01/12/2024
الوعى و الحب و اثره
حابب الاسبوع ده
اشارك ايه بيحصل مع زياده الوعى
مع زياده الوعى
الصبر بيزيد
درجه تأثرك بتكون اقل و اهداء
الموجه بتقل و دهشتك بتقل من اللى عارفه
بتكون فى سكينه و نمو و قبول اكتر
مبتشوفش الايام و الساعات و السنه بنفس المنظور
بتقدر تشوف ضخامه اللحظه و محتواها فمبتعدش زهقان نفس الزهق
بتشوف المعانى فى كل لحظه عايشها
بتشوف انك و الكون حواليك حجمه اكبر من مجرد الفكره الوقتيه اللى فى بالك دلوقتى و ان مشاعرك ما هيه الا مجرد نوع تزوقك للحظه دلوقتى و الطريقه اللى استقبلتها بيها و كل ده نسبى و مبتعدش تثق فيهم ثقه عمياء و تسمح لنفسك تكون مرن مع استقبالهم و تفسيرك و انفتاحك للمتغيرات و الافكار البديله و الحلول البديله
بميعدش الاختلاف و التغير و الفقد و اللوم و الافتراء و المكسب و المفاجاءه ليهم نفس التهديد و الاثر
مبتحاولش تكون صح و لا كامل و لا صورتك عند الناس زى ما انت عايز
بتعرف تقبل النوم و الجوع و البرد و الحر و الصحيان و الالم و تختار تعمل معاهم ايه
قلقك بيكون مجرد دافع للاستعداد و التخطيط و خوفك للحمايه مش الهروب
و حزنك افتقاد مش فقد
و شوقك للتواصل مش للالم
و كرهك لتحديد ملامحك لنفسك مش لرفض الناس و لا تمنيلهم الشر
و حبك بوصله للعطاء و المسامحه و الاهتمام
و هنا حابب افرد للحب فقره
الشعور ده هتلاقيه بيتغير حجمه و معناه و شوفانك ليه مع الوقت والعمر و تجاربك و مع الالم منه وليه
لو حبيت اى حاجه او حد
اعرف انك هتتالم هتتالم ، فلو مش عايز تمر بالم اكبر فى الطريق
متحبش قوى
سهله اهو ، و اقبل خساير ده
اقبل احلام اقل ، سعاده اقل ، مشى مسافات اقل ، شراكه اقل ، ونس اقل ، صداقات ابسط ، متعه اقل ، تواصل انسانى ابسط ، بعد اسهل ، توهان اكتر ، وحده اكتر
لو تقدر تعيش كده مرتاح متحبش حاجه او حد قوى
بس محتاج الفت نظركم هتواجوا مشكله اكبر ، هتحبوا نفسكم ازاى ، مش هتتغربوا عن براكم بس ، هتتغربوا عن نفسكم كمان
متخيلين اللى مفتقد حب لاى حاجه او حد ، حجم غربته قد ايه
و احنا بقينا عايشين فى عالم قرب يكون كل حاحه سريعه و take away و online
فحتى الحب بقى سريع قوى ، عايز اكله بتحبها اطلب رقم ، عايز تشوف فيلم دوس هنا ، عايز تسمع اغنيه ، عايز تكلم حد اعمل call ، عايز متعه اتفرج
عايز كلام مفيش اسهل منه
احلم حلم سريع و هيتحقق بسرعه حتى لو مش حقيقى
فعلاقات بقى اسمها حب
بس مع كل السرعه و السهوله دى
بناء و مجهود و خبرات اقل و رغبه فى الم اقل و زهق اسرع و عدم تحمل و انهاء اسرع
مش غريبه علاقات دلوقتى بقيت بتنتهى من وهيه فى بدايتها
اما الحب الحقيقى الاصلى الاصيل
مختلف
مختلف قوى
فيه اللى عودونا فى جيلنا نتفاداه ( المجهود ، الالم ، الصبر ، الانتظار ، الصبر ، الوقت ، مفهوش take away )
الحب الاصلى هيخليك تدخل طريق و رحله
هتعيد فيها اكتشاف نفسك
دفاعاتك
مخاوفك
تروماتك
تجنباتك
جروح طفولتك
ادماناتك
حلولك السهله
سلوكياتك الاندفاعيه و هروبك
هتكتشف قدرتك الحقيقه على الحب نفسه و عطاءك و مسامحتك للاخر و لنفسك و علاقتك بربنا الحقيقه ايه بعيدا عن ماسكات المجمتع حواليك اللى لبستها عشان تنول رضاهم
فمتخيل عشان تعيش حياه فيها حب لاى حاجه او حد او لخالق هتمر بايه
السوال بقى ليه فيه ناس بتختار تمشى سكه فيها حب
الاجابه ببساطه ، الحياه حب ،
صعب تكون عشت بجد لو مدوقتش حب
و اللحظات اللى عشتها بتنمو بجد ، زى ما النبات بينمو فى حبه للشمس فالبزره بتنضغط و تنفجر و تنبت و تنقسم و تاخد طريقها للكبران
فلو عشت فى حب لربنا او لهوايه او لقيمه او لهدف او لانسان او لطفل و كان حب بجد
هتلاقى نفسك بتنمو فى رحله حبك دى بس ارمى توقعاتك الكامله المريحه السريعه
و افتح عقلك على التغير
و وقتها تروح لابعد ما تتخيل و تشوف فى نفسك مفاجاءات و تتروى بجد و تتونس ونس يكمل وسط الافتقاد و هتلاقى الوحده اختفت و الضلمه نورت و المجهود طعمه اتغير و هتلتفت للحظات فى الحياه مكنتش بتشوفها و معانى ظهرت و قيم تعيشها و متعه تواصل و اتحاد و ساعتها صعب صعب قوى تكره انسان بالكامل
فالنور و الضلمه صعب يتفقوا
#ايمانويلا
#الجزء الثالث
