

مع الوقت، الشرايين بتفقد مرونتها وبتبقى "متصلبة"، وده بيصعّب مرور الدم وبيزود فرص حدوث جلطات القلب والسكتة الدماغية.

مش بس كده، السكر العالي لفترة طويلة ممكن يضر الأعصاب المسؤولة عن تنظيم ضربات القلب وضغط الدم، وده بيخلي القلب يشتغل بشكل غير منتظم أحيانًا.

💡 عشان كده، التحكم في مستوى السكر مش رفاهية… ده خطوة أساسية لحماية قلبك

02/04/2026

نغزات القلب… هل تستدعي القلق؟
نغزات القلب من الأعراض اللي بتقلق ناس كتير، لكن الحقيقة إن مش كل ألم في الصدر معناه مشكلة في القلب ⚠️
خلينا نفهم الفرق 👇
🟢 نغزات بسيطة (غالبًا غير قلبية)
📍 بتكون:
ألم حاد زي الوخز
بيستمر ثواني أو دقائق
بيزيد مع الحركة أو لمس المكان
✔️ وغالبًا بيكون سببها شد عضلي أو توتر
🔴 نغزات تحتاج تقييم طبي
📍 بنهتم بيها لو:
استمرت لفترة أطول
ظهرت مع المجهود
أو صاحبها:
نهجان
عرق
دوخة
خفقان
⚠️ في الحالة دي لازم فحص دقيق لتحديد السبب
🚨 متى يجب استشارة الطبيب؟
لو الألم بيتكرر
أو شدته بتزيد
أو بيأثر على النشاط اليومي
💙 في مركز نبض… بنهتم نطمنك ونحدد السبب بدقة
علشان قلبك يستاهل متابعة صح

31/03/2026

"رسم القلب… بنقرأ بيه إيه؟"
رسم القلب (ECG) من أبسط وأهم الفحوصات في تشخيص أمراض القلب عند الأطفال.
📍 بيكشف عن:
اضطرابات النبض
تضخم في أجزاء القلب
مشاكل في التوصيل الكهربائي
✔️ الفحص آمن تمامًا
✔️ سريع وبدون ألم
📊 أحيانًا بيكون كافي للتشخيص
وأحيانًا نحتاج فحوصات إضافية
💙 خطوة بسيطة… بتفرق كتير
#هاشتاج:

19/03/2026

أسرة نبض للقلب وقلب الأطفال تهنئكم بحلول عيد الفطر المبارك أعاده الله عليكم بالخير واليمن والبركات وتقبل منكم صالح الأعمال

19/03/2026

تشخيص دقيق ومتابعة متكاملة لحالات قلب الأطفال ❤️
مع د. أحمد رضا سند… اهتمام حقيقي بكل حالة بأحدث أساليب التشخيص والعلاج
📍 بنها – ميدان سعد زغلول
📞 0133259212
#نبض #بنها #القليوبية

17/03/2026

12/03/2026

أعراض غريبة بتحصل لما تقف؟ تعرف على متلازمة POTS"

05/03/2026

⚠️ الرجفان الأذيني (أو الذبذبة الأذينية)… اضطراب في نبض القلب ممكن يتسبب في مشاكل كتيرة!
🔴 إيه هو الرجفان الأذيني؟
هو اضطراب في ضربات القلب بيخلي الأذين ينبض بسرعة وبشكل غير منتظم
📌 الأعراض الشائعة:
🔸️ضربات قلب سريعة أو غير منتظمة
🔸️نهجان مع أقل مجهود
🔸️دوخة أو إغماء
🔸️إرهاق مستمر
أحيانًا بييجي من غير أي أعراض!
❗ ليه لازم نهتم؟
لأن الرجفان الأذيني ممكن يسبب:
جلطة في المخ (سكتة دماغية)
ضعف في عضلة القلب مع الوقت
👩‍⚕️ مين ممكن يصاب بالرجفان الأذيني؟
مرضى الضغط المرتفع
كبار السن
اللي عندهم مشاكل سابقة في القلب, خصوصاً مشاكل الصمامات أو ضعف عضلة القلب
💊 العلاج بيكون إزاي؟
العلاج بيختلف حسب الحالة، وبيشمل:
أدوية لتنظيم ضربات القلب
أدوية سيولة لمنع الجلطات
أحيانًا تدخلات بالقسطرة, إما قسطرة كي للبؤرة المسببة للرجفان أو تدخل للوقاية من جلطات المخ
💬 لو حسيت بخفقان متكرر أو ضربات قلب مش منتظمة…
ما تستناش. كشف بسيط ورسم قلب ممكن يطمنك وينقذك من مضاعفات خطيرة.
📍الكشف المبكر = أمان لقلبك, ووقاية من المضاعفات
#نبض

04/03/2026

متلازمة داون مش مشكلة قلب وبس

26/02/2026

الحمى الروماتيزمية… ليه مهم نهتم بعلاج التهاب الحلق البكتيري صح؟
كتير من التهابات الحلق عند الأطفال بتكون فيروسية وبتخف لوحدها ومبتحتاجش مضاد حيوي 👍
لكن في بعض الحالات بيكون السبب بكتيريا اسمها الميكروب السبحي، وساعتها الطبيب بيقرر إن الطفل محتاج مضاد حيوي.
🔵 المشكلة مش في التهاب الحلق نفسه…
المشكلة بتحصل لو كان الالتهاب بكتيري وما اتعالجش كويس أو ما اتاخدش كورس المضاد الحيوي كامل.
في الحالات دي — وده مش شائع — ممكن يحصل مرض اسمه الحمى الروماتيزمية، وده مرض التهابي ممكن يؤثر على:
المفاصل
وأحيانًا القلب (خصوصًا صمامات القلب)
📌 إمتى نقلق ونرجع للدكتور؟ لو بعد التهاب حلق بكتيري الطفل ظهر عليه:
حرارة مستمرة
ألم أو تورم في المفاصل
إرهاق غير معتاد
نهجان أو خفقان
❗ الرسالة المهمة:
مش كل التهاب حلق محتاج مضاد حيوي.
ومش كل التهاب حلق يؤدي لمضاعفات.
لكن لو الطبيب قال إن الحالة بكتيرية وكتب مضاد حيوي، مهم جدًا نكمل الكورس للآخر حتى لو الطفل اتحسن.
العلاج الصحيح في الوقت المناسب بيحمي الطفل ويحافظ على قلبه سليم بإذن الله ❤️
#توعية

21/02/2026

طفل متلازمة داون يقدر يتعلم؟ يدخل مدرسة؟ يعيش مستقل؟