03/04/2019
حمل التوائم
حمل التوائم يعنى الحمل بأكثر من طفل , اثنين فأكثر,اشهرهم الثنائى.
فى حمل بيبقى:
1- فى كيس حمل واحد : و دول بيبقوا من نفس البويضة و اتقسمت بعد الاخصاب , و ده التوأم المتماثل شكلا و جنسأ, و ده بنعتبره حمل خطر لأن ليه مضاعفات كتير...
2- فى اكثر من كيس حمل و ده 2 بويضة منفصلين و2 حيوان منوى منفصلين و حصل الاخصاب فى نفس الوقت , و ده التؤأم المتآخى اللى بيختلفوا فى الشكل و ممكن يختلفوا فى الجنس و النوع ده فيه مضاعفات على الجنة و الام اقل من النوع السابق.
اما التؤام المتماثل ف ممكن :
1- يشترك الاجنة فى المشيمة و ده النوع الاخطر و ده نوعين :
-مشتركين كمان فى كيس المياه و ده النوع الاخطر على الاطلاق
- منفصلين فى كيس المياه
2-لا يشتركو فى المشيمة و ده نوع اقل فى الخطورة زى التؤأم المتآخى
تحديد الانواع دى كلها لازم يتم بدقة بالسونارو فى اشهر الحمل الاولى الثلاثه لأن بعد كده الموضوع بيتداخل و يبقى صعب على الدكتور تحديدة و ده بيأكد اهمية المتابعة الدقيقة لحالات حمل التؤام اكتر من الحمل الطبيعى .....
