Dr.Hossam Nabil Bartella clinic - عياده د/حسام نبيل برتله

  • Home
  • Egypt
  • Cairo
  • Dr.Hossam Nabil Bartella clinic - عياده د/حسام نبيل برتله

Dr.Hossam Nabil Bartella clinic - عياده د/حسام نبيل برتله عيادة د / حسام نبيل برتله ( اخصائي امراض النساء والتوليد والعقم والمناظير ) �

ولادات منتصف الليل لسيده كانت تعاني من تأخر الحمل لمده سبع سنوات وبعد توفيق ربنا والعلاج المناسب وفتره متابعه للحمل الحر...
11/08/2024

ولادات منتصف الليل
لسيده كانت تعاني من تأخر الحمل لمده سبع سنوات
وبعد توفيق ربنا
والعلاج المناسب
وفتره متابعه للحمل الحرج
تمت الولاده بعد انفجار جيب الماء
ونشكر ربنا الام و الطفل بحاله صحيه ممتازه

عزبه النخل الغربيه
11/08/2024

عزبه النخل الغربيه

حقنة بعد الولادةأول سؤال المفروض أي واحدة حامل تتسئله من دكتور النسا بعد اسمك ايه .. هو فصيلة دمك موجبة ولا سالبة؟قبل ما...
05/02/2023

حقنة بعد الولادة
أول سؤال المفروض أي واحدة حامل تتسئله من دكتور النسا بعد اسمك ايه .. هو فصيلة دمك موجبة ولا سالبة؟
قبل ما يسألها عن عمرها ولا خلفت كام مرة ولا أول يوم في آخر دورة امتى..
دة السؤال الأهم ..
ودة السؤال اللي بيتنسي..
لأن حضرتك لو فصيلة دمك سالبة
دة معناه انك هتحتاجي حقنة ضرورية جدا بعد كل ولادة أو حتى إجهاض تسمى حقنة ال Anti-D المتعارف عليها باسم (حقنة بعد الولادة) او حقنة ال RH
الحقنة دي مش عشان تنقذ البيبي اللي انتي هتولديه .. لأ دي عشان البيبي اللي بعديه
الموضوع ببساطة إن لو فصيلة دمك سالبة وفصيلة دم زوجك موجبة والجنين كان فصيلته موجبة هو كمان يبقى جسمك كـوّن أجسام مضادة ضد الدم الموجب ، وهيبدأ يحاربه بأشنع الصور أول ما هيقابله مرة تانية.
في الولادة اللي بعدها الجهاز المناعي بتاعك يتعرف على الجنين الجديد على انه جسم غريب ويبدأ يحاربه وبتتراوح الأضرار من أنيميا حادة وحتى وفاة الجنين لا قدر الله.
عشان كدة بنصح كل أم تبقى عارفة فصيلتها ايه كويس وتواظب على أخذ الحقنة بعد أي ولادة أو إجهاض عشان تجنّب أولادها اللي جايين المشاكل دي.
لو مخدتيش الحقنة دي قبل كدة حتى ولو مرة واحدة يبقى الحمل بتاعك هيحتاج متابعة دقيقة وتحاليل منتظمة لقياس نسبة الأجسام المضادة في جسمك والتنبؤ بالوضع الصحي للجنين..

(الحقنة دي بتتاخد عضل مرة في الشهر السابع و مرة في خلال 72 ساعة بعد الولادة .. ولو فصيلة دم الجنين طلعت سالبة زيك يبقى انتي مش محتاجة الحقنة ومفيش حاجة تقلقي بخصوصها)

Dr Hossam Bartella

عزيزتي الحامل " خصوصا البكرية" .. عشان ترحمي نفسك من الوهم .. وعشان ترحمي جوزك ومامتك من اللف على المستشفيات في انصاص ال...
05/02/2023

عزيزتي الحامل " خصوصا البكرية" ..
عشان ترحمي نفسك من الوهم ..
وعشان ترحمي جوزك ومامتك من اللف على المستشفيات في انصاص الليالي في الشهر التاسع عشان فاكرة نفسك بتولدي وتطلعي مبتولديش..
وعشان أنا شخصيا أعرف أنام 4 ساعات على بعض بالليل من غير مكالمات ..
البوست دة عشان تقدري تفرقي بين الطلق الحقيقي والطلق الكاذب،،

((( الطلق الكاذب )))
زمان كانوا بيسموه ( تفاسيح ) ومحدش يسألني يعني إيه !!
دة عبارة عن (بروفة) ربنا بيعملها للرحم عشان يبدأ يتعودّ على الانقباض وميتفاجئش بالطلق الحقيقي مرة واحدة
بيبدأ عادة من نص الشهر التامن وليه خصائص معينة :
1) عبارة عن وجع بسيط في البطن وتُـقل من تحت أو تحجير في أماكن معينة من البطن يمين أو شمال أو فوق أو تحت.
2) مش منتظم .. ممكن يستمر ساعتين تلاتة ورا بعض وممكن ييجي مرة او اتنين في اليوم.
3) لو خدتيله مسكن بسيط سواء أقراص أو حقن بيقل بعدين يختفي.

((( الطلق الحقيقي )))
دة الطلق اللي بجد اللي - لو استمر - بيخلي عنق الرحم يتسع حتى الولادة ..
1) عبارة عن تحجيرة في البطن من فوق ومعاها ألم في الظهر من تحت ( يعني الألم مش في البطن نفسها) ..
2) كلمة السر في الطلق الحقيقي هو الانتظام يعني بييجي كل ساعة بعدين كل نص ساعة وهكذا.. يفضل يقرب من بعضه لحد ما يبقى كل 5 دقايق ويستمر في المرة الواحدة لمدة دقيقة..
3) مبيروحش بالمسكنات
(ملحوظة : ممكن ييجي في أي وقت طول الحمل بس لو جه قبل 37 أسبوع بيبقى اسمه طلق مبكر وممكن يؤدي لولادة مبكرة عشان كدة لازم نتدخل عشان نوقفه ..)
وأخيراً
أتمنالكم طلق كاذب لو قبل 37 أسبوع ..
وطلق حقيقي لو بعد 37 أسبوع 🙂 🙂 :)

- انتي حامل؟؟- آه- خدتي حقن الرئة ؟؟- لأ - تبقي محملتيش.."الكلمتين اللي فاتوا دول هزار طبعاً "وستستمر أسطورة حقن الرئة ح...
05/02/2023

- انتي حامل؟؟
- آه
- خدتي حقن الرئة ؟؟
- لأ
- تبقي محملتيش..

"الكلمتين اللي فاتوا دول هزار طبعاً "

وستستمر أسطورة حقن الرئة حتى يوم القيامة..
اللي بقت زي البونبوني في الحمل ولا يخلو منها روشتة أي دكتور.
قبل ما نعرف إمتى ناخدها وإمتى مناخدهاش وسر انتشارها الغريب دة ،،

نفهم الأول يعني إيه حقن الرئة..
دي عبارة عن حقن كورتيزون بجرعة بسيطة تساعد في تكوين الرئة .. ازاي بأة ؟؟
هشرحها بطريقة بسيطة..
عارفة سعادتك لما بتعملي صينية في الفرن وتحطي معلقة زيت في الصينية من تحت عشان متلزقش !!
هي دي نفس الفكرة ..
الكورتيزون هو الزيت دة والرئة زي طبقتين البالونة لما بتتنفخ وترجع تاني ممكن تلزق في بعضها وتفتح بصعوبة بعد كدة فيحصل صعوبة تنفس للجنين لكن وجود الكورتيزون بيخليها متلزقش في بعضها.
ودة معنى مصطلح اكتمال الرئة
(( اكتمال الرئة مش معناها الرئة كان ناقصها حتة !!!))
اكتمال الرئة معناها انها تقدر تقوم بوظيفتها أول ما البيبي يتولد ويتعرض لضغط الهواء الخارجي..

ايه دة يا دكتور يعني اكتمال الرئة مش بيبان بالسونار ؟؟
آه والله العظيم ..

طيب بندي حقن الرئة لمين ؟؟
- أي حالة متوقع لها ولادة مبكرة زي الحالات اللي بيجيلها ألم من أول شهور الحمل أو اللي بيجيلها طلق مبكر وحالات الإجهاض المتكرر.
- معظم حالات التوائم.
- حالات الحقن المجهري.
- أي حالة بتطلب مني تاخدها أكتر من 50 مرة في اليوم لمدة شهر متواصل .. ساعتها بضعف وبوافق وبقولها اتكلي على الله وخديها يا مدام وحسبي الله ونعم الوكيل .

إمتى بتتاخد؟؟
بتتاخد من 28 ل 34 أسبوع .. قبل كدة بيوم ملهاش لازمة (لأنها مش هتنفعه) .. بعد كدة بيوم ملهاش لازمة (لأن خلاص دورها انتهى)..

طيب إمتى تكون خطر؟؟
لو كان عندك التهاب شديد في الجسم زي حالات التهاب الغشاء الأمنيوسي حول الجنين لأنها هتزود الطينة بلة وممكن تعمل تسمم في الدم !!
وبالنسبة لمرضى السكر لازم تتاخد بحرص شديد وقياس نسبة السكر في الدم وممكن نحتاج نزود جرعة الإنسولين.
((ملحوظة أخيرة))
العمر الرسمي لاكتمال رئة الجنين وثقة الطب في إنه ميحتجش حضانة بإذن الله 37 أسبوع .. لكن طبعاً فيه حالات تانية ممكن الجنين يحتاج فيها الحضانة بعد اكتمال نموه ملهاش علاقة بالرئة ومش بإيد الدكتور.

إلا قوليلي..
- خدتي حقن الرئة ولا مخدتيهاش ؟؟
*انتي مش حامل أصلاً*..؟؟!
- طب خديها محدش عارف بكرة فيه إيه 🙂 :)

Address

١ ش احمد صديق/متفرع من شارع السوق بجوار صيدلية د. نشأت لويز/امام احذية الصعيدي
Cairo

Telephone

+201220321987

Website

Alerts

Be the first to know and let us send you an email when Dr.Hossam Nabil Bartella clinic - عياده د/حسام نبيل برتله posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category