Dr.Ahmed Elkaramany د.أحمد الكرماني

17/02/2022

السكر_و_الصيام

**ما_بين_العصر_و_المغرب

1- نتجنب اي مجهود شديد خوفاً من الهبوط ، لإن آخر ساعات الصيام بيكون الكبد خلاص بيخلص مخزونه من السكر ، وكمان المجهود الشديد بيزود فرص حدوث الجفاف

2- ياريت بلاش النوم ما بين العصر والمغرب ، خوفاً من هبوط السكر أثناء النوم

3- مهم جداً قياس السكر الساعة 3 عصراً وقبل الفطار

**ما_بين_الفطار_و_السحور

1- نشرب كمية مية كبيرة متوزعه ع مدار الساعات ، لإن شربها مرة وحدة قبل الفجر مثلاً هتعمل كمدر للبول ، وبالتالي تزيد فرص الجفاف أكتر اللي بدوره بيزود فرص حدوث الجلطات

2- نحافظ ع نشاط متوسط ، وده مهم جداً ف ظبط السكر ونزول الوزن ، زي صلاة التروايح مثلاً

دمتم_بصحة_وعافية

23/01/2022

بصراحه بقا يا ميدو اللي عندك ده مش دور برد

23/01/2022

ربنا يسترها على الجميع و تعدى على خير

23/01/2022

نقول رابع و خامس

23/01/2022

نذكر تانى.......
ربنا يسترها على الجميع و تعدى على خير ان شاء الله

23/01/2022

و الله و لا ليها لازمه
بالعكس مضره......

02/12/2021

19/11/2021

كرونا و ادويه السيوله.....نعيد كمان

دكتور .. جالى كورونا بس بسيطة وبتعالج فى المنزل .. هل لازم آخد أدوية سيولة؟!

والاجابة لا .. مش لازم يا عزيزى المريض

بالعكس .. الاستخدام المفرط لأدوية السيولة دون داعى طبى واضح قد يزيد فرص حدوث النزيف دون فائدة تُذكر من العلاج

أدوية السيولة فى حالات الكورونا البسيطة ممكن تتاخد فى حالة من أربع حالات فقط:
• لو كنت حضرتك ماشى عليها من الأول لسبب آخر .. حضرتك تكمل عليها و بنفس الجرعة المكتوبة مسبقاً
• لو كان هناك تاريخ مرضى للإصابة بجلطات وريدية سابقة
• لو كان هناك سمنة مفرطة
• لو كان فيه ارتفاع شديد فى تحاليل نواتج التجلط او دلالات الالتهاب وخاصة تحليل ال D-dimer .. لو كان أعلى من ١٠٠٠ (أو ٥٠٠٠ فى بعض البروتوكولات)

وحتى آخر ٣ حالات .. بناخد جرعات بسيطة وقائية وليست علاجية .. آخذين فى الاعتبار ان الدليل العلمى كمان فى الحالات دى مش غاية فى القوة.

اسال الله العظيم رب العرش الكريم أن يشفي جميع المرضى شفاء لا يغادر سقما🥰

18/11/2021

⭐⭐معلومات تهمنا في نظام الاكل👇👇👇

#⃣ اكل رز ولا مكرونه؟
- الارز افضل..المكرونه يعني دقيق.

#⃣ اشرب قهوه ولا نسكافيه؟
- القهوه افضل وافيد

#⃣ استعمل سكر ابيض ولا سكر دايت؟
- ولا ده ولا ده استعمل عسل نحل

#⃣ كورن فليكس ولا شوفان؟
- مفيش مقارنه اصلا ...شوفان طبعا

#⃣ اكل فاكهه ولا اعملها عصير؟
- كل فاكهه افضل و سعرات اقل والياف اكثر.

#⃣ لبن خالي الدسم ولا كامل الدسم؟
- كامل الدسم ونشيل الوش عشان نستفيد بالفيتامينات اللي فيه.

#⃣ زيت ذره ولا زيت زيتون؟
- زيت الزيتون اكيييييد (على البارد)

#⃣ افضل نوع فيتامينات اشتريه من الصيدليه؟
- كل سلطه وخضار طازج بكل الالوان كل يوم مش هتحتاج اي شي .

#⃣ اشتري (كبسولات اوميجا 3)؟
- كل اسماك (مشويه)مرتين الى ٣ في الاسبوع مش هتحتاجها ان شاء الله

#⃣ كانز دايت ولا عصير من غير سكر؟؟؟
- ولا ده ولا ده اشرب ماء كتيييير

#⃣ مكسرات نيه ولا محمصه؟
- نيه بس اتاكد انها مش متخزنه

#⃣ اشتري صن بايت ولا فورنو؟
- اعمل فشار في البيت.

#⃣ ممكن اكل قطعه شيكولاته؟؟؟
- الغامقه ممتازه وتكون فوق70%

12/11/2021

كلام مهم

17/10/2021

انت بتشوف نهايات الناس قدام عنيك...انت واقف في اخر محطة في قطر حياة الناس كلها...شوفت الشاب الروش الكول الي كان مقطع السمكة وديلها وبعد حادثة عربية وكسر في فقرات الرقبة بقي طريح الفراش لا حول له ولا قوة وبقي زيه زي الطفل الرضيع بنغيرله بنحميه!!!!زيه زي الست الجميلة الحلوة الي كانت بتلبس علي مزاجها بتعمل الي علي كيفها فجأة سرطان في اي حته وكيماوي وبهدله وكل الي كانوا معجبين وهايمانين دلوقتي بيعدوا يشوفها يمصمصوا في شفايفهم!!!!شوفت الدكتور الشاب العلامة الاستاف الي سافر اخذ أحسن شهادات الدنيا وجه فتح مراكز ومستشفيات وفي الآخر وبالصدفة البحته يكتشف اللوكيميا وتبقي دي النهاية...شوفت الأب المسافر المغترب وهما بيبلغوه أن إبنه او أمه محجوزة في الرعاية وهو مش عارف ينزل وأهله يدولي التليفون أكلمه اطمنه بما إنه زميل وأسمع صوت الوجع القهر وقله الحيله!!!!وشوفت الام والاب المنفصلين وهما جايين الرعاية يتحسروا علي الي هما عملوه في ابنهم بعد ما بلغناهم ان الإسعاف جابت ابنهم من الشارع بعد ما أصحابه رموه وهو مدمن ماكس وطلع عنده ايدز من ضرب الحقن..عن نظرة الحسرة الي في عنيهم!!!!شوفت التاجر ورجل الاعمال فاحش الثراء و هو مرمي تعبان مش عارف ينام طول الليل عليCPAP Mask من كتر السجاير والسواق بتاعه الغلبان جاي يزوره وهو صحته زي الفل وسألت نفسي ساعتها مين الغني ومين الفقير مين الشقي ومين السعيد!!!!مهنتي خلتني اشوف كتييير شوفت الممثل الإعلامي الوزير...شوفت الناس دي كلها في آخر محطة وهما بيسيبوا الدنيا وبيجاسب زي ما بنقولها في التعبير الدارج بالبلدي وهو بيطلع الروح و باصص لفوق...النظرة الي كل دكاترة العناية أكيد شافوها وهما شغالينCPR....
نظرة الندم علي ما فات....الدنيا اتفه مما تتخيل...
أتفه من جناح بعوضة

16/10/2021

منذ أيام اصدرت منظمة القلب الامريكية ( American College of Cardiology) توصيات هامة فيما يخص استخدام الاسبرين بجرعات قليلة ( low dose aspirin ) في الوقاية من أمراض القلب. و ذكرت المنظمة أن هناك بعض المفاهيم الخاطئة فيما يخص استخدام بعض الأدوية التي يطلق عليها الواقيات من أمراض القلب مثل الأسبرين و أضافت ان استخدام هذه الادوية بدون وجود دواعي لاستخدامها يعد سوء استخدام و قد يؤدي إلى مشاكل صحية لان الضرر الناتج من استخدامها ( مثل حدوث نزيف في الجهاز الهضمي في بعض المرضى الذين يتناولون الأسبرين) يكون اكبر من الفائدة المرجوة.
لذلك يلزم معرفة اجابة سؤال هام " متى يستخدم الاسبرين كواقي من امراض القلب؟؟؟"
تأتي الاجابة بأن استخدام الأسبرين كواقي من امراض القلب ( atherosclerotic cardiovascular disease ASCVD) يكون اما كوقاية ثانوية ( secondary prevention ) او كوقاية أولية ( primary prevention ) و المقصود بالوقاية الأولية هي الوقاية من حدوث المرض لمن لم يصاب بهذا المرض من قبل اما الوقاية الثانوية فالمقصود بها هو الوقاية من تكرار حدوث المرض في مريض أصيب به من قبل .
الاسبرين بجرعات قليلة يستخدم في الوقاية من أمراض القلب في الحالات التالية:
١- في الوقاية الثانوية للمرضى الذين يعانون من امراض في القلب نتيجة قصور في الشرايين التاجية و نقص تدفق الدم المغذي لعضلة القلب ( ischemic heart disease ) حيث يلزم في هؤلاء المرضى تناول الاسبرين للوقاية من حدوث اي ازمات قلبية لاحقة ( secondary prevention ).
٢-في الوقاية الأولية للمرضى الذين لا يعانون من امراض في القلب و لكن لديهم عوامل تجعلهم أكثر عرضى لحدوث امراض في القلب. وأصدرت بعض المنظمات الطبية تحذيراً من استخدام الاسبرين كواقي أولي الا في هذه الحالات:
أ- من هم أعمارهم تتراوح بين ٤٠-٦٩ سنة و عندهم خطر حدوث أمراض قلبية أعلى من ١٠٪؜ (بحساب معامل ASCVD ) و هؤلاء يشملون المرضى الذين يعانون من اثنين من التالي: مرض السكر ، تاريخ مرضى لامراض قلب في العائلة ، التدخين، ارتفاع الضغط، ارتفاع دهون الدم، أمراض مزمنة في الكلى،. ) اما من هم اعمارهم اكبر من ٦٩ سنة فوجد ان بحساب نسبة الفائدة الى الضرر فلا ينصح بتناول الاسبرين في الوقاية الاولية من امراض القلب لان في هذا العمر احتمال حدوث نزيف كعرض جانبي من الاسبرين أعلى من الفائدة المرجوة من الاسبرين كواقي من امراض القلب.
بعض النصائح الهامة:
I-لا يجب استخدام الاسبرين في الوقاية الاولية ضد امراض القلب في:
١-من هم اقل من ٤٠ سنة و من هم اكبر من ٧٠ سنة
٢- أي فئة عمرية اذا كان هناك خطر من حدوث نزيف كعرض جانبي من الاسبرين ( risk factors of bleeding )
و من أهم العوامل التي تزيد من خطر حدوث نزيف نتيجة تناول الاسبرين هو أ) تناول بعض الادوية و من اهمها i-مسكنات الالم المعروفة بNSAIDs (مثل الفولتارين و الكتافاست و غيرها)، ii-الكورتيزونات ، iii-مضادات التجلط ب) وجود تاريخ مرضي لقرحة بالمعدة ، ج) تناول جرعات كبيرة من الأسبرين و د) كبار السن.
٢- اهم طرق للوقاية الاولية ضد الامراض القلبية( كما ذكرت كل المنظمات الطبية للقلب) هي اتباع العادات الغذائية السليمة، ممارسة الرياضة بانتظام، ضبط الضغط و الدهون، عدم التدخين.

منقول

02/10/2021

02/10/2021

15/09/2021

فى ٣ تطعيمات مهمه حاليا :

١- تطعيم الكورونا :
اى نوع ، اى سن ، مفيش موانع للتطعيم ، لو مش عاوز تتطعم تلتزم التزام تام بالتباعد الكمامه و انت حر فى نفسك

٢- تطعيم الانفلونزا الموسمية :
التطعيم السنوى بتاع اول كل شتا ، الدور السنة دى راجع بقوة ، و مش هانقدر نفرق بسهولة بين الكورونا و الانفلونزا فى غياب المسحات التشخيصية ، فاحمى نفسك و اللى حواليك
من سن ٦ شهور فما فوق

٣- تطعيم المكورات الرئوية Pneumococcal vaccine :
ده تطعيم كل ٥ سنوات ضد انواع معينة من الباكتيريا المسببة للالتهاب الرئوى ، مهم جدا لكبار السن و الاطفال و ضعاف المناعة و ذوى الامراض المزمنة و المترددين على اماكن تقديم الرعاية الصحية

الامصال متوفرة فى هيئة المصل و اللقاح(فاكسيرا) ، او فروع الصيدليات الكبرى

27/07/2021

#الكورونا
للأسف كرونا لسه قاعده معانا شويتين

https://www.cnbc.com/2021/07/27/cdc-to-reverse-indoor-mask-policy-to-recommend-them-for-fully-vaccinated-people-in-covid-hot-spots.html?utm_content=Main&utm_medium=Social&utm_source=Facebook =1627395852

21/07/2021

كل عام وانتم جميعا بخير
تقبل الله منا ومنكم صالح الأعمال

02/06/2021

egcovac.mohp.gov.eg

معلومات مهمة عن التطعيم فى مصر :

١- التطعيم فى مصر نوعين : سينوفارم الصينى و أسترا زينيكا الانجليزى .
٢- الفرق ما بين جرعتى سينوفارم هو ٣ اسابيع .
٣- الفرق ما بين جرعتى استرا زينيكا هو ٣ شهور .. علميا هو ما بين ٤-١٢ اسبوع .. وزارة الصحة بتعتمد على اطول مدة ممكنة لاعطاء الفرصة لأكبر عدد من الناس انهم ياخدوا عالاقل الجرعة الاولى فى اسرع وقت .
٤- الاعراض الجانبية للقاح سينوفارم الصينى هى مجرد وجع مكان الحقنة .
٥- الاعراض الجانبية للقاح استرا زينيكا هى عبارة ارتفاع طفيف فى درجة الحرارة و تكسير فى الجسم لمدة ٢٤-٣٦ ساعة.
٦- فاعلية اللقاح بنسبة ١٠٠٪؜ بتبدأ تقريبا بعد الجرعة التانية ب ١٤-٢١ يوم ، لذلك يجب الالتزام بجميع الاجراءات الاحترازية حتى لا تتم الاصابة بالعدوى من اى مصاب كورونا.
٧- الشخص الذى يتم تطعيمه بالجرعة الاولى هو شخص غير مُعدى على الاطلاق و لا يحمل المرض ، ولكن قد يصاب بالڤيروس من مخالطته لاحد المصابين و بالتالى يصبح مُعدى و يمكنه نقل الڤيروس لشخص سليم.
٨- الشخص الذى يتم تطعيمه بالجرعة الثانية و الاخيرة هو شخص غير مُعدى ولا يحمل المرض ولكنه يمكن ان يصاب و يكون ناقل للعدوى حتى ١٤-٢١ يوم بعد الجرعة التانية .
٩- التطعيم بأى نوع من اللقاحات فى العالم لا يمنع لا يمنع لا يمنع لا يمنع الاصابة بڤيروس كورونا ، و لكنه يمنع الوصل الى اعراض مرضية عنيفة او قاسية او الحاجة لدخول العناية المركزة او الاحتياج الى اكسچين .
١٠- كل دولة هتوصل لتطعيم من ٦٠-٧٠ ٪؜ من شعبها ، هتبدأ ترجع للحياة الطبيعية .. تطعيم اكبر قدر ممكن من البشر هيقلل فرصة انك تقابل شخص مصاب بالكوڤيد ١٩ و انك تتعدى من اى حد بعد كده لقلة عدد المصابين ان شاء الله .
١١- التطعيم مجانا بدون اى مصاريف على الاطلاق .
١٢- التطعيم مفتوح لكل فئات الشعب فوق ١٨ سنة .
١٣- لينك التسجيل فى موقع التطعيم الرسمى الخاص بوزارة الصحة:
https://egcovac.mohp.gov.eg

ابعتوها للناس اللى خايفة او مش فاهمة وما تخافوش و سجلوا فورا
منقول من موقع وزاره الصحه والسكان.

31/05/2021

24/05/2021

24/05/2021

رجاء....
أوقفوا الكورتيزون دون لازمه ..
أوقفوا المضاد الحيوي دون لازمه ..
أوقفوا ادويه السيوله دون لازمه...

14/05/2021

تم ازاله المنشور الخاص بالادويه مذيب الجلطه مع مريض كورونا نظرا لوجود بعض الاستفاضه فى كتابه الاسماء التجاريه للادوية .

شكرا لتفهمكم......

تحت امركم لاى استفسارات ....

عيدكم مبارك

12/05/2021

تقبل الله منا ومنكم صالح الأعمال

07/05/2021

04/05/2021

الوضع خطير و القصر العينىً أعلن حالة طوارىً لمكافحة الكورونا

04/05/2021

كورونا و النسيان او ضعف الذاكره🤔

ردا على الاسئله الكتير فى النقطه ديه ....

معظمنا لاحظ ان بعض المرضى بعد التعافى بيكون تركيزهم قليل و بينسوا كتير ......
بيجيلهم حاله مرضيه اسمها brain fog دى كلمه ممكن بعضنا سمع عنها

*أعراضها ؟
ديه اعراضها ان الشخص مش مركز و بينسي كتير .

*و لاحظنا أن الموضوع ده حصل مع المرضى سواء إللى كان الاعراض عندهم شديده و احتاجوا مستشفى او بسيطه واتعالجو في البيت.

*طب نسبه حدوثها ايه؟
مش معروفة لان حتى الآن كلها ملاحظات .

*طب علاجها ايه ؟
الحمد لله الأعراض ديه بتبقى مؤقته والشخص بيرجع لحالته تاني زى الاول بالتدريج من غير حاجه.

*ولكن لو الموضوع استمر محتاج استشارة متخصص في الامراض العصبيه

اسال الله العظيم رب العرش الكريم ان يرفع عنا البلاء و الوباء

02/05/2021

كرونا و ال.....كورتيزون
(الديكساميثازون أو الاقراص)
امتى تاخده؟
ايه فايدته؟
ايه مشاكله؟
امشى عليه لمده قد ايه؟
اوقفه امتى ؟
اوقفه ازاى ؟

امتى تاخده ؟؟؟
طبعا حسب رأى الطبيب المعالج و خصوصا فى الحالات الشديده.

ايه فايدته؟
بيساعد على تقليل نسبه الالتهابات الناتجه عن المرض .

ايه مشكلته؟
ليه مشاكل كتير على المدى البعيد....لكن احنا هنا مش بنسنخدمه فتره طويله.....
مشكله على المدى القريب بيرفع السكر و الضغط و بيوطى الضغط و يعمل هبوط فى الدوره الدمويه لو وقفته فجاءه ....
عشان كده لازم اى عيان ماشى عليه لازم يتابع ضغط و سكر كل ٤ ساعات او كل ساعتين اذا لزم الأمر .

امشى عليه لمده قد ايه ؟
عاده و زى ما كل الدراسات اثبتت ١٠ أيام و تبدأ توقفه بالتدريج.

اوقفه امتى؟
حسب إرشادات الطبيب إللى وصفه

اوقفه ازاى؟ و ده سبب البوست و ده أخطر سؤال .....
لازم لازم لازم بالتدريج و تحت إشراف الطبيب......ممنوع انك توقفه فجاءه و خصوصا لو ماشى عليه فتره طويله......

اسال الله العظيم رب العرش الكريم ان يشفيه كل مريض شفاء لا يغادر سقما

01/05/2021

الاكسجين مع مريض الكرونا
امتى استخدمه ؟
استخدمه ازاى؟
جرعته ايه ؟

لازم كلنا نبقى عارفين ان الاكسحين عباره عن دواء زى اى دواء ليه جرعه و دواعى استخدام و آثار جانبيه ......

**امتى استخدمه؟
لو قلت نسبه الاكسجين عن ٩٢ % هنا ممكن نحتاج اكسجين.

**استخدمه ازاى و الجرعات ايه ؟
استخدمه اما عن طريق اسطوانة الاكسحين و ديه فى منها احجام او عن طريق مولد ال اكسجين فى منه ٥ و ١٥ لتر و ده غالى شويه ....

لو نسبه الاكسجين قليله اقل من ٩٢ % بحط المريض على اكسجين بعدد لترات معينه ٢ او ٥ مثلا و اتابع نسبه الاكسجين و هدفى يبقى فوق ٩٤ % و اقف عند كده .....
يعنى مش صح ان نسبه الاكسجين تبقى ١٠٠ % و المريض متوصل باالكسجين....كده محتاج تقلل الجرعه ......

**طيب اوصله ازاى؟

بالترتيب :
١ . Nasal canula
و ديه عباره عن وصلتين صغيره بتتوصل بانف المريض و ديه بتدى اكسجين اقصى حاجه ه لتر ...

2. Face mask
و ده إللى بيتحط على انف و فم المريض و ممكن اوصل الاكسجين على الاسطوانه إلى ١٥ لتر .
لو وصلت ل ١٠ لتر و نسبه الاكسجين اقل من ٩٠ هنا ابدا اشوف مكان فى مستشفى لان الوضع ممكن يتدهور فجأه.

3 .non re breather face mask
و ده شبه الماسك و لكن متوصل معه كيس بيجمع الاكسجين و ده ممكن اعليه ال اكسجين معاه الى ١٥ لتر بردوا....بس الفرق ان ده بيدى اكسجين بنسبه ١٠٠ % و ده فى الحالة المتقدمه شويه....
و إللى يوصل المرحله ديه لازم يبدأ يرتب مع مكان فى مستشفى ....

**طب ايه الحاجات إللى ممكن تساعد على تحسن نسبه الاكسجين فى الدم ؟

١. النوم على البطن و الجمب الأيمن و الايسر بالتبادل....و ليس الضهر
٢.تدريبات التنفس و اخد نفس بعمق لمده ٣ ثوانى و اكتمه لمده ٣ ثوانى و اخرجه على مدار ٣ ثوانى .
٣.الراحه و عدم بذل مجهود.
٤. مع العلاج و الاستجابه للعلاج ان شاء الله.

**موانع الاستعمال؟
مع مريض انسداد الرؤى المزمن......
ساعتها هدفنا نسبه الاكسجين تكون من ٨٨ ل ٩٢ %
مش أعلى من ٩٤ % مع باقى المرضى .
النوع ده من المرضى للاكسجين بكميه عاليه مضر جدا ليهم

تأكد ان الشفا فقط بيد الله ....

اسال الله العظيم رب العرش الكريم ان يشفي جميع المرضى شفاء لا يغادر سقما.......

01/05/2021

01/05/2021

بعض أعراض كورونا فى الموجه الحاليه قليله الحدوث بس موجوده
زغطة، وجع فى الضهر ، دوخة ،ضربات قلب سريعه، همدان ، فقدان شهية، احمرار العين ،حرقان فى الجلد ، صداع لا يستجيب للمسكنات ، طفح جلدي.

ملحوظه الموجه ديه سريعة الانتشار

اللهم ارفع عنا البلاء و الوباء

30/04/2021

29/04/2021

القواعد ال ١٥ لتخطى الموجه الثالثه باقل خساير :

١. الوقايه ثم الوقايه ثم الوقايه خير من مليون علاج ....
الماسك و التباعد و غسل الايدى
٢. قلل الخروج و التزاحم قدر الامكان .
٣. قلل جدا خروج كبار السن و مرضى السكر و ضعاف المناعه .
٤. لو فى اى اعراض إللى كلنا حفظناها و اللى مشابهه جدا لاعراض البرد و إللى كلنا داخلين عليها يبقى تعزل نفسك.
٥.من دلوقت اشتغل على نفسك و ازاى تقوى مناعتك ....نوم كافى ...اكل صحى .
٦.لو تعرف تاخد مصل الانفلونزا الموسميه يبقى افضل .
٧. بلاش حد يخزن كمامات....ملهاش لازمة.
٨. بلاش حد يخزن ادويه ....خلاص كلنا جربنا و اتاكدنا ان ملهاش لازمه .
٩ . طب انا جالى كرونا ممكن يجيلى تانى ؟ الاجابه اه ...
١٠ . لا يا دكتور احنا غصب عننا و مش هنوقف حياتنا تانى؟؟
الاجابه صح بس التزم بطرق الوقايه و عيش و تعايش
١١. خافوا على نفسكم و اهلكم و كبار السن.
١٢. لو تعبت هاخد ايه ؟؟
ارجع للطبيب .
١٣. الموضوع كبير يا دكتور ؟؟
الصراحه اه ....لو الموضوع فلت مننا مش هنقدر عليه ...
و خصوصا المره ديه لان حاليا الوضع اصعب لكذا نقطه...
اولا الإمكانيات استهلكنا معظمها فى الموجه الأولى.
ثانيا المره ديه احنا فى الشتا بنلعب على أرض الفيروس.
١٤. طب فى المصل يا دكتور ؟
طبعا احجز و خده ....
١٥ . طب فى علاج ؟؟
الاجابه لا كلها لعلاج الأعراض ....

طب نعمل ايه؟؟
الوقايه ثم الوقايه ثم الوقايه ثم الوقايه ثم الوقايه ثم الوقايه.....

اسال الله العظيم رب العرش الكريم ان يشفى جميع المرضى شفاء لا يغادر سقما.....

29/04/2021

كرونا و الصيام.....

حكم الصيام لمرضى الكورونا و الله اعلي و أعلم......

الحالة البسيطة و المتوسطة يصوم ان استطاع
اما الحالة العنيفة و الحرجة يفطر


لو الحالة بسيطة او متوسطة لو فيه سخونة او نهجان أو ارتفاع بنسبة التجلط بالدم فالفطر واجب و عليه القضاء ...

*يعني ايه حالة بسيطة؟؟؟
لا يوجد التهاب رئوي و لا أنخفاض في الاكسجين

*يعني ايه حالة متوسطة؟؟؟
يوجد التهاب رئوي بدون أنخفاض في الاكسجين

*يعني ايه حالة عنيفة؟؟؟
يوجد التهاب رئوي مع انخفاض في الاكسجين و لكن يتحسن مع توصيل المريض بمصدر للاكسجين

*يعني ايه حالة حرجة؟؟؟
يوجد التهاب رئوي مع انخفاض الأكسجين و لا يتحسن مع توصيل المريض بمصدر للاكسجين.

ما كان من توفيق فمن الله وحده وإن أخطأت فمن نفسي.

كل عام وانتم بخير و رمضان مبارك عليكم

29/04/2021

السكر_و_الصيام

**ما_بين_العصر_و_المغرب

1- نتجنب اي مجهود شديد خوفاً من الهبوط ، لإن آخر ساعات الصيام بيكون الكبد خلاص بيخلص مخزونه من السكر ، وكمان المجهود الشديد بيزود فرص حدوث الجفاف

2- ياريت بلاش النوم ما بين العصر والمغرب ، خوفاً من هبوط السكر أثناء النوم

3- مهم جداً قياس السكر الساعة 3 عصراً وقبل الفطار

**ما_بين_الفطار_و_السحور

1- نشرب كمية مية كبيرة متوزعه ع مدار الساعات ، لإن شربها مرة وحدة قبل الفجر مثلاً هتعمل كمدر للبول ، وبالتالي تزيد فرص الجفاف أكتر اللي بدوره بيزود فرص حدوث الجلطات

2- نحافظ ع نشاط متوسط ، وده مهم جداً ف ظبط السكر ونزول الوزن ، زي صلاة التروايح مثلاً

دمتم_بصحة_وعافية

29/04/2021

نقول تانى و تالت

للأهمية......

فيما يخص الكورتيزون او ال ديكساميثازون ..
استخدامه في الحالات البسيطه والمتوسطة التي تخضع للعزل المنزلي او لا تحتاج لأكسجين فهو ضار ويضعف المناعه ويساعد على انتشار العدوي داخل الجسم .....
يستخدم فقط فى الحالات الشديده و الحرجه و التي تحتاج لأكسجين.

29/04/2021

لقاح كرونا .....

◾س: أنا كنت مصاب بالفيروس.. إمتى أقدر آخد التطعيم ؟!
◾ج: تاني يوم بعد التعافي.
(بعض) الدول بتأخر المصابين تلات شهور لأسباب لوجستية فقط عشان توفر اللقاح لغيرهم بإعتبار إن احتمالية تكرار الإصابة منخفضة في أول تلات شهور.

◾س: طيب لو خدته وأنا مصاب ومكنتش أعرف؟
◾ج: مش هيضرك لكن مش هيفيدك في علاج المرض.. لأنه بياخد أسابيع عشان يبني مناعة في جسمك تقدر تقاوم الفيروس وتمنعه من دخول الخلايا.

◾س: أعمل مسحة قبل اللقاح؟
◾ج: لأ.

◾س: هبقى معدي للناس لو خدت اللقاح؟
◾ج: لأ.

◾س: اللقاح هيخلي المسحة بتاعتي إيجابية؟
◾ج: لأ.
مسحة إيجابي = إصابة بالفيروس.

◾س: اللقاح آمن في الحمل؟
◾ج: مفيش غير دراسات محدودة اتعملت ع الحوامل.. اللقاح آمن نظرياً لكن حالياً لا ينصح باللقاحات في الحوامل.

◾س: خدت اللقاح وعاوزة أحمل؟
◾ج: منظمة الصحة بتقول مفيش ضرورة لتأجيل الحمل بعد اللقاح.. يعني بعد الجرعة التانية ممكن تحملي.

◾س: اللقاح آمن في الرضاعة؟
◾ج: مفيش غير دراسات محدودة اتعملت على المرضعات.

◾س: بعد ما خدت اللقاح أوقف الرضاعة الطبيعية؟
◾ج: لأ.. كملي الرضاعة عادي.. ودي توصيات الهيئات العلمية.

◾س: آخد لقاح إيه الصيني ولا استرا ولا... ؟
◾ج: أحسن لقاح في العالم بالنسبة لك هو أول لقاح تقدر تاخده أياً كان نوعه.

◾س: بس أنا متاح قدامي الاختيار ومحتار؟
◾ج: مع إن ده مبيحصلش.. بس ترتيب اللقاحات الحالية في رأيي - الشخصي - : فايزر - موديرنا - جونسون - أوكسفورد / أسترازينكا - الروسي - الصيني.. في المستقبل ممكن الترتيب يتغير أو تدخل فيه لقاحات جديدة.

◾س: الأخبار الأخيرة عن الجلطات ممكن تغير حاجة؟
◾هي نادرة الحدوث لكن على أساسها ممكن السيدات تحت ٣٠ سنة يحاولوا ياخدوا فايزر أو موديرنا.

◾س: عندي مرض مناعي - عندي السكر - عندي الضغط - باخد علاج كيماوي - عندي مشكلة في الدم - عندي حساسية صدر.. ينفع آخد اللقاح؟
◾ج: مفيش أي مشكلة طبية تمنع من أخد اللقاح غير إن يحصلك حساسية شديدة من أحد جرعاته.. كل اللقاحات زي بعض في كل الأمراض مفيش فرق بينها.. مفيش لقاح معين أحسن من غيره للمرضى اللي عندهم مشكلة طبية معينة.
المشكله بس لو عندك حساسيه من الادويه.

◾س: بس أنا خايف من اللقاح وآثاره الجانبية؟
◾ج: اللقاحات اتاخدت لملايين البشر مع آثار جانبية نادرة لكن ده قرارك الشخصي..
الفيروس موجود واللقاح موجود.. و الغالبية العظمى من الناس هتاخد واحد من الاتنين قبل التاني.

منقول

ربنا يسترها و يعديها على خير ان شاء الله

29/04/2021

درجات خطوره الكورونا :

طبعا التقسيمه مهمه لان كل درجه ليها نظام علاج او بروتوكول معين
مش كله نفس البروتوكول او نفس العلاج.......

مثال فى علاج خطر تديه فى المرحله البسيطه
و علاج ملوش لازمه فى المرحله الحرجه.

مقسمه درجات إلى
بسيطه ...متوسطه....عنيفه او شديده ....حرجه.

*يعني ايه حالة بسيطة؟؟؟
اعراض زى الحراره كحه رشح اسهال
لا يوجد التهاب رئوي و لا أنخفاض في الاكسجين

*يعني ايه حالة متوسطة؟؟؟
يوجد التهاب رئوي بدون أنخفاض في الاكسجين

*يعني ايه حالة عنيفة؟؟؟
يوجد التهاب رئوي مع انخفاض في الاكسجين و لكن يتحسن مع توصيل المريض بمصدر للاكسجين

*يعني ايه حالة حرجة؟؟؟
يوجد التهاب رئوي مع انخفاض الأكسجين و لا يتحسن مع توصيل المريض بمصدر للاكسجين.

29/04/2021

كورونا بين الوقايه💪 و العلاج🤔

اعمل ايه عشان ما يجليش كورونا ؟

-الوقايه إللى هى اهم من مليون علاج :
الماسك....
التباعد....
غسل و تعقيم الايدى.....
خلاص كلكم حفظتوا الكلام ده
مش ادويه تقويه المناعه (يعنى بلاش تخزنها الله يكرمك )

طب اعمل ايه لو شكيت فى كورونا ؟

أي مريض بيسخن أو عنده أعراض برد يعتبر نفسه عنده كورونا ويعزل نفسه ......

الاشعه العاديه على الصدر ممكن تكون مهمه لو الأعراض مش واضحه او بتابع بيها المريض فى تحسن او فى تدهور.....

التحاليل المتداولة إللى الناس بتعملها
أهميتها فقط فى المتابعه و تحديد خطه العلاج و ليس التشخيص .......

اهم حاجه هى الأعراض......

لو عندك اعراض اعزل نفسك......

الأشعة والتحاليل الكويسة لا تنفي الإصابة........

المسحه السلبيه لا تنفى الاصابه ....

-----------------------------------------------
طب العلاج يا دكتور🤔 ؟

قولنا الله يكرمك على العلاج ...
احنا بنحب الادويه مووووت🤔

لا طبعا مش هقولك ....

بس هحاول اقولك على الخطوط العريضه و المفيد....

كلها كلها كلها لازم بوصف الطبيب مش اسال مجرب!!!!

* طبعا الفيتامينات ؟ الاجابه لا الكلام كله اتغير و و اتضح أن الفيتامينات ملهاش علاقه محدده بعلاج الكورونا .
ممكن ناخدها بتساعد الجسم فى الوقايه و بناء جهاز المناعه عموما.

* المضاد الحيوى ؟
الاجابه بردوا لا و كل الدراسات اثبتت ان المضاد الحيوى ملوش علاقه لان ده فيرس مش بكتيريا.

طب المضادات الكتير اللى بنخدها يا دكتور .....ملهاش اى لازمه.

بس لو مش مفيده مش مضره هناخدها احتياطى؟
الاجابه لو ملهاش داعى تبقى مضره لان كده بتعمل مقاومه للبكتريا و معظم ليه اثار جانبيه.

*ممكن ادويه السيوله ؟
الاجابه .....مهمه جدا فى وقت معين (جرعات معينه و مش لكل الناس) توصف بواسطه الطبيب مش اسال مجرب !!

*الكلوروكين و البلاكونيل ؟
الاجابه اتشال من كل بروتوكولات العالم .

-مضادات الفيروسات ؟
فى الحالات البسيطه و المتوسطه و فى بدايه المرض.
و الدراسات اثبتت انها ممكن تقلل الأعراض و لكن لا تقلل نسبه الوفاه

* اكتيمرا
عشان إللى بيسال عنه
فقط فى حالات معينه جدااا .....الحالات العنيفه و الحرجه و هذا المريض بيكون غالبا فى العنايه المركزه .

*طب و بالنسبه لميسى الادويه ....ساحر الكره المصريه (قصدى السوق المصرى)
الكورتيزوووووون و و المعروف للمثقفين و المرضى متصفحى جوجل بالديكسا ؟؟؟

الاجابه ...
مضر جدا فى الإحالات البسيطه و المتوسطه .
مهم جدا و بيقلل الأعراض و يقلل نسبه الوفاه فى الحالات الشديد و الحرجه.
يوصف و يتابع مع الطبيب المعالج.

‐----------------------------------------------
و المتابعه يا دكتور ؟

-طبعا الأعراض....
-نسبه الاكسحين فى الدم....
-بعض التحاليل فقط لاضافه بعض العلاجات .....

-----------------------------------------------

طب انا جالى كرونا و خفيت😉 كده انا شبح صح ؟؟ طبعا شبح 🤗
بص يا شبح ...
اولا احمد ربنا
ثانيا طبعا انت ممكن تتعدى تانى لان ببساطه الجسم مش بيكون مناعه مدى الحياه......مش حصبه هى !!
بقول كده عشان ان شاء الله لما تخف ترجع تانى مع اخواتك لمرحله الوقايه إللى هى اهم من مليون علاج....
-----------------------------------------------

و المصل؟؟

ده لمن استطاع اليه سبيلا...
طبعا إللى يعرف يطعم ما يتاخرش.
و اى نوع ..

🌹🌹🌹🌹🌹🌹🌹🌹🌹

ماكان من توفيق فمن الله و ماكان من خطاء او نسيان فمنى و من الشيطان.....

اسال الله العظيم رب العرش الكريم ان يشفي جميع المرضى شفاء لا يغادر سقما ....

لو استفدت حاجه ادعيلي معاك .....