23/04/2023
هل من الضروري تعقيم اليفك؟ وهل حقن منع التزاوج بتسبب سرطان؟
كل اللي هيجي في بالك بخصوص التعقيم هنجاوب عليه هنا!
تعقيم الحيوانات الاليفه مش رفاهيه ابدا بالعكس دا من اهم الاولويات زي الاكل والشرب ونفعه هيعود عليك قبل الحيوان.
فوايد التعقيم:
-بيمنع امراض كتيره اصبحت شائعه زي السرطانات.
-بيطيل عمر الحيوان ,
-هيمنع هروب اليفك المفاجئ اثناء فترة التزاوج.
-هيمنع انجذابه لحيوانات الشارع اللي مليانه امراض.
-بيقلل العنف والسلوك العدواني خاصة اثناء فترات الرغبه في التزاوج.
-القطه الواحده في السنه ممكن تنجب 12 قطه وفي خلال 8سنين بس ناتج التكاثر بيوصل ل2مليون يعني تعقيم قطه واحده فقط هيحمي 2مليون من التشرد ونفس الامر بالنسبه للكلاب ,اقل شئ مش هنشوف مستعمرات الكلاب المشرده اللي بتهاجم البشر كل فتره والسعار هيقل طبعا.
طرق التعقيم:
!- التعقيم الجراحي : بيتم ازاله الرحم او المبايض للانثي والخصيه للذكر.ودا الاقل تكلفه والاكثر انتشارا وبيتمنع التزواج والانجاب مدي الحياه.
2- التعقيم الدوائي: عن طريق الحبوب) megestrol acetate) او الحقن(Medroxyprogesterone Acetate) وهنا الشائعه المنتشره عن السرطان;
في الحقيقه الادوية دي مرخصه وآمنه وأكبر شركات الدواء العالمية بتنتجها ومفيش اي بحث علمي اثبت اي علاقه حتميه للتسبب في السرطان ... والاسف الشديد في دكاتره بتستخدم الشائعه دي للحصول علي مكسب مادي اكبر من خلال العمليه.
لكن في المجمل العمليه حتي لو تكلفتها مقارنه بالحقنه الواحده اعلي فالحقنه بتتكرر كل فتره عكس العمليه بالتالي العمليه اوفر بكتير.
