El-Badawy Pharmacy

22/03/2026

موجود الان ❤️🌹

19/03/2026

16/03/2026

يارب اللهم امين ❤️❤️

16/03/2026

نصايحي كصيدلي ليك...!
---------------------------

لو فيه نصايح اقدر أقدمها للناس بعد اكتر من 25 سنة في العمل الصيدلي فهتكون خلاصتها كالتالي:
1- تجنب سلاسل الصيدليات قدر الامكان..ناس كتير بتعتقد أنه أضمن وأوثق لها انها تجيب أدويتها من صيدليات شهيرة ..والحقيقة ان دة على عكس الواقع تماما
فالى جانب عدم قانونيتها فكثيرا ما يعمل بها صيادلة ضعيفة الخبرة أو مساعدين غير مختصين يظهرون في مظهر الصيادلة
2- تجنب اي صيدليات تعلن عن خصومات على الأدوية تماما
فغالب هذه الصيدليات للاسف الشديد أصحابها لا يتورعون عن التعامل في الأدوية المغشوشة ومنتهية الصلاحية المعاد تدويرها أو أدوية التأمين الصحي والأدوية المرتجعة من مرضى سابقين
أو يزيدون في تكلفة الروشتة واعادة الخصم منها...
حتى اذا كانوا صيادلة يتصنعون الخلق والتدين والوقار كما يرد علي البعض...فهل رايت من النصابين غير ذلك؟!

(للعلم: هامش ربح الصيدلي من الاساس من الأدوية السليمة الشرعية لا يسمح له باعطاء أي خصومات خصوصا المبالغ فيها ك10% وغيره)

3-تعامل مع اقرب صيدلية لمنزلك يكون فيها صيدلي ثابت واجعلها صيدليتك الخاصة...الأمر المهم جدا للحفاظ على صحتك أولا ولراحتك ثانيا
طب ايه أهمية ده لصحتك:
1- انك تكون ضامن ان اللي بيصرفلك علاجك صيدلي فعلا مش اي واحد واقف في صيدلية
2- الصيدلي هيكون متابع حالتك المرضية والأدوية اللي بتتكتبلك من الأطباء(باختصار عارف تاريخك المرضي والدوائي بالضبط) فهيراجع معاك اذا كانت الأدوية مناسبة ليك او لا..وبتتعارض مع اي ادوية تانية بتاخدها أو مكررة لديك أم لا (ودة من أشهر الكوارث الطبية اللي بتحصل..تناول أكثر من دوا مثيل في وقت واحد)
أما بالنسبة لراحتك
3- سيكون الصيدلي مراعيا لتوفير دواءك باستمرار فلا تعاني من ظاهرة نقص الأدوية واللف والبحث عنها لأنه هيبقى عامل حسابك فيها

4- احرص على صرف دواءك بنفسك واجعل ارسال الأشخاص لاحضاره لك في اضيق الحدود خصوصا عند صرف روشتتك لأول مرة لكي تراجع حالتك مع الصيدلي وتعرف الاستخدام الصحيح للدواء

آخر شيء..قد يجبرك بعض الأطباء للأسف لصرف الدواء من صيدلية معينة أو صيدلية قريبة منه بحجة مراجعته للدواء...فاذا كان لا مناص من ذلك..فعليك حتى بعد شراءك للدواء مراجعته مع الصيدلية القريبة خاصتك للتأكد من مناسبته لحالتك
الحقيقة اننا في الفترة دي وللأسف الشديد نعاني كثيرا من تدنى مستوى الكثير من الأطباء الجدد والصيادلة الجدد لعوامل كثيرة ... يمكن أبرزها ظاهرة الغش في الثانوية العامة وانتشار ظاهرة الكليات الخاصة
فأصبح المريض في حاجة لخطوات متعددة لمراقبة صحته وعدم جعلها في يد واحدة قد تكون دون الكفاءة المطلوبة فتعبث بها
من الواجب علينا كمجتمع أن نزيد من وعي الناس بصحتهم وطرق الحفاظ عليها وأن نحجم تلك المآسي قدر الامكان
والله المستعان وهو الهادي الى سبيل الرشاد ❤️

14/03/2026

🛑 لو حاسس بتكسير وتعب غريب آخر رمضان..
جسمك مش كسلان، جسمك "ناقص" عنصر واحد فقط! 🩺⚠️

​بقالنا 24 يوم صايمين.. الطبيعي إن جسمك اتعود، لكن اللي بيحصل العكس تماماً! فجأة بقيت حاسس إن عضمك متكسر، قلبك ضرباته سريعة مع أقل مجهود، وتركيزك ضايع لدرجة إنك مش قادر تكمل التراويح.
​كصيدلى هقولك الحقيقة الصادمة:
⛔️ ده مش كسل، ده "استنزاف خلوي". جسمك خلص مخزون الطوارئ من 3 عناصر هي "وقود الحياة"، ومن غيرهم أنت بتمشي بالقدرة الإلهية فقط!

​🧪 المثلث المرعب لنقص الطاقة (الزتونة العلمية):

• ​لغز المغنيسيوم (الموتور المحروق): 🧠 لو عندك شد عضلي في السمانة، أرق، أو "رفة" جفن العين.. مخزونك صفر! المغنيسيوم هو المسؤول عن إنتاج عملة الطاقة في خلاياك (ATP). من غيره، جسمك عبارة عن جهاز واصل بالكهرباء بس الموتور مش قادر يلف.
• ​الإنقاذ: مكمل "مغنيسيوم جليسينات" أو حفنة لوز نيء في السحور هي "الباور بانك" الحقيقي لأعصابك.

• ​فخ البوتاسيوم (كهرباء القلب): ❤️ نهجان مع أبسط حركة؟ ده نقص بوتاسيوم حاد. الصيام بيستهلك المعادن، والبوتاسيوم هو اللي بيظبط "مضخة الخلية". نقصه بيخلي دمك يهرب من أطرافك وبتحس بـ "ثقل" غريب في جسمك وكأنك شايل جبل.
• ​الإنقاذ: حبة بطاطس مسلوقة (بقشرها) أو موزة في السحور بتشحن "كهرباء القلب" فوراً.

• ​الجفاف التراكمي (الدم الثقيل): 🩸 إحنا مش بنعطش في يوم.. إحنا "بنجف" بالتدريج. قلة السوائل بتخلي دمك "لزج" وثقيل، فالقلب بيبذل مجهود جبار عشان يوصل أكسجين للمخ. ده سر الصداع "الضبابي" اللي مابيروحش بالمسكنات.
• ​الإنقاذ: المية لوحدها "ميتة"؛ حط ذرة ملح هيمالايا على مية السحور عشان خلاياك تمتصها وتدخل "جوه" الأنسجة بدل ما تنزل في الحمام.

​✅ بروتوكول "إعادة الإنعاش" (3 خطوات فورية):

• ​الخطوة 1: ابدأ فوراً بمكمل "إلكتروليتات" (Electrolytes) أو مالتي فيتامين غني بالمعادن بعد الفطار بساعتين لتعويض ما تم استنزافه.
• ​الخطوة 2: ممنوع كافيين في السحور! القهوة والشاي في السحر هي "حرامية المعادن"؛ بتطرد البوتاسيوم والمغنيسيوم من جسمك وتزود إجهادك تاني يوم.
• ​الخطوة 3: طبق "سلطة خضراء" عملاق (جرجير، خيار، كرفس). ده مش أكل، ده "محلول جفاف طبيعي" بيغذي خلاياك بالتدريج طول نهار رمضان.

02/03/2026

https://www.facebook.com/share/v/18NGpEoCMP/

26/02/2026

موجود شريط واحد تاريخ 3/2026 سعره 70 جنيه بدلا من 109 جنيه

26/02/2026

موجود 2 شريط تاريخ 3/2026 سعرهم 50جنيه

25/02/2026

✳️ عندك أنيميا؟
طب قبل ما تجري تشتري حديد… بص في تحليل الـ CBC كويس 👀

في تريكة بسيطة جدًا هتفرق معاك في التشخيص 👇

💢 في التحليل ركّز على حاجتين بس…
ولو فهمتهم صح، هتعرف نوع الأنيميا من غير لف كتير.

🔴 أول حاجة: HB (الهيموجلوبين)
طبيعي يكون قليل في أي حالة أنيميا…
لكن ده مش بيقولنا السبب.

يعني إنت عرفت إن في أنيميا…
لسه ماعرفتش نوعها.

🟡 هنا بقى تيجي التريكة المهمة 👇

🔬 تاني حاجة تبص عليها: MCV
وده اختصار Mean Corpuscular Volume
يعني حجم كرات الدم الحمراء نفسها.

📏 الطبيعي من 80 – 100

🔹 لو الـ MCV أقل من 80
يعني كرات الدم صغيرة الحجم
ونسميها Microcytic anemia

وأشهر سبب؟
🩸 نقص الحديد (Iron Deficiency Anemia)

ساعتها العلاج بيكون حديد… مش فيتامينات تانية.

🔹 لو الـ MCV أكبر من 100
يعني كرات الدم كبيرة الحجم
ونسميها Macrocytic anemia

وأشهر سبب؟
نقص فيتامين B12
أو نقص حمض الفوليك
وأحيانًا الاتنين مع بعض

ساعتها الحديد مش هيحل المشكلة
لازم تعالج بفيتامين B12 أو Folic acid حسب السبب.

💡 الخلاصة:

مش كل أنيميا تتعالج بحديد.
ومش كل تعب ودوخة معناهم نقص حديد.

اقرأ الـ CBC صح…
هتوفر على نفسك علاج غلط،
ووقت ضايع،
وأعراض بتطول بدون داعي

25/02/2026

#مصر مبيعات الادويه ٢٠٢٥
مؤسسه IQVIA المتخصصه في تكنولوجيا المعلومات الصحيه اصدرت تحليل علي سوق الادويه في مصر .
التقرير قال أن مبيعات الدواء فى مصر عام ٢٠٢٥ وصل الي ٢٩٢ مليار جنيه للبيع الحر بدون ادويه القوات المسلحه والداخليه ومناقصات وزاره الصحه وتعاقدات هيئه الشراء الموحد .
أظهر التقرير اول ١٠ شركات في السوق .
المركز الاول شركه فاركو ١٤ مليار جنيه . المركز الثاني شركه سانوفي الفرنسيه ١٢ مليار جنيه . المركز الثالث شركه امون ٩ مليار و ٩٠٠ مليون جنيه ثم شركه ماركيرل ٨ مليار و ٣١٥ مليون جنيه ثم شركه نوفارتس ثم ابيكو ثم ايفا ثم جلاكسوا ثم المهن الطبيه ثم المركز العاشر الحكمه ب ٦ مليار و ٤٥٠ مليون جنيه .
أظهر التقرير ان سوق الدواء حقق نمو ١٢% اكبر الأسواق نمو في مصر كما أظهر ان نسبه القطاع العام ل ٨ شركات اقل من ١٠ % وان تعداد المصانع المعتمده تجاوز ٢٠٠ مصنع مع وجود عدد اخر ينتظر الاعتماد وان هناك ١٦ شركه تمتلك أكثر من مصنع وانا مبيعات اول ١٠٠ شركه أظهرت تقدم وزياده المبيعات عام ٢٠٢٥ عن عام ٢٠٢٤ . كما أظهر التقرير أرقام اخري سيتم تحليلها في بوست اخر .
شركه IQVIA تعمل في مجال الأبحاث الإكلينيكيةبعد اندماج كوانتيليز و شركه أي إم أس العالميه المهتمه بمبيعات الادويه سابقا .