07/09/2023
💥 القئ ( الترجيع ) عند الرضع والأطفال 👶
أغلب الأمهات ف الشهور الأولى لعمر الطفل بتشتكى من ترجيع الطفل باستمرار وده ليه أسباب كتير لكن أشهر سبب هو إرتجاع المرئ وده بنتابع فيه وزن الطفل لو بيزيد بصوره طبيعيه يبقى خلاص متقلقيش 👍
الوزن خلال
▪️ اول 4 شهور كل شهر بيزيد من 600_900 جرام
▪️من الشهر ال 5 إلى ال8 كل شهر بيزيد 500 جرام
▪️من الشهر ال 9 إلى 12 كل شهر بيزيد 250 جرام
لكن لو الوزن مش بيزيد وقتها نقلق ❌
⏪ الأعراض اللى تخوفنا من الترجيع :-
🔹 ترجيع متكرر ( كل رضعه الطفل بيرجعها )🤮
🔹عدم الزياده فى الوزن
🔹الإمساك الشديد
🔹نوبات من الإزرقاق وعدم القدره على التنفس🚫
🔹معاناة أحد الأقارب من أمراض التمثيل الغذائى
🔹 لو الترجيع مصاحب الإسهال
🔹او مصاحب لمغص اثناء الرضاعة
🔹او وجود دم فى البراز
✅إزاى نقلل من الترجيع بقدر الإمكان ؟؟؟
1️⃣- تنظيم الرضاعه ...وطبعا الأطفال اللى بيعتمدوا على الرضاعه الطبيعيه أفضل ✋
2️⃣- زيادة عدد الرضعات وتقليل الكميه بحيث معدة الطفل متتمليش للاخر 👩🍼
3️⃣- التكريع ...ضرورى تكريع الطفل فى وسط الرضاعه وبعد الرضاعه ، شيلى طفلك على كتفك وخبطى على ضهره ومش ضرورى تسمعى صوت التكريع 👍
4️⃣ -عدم تحريك الطفل بشكل عنيف وقوى بعد الرضاعه ❌
5️⃣- عدم الافراط فى ادوية الانتفاخات بدون سبب لأن ده ممكن يسبب إمساك للطفل وبالتالى حدوث ترجيع 👌
6️⃣- اﻷهتمام بنظافة الثدى والببرونه بشكل جيد ومستمر
7️⃣- يمكن تغير نوع الرضاعه الصناعيه من نوع ل نوع أخر حسب ترجيع الطفل
📢📢📢الخلااااصه :-
🔸لازم نفرق بين الترجيع العادى اللى هو القشط والترجيع اللى بسبب مرض او مشكله عند الطفل ودا بيكون تحت اشراف الطبيب 😊
دمتم بخير وربنا يحفظ أولادنا جميعا ❤️
دكتور أحمد عامر
✅ أخصائى طب الأطفال وحديثى الولادة
والرعاية المركزة مستشفى بنى سويف التخصصى
✅ د. دكتوراة طب الأطفال وحديثى الولادة - ابوالريش
--------------
🏠 بنى سويف - شــارع عبدالســـلام عــــارف
بجوار فودافون - اعلى شركة رزق الله - الدور الثالث
☎️ للحجز 01069125647
📞 واتساب 01069125647
⏰ المواعيد يوميا من 1 ظهرا الى 5 مساءا ماعدا الاثنين والجمعه
