Dr Amany fathy-د.أماني فتحي

Dr Amany fathy-د.أماني فتحي استشاري العناية المركزة و أمراض الباطنة الحرجة

15/04/2026

جاتلى مريضه النهارده بتتابع معايا من حوالى 8 شهور

كانت جايه وقتها بتبكى لأنها مش بتشوف بعينيها كويس بالرغم من أنها مراجعه قياسات النظارة ومش عارفه تمشي فى الشارع لوحدها 😥

أثناء الفحص اكتشفنا فى العياده إنها وبدأنا خطه العلاج وحددنا مواعيد المتابعات وقتها وظبطنا السكر

النهارده جاتلى التراكمى 4.7 وقياس السكر 158 وكانت لسه واكله

وجايه من غير النظارة وفرحانه جداااااا وبتدعيلي علشان بقت بتشوف احسن من الأول بكتييير بتلبس النظارة بس لو بتقرا اى حاجه

طبعا قلتلها لازم نلبس النظارة علشان نحافظ على نظرنا وخفضنا جرعه العلاج لأنها بدأت تتحسن لدرجه إنه السكر بدأ يكون منخفض عندها ..

فرحتى بيها النهارده لا توصف ... فرحتى الحقيقية هى فرحتها هى وابتسامتها الجميله بعد ما كانت جايه بتبكى

ممكن تكون أول المؤشرات لارتفاع نسبه السكر فى الدم وعلاجها علاج سببها

دمتم دائما بعافية وخير 🌹

هو فى حد ممكن يبقي مريض ضغط مرتفع وهو ميعرفش ؟! 🤔الإجابة : ايوه مش بس كده دا فى شويه زى : 📌 الصداع المستمر وخاصه صباحا...
13/04/2026

هو فى حد ممكن يبقي مريض ضغط مرتفع وهو ميعرفش ؟! 🤔

الإجابة : ايوه مش بس كده دا فى شويه زى :

📌 الصداع المستمر وخاصه صباحاً عند الاستيقاظ من النوم فى مؤخره الرأس والرقبه

📌 الدوار والدوخه على فترات

📌 ضبابيه الرؤيه والزغلله

📌 طنين فى الأذن وخفقان فى ضربات القلب

📌 ضيق في التنفس

📌 نزيف الانف حتى لو بكميات قليله وبيزيد مع المجهود

📌 تعب وإرهاق عام فى الجسم

ليه بنقول على الأعراض دى خفيه ؟!

لانها ببساطه بتعدى على العيان عادى ممكن يكون شايفها إرهاق أو إجهاد وميفكرش ساعتها يقيس الضغط ويكتشف فجأه إنه الضغط عالى 😥

احيانا كتييير بتكون فى أعراض خطيرة جداااااا لو حسيت بيها يبقي لازم تقيس الضغط فوراً ولازم فحص طبي عاجل
زى :

🔸 الآلام بالصدر

🔸 ضعف أو تنميل فى الوجه أو أحد أطراف الجسم

🔸صعوبه فى الكلام

🔸ضيق شديد فى التنفس

ومتنساش إنه ضغط الدم المرتفع إسمه وقياسه من الفحوصات الدوريه الهامه لاكتشافه وعلاجه بشكل مبكر تجنباً لحدوث أى مضاعفات خطيرة لا قدر الله

دمتم دائما بعافية وخير 🌹


🏨 بنى سويف ميدان حارث بجوار النساجون الشرقيون أعلى صيدليه التوحيد
ارقام العياده ☎️ 01144260899 ... 01031711058

11/04/2026

مريضه النهارده بتقولى والله يا دكتوره انتى حببتينا فى العيا والله الواحد بقي بيحب يعيا علشان يجي يشوف حضرتك 🙄😅🙈

المضادات الحيوية من أخطر الادويه اللى ممكن تكون موجوده فى الروشته طيب ليه ؟! 🤔لأنه المضاد الحيوي مش علاج لكل حاجه هو علا...
10/04/2026

المضادات الحيوية من أخطر الادويه اللى ممكن تكون موجوده فى الروشته طيب ليه ؟! 🤔

لأنه المضاد الحيوي مش علاج لكل حاجه هو علاج بس للعدوى البكتيريه لكن الفيروسات والفطريات مش بيكون علاجها ابدا المضاد الحيوي ..

طيب لو خدت مضاد حيوى بشكل مفرط والعدوى اللى عندك مش بكتيريه ممكن يحصل ايه ؟! 🙄

هقولك اولا : لو لا قدر الله جالك عدوى بكتيريه بعد كده المضاد الحيوي مش هيعمل حاجه ساعتها

وده لأنه البكتريا اتعودت على وجود المضاد الحيوي فى الجسم بلازمه وبدون لازمه فبقت اقوى وعملت لنفسها مناعه وحمايه ضده وكده هى بقت اقوى وتأثيرها على جسمك هيكون أشرس واعنف

ثانيا : المضاد الحيوي بلا داعى بيقتل البكتريا النافعة اللى موجوده فى الأمعاء وده يسبب لك الغثيان والقئ واضطرابات الجهاز الهضمي بأنواعها

ثالثا : مضاد حيوى بدون داعى = ضعف فى جهازك المناعه فقدره جسمك على مواجهه اى ميكروب بتكون ضعيفه جداااااا

رابعا : ضعف الجهاز المناعى بيترجم بعد فتره لظهور الفطريات وقرح الفم والحلق والتهابات الجهاز التناسلي عند السيدات

خامسا : المضاد الحيوي زى اى دواء لازم الزائد منه يتكسر ويخرج من الجسم بشكل ما إما عن طريق الكلى أو الكبد والافراط فى استخدامه طبعا بيأثر بشكل كبير على الكلى والكبد وعلى عضلات الجسم برضه متنساش

قولى بقي لسه مكمل وهتاخد لأى حاجه بدون فحص طبي واستشاره طبيه ؟!!!! 🤔🙄

اوعى تنسي إنه لازم يتاخد باستشاره طبيه وتحت إشراف طبى

دمتم دائما بعافية وخير 🌹


🏨 بنى سويف ميدان حارث بجوار النساجون الشرقيون أعلى صيدليه التوحيد
ارقام العياده ☎️ 01144260899 .. 01031711058

مريضه عندها 42 سنه شكوتها كانت و اكتشفت فى العيادة إنه سكرها 450 وضغطها 160/110 الاتنين عاليين وهى مش مريضه ضغط أو س...
08/04/2026

مريضه عندها 42 سنه شكوتها كانت و

اكتشفت فى العيادة إنه سكرها 450 وضغطها 160/110 الاتنين عاليين وهى مش مريضه ضغط أو سكر قبل كده وهما دول سبب شكوتها

وبدأنا خطه العلاج وحددنا مواعيد المتابعات الاسبوعيه

هى : معلش يا دكتور اخرت على مواعيد المتابعات بتاعتى بس أنا اتحسنت الحمد لله على العلاج هو لسه فى نهجه بسيطه كده ودوخه على خفيف

أنا : الحمد لله .. طيب فين القياسات الفتره اللى فاتت واكيد ماشيه على العلاج مظبوط

هى : لأ أنا مشيت على العلاج اسبوع بس .. قلت لما اجى بقي لحضرتك وحضرتك تشوفى

حضرتى 🙄😳👇🏻

شوف ممكن يسبب لك إيه !!!
05/04/2026

شوف ممكن يسبب لك إيه !!!

شويه عادات يوميه ومواقف بنمر بيها كل يوم ممكن تسبب زى : 📌 الجفاف ونقص شرب المياه ..📌 القي والإسهال لفترات طويله بدون م...
03/04/2026

شويه عادات يوميه ومواقف بنمر بيها كل يوم ممكن تسبب زى :

📌 الجفاف ونقص شرب المياه ..

📌 القي والإسهال لفترات طويله بدون ما نعوض الجسم فقد السوائل اللى بيحصل مع القئ والاسهال

📌 الإفراط فى استخدام المسكنات زى الديكلوفينات والباى الكوفان والفولتارين وغيرها ...

📌 بعض ادويه الضغط بيكون ليها تأثير بشكل مباشر على الكلى علشان كده لازم متابعه دوريه لوظائف الكلى

📌 قصور عضله القلب بيأثر بشكل كبير على وظائف الكلى وممكن يسبب أمراض الكلى

📌 ارتفاع ضغط الدم بيسبب اختلال وظائف الكلى بل واحيانا بيكون الضغط سببه اختلال وظائف الكلى

📌 إرتفاع سكر الدم بشكل مزمن بيسبب قصور فى وظائف الكلى وبيسبب أمراض الكلى

📌 التهابات مجرى البول المزمنه ووجود الصديد بالبول بيسبب خلل وظائف الكلى وأمراض الكلى

📌 امراض الكبد من أسباب اختلال وظائف الكلى وأمراض الكلى

📌 النزيف الحاد أثناء العمليات الجراحية الكبرى والولاده بيسبب اختلال وظائف الكلى وأمراض الكلى

📌 الامراض المناعية زى الزئبه الحمراء وغيرها من الأمراض اللى بتأثر على وظائف الكلى ..

لو انت مريض ضغط أو سكر او قلب أو مرض مناعى لازم تتابع وظائف الكلى بشكل دورى وتطمن إنه مفيش اى تأثير أو ضرر على الكلى علشان تتجنب حدوث أى مضاعفات خطيره ممكن تسبب الفشل الكلوى لا قدر الله .

دمتم دائما بعافية وخير 🌹


🏨 بنى سويف ميدان حارث بجوار النساجون الشرقيون أعلى صيدليه التوحيد
ارقام العياده ☎️ 01144260899 ... 01031711058

فى ناس بتتشخص إنهم بس مش بيقتنعوا اوى أنهم مرضي ضغط ومش بياخدوا العلاج بإنتظام ..العلاج بيكون وقته لما يحس بس بدوخه أو...
01/04/2026

فى ناس بتتشخص إنهم بس مش بيقتنعوا اوى أنهم مرضي ضغط ومش بياخدوا العلاج بإنتظام ..

العلاج بيكون وقته لما يحس بس بدوخه أو دوار 🥺🤔

أنا عاوزه اقولك إن #الدوخه أو #الدوار دى مضاعفات للضغط العالى أو المنخفض

يعنى مش معناها أبدا انك تروح تاخد العلاج من غير ما تقيس الضغط وتتاكد هو عالى أو واطى

كمان الدوخه والدوار ليهم أسباب كتييييير جداااااا غير الضغط بوجه عام

يعنى خلى بالك

يعنى لازم نشخص سببها قبل العلاج
كمان لمجرد إنه فى دوخه أو دوار من غير ما نقيس ونتأكد إنه عالى أو واطى وساعتها ناخد العلاج المناسب للحاله ..

دمتم دائما بعافية وخير 🌹


🏨 بنى سويف ميدان حارث بجوار النساجون الشرقيون أعلى صيدليه التوحيد
ارقام العياده ☎️ 01144260899 ... 01031711058

إنت عارف يعنى إيه ؟! 🤔🥺 .. يعنى إلتهاب أغشيه المخ والحبل الشوكى وده مرض من أخطر ما يمكن .. طيب خطورته ايه ؟! أولا : إ...
30/03/2026

إنت عارف يعنى إيه ؟! 🤔🥺 ..

يعنى إلتهاب أغشيه المخ والحبل الشوكى وده مرض من أخطر ما يمكن ..

طيب خطورته ايه ؟!
أولا : إنه ببساطه طريقه العدوى فيه سهله جدااا .. حد حامل للمرض أو الميكروب لسه مظهرتش عليها الأعراض كح أو عطس جمبك ( يعنى عدوى تنفسيه عن طريق الرزاز)

ثانيا : ممكن العيان وأهله والمخالطين ليه للوهله الأولى يفتكروا إنه دور برد عادى ويتاخر المريض فى العلاج اللازم وده طبعا يعرضه لمضاعفات خطيرة لا قدر الله زى :
📌 تلف خلايا المخ
📌 فقدان السمع
📌 إعاقه دائمه فى أحد جوانب الجسم
📌 والوفاه فى الحالات الحرجه و المتاخره لا قدر الله

طيب أعراضه إيه ؟!
للاسف اعراضه مشابهه بشكل كبير لأعراض البرد العادى بس أشد طبعا زى :

▪️الصداع العيان بيقول أنا دماغى بتتدغدغ حرفيا
▪️ الآلام فى الرقبه وتيبس فى الحركه مش قادر لا تنام ولا تقعد
▪️إرتفاع شديد فى درجه حراره الجسم
▪️الغثيان والقئ فى بعض الحالات
▪️إضطراب فى درجه الوعى وخاصه فى الحالات المتأخره

أى وقت تحس باى عرض من الاعراض دى لا قدر الله 👆🏻يبقي لازم فحص طبي ضرورى علشان تاخد العلاج اللازم قبل ما الحاله تتأخر وتتدهور وتحصل مضاعفات خطيرة لا قدر الله ..

ومتنساش إنه اللحظه بتفرق فى التشخيص والعلاج 💊💉🩺

دمتم دائما بعافية وخير 🌹


🏨 بنى سويف ميدان حارث بجوار النساجون الشرقيون أعلى صيدليه التوحيد
ارقام العياده ☎️ 01144260899 ... 01031711058

بتحس #بسرحان .. #توهان .. و يبقي أنت كده بتعانى من نقص فيتامين Dطيب ليه نقص فيتامين D بيعمل سرحان وقله تركيز ؟! 🤔...
28/03/2026

بتحس #بسرحان .. #توهان .. و يبقي أنت كده بتعانى من نقص فيتامين D

طيب ليه نقص فيتامين D بيعمل سرحان وقله تركيز ؟! 🤔

الاجابه : لأنه ببساطه لأنه فيتامين D بيلعب دور مهما في إنتاج السيراتونين والدوبامين ودى الناقلات العصبية المسؤولة عن المزاج والتركيز، و بكده نقصه بيقلل مستوياتها، ويسبب اكتئاب و قلق ، وسرحان

مش بس كده نقص فيتامين D بيعمل أرق وخاصه بالليل وده بيزود السرحان وضعف التركيز اثناء فتره النهار

دا غير بقي الآلام العضلات والعظام اللى بيقلل فرصه النوم بالليل ويزود الأرق وده طبعا ده بينعكس على التركيز اثناء فتره النهار وبيزود الشعور بالارهاق والسرحان

لو بتعانى من السرحان والأرق لازم تعمل فحص طبي ضرورى وتتاكد أنه نقص فيتامين D مش هو السبب ولو فى نقص فيتامين D لازم يتعالج بشكل عاجل

دمتم دائما بعافية وخير 🌹


🏨 بنى سويف ميدان حارث بجوار النساجون الشرقيون
ارقام العياده ☎️ 01144260899 ... 01031711058

عياده دكتورة أمانى فتحى 👩🏻‍⚕️🩺هى عياده العنايه المركزه والحالات الحرجه فى أمراض الباطنه الحرجه والقلب 🫀🩺🔹يعنى ايه عياده ...
26/03/2026

عياده دكتورة أمانى فتحى 👩🏻‍⚕️🩺

هى عياده العنايه المركزه والحالات الحرجه فى أمراض الباطنه الحرجه والقلب 🫀🩺

🔹يعنى ايه عياده العنايه المركزه ؟ 🤔

☑️ يعنى العياده المختصه بمرضي الرعايه المركزه اللى بتقدر تحدد إذا كان المريض بحاجه إنه يتحجز فى الرعايه المركزه أو لأ وخطه العلاج كامله ..

☑️ بتقدر العياده تشرف على علاج المريض فى الرعايه بشكل كامل.

☑️ بتقدر العياده تتابع حاله المريض بعد خروجه من العنايه المركزه وبكده نقلل فرصه رجوعه للرعايه مره تانيه وإنه يتحجز فيها مره تانيه.

☑️ بتابع العياده المرضى زوى الحالات الحرجة لمنع تدهور الحاله ودخولها الرعايه المركزه
يعنى مع المتابعه فى العياده نقدر بفضل الله نسيطر على الحاله المرضيه ونمنع أو نقلل فرصه دخولها للرعايه.

🔹طيب مين المرضى ذوى الحالات الحرجة ؟!

✅ المرضى اللى تم حجزهم فى الرعايه المركزه قبل كده او اللى بيتردد على الرعايه كتير ..
✅ مرضى السكر المرتفع او المنخفض وفى حالة حرجه.
✅ مرضي الضغط الحرج المرتفع او المنخفض فى حاله حرجه.
✅ مرضي الغيبوبه الكبديه وفشل وظائف الكبد.
✅مرضي الفشل الكلوي الحاد والمزمن فى حاله حرجه قد يؤدى إلى الحجز بالرعاية المركزه.
✅ مرضي الأزمات القلبية والتنفسيه الحاده والمزمنه وفشل وظائف التنفس وحساسيه الصدر المزمنه ومتلازمه الفشل التنفسي الحاد.
✅ مرضي ضغط الحمل وسكر الحمل والقئ المستعصي فى الحمل والذى يهدد حياه الأم والجنين.
✅مرضى القدم السكرى والعلاج الغير جراحى لمرضي السكر مع متابعه المريض ما بعد الجراحه.
✅فحص وتقييم الحالات قبل العمليات الجراحيه الكبري وتقييم ما إذا كانت الحاله فى حاجه للرعايه المركزه بعد اجراء الجراحه مع متابعه الحاله بعد الجراحه.
✅ الآلام البطن الحاده والصدر والحالات الحرجه والطوارئ وتقييم حاجه المريض للرعايه المركزه وعمل الاسعافات الاوليه اللازمه.

يوجد بالعياده :

▫️ جهاز رسام القلب.
▫️ جهاز الاشعه التليفزيونية (السونار).
▫️جهاز السكر وجهاز الضغط.
▫️جهاز قياس الحراره.
▫️ جهاز قياس النبض ونسبه الأكسجين بالدم.
▫️ جهاز الجلسات التنفسية ( النبيوليزر).
▫️ يوجد بالعياده خدمه تركيب المحاليل.
▫️ يوجد بالعياده خدمه متابعه المريض تحت الملاحظه وعمل الاسعافات الاوليه لحين نقل المريض إلى المستشفى أو الرعايه المركزه.

عياده إستشارى الرعايه المركزه والحالات الحرجه لأمراض الباطنه الحرجه والقلب 🫀

25/03/2026

المريضه بتاعتنا النهارده عندها 38 سنه مشكلتها معاها من فتره وبدأت تزيد معاها فى العيد مع #نهجان من أقل مجهود

بدأنا الفحص كالعاده قيسنا ضربات القلب ونسبه الأكسجين في الدم كانوا تمام بنقيس الضغط لقيناه عالى 180/110 😥
بنقيس السكر لقيناه عالى 430 وهى متعرفش إنها مريضه ضغط وسكر قبل كده 😥

عملنا رسم قلب وطلبنا فحوصات علشان نستكمل خطه العلاج وحددنا مواعيد المتابعات والحمد لله الأمور بدأت تستقر

الآلام المعده والنهجان كانوا مؤشر بسيط لارتفاع الضغط والسكر 😥

مش كل الآلام بالمعده بيكون أساسها المعده ومش كل احساس بالنهجان بيكون عادى .. الفحص الطبي المبكر بيفرق كتير ..

دمتم دائما بعافية وخير 🌹


🏨 بنى سويف ميدان حارث بجوار النساجون الشرقيون أعلى صيدليه التوحيد
للحجز والاستفسار 01144260899 ... 01031711058

Address

بني سويف . . , ميدان حارث بجوار النساجون الشرقيون أعلي صيدلية التوحيد
Beni Suef

Website

Alerts

Be the first to know and let us send you an email when Dr Amany fathy-د.أماني فتحي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category