عيادة الدكتور إسلام أحمد المتولي فتوح لأمراض النساء والتوليد وتأخر الإنجاب

27/07/2025

اللهم أني اسآلك نفسا مطمئنه...
تؤمن بلقائك ♥️
وترضى بقضائك 🤍
وتقتنع بعطائك✨

09/05/2024

08/05/2024

وجع المفاصل و العظام في الأطفال وحقنة البنسلين والحمي الروماتيزميه :

بقابل حالات كتير ماشيه سنين و سنين علي حقنة البنسلين نتيجة وجود إرتفاع في تحليل سرعة الترسيب و الميكروب السبحي

النهارده عاوزين نطمن الآباء و الأمهات و نحمي أطفالنا من إعطاء علاج بدون داعي و إن في أكتر من سبب لتعب العظام و المفاصل في الأطفال مش بس الروماتويد و لا الحمي الروماتيزميه و العلاج ممكن لا يتعدي مسكن لفتره مؤقته وتتحل المشكله !!

و الحقيقه انه لا يتم إعطاء حقنة البنسلين بناءاً علي نتيجة الميكروب السبحي و تحليل سرعة الترسيب

تأكيد إصابة المريض بحمي روماتيزميه بيتم تأكيده بالفحص و طلب فحوصات أخري زي موجات صوتيه عالقلب و الفحص للمريض بواسطة طبيب القلب وليس طبيب العظام

في فرق وإختلاف بين الروماتويد كمرض و الحمي الروماتيزميه كمرض آخر بأعراض أخري

كل الحالات اللي قابلتها كان تعب العظام والمفاصل نتيجة وجود سبب آخر ومش الحمي الروماتيزميه السبب و تم علاج الحالات دي بفضل الله بعد معرفة السبب الحقيقي و عدم الجري وراء وهم الميكروب السبحي و سرعة الترسيب !!

للتواصل

What's up
01023773923

08/05/2024

انتظروني ان شاء الله فيديوهات طبيه مفيده ومعلومات طبيه قيمه جدا وبنرحب باستفسارات حضراتكم فى أي وقت
للتواصل
What's up
01023773923

20/02/2024

اللهم اني اسالك زيادة في الدِين ، وبركة في العمر ، وصحة في الجسد ، وسعة في الرزق ، وتوبة قبل الموت ، وشهادة عند الموت ، وعفواً عند الحساب

25/09/2023

فيه أخطاء بعض الناس بتقع فيها ، على سبيل المثال :-
1- فيه ناس بتحقن الانسولين القاعدي ف البطن
--> والصح إنه يتحقن ف الطرف الأمامي أو الخارجي من الفخذ ، لإنه أبطأ مكان ف الامتصاص
--------------------------------------------------------------------------
2 - فيه ناس ممكن تحقن جرعة الفطار ف البطن ، وجرعة الغدا مثلاً ف الذراع
--> والصح إنك تثبت مكان واحد ف اليوم لحقن انسولين الوجبات ، فلو حقنت جرعة الفطار اليوم ده ف البطن يبقى كمل باقي اليوم كله ف البطن ، لإن كل منطقة ليها
Rate of absorption
معين ، فلو ما عملتش كده صعب تقدر تظبط السكر......
--------------------------------------------------------------------------
3 - فيه ناس ما بتغيرش مكان الحقن باستمرار
--> والصح إنه يغير مكان الحقن باستمرار عشان ميحصلش تليفات مكان الحقن تعوق امتصاص معظم الجرعة
-------------------------------------------------------------------------
4 - فيه ناس بتطلع الانسولين من التلاجة وتحقنة مباشرةً
--> والصح إنك تطلعه برا التلاجه قبل الحقن بحوالي تلت ساعة عشان ياخد درجة الحرارة الغرفة ، لإن حقن الانسولين بارد بيلسع ، وكمان بيساعد على حدوث تليفات مكان الحقن
-----------------------------------------------------------------------
5 - فيه ناس فاكره إن الانسولين القاعدي زي :-
Lantus , Toujeo , Tresbia , Levemir....etc
إنه ليه علاقة بالأكل ، وبالتالي لو يوم الطفل ما اتعشاش فيه ما ياخدش جرعة القاعدي
"أصل ابني ما أكلش ، أديه انسولين ازاي من غير ما ياكل ! "
--> والصح إن الانسولين القاعدي لازم يتحقن يومياً ف ميعاده بالظبط بغض النظر عن الأكل ، فهو ملهوش علاقة بالأكل ، لإنه شغال ع السكر الصايم والسكر ما بين الوجبات
--------------------------------------------------------------------------
6 - فيه ناس بتحقن الانسولين المائي مع الأكل زي :-
Actrapid , Humulin R , Insulinagypt R...etc
--> والصح إنه لازم يتحقن قبل الأكل بنص ساعة لإنه بيبدأ عمله بعد نص ساعة من الحقن ....
لكن الانسولين اللي ينفع يتاخد مع الأكل أو حتى بعد الأكل مباشرةً هي نظائر الانسولين سريع المفعول
Humalog , Novorapid , Apidra