https://www.facebook.com/100326279487230/

Psychological counseling_استشارات نفسية D.Eriny, shobra, Cairo (2025)

29/04/2025

📌تنويه للأهمية:-
أنا بعتذر لكل اعضاء الصفحة المتابعين ليا و للناس اللي بقالها فترة بتحاول تكلمني عشان تحجز جلسات اون لاين وانا برفض
🛑 حابة بس أوضح السبب عشان محدش يقول حضرتك ازاي دكتورة واستشاري نفسي وبترفضي تحجزي جلسات.
أولاً: أنا مش برفض احجز جلسات اون لاين بدليل أن ف كل منشوراتي بعلن عن وجود جلسات اون لاين بالفعل ولكن فيه شروط.
ثانياً: الناس اللي بتبعتلي عالواتساب الخاص بيا عشان تحجز أنا موضحة ف المنشورات أن حجز الأون لاين هيكون من خلال الخاص بتاع الصفحة مش على رقمي الخاص.
ثالثاً: من ضمن شروط حجز جلسات الأون لاين واهمها أن الجلسات الأون لاين مقتصرة فقط على البنات والسيدات♀️ من عمر ١٦-٥٠سنة وده لأسباب كتيرة أهمها عدم التزام الشباب والرجال بشروط الجلسة وخروجهم عن حدود وظيفتي والتحدث بصورة وكلام غير مناسب وغير لائق🚯.
رابعاً: طب حضرتك هتيجي تقولي أنا مش زي الباقي وانا فعلاً تايه أو محتاج اتكلم مع استشاري نفسي هقولك قريب جدا هعلن عن المكان الجديد للعيادة وتقدر وقتها تحجز وتشرفني معنديش اي مشكلة .
خامساً: بالنسبة لأي حد هيبعت على الرقم الخاص بيا بحجة أنه عايز يحجز جلسة ويتطرق لأي نوع من أنواع الكلام الخارج هيتعمله بلوك ومش بس كده هيتم حذفه من الصفحة وإبلاغ مباحث الانترنت عنه وبرقمه وبالشات بتاعه.
أنا هرفع البوست ده عالصفحة والجروب وبعد كده هيتم حذف ناس كتير من عالصفحة .
بعتذر🙏 عن الإطالة بس الموضوع بقى مستفز اوي وبيتكرر كتير والواحد مش فاضي للعقول المرضية دي.

29/04/2025

التربية الجنسية للولد هي جزء مهم من تربيته السليمة، ويجب أن تبدأ منذ الصغر بطريقة تناسب عمره ومستوى فهمه. الهدف هو بناء وعي صحي وسليم حول الجسد والعلاقات وحدود الخصوصية، مع ربطها بالقيم الدينية والأخلاقية.

متى تبدأ؟

تبدأ التربية الجنسية بشكل غير مباشر منذ الطفولة المبكرة، من خلال تعليم الطفل أسماء أعضاء جسده بطريقة صحيحة، وتعليمه حدود الخصوصية، ثم تتطور تدريجياً مع نموه، بحيث تتناسب المعلومات مع عمره:

من 2 - 5 سنوات:

تعريف الطفل بأسماء أعضاء جسمه بشكل علمي دون خجل أو حرج.

تعليمه مفهوم "الخصوصية"، مثل عدم السماح لأحد بلمس أعضائه الخاصة.

غرس فكرة أن جسمه ملك له، وأنه يجب أن يخبر والديه إذا شعر بأي تصرف غير مريح.

من 6 - 9 سنوات:

شرح الفرق بين الذكر والأنثى بشكل مبسط.

تعليمه القيم الدينية مثل أهمية الحياء، وعدم اظهار اي عضو من أعضاء جسمه أمام أي شخص .

الحديث عن التصرفات غير اللائقة، مثل التحرش، وكيفية حماية نفسه منها.

من 10 - 12 سنة (قبل البلوغ):

تجهيز الطفل لموضوع البلوغ، وشرح التغيرات الجسدية التي سيواجهها، مثل نمو الشعر وتغير الصوت.

التحدث عن الطهارة، والاغتسال بعد الاحتلام، والصلاة.

توضيح المشاعر الجديدة التي قد يمر بها تجاه الجنس الآخر وكيفية التعامل معها بضبط النفس والالتزام بالدين.

بعد 13 سنة (مرحلة المراهقة):

الحديث عن العلاقات بين الجنسين، وحدود التعامل وفقًا للقيم الدينية.

التوضيح أن هناك شهوات طبيعية، لكن يجب التحكم بها وفق تعاليم الدين.

شرح مخاطر العلاقات غير الشرعية، والمفاهيم الخاطئة التي قد يواجهها في المجتمع أو عبر الإنترنت.

من المسؤول عن التربية الجنسية؟

الأب: هو المسؤول الرئيسي عن توضيح الأمور الخاصة بالذكور، خاصة عند اقتراب البلوغ. يمكنه الحديث عن التغيرات الجسدية، العادات الصحية، وأحكام الطهارة والاحتلام.

الأم: تلعب دورًا في التوجيه العام، خاصة في المراحل المبكرة، مثل تعليم الطفل عن الخصوصية والحماية من التحرش.

التكامل بين الأبوين: من الأفضل أن يكون هناك تفاهم بين الوالدين حول كيفية تقديم المعلومات بطريقة مناسبة ومترابطة، بحيث يشعر الطفل بالراحة للحديث مع أحدهما عند الحاجة.

نصائح مهمة:

استخدم لغة واضحة وصحيحة: لا تستخدم ألفاظًا غامضة أو محرجة، بل قدم المعلومات بشكل علمي وديني.

اجعل النقاش طبيعيًا: لا تجعل الموضوع يبدو مخيفًا أو محرجًا، بل تحدث بطريقة هادئة ومريحة.

ركز على القيم والأخلاق: اربط التربية الجنسية بالدين والحياء، وعلّم طفلك أن هذه المعلومات لمساعدته على فهم نفسه بطريقة صحيحة.

استمع لطفلك: إذا طرح أسئلة، أجب عليها بصدق ولكن بما يناسب عمره. لا تعطه معلومات أكثر مما يحتاج.

احذر من الإنترنت والمجتمع: احرص على أن يكون طفلك يحصل على المعلومات منك، بدلًا من أن يتعلمها من مصادر خاطئة أو غير موثوقة.

التربية الجنسية جزء من التربية بشكل عام عشان نضمن أن ولادنا يعرفوا ازاي يحافظوا على نفسهم ويعيشوا ف امان.
#توعية #تربيةجنسية
‏

• For Questions or Reservation please send a Message inbox 📥

•Now Sessions are available Online.

23/03/2025

الطفل العنيد ليس مشكلة يجب حلها، بل شخصية تحتاج إلى فهم وتوجيه.

الأبحاث تشير إلى أن الأطفال العنيدين غالباً ما يصبحون بالغين ناجحين ومستقلين، بشرط أن يتعلموا كيفية إدارة إرادتهم القوية بشكل صحي.

كيف تتعامل مع الطفل العنيد بذكاء دون أن تحوله إلى شخص متمرد أو ضعيف الشخصية؟

خطوات عملية مثبتة علمياً للتعامل مع الطفل العنيد:

1. طبق "نظرية العقل" – افهم سبب العناد قبل معاقبته

العناد غالباً ليس تحدياً لك، بل تعبير عن حاجته للشعور بالاستقلالية.
في دراسة نشرها معهد التنمية البشرية، وُجد أن الأطفال الذين يشعرون أن قراراتهم محترمة يكونون أكثر تعاوناً على المدى الطويل.

الحل: بدلًا من قول "يجب أن تفعل هذا فوراً!"، اسأله "ما الذي يجعلك ترفض؟ أخبرني بفكرتك."

2. استخدم "لغة الاحترام" بدلاً من الأوامر

الطفل العنيد حساس جداً للطريقة التي يتم التحدث بها إليه. كلما زادت الأوامر المباشرة، زاد تمسكه برأيه.

الحل: استبدل "يجب أن تأكل الآن!" بـ "هل تريد أن تبدأ بالخضار أم الفاكهة؟"

3. طبق مبدأ "التفاوض الذكي"

دراسة من جامعة هارفارد أكدت أن الأطفال الذين يُمنحون فرصة للتفاوض يتعلمون مهارات حل المشكلات والتفكير النقدي بشكل أسرع.

الحل: إذا رفض الطفل النوم، لا تقل "نم الآن!"، بل جرب "ما رأيك أن تقرأ قصة قصيرة ثم تنام؟"

4.كن قدوة في ضبط النفس – العقل اللاواعي للطفل يراقبك دائماً

الطفل لا يتعلم من الكلام بل من الأفعال. إذا كنت سريع الغضب وديكتاتورياً، فلا تتوقع منه أن يكون متعاوناً.

الحل: عندما تشعر بالغضب من رفضه، خذ نفساً عميقاً، وقل له "أنا أشعر بالغضب الآن، لذا سأهدأ قليلاً قبل أن نتحدث."

5. استخدم "التوجيه الإيجابي" بدلاً من العقاب

العقاب المتكرر يجعل العناد أقوى، بينما التوجيه الإيجابي يبني الوعي الذاتي والسلوك المسؤول.

الحل: بدلاً من معاقبته على عدم ترتيب غرفته، قل: "أنا فخور بك لأنك رتبت ألعابك الأسبوع الماضي بنفسك. دعنا نفعلها معاً الآن."

الطفل العنيد اليوم يمكن أن يكون قائداً ناجحاً غداً، فقط إذا تم توجيهه بالشكل الصحيح. تعامل معه كشريك في صنع القرار وليس كتابع لك. الأسلوب الذي تستخدمه اليوم سيحدد كيف يرى نفسه في المستقبل… فكن واعياً في توجيهه!

• For Questions or Reservation please send a Message inbox 📥
•Now Sessions are available Online

15/02/2025

حاسس بخنقة...مش قادر تتكلم...
مفتقد للطاقة والشغف...
حاسس بالخوف والقلق والتردد...
حاسس بالوحدة...بتلوم نفسك باستمرار ...
مش واثق في نفسك ....بتلوم الناس والظروف...
عايش مستني يومك يعدي....الوقت تقيل على قلبك...
مش عارف اهدافك....بتصحى ومش عارف عايش ليه...
مش عارف تنظم وقتك...عندك تشتت انتباه طول الوقت...
عندك عادات وسلوكيات كتير سيئة....بتتعلق بناس مؤذية....علاقاتك دايما بتفشل....حاسس باليأس والاحباط ....شايف ان مفيش حل...

كل دي أعراض عامة شائعة بس اطمن كل دا سهل يتحل
الفكرة أنك محتاج إرشاد ومساعدة ...ونقدر نقدملك المساعدة عن طريق جلسات علاج نفسي وسلوكي او إرشاد أسري حسب الحالة...
(لايوجد علاج دوائي)..
💥مفاجأة العام الجديد ‏ 2025
متاح جلسات اونلاين 🔥🔥
✍🏻تواصل معنا على واتساب للحجز او الاستعلام
01277976991

• For Questions or Reservation please send a Message inbox 📥

•Now Sessions are available Online.

✍🏻

14/02/2025

مراتك شبعانه؟ !! 🤔

دايما اسئل نفسك... مراتي شبعانه؟!

مراتك شبعانه منك؟
شبعانه حب حقيقي منك ولا انت جوزها اللي طلعلها ف البخت وابو العيال وخلاص!

شبعانه من الكلام معاك ومن النقاش والضحك ولغة الحوار بينكم ولا دايما بتسئل نفسها هو ليه مافيش بينا لغة حوار ؟! ليه بتحس انك ممكن تتكلم وتتناقش وتضحك وتهزر مع كل الناس وتيجي عندها وتفضل ساكت وحاطط وشك ف وش الموبايل !
شبعانه سؤال واهتمام وحنية وطبطة واحتواء منك... ولا من السنه للسنه لما بتاخد بالك من حاجه ف شكلها او لابسها! او مش بتفكر تعمل حاجة تبسطها وترضيها او مش بتعرف تطبطب عليها وتحتويها وقت زعلها ؟!!

شبعانه من تشجيعك ليها سواء فالشغل أو البيت أو حتى تربية الولاد ولا بتشوف نجاحها ف عيون الناس الا انت!
شبعانة من وجودك جنبها وقت تعبها وزعلها وداعمك ليها ولا تفضل مستنية تسمع اي كلمة حلوة ولا اي دعم من اي حد إلا أنت ؟!
مراتك لازم ميكونش ناقصها حاجه تروح تدور عليها برا 🚫
زي مابتركز ف شكلك و شغلك وعرابيتك واحتياجاتك ركز ف تفاصيل مراتك و اهتم بأهتمامتها مراتك هي جيشك الوحيد وسندك لحد آخر الطريق تستاهل انك تتعب عشانها وعشان تبسطها وتحافظ على وجودها وصحتها النفسية ❤
اسئل نفسك كل يوم... انا مالي عين مراتي!!؟

• For Questions or Reservation please send a Message inbox 📥

•Now Sessions are available Online.

13/01/2025

في ديون بتفضل متعلقه في رقبة صحابها
زي دين شخص طفي عمر شخص تاني.!

10/01/2025

الموضوع ده بقا منتشر جدا وهقول تاني
📍مش كل الرجالة بتعرف إزاى تسعد مراتها وتخليهم مبسوطين فى حياتهم إحنا عملنا إستطلاع رأى ورجعنا ببعض النقط اللى أجمع عليها معظم الستات وقالوا إنها بتكون من أسباب سعادتهم وبتخلي حياتهم الزوجية أفضل .

1 . مراتك مش زنانة بقدر ما هى صبورة على " ذاكرتك الضعيفة " وكسلك بالتالى الحاجة اللى بتقولها كذه مرة بتقولها عشان إنت معملتهاش ولا مرة عشان كده حاول لما توعد بحاجة تعملها على طول لأن ده بيأثر بالإيجاب على علاقتك بمراتك وثقتها فى وعودك وبالتالى سعادتها وسعادتك .

2 . الستات بيحبوا يشتروا هدوم مش مهم بكام المهم يخرجوا ويقيسوا ويلبسوا حاجة جديدة حاول فى قدر إستطاعتك كل ما يبقى متوفر معاك فلوس إنك تفرحها بجملة " ما تيجى ننزل نشترى هدوم " وراقب الإبتسامة العريضة اللى هتبقى على وشها .

3 . وقتك مهم ومفيش أهم من مراتك تضيعه معاها حاول بقدر الإمكان تتفرغ وتقعد مع مراتك كل يوم ساعة او اثنين تتكلموا وتضحكوا وتهزروا حتى ولو عندك شغل طول اليوم وبترجع تعبان لأن خد بالك بعد فترة من الروتين اليومى بتاع شغلك بتبتدى علاقتكم الزوجية تتحول لعلاقة رتيبة مملة محفوظة وده أسوء حاجة ممكن تتمناها

4 . المفاجأت هى 90% من سعادة مراتك وسعادة حياتك الزوجية كلها أى مفاجأة مهما كانت صغيرة بتفرق وبتخلى مراتك تحس إنك عايز تسعدها والستات بطبيعتهم عاطفيين وده بيخلي مراتك عايزة تديلك عينيها الإثنين بالتالى المفاجأت والهدايا هى مكسب متبادل ليك وليها فمتنساش على الأقل مرة فى الشهر تعملها مفاجأة أو تجيبلها هدية صغيرة .

5 . متنساش إن مراتك دايماً أحلى واحدة وأجمل واحدة ومفيش غيرها يملى عينك وده مش كلام لازم يكون أفعال وتحسسها بيه كل شوية أه الستات بيحبوا يسمعوا منك الكلام اللى دايماً يحسسهم إنهم مش مقصرين وماليين عليك حياتك فـ متستخسرش تعبر ليها عن حبك كل فترة إن مكانش كل يوم بكلمة أو جملة بس متبالغش عشان كلامك يبقى دايماً طالع من القلب

6 . الستات مش نكديين ولكنهم عاطفيين زيادة حبتين بالتالى كل التفاصيل والمواقف اللى بتمر عليك عادى هما بتعدى على قلبهم وبيتأثروا بيها عشان كده حاول تستوعب مراتك لما تلاقيها زعلانة زيادة عن الطبيعى بسبب شئ ما وإقعد إتكلم معاها وخليها تفضفض وتقول اللى مزعلها وهى خلال 5 دقائق هتلاقيها إبتدت تخرج من الحالة دى لأنها حست إنك مهتم مش أكثر

7 . ريح مراتك على قد ما تقدر زى ما كلنا عارفين إن الست مش ملزمة إنها تنضف ولا تعمل أكل فى بيتها ولكنها بتعمل كده تفضلاً منها وتقدير لتعبك ومجهودك اللى إنت بتبذله فى الشغل عشان تخليها مبسوطة لكن بقدر الإمكان حاول فى يوم تجيب أكل معاك من بره وتخليها متعملش غذاء ، إعذمها عالغذاء بره ، لو بتعرف تطبخ إعمل إنت الغذاء مرة ساعدها فى تنظيف الشقة أو على الأقل متكونش سبب فى زيادة الحمل عليها .

البوست ده الهدف منه إنك كراجل تعرف إيه اللى بتعمله وتحافظ عليه وإيه اللى مبتعملوش وتحاول تعمله كل النصائح دى أجمع عليها معظم الستات طبعاً فى طرق وأفكار تانية كثير وهتختلف من شخص للثانى ولكن أهم حاجة إنك دائماً تكون بتفكر إزاى تشوف مراتك سعيدة وأخر نصيحة ليكم إنتوا الإثنين ...

* متناموش زعلانين من بعض مهما حصل
#ارشادـاسري

• For Questions or Reservation please send a Message inbox 📥

•Now Sessions are available Online.

28/08/2024

فيه نوع من الرجالة منتشر أوي أوي.. يكاد يكون متفشي في الزمن ده إسمه
" #الراجل ـ #الأناني"..
وده مش مجرد طبع وحش في العلاقات.. ده بيخرب أي علاقة وأي بيت.. ومشكلته إنه مش بيتعرف إلا بعد مدة من الإرتباط..

الراجل ده ليه علامات ودلالات بتبان في كلامه وفي حواراته وطريقته..

الأناني طول مانتي مش في ايديه هو بيتودد وبيجري وراكي. لحد ما يمتلكك وبعدها يسيبك لأنه ضمن وجودك..

الأناني دايما يطلع عندك مشكلة ما.. ويقولك انك اللي عندك مشكلة ويحسسك انه مستحملك بالعافية..

الأناني بيعملك عقد نفسية ويشكك في نفسك دايما ويخليكي تحسي احاسيس غريبة عمرك ما حستيها غير معاه وممكن تكرهي نفسك..

الأناني واحد متصالح مع نفسه وعنده ثقة كبيره انه صح.. فبالتالي لما تشوفيه بيتعامل معاكي بثقته دي بتحسي انك انتي اللي غلط.. حتي لو صح..

الأناني عايزك دايما تمشي ورا دماغه ورغباته.. وتسمعي كلامه وغير قابل للمشاركه..

الأناني بيحب السيطرة عليكي وبيحب يشوفك مكسورة دايما تحته.. هو مش سادي بس بيحب يشوف انه مسيطر..

الأناني مش عارف إنه أناني.. هو شايف انه صح.. عايز واحدة تعوضه وتديله كل حاجة في سبيل انه هيبقي معاها بس..

الأناني شخص يبان كويس جدا في العلاقات العامة وممكن يكون اجتماعيا ممتاز والناس كلها بتشهد ليه.. لكن مع شريكته مؤذي نفسيا..

الأناني محب للتلمك بطبعه.. وطول ماهو ضامن وجودك هيهمشك..

الأناني محب لنفسه وشايف بينه وبين نفسه انه كان كتير عليكي أوي..

الأناني مش بيحب يديلك اي حاجة إلا وياخد قصادها حاجة..

الأناني ما بيسألش عليكي من نفسه.. لأنه ما بيسألش إلا لو عايزك انتي تسألي..

الأناني بيدور علي أكتر حاجة توجعك ويعرفها عشان يقدر بعد كدا يضغط عليكي بيها وياخذك لنفسه..

الأناني يبان إنه طيب.. وحد تحبي تكملي معاه في البدايات لأنك هتحسي إنه بيغير عليكي.. لكن هتعرفي في الآخر ان ده تملك مش غيرة..

الأناني بيقضي عليكي عشان تبقي في الآخر نسخه منه.. ونسخه ليه لوحده غير قابله انك تكوني نسخه خاصة لنفسك..

الأناني غير مهتم لتفاصيل عيلته ولا ولاده ولا بيهتم بحد غير رغباته ونفسه بس..

الأناني بيحب الناس اللي برا أكتر من حب عيلته وأولاده.. لحد ما يمتلكهم ويضمن وجودهم..وبعدين يدور على ناس تانية..

الأناني متبلد الإحساس وغير قابل للزعل او الإحساس بالغير.. ف إنتي لو زعلتي يستعجب إنتي زعلانه ليه..

الأناني مش مجرد فرد في مجتمعنا.. الأناني حالة موجودة عند ناس كتيرة فرضتها علينا أفكار تربوية كتيرة وتفضيل الأولاد على بعض وضغوطات الحياة..
‏

• For Questions or Reservation please send a Message inbox 📥

•Now Sessions are available Online.

17/08/2024

في العلاقات السوية المشاعر لا تُبرر ..!

مفيش شخص مضطر يبرر مشاعره أو يُسأل عن أسبابها .. يعني ماينفعش أكون بتضايق من حاجة معينة والطرف الآخر اللي بتعامل معاه يقولي ليه بتضايق من كده ؟! ببساطة الإجابة "هي بتضايقني" وبالتالي الطرف الآخر المفروض يتقبل مشاعري حتى لو مش فاهمها أو مش مقتنع بيها ..
طالما حد قالي مش بحب حاجة أو بيكره حاجة معينة يبقى المفترض أنا أحترم مشاعره وماعملش الحاجة اللي بتضايقه من غير نقاش وجدال كتير .. وفي المقابل المفروض هو يعمل كده معايا ..
مش لازم الحاجة اللي بتكون بتضايقك أكون بتضايق أنا كمان منه .. ولا شرط الحاجة اللي بتحبها أكون أنا كمان بحبها .. لازم نفهم أن تكوين كل شخص ونفسيته وأحاسيسه وانفعالاته بتختلف وممكن تكون متغيرة كمان عند نفس الشخص حسب مراحل حياته وظروفه ..
ملخص الموضوع هو إن من حق الطرف الآخر إنه يعرف أنا بحب ايه ومابحبش إيه .. لكن مش من حقه إنه يفرض عليا إنه يقتنع بمشاعري أو إن مشاعره تكون مشابهة لمشاعري .. ومن حقي إنه يحترمها زي مانا هحترم مشاعره .. مهم جداً نفهم إن المشاعر تُطرح ولكن لا تُبرر ..
تحترم لا تقابل بتهام
#احترامـالمشاعر
#المشاعرـلاـتبرر
‏

• For Questions or Reservation please send a Message inbox 📥

•Now Sessions are available Online.

15/08/2024

Reviews🥰💪

14/08/2024

مش تضحية،
الناس من وجع القلب
تقريبًا نسوا إن الحب والارتباط
والخطوبة والجواز،
كل ده هدفه إن حياتك تبقى أحسن،
روحك تهدى وبالك يرتاح،
وتُشبَع نفسيًا وجسديًا،

مش عشان تتعب وتمرض نفسيًا وجسديًا.

مفيش علاقة سويّة في الدنيا بتشقّي صاحبها..
مفيش علاقة حب حقيقية يبقى كلها وجع وشد وجذب ولعب بالأعصاب،
دي علاقات مريضة..

ربنا يعافي صحابها منها في أقرب وقت، ويعرفوا إن ده مش الطبيعي..

من حق كل إنسان يطمن والله.

اللي بيقولك إنه بيحبك،
وعلى الجانب الآخر بيعمل اللي يوجعك، وأنت معرّفه إن ده بيوجعك،
مش بيحبك..
والله العظيم ما بيحبك ولا فيه منه رجا.. الاستنزاف النفسي مش تضحية،
العلاقات المريضة بتدمر صحابها وبس
‏

• For Questions or Reservation please send a Message inbox 📥

•Now Sessions are available Online.

Psychological counseling_استشارات نفسية D.Eriny

29/04/2025

29/04/2025

23/03/2025

15/02/2025

14/02/2025

13/01/2025

10/01/2025

28/08/2024

17/08/2024

15/08/2024

14/08/2024

Address

Telephone

Website

Alerts

Shortcuts

Share

Category