الفكرة إيه؟ - elfekra-eh, Cairo (2026)

مين أنا ؟
أنا نرمين درست مشورة لسنين طويلة ، بحب اساعد اللى حواليا بمعلومات ففكرت في فكرة قناة علي اليوتيوب ، علشان اقعد اذاكر ومذكرتي احطها في فيديو يفيد اللى حواليا ، صفحتي علشانك أنت ، اتمني أني اساعد كل واحد يساعد نفسه، ويكتشف فين مشكلته ويبقي قادر على حلها ،
حلمي أني اغير العادات الغريبه في المجتمع والامثال الشعبية اللى عايشين بيها ، ويكون كل شخص قادر يتعلم ويعيش طبيعي في حياته مش بيعاني بسبب المشاكل و الدايرة المقفولة اللي حواليه
وكلها مشاكل بس مش عارف من إيه
هدفي أنك تبقى واعي بمشاكلك و قادر تتفاعل معاها
وتقدر تعيش بصحة جيدة

* دبلومة الأدمانات الدولية 2024
* Master of Art in Christian counseling psychology from Southwest Bible College
*CBT cognitive behavioral therapy course Dr Abd el Gawd Khalifa
*ACT Acceptance and commitment course
*BLESS course Dr awsam wasfy
*Psychodrama course with خدمة
المشورة والنضج المسيحي

*تدريب التعامل مع المراهقين سنيثيا مورينى الرئيس التنفيذي لمؤسسة NADDAC الأمريكية

15/12/2025

معني الحياة من يمتلك سببا يعيش من اجله يمتلك المعني

12/12/2025

كلمة في ودن ستات كتيرة بسمع منهم الكلمة ديه
لو جوزك ( هابدء بيها علشان يبقي الكلام واضح ) :
١. لو جوزك بيعمل اللي عليه ومش مكفي البيت ميبقاش نطع
٢. لو جوزك مش قاعد في البيت و بينزل يشتغل و بيحاول على قد ما يقدر ميبقاش نطع
٣. لو جوزك مش قادر يقولك متشتغليش و انتى حاسه انك لو قعدتى في البيت مش هتعرفي تصرفي بنفس القدر ميبقاش نطع
٤. لو بتشتغلي ومرتبك اعلى من جوزك يبقي رزق احمدى ربنا عليه بس يبقي جوزك مش نطع علشان ده رزق ربنا ليكوا
٥. لو مبتشغليش وجوزك مش مكفي البيت بس محتاج مصاريفك تبقي ااقل بالنسبه لك ديه مشكله برضوة ميبقاش نطع
٦. لو جوزك ميبقولكيش لا كلمه حلوة ولا وحشه بعد يوم طويل ومرهق برضوة ميبقاش نطع ( انا متفهمه احتياجك جدا محتاجه تتعلمى تعبري عنه غير الشتيمه )
٧. لو جوزك سمعك وانتى بتقولى كلمات زي مش راجل - نطع - مبيفهمش - جوازه مهببه - انا اتبهدلت في الجوزاه ديه ، ياريتنى ما اتجوزت ، ياريتنى سمعت كلام اهلى - ديه جوازة جايه بخساره و جوزك مش بيقول حاجة قصاد الكلام ده كله برضوة ميبقاش نطع انك مسمعتيش كلام زي وبرضوة هنا ميبقاش نطع
٨. لو جوزك بيمر بحالة نفسية سيئة تتطلب دكتور نفسي وعلاجات زي ديه واناى بتصرفي على البيت في الوقت ده ، برضوة ميبقاش نطع

نطع - والكلمات الصعبه اللي بسمعها كلام عيب شايفاه مشكله كبيرة ومتوقعش بعد كسر الاحترام يبقي في معاملة كويسه حتى لو مجرد نفور منك كأمرأة
حاسبوا على كلامكم في العلاقة لان فيها ضغوط كبيرة مستلزمه تكاتف
اتعلمي تعبري عن اللى جواكي باسلوب حلو
ده مش معناه انه عنده حق
ولكن معناه ان فيه طريقة تانيه للحوار لسه متعرفيهاش
يومكم حلو

Photo By_Ai

30/11/2025

مروة وصلاح في مسلسل ورد وشيكولاته ، عندهم اضطربات قوية
الفيديوهات اللي جايه هاحكيلكم سمات كل شخصية لوحدها

16/08/2025

بعد حدثه الولاد اللي كانوا هيموتوا البنات علشان كانوا بيتحرشوا بيهم ،
احنا في زمن متعب ربنا يخرجنا منه على خير، احساسك في بلد
بقي فيها ناس بتسرق علشان مش معاها فلوس والعيشة غاليه

وناس مستحله فلوسك بقلب باردو ناس تانيه مشفوش تربية ،
ويستحلوا لنفسهم اى حاجة ، تحرش واغتصاب ،

اى ان كان المسمي علشان معاه فلوس ممكن
او يمكن علشان مش مسؤل او اهل دافعين فيهم دم قلبهم علشان يبقوا ناس محترمه بس هما من كتر الفلوس ومن كتر ما كل احتياجتهم مسددة مبقاش عندهم دم ولا تربية لان مش شايفين غير نفسهم
ودايما صاحي يسأل نفسه انا محتاج ايه النهاردة مش بيمنع عن نفسه اي حاجة مهما كانت مهو بابا وماما مش مانعين عنه حاجة ،

في ودن كل شخص عنده عيال ربوا ولادكم احرموهم من المتع شوية انتوا بتخلقوا شوية عيال هشه نفسيا
وعندها اضطرابات نفسية

الفلوس الكتير من غير ظابط و لا رابط هتبقي بعد شوية السكينه اللي هتحرق قلبكم على ولادكم

المجتمع بقي يخوف ، هو ده الأمن و الأمان الظاهري
احنا في مجتمع عايش فوف البركان حرفيا

كل يوم بنتفجر منه حته
ايشي تحرش و ايشي سرقة و ايشي معاناة وايشي ناس متربتش
وايشي كدب زي المياة

لسه للكلام بقية

ربنا يقصر الايام او يخرجنا منها على خير

Address

Cairo

Website

https://www.youtube.com/channel/UChq5Z7QG809-WWAiB8slnNQ

Alerts

Be the first to know and let us send you an email when الفكرة إيه؟ - elfekra-eh posts news and promotions. Your email address will not be used for any other purpose, and you can unsubscribe at any time.

الفكرة إيه؟ - elfekra-eh