07/09/2025
الكلام ده مهم ..
النهارده هيحصل خسوف للقمر ، الخسوف مش ظاهرة طبيعية للاستمتاع و التصوير .
الخسوف من آيات التخويف اللي بيخوف الله بها الناس ليرتدعوا عن أخطائهم و معاصيهم .
و من رحمة الله بعباده المؤمنين إنه شرّع لينا في الوقت ده صلاة حتى نطمئن و نستغفر ♥️
الخسوف هيبدأ في مصر الأحد الساعة ٧:٢٧ مساء و هينتهي الساعة ١٠:٥٦ و الله أعلم على حسب ما ذكر الأزهر الشريف
و المساجد هتتفتح للصلاة ، يجوز صلاتها في جماعة ، فا جميل انك تجتمع مع اخوانك و تصليها في المسجد ♥️
الصلاة تتصلى ازاي ؟
عددها ركعتين
الركعة الأولى هنعمل الآتي :
هنقرأ الفاتحة و بعدين قراءة طويلة لأي سورة
و بعدين نركع و بعدين نقوم من الركوع و نبدأ قراءة الفاتحة مرة تانية و نقرأ سورة مرة تانية و بعدين نركع و نقوم من الركوع و بعدين نسجد السجدتين .
و بكده نكون خلصنا اول ركعة ..
هنكرر نفس الخطوات في الركعة التانية .
المفروض نطول في القراءة على أد ما نقدر الأفضل طول وقت الخسوف ،
و القراءة في الركعة الاولى تكون اطول من التانية .
الله يرحمنا و يعفو عنا و لا يؤاخذنا بما فعل السفهاء منا ") .
