18/11/2025
🎯 *مشاكل اللغة عند الأطفال*
في أطفال كتير بيتأخروا في الكلام، أو بيتكلموا لكن كلامهم مش مفهوم، أو مش بيعرفوا يعبروا عن اللي جواهم…
وده مش معناه إن الطفل غبي أو عنيد، لكنه ممكن يكون بيعاني من "اضطراب في اللغة".
طيب يعني إيه اضطراب لغة؟ 🤔
👶 اضطراب اللغة يعني إن الطفل عنده صعوبة في:
فهم الكلام اللي بيتقال له
تكوين جُمل مفهومة
استخدام الكلمات بشكل صحيح
ترتيب الأفكار والتعبير عنها
تذكُّر الكلمات أو وصف الأشياء
📌 علامات لازم تاخذي بالك منها:
*الطفل بيتكلم أقل من أقرانه
*جُمله ناقصة أو فيها لخبطة
*مش بيفهم التعليمات البسيطة
*بيكرر نفس الكلمات أو يتلغبط في الضمائر
*بيعتمد على الإشارة أكتر من الكلام
⚠️ لو لاحظت أي من العلامات دي، ما تقولش "هيتكلم لما يكبر"
✅ كل ما تدخلت بدري، كل ما ساعدت طفلك أسرع!
👩⚕️ التخاطب مش رفاهية، ده حق لطفلك عشان يعيش ويتواصل ويفهم العالم حواليه..
#تخاطب
