https://www.facebook.com/100505202930970/

حسام أبو الحسن اخصائي التوحد والفئات الخاصه

Home
Egypt
Cairo
حسام أبو الحسن اخصائي التوحد والفئات الخاصه

Applied behavior analysis technician(ABAT)👌🏽 Speech theraapist + OPT👌🇱🇷
QASP_S (candidate)⏱
+9660556991825🇸🇦
01064898392🇾🇪

07/12/2025

علاج الإيكولاليا
لو طفلك بيردد الكلام وراك أو بيعيد الجملة زي ما هي… الفيديو دا ليك 👇

#التخاطب

08/09/2025

الايكولاليا = وسيلة للتواصل، مش مجرد صدى صوت 🗣️🗣️

#التخاطب

24/08/2025

📊 Indirect Measurement in ABA

لما منقدرش نتابع السلوك طول الوقت، بنستخدم طرق Interval & Time Sampling علشان تدينا صورة تقريبية

⸻

🔹 Whole Interval Recording
نقوم بتسجيل السلوك لو استمر طول الفترة الزمنية كلها.
مثال: الطفل قعد على الكرسي الدقيقة كلها.
متى نستخدمه؟ لما نكون عايزين نزود من حدوث السلوك.

⸻

🔹 Partial Interval Recording
نقوم بتسجيل السلوك لو حصل في أي وقت من الفترة.
مثال: الطفل صرخ مرة خلال الدقيقة.
متى نستخدمه؟ لما نكون عايزين نقلل من حدوث السلوك.

⸻

🔹 Momentary Time Sampling
نقوم بتسجيل السلوك إذا حدث في نهاية الفترة في اللحظة الأخيرة التي يتم فيها ملاحظة السلوك.
مثال: في نهاية الدقيقة الطفل كان لسه قاعد.
متى نستخدمه؟ لما الأخصائي مش قادر يتابع باستمرار وعايز ياخد داتا سريعة.
الميزة: موفر وقت وجهد.

⸻

🔹 PLACHECK (Planned Activity Check)
زي العينة اللحظية لكن مع مجموعة أطفال.
مثال: في نهاية الدقيقة 5 أطفال من 8 كانوا قاعدين بهدوء.
متى نستخدمه؟ في الفصول أو الأنشطة الجماعية علشان نقيس مشاركة أو التزام المجموعة.
الميزة: مثالي للفصول والمدارس.

⸻

✏️ الخلاصة:
• Whole → نقيس استمرار حدوث السلوك.
• Partial → نرصد مجرد حدوث السلوك.
• Momentary → نستخدمه لو الملاحظة محدودة.
• PLACHECK → الأفضل مع المجموعات

22/08/2025

ليه بعض الأطفال بيرددوا الكلام زي الصدى؟ 🔄 (Part 1)
الايكولاليا مش دايمًا مشكلة… أحيانًا بتكون مرحلة طبيعية في تطور اللغة 👶🗣️

✨ انتظروا الجزء الثاني ✨

#التخاطب
#التوحد #الطفولة
#الايكولاليا

20/08/2025

Direct Measurement of Behavior in ABA

واحدة من أهم خطوات Applied Behavior Analysis (ABA) هي إننا نعرف إزاي نقيس السلوك بشكل مباشر ودقيق، وده بيساعدنا نتابع التقدم ونقيم فاعلية الـ intervention plan.
فيه مقاييس أساسية بنستخدمها:

🔹 Count (العدّ)
هو عدد مرات حدوث السلوك.
👉 مثال: الطفل قال كلمة “ماما” 7 مرات خلال الجلسة.

🔹 Rate (المعدل)
هو عدد مرات السلوك مقسوم على الزمن (count ÷ time).
👉 مثال: الطفل قال كلمة “ماما” 10 مرات في جلسة مدتها 10 دقائق → المعدل = مرة واحدة في الدقيقة.

🔹 Duration (المدة)
هو قد إيه السلوك استمر من البداية للنهاية.
👉 مثال: الطفل قعد يبكي لمدة 3 دقائق متواصلة.

🔹 Latency (كمون الاستجابة)
هو الوقت بين الـ stimulus (المثير/التعليمات) وبداية السلوك.
👉 مثال: قلت للطفل “اقعد”، واستغرق 5 ثواني لحد ما قعد.

🔹 Interresponse Time – IRT (الزمن بين الاستجابات)
هو الوقت بين نهاية استجابة وبداية الاستجابة التالية.
👉 مثال: الطفل صفق مرة وبعد 8 ثواني صفق تاني → IRT = 8 ثواني.

✨ الخلاصة | Summary

هل بيتكرر كتير؟ (Count/Rate)
• بيستمر قد إيه؟ (Duration)
• بياخد وقت قد إيه عشان يبدأ؟ (Latency)
• والفاصل بين كل مرة ومرة قد إيه؟ (IRT)

• Count/Rate = Frequency of the behavior.
• Duration = How long the behavior lasts.
• Latency = Time before the behavior starts after instruction.
• IRT = Time between one response and the next.

القياسات دي بتخلينا نفهم السلوك من كل زاوية، وبالتالي نقدر نصمم effective intervention ونقيس التقدم بشكل علمي وواضح ✅

29/07/2025

للأسف، في ناس كتير فاهمين الـ Pairing بشكل خاطئ
تعالوا نعرف مع بعض بطريقة بسيطة إيه هو الـ Pairing، وإزاي نطبّقه صح:

أولاً: يعني إيه Pairing؟

الـ Pairing هو ببساطة:
إنك تبني علاقة إيجابية بينك وبين الطفل من خلال ربط وجودك بكل الحاجات اللي الطفل بيحبها (المُعززات)، لحد ما توصل إنك إنت شخصياً تبقى مُعزز بالنسباله.

يعني الطفل يبقى مبسوط وهو معاك حتى من غير ما تقدمله حاجة، لمجرد إنك موجود.

لو الطفل بيحب الفقاعات مثلاً (Bubbles)، كل ما يشوفك بتلعب بيها معاه، هيبدأ يربط وجودك بالحاجة اللي بيحبها، وبالتالي هيحب يكون معاك.

ثانياً: إزاي أعمل Pairing؟

1:اعرف المعززات اللي الطفل بيحبها
في أول تعامل مع الطفل، راقب وسجّل كل الحاجات اللي بيحبها، سواء كانت ألعاب، أنشطة، أكلات معينة، أو حتى أصوات أو أغاني.

🎯 مثال: لو بيحب السيارات، خلي وقتك معاه كله مليان ألعاب سيارات مختلفة.

2:تجنب إعطاء الأوامر في البداية
مهم جداً إنك في أول مراحل الـ Pairing ماتديش أوامر، لأن الهدف الأساسي هنا هو بناء علاقة مش تنفيذ تعليمات.

3: اقرن نفسك بكل معزز بيحبه الطفل
كل مرة الطفل بيحصل فيها على حاجة بيحبها، لازم يكون ده عن طريقك أو في وجودك.
يعني:

•إنت اللي بتشغل له الفيديو اللي بيحبه
•إنت اللي بتديله اللعبة
•إنت اللي بتشاركه الضحك واللعب الخ..
4: تعزيز الطفل بدون سبب مباشر وبدون أي طلبات
Non-contingent Reinforcement (NCR)

📌 فكره انا شخصياً بعملها
خلي المعززات دي صعب توصل له من أي حد غيرك في البداية، وده بيخلي الطفل يربط المتعة بوجودك.

ثالثاً: هل الـ Pairing ليه وقت معين؟

الـ Pairing
بيكون عملية مستمرة، وبنرجع نعملها في مواقف مختلفة علشان نحافظ على العلاقة الإيجابية مع الطفل، ونزود دافعيته.

تعال نشوف إمتى نعمل Pairing؟

1️⃣ في بداية تعاملك مع الطفل
يعني لو الطفل لسه داخل المركز جديد أو أول مرة يتعامل معاك، فدي أنسب لحظة تبدأ فيها تبني علاقة بينك وبينه.

📌 مثال:
لو طفل جديد داخل الجلسة، اقضي أول يوم أو حتى أكتر في اللعب معاه بالحاجات اللي بيحبها من غير أي تعليمات. خليه يحس بالأمان والاستمتاع في وجودك.

2️⃣ مع بداية كل يوم الطفل بييجي فيه المركز
حتى لو الطفل متعود عليك، إبدأ كل يوم بـ10 دقايق Pairing علشان تحافظ على الرابط الإيجابي.

📌 مثال:
لو عارف إن الطفل بيحب الموسيقى، شغل له أغنيته المفضلة أول ما يدخل، وشاركه الغنا قبل ما تبدأ الجلسة.

3️⃣ قبل بداية كل جلسة جديدة
لو كنت بتتعامل مع الطفل على مدار اليوم في أكتر من جلسة، خُد أول 3-5 دقايق من كل جلسة للعب والتواصل بدون أوامر.

📌 مثال:
قبل ما تبدأ الجلسة التانية مثلاً، اقعد على الأرض معاه، العبوا مع بعض بالصلصال أو البازل اللي بيحبه

خد بالك 😲👇.

الطفل عمره ما هيكون مستعد يتعلم أو يشتغل في بيئة مش بيحبها أو مش مرتاح فيها…
خلّي وجودك دايمًا مرتبط بالمرح والراحة والأمان، وبعد كده كل شيء هييجي أسهل..

27/07/2025

تفتكر ليه طفلك بيعمل السلوك؟ 🤔هل هو بيهرب من حاجة؟ولا بيحاول يلفت انتباهك؟ممكن يكون عايز حاجة…أو حتى بيحس براحة لما يعمل كده!في تحليل السلوك، بنعرف إن ورا كل سلوك “وظيفة”.تعالوا نتعرف على الوظائف الأربعة الأساسية للسلوك عند الأطفال، ونشوف أمثلة حقيقية ممكن بتتكرر معانا كل يوم…

24/07/2025

👀 لما تنادي على طفلك… بيرد بنظرة؟
التواصل البصري بيبدأ من شهور
تابع التطور الطبيعي خطوة بخطوة ✅

18/07/2025

✨أنواع تنفيذ الأوامر اللي
المفروض طفلك يعرفها حسب سنه 👌

16/07/2025

✨ ٤ مهارات أساسية لازم تكون موجودة عند طفلك علشان يقدر يتعلم أو حتى يكتسب أي معلومة ✨

14/07/2025

🗣️ التلعثم كما لم تَرَه من قبل….👌👈🏻👉🏼

#التخاطب #التلعثم #التأتأه

12/07/2025

الحمد لله هذا من فضل ربي ✨
بعد شغل شهرين أون لاين، قدرنا نوصل لنتيجة مرضية جدًا – للطفل وكمان لو ليَّ الأمر ❤️🙏

هدفي الأساسي في شغلي مع أي Client
إني أوصله للمرحلة اللي يقدر فيها يتعلم بنفسه، ويعالج مشاكله بنفسه من غير مساعدة 🌱�

Address

القاهره
Cairo
0000

Website

facebook.com

Alerts

Be the first to know and let us send you an email when حسام أبو الحسن اخصائي التوحد والفئات الخاصه posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Cairo?