28/10/2025
بتحسي بانتفاخ في بطنك معظم الوقت؟
لو فاكرة إن السبب بس في الأكل اللي بتاكليه، فـ كملي البوست لاخره وهتعرفي إن مش ده السبب الوحيد�.�إحساس الانتفاخ الدائم ممكن يكون بسبب أكتر من حاجة، زي مثلًا 👇
✅ تكيس المبايض �واللي بتسبب اضطراب في الهرمونات، وده بيخلّي الجسم يحبس سوائل بتظهر على شكل انتفاخ مستمر خصوصًا قبل الدورة.
✅ اضطراب الهرمونات أو الغدة الدرقية� لما الغدة مش بتشتغل بكفاءة، الهضم بيبقى أبطأ، فالأكل بيفضل في المعدة فترة أطول وفي النهاية بيحصل انتفاخ مصحوب بإحساس تقل في المعدة.
✅ القولون العصبي� من أكتر الأسباب شيوعًا، بيخلي البطن تنتفخ بعد الأكل خصوصًا لو فيه توتر أو لو اكلتي أكل معين بيهيّج القولون.
✅ قلة شرب المية أو الإمساك� لما الجسم مش بيوصله ماية بشكل كافي، الهضم بيبطأ، وده يخلي الغازات تتجمع وينفخ البطن.
✅ حساسية أو عدم تحمّل بعض الأطعمة (زي اللاكتوز أو الجلوتين)� لو جسمك مش بيهضم نوع معين من الأكل، بيحصل تخمّر في الأمعاء وده يسبب غازات وانتفاخ.
✅ احتباس السوائل قبل الدورة الشهرية�في الأيام اللي قبل الدورة، هرمونات الجسم — خصوصًا الإستروجين والبروجسترون — بتتغيّر.
التغيّر ده بيخلي الجسم يحتفظ بجزء من المية والأملاح، وده اللي بيخلي البطن تبان منفوخة.
بس ده ببيكون انتفاخ مؤقت، وبيتحسّن أول ما الدورة تبدأ أو بعدها بيومين لما الجسم يتخلّص من المية الزيادة دي بشكل طبيعي.
✅ نمو بكتيري زائد في الأمعاء � بيخلي الأكل يتخمر بسرعة في الأمعاء الدقيقة، وده يسبب انتفاخ وغازات بعد أي وجبة مهما كان حجمها صغير.
👈 نصيحتي ليكي، جربي تقللي الأكل المصنع والسكريات، واشربي مية كفاية. �.� ولو الانتفاخ مستمر أو بيزيد، اعملي تحليل عشان تعرفي السبب وتتعالجي بدل ما تعيشي على المسكنات.
ودمتم بصحة جيدة وحياة أفضل ❤️
#أكل_صحي_حياة_صحية
